Bragi og Þór efstir á minningarmóti um Birgi Sigurðsson

Æsir í Ásgarði tefldu í minningu Birgis Sigurðssonar síðasta þriðjudag. Birgir var formaður skákfélagsins fyrstu 13 ár þessara aldar. Þrjátíu og einn skákvíkingur tóku þátt í mótinu, margir mjög sterkir skákmenn.

Það var hart barist um efstu sætin og má segja að sjö hafi barist um efstu sætin alveg fram að seinustu umferð. Úrslitin urðu þau að Bragi Halldórsson og Þór Valtýsson skildu jafnir með átta vinninga af tíu í fyrsta til öðru sæti en Bragi var örlítið hærri á stigum og fékk gullið.

Það var líka hart barist um bronsið, þar áttust við Sæbjörn Larsen og Kristján Stefánsson báðir með 7 vinninga. Síðan komu þrír jafnir í fimmta til sjöunda sæti, þeir Björgvin Víglundsson, Össur Kristinsson og Gunnar Örn Haraldsson allir með sex og hálfan vinning.

Björgvin hefur nú oftast verið efstur á mótum hjá okkur þegar hann tekur þátt en varð að sætta sig við fimmta sæti núna, það sýnir hvað þetta mót var vel mannað.

Nánari úrslit.

1-2              Bragi Halldórsson                   8 vinninga   49.0

                   Þór Valtísson                 8                 48.5

3-4              Sæbjörn Larsen              7                 46.0

                   Kristján Stefánsson       7                 44.5

5-7              Björgvin Víglundsson    6.5    

                   Össur Kristinsson                   6.5

                   Gunnar Örn Haraldsson          6.5

8-11            Guðfinnur R Kjartansson        6

                   Gísli Gunnlaugsson       6

                   Kristinn Bjarnason                  6

                   Jóhann Larsen               6

12               Erlingur Hansson           5.5

13-21          Friðgeir K Hólm            5

                   Páll G Jónsson               5

                   Ásgeir Sigurðsson                   5

                   Þorsteinn Þorsteinsson  5

                   Valdimar Ásmundsson  5

                   Sigurður Þórðarson       5

                   Magnús V Pétursson     5

Gísli Árnason                5

Jón Víglundsson            5

Næstu tíu skákmenn voru með örlítið færri vinninga að þessu sinni.