Æsir byrja að tefla á þriðjudag eftir sumarfrí

Æsir byrja að tefla aftur eftir sumarfrí á næsta þriðjudag í Stangarhyl 4. Sumir eldri skákmenn hafa sennilega tekið sér frí frá skákiðkun þessa þrjá mánuði síðustu. Margir hafa samt verið duglegir að mæta hjá Riddurunum í Hafnarfjarðarkirkju á miðvikudögum og eru þess vegna í fantaformi.

Hinir þurfa að fara að liðka skákfingurna og rifja upp einhverjar nothæfar byrjanir. Allir skákmenn 60 +  og skákkonur 50+ alltaf velkomin.

Við byrjum að tefla kl. 13.00 og teflum 10 mínútna skákir 9-10 umferðir eftir því hvernig liggur á okkur.