Bunratty: Gunnar gerði jafntefli við Gawain Jones (2562)

Gunnar Björnsson gerði jafntefli við enska stórmeistarann og landsliðsmanninn Gawain C. B. Jones (2562) í annarri umferð Bunratty skákmótsins á Írlandi. Jones, sem er tvítugur, er einn af fastagestunum á Bunratty og var á öðru borði í enska landsliðinu á landsliðskeppni Evrópu 2007.

Af ferðafélögum Gunnars er það að frétta að Jón Viktor Gunnarsson og Ingvar Þór Jóhannesson unnu í annarri umferð, Björn Þorfinnsson gerði jafntefli, en Einar Kristinn Einarsson tapaði sinni skák.

Eftir fyrstu tvær umferðirnar eru þeir Gunnar, Jón Viktor, Ingvar og Björn með 1½ vinning, en Einar er með 1 vinning.

Í dag verða tefldar þrjár umferðir og tvær á morgun, sunnudag. Peter Svidler (2763) er stigahæsti þátttakandinn á mótinu. Bunratty mótið hefur verið fastur liður í mótadagskránni hjá mörgum meistaranum eins og t.d. Joel Benjamin sem varð efstur á mótinu í fyrra.

•  Bunratty skákhátíðin

Athugasemdir

[Snorri Bergz, 23.2.2008 kl. 17:28]

Sko Gunzó! Glæsilegt. Hafa ber í huga að Gunzó tefldi nú nýlega á 2832 eló stiga styrkleika og því ætti þetta ekki að koma á óvart.