EM landsliða: Portúgal á morgun

Ísland mætir Portúgal í fjórðu umferð Evrópumóts landsliða sem fram fer á morgun. Sveit Portúgala er með meðalstigin 2433 skákstig á móti 2527 meðalstigum íslenska liðsins. Portúgalar eru þó sýnd veiði en ekki gefin en þeir unnu Finna, nokkuð óvænt, í annarri umferð 3-1 og töpuðu naumlega fyrir Króötum í fyrstu umferð. Portúgalar hafa ekki tekið þátt í EM síðan 2001.

Sveit Portúgala

Ísland er nú í 31. sæti 40 liða með 2 stig og 7 vinninga. Þrátt fyrir það er Ísland í öðru sæti "Norðurlandakeppninnar" á eftir Norðmönnum sem unnu Færeyinga 3-1. í dag. Í öðrum "Derby-slag" í dag unnu Finnar Dani 2½:1½. 

Staðan í Norðurlandakeppninni (sæti í sviga)

1. (21) Noregur 3 stig 
2. (31) Ísland 2 stig
3. (33) Finnland 2 stig
4. (35) Færeyjar 1 stig
5. (38) Danmörk 0 stig

Svíar taka ekki þátt.

Rússar eru efstir með fullt hús stiga einir liða í opnum flokki. Fjögur lönd hafa fullt hús stiga í kvennaflokki.

 

• Heimasíða mótsins
• Chess-Results
• Beinar útsendingar (Chess24)