Aronion og Carlsen efstir - Topalov vann Kramnik

Armeninn Aronian (2739) og Norðmaðurinn Magnus Carlsen (2733) eru efstir með 5½ vinning á  Corus-mótinu að lokinni níundu umferð, sem fram fór í dag.  Carlsen tapaði sinni fyrstu skák er hann laut í grasi fyrir Ungverjanum Peter Leko (2753).  Í uppgjöri heimsmeistaranna fyrrverandi sigraði Topalov (2780) Kramnik (2799) í hörkuskák.  Athygli vakti að þeir tókust ekki í hendur eins og sjá má í neðangreindu myndbandi.

Úrslit 9. umferðar:

M. Adams - L. van Wely	1-0
L. Aronian - P. Eljanov	½-½
V. Ivanchuk - S. Mamedyarov	½-½
J. Polgar - T. Radjabov	½-½
V. Topalov - V. Kramnik	1-0
B. Gelfand - V. Anand	½-½
P. Leko - M. Carlsen	1-0

Staðan:

1.	L. Aronian M. Carlsen	5½
3.	V. Kramnik T. Radjabov M. Adams V. Anand	5
7.	S. Mamedyarov V. Ivanchuk V. Topalov P. Leko	4½
11.	J. Polgar L. van Wely	4
13.	P. Eljanov B. Gelfand	3

Í b-flokki er Slóvakinn Sergei Movsesian (2677) efstur með 6,5 vinninga en Frakkinn Bacrot (2700) er annar með 6 vinninga.  Þriðji er Short (2645) með 5,5 vinning.

Í c-flokki er Ítalinn ungi Fabiano Caruana (2598) efstur með 6 vinninga. 

Í heiðursflokki eru Korchnoi (2605) og Timman (2561) efstir með 2 vinninga að loknum þremur umferðum. 

Tíunda umferð fer fram á morgun og þá mætast m.a.: van Wely-Carlsen, Adams-Aronian, Anand-Leko og Radjabov-Topalov.

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)