Björgvin og Jóhann efstir í áskorendaflokki

Björgvin Víglundsson (2164) og Jóhann Ingvason (2171) eru efstir með fullt hús að lokinni þriðju umferð áskorendaflokks Íslandsmótsins sem fram fór í dag. Athyglisvert í ljósi þess að þeir eru aðeins nr. 8 og 9 í stigaröð keppenda. Björgvin vann Þorvarð F. Ólafsson (2195) en Jóhann lagði Jón Trausta Harðarson (2058) að velli. Oliver Aron Jóhannesson (2177) er þriðji með 2,5 vinning. Níu skákmenn hafa 2 vinninga.

Stöðu mótsins má finna hér.

Sem fyrr er nokkuð um óvænt úrslit. Gauti Páll Jónsson (1996) mátti teljast ljónheppinn að halda jafntefli gegn Alexander Oliver Mai (1558).

Úrslit 3. umferðar má finna hér.

Fjórða umferð fer fram á morgun. Þá mætast Jóhann og Oliver Aron á fyrsta borði og verður sú skák sýnd beint. Meðal annarra viðureigna má nefna Davíð Kjartansson - Torfi Leósson (2175), Dagur Ragnarsson (2243) - Jón Trausti og Lenka Ptácníková (2192) - Vignir Vatnar Stefánsson (2228). Björgvin tekur sér yfirsetu á morgun og fær fyrir hana hálfan vinning.

Pörun 4. umferðar, sem hefst kl. 14 á morgun, má finna hér.

Áhorfendur eru velkomnir í Stúkuna. Þar eru mjög góðar aðstæðar fyrir skákáhugamenn. Meðal annars hefur Birnukaffi flutt sig tímabundið um set og hægt að kaupa ljúffengur vöfflur í Stúkunni.

Skák Jóhanns og Olivers verður að finna hér (tengill virkur rétt fyrir skák)