Íslensku ólympíuliðin valin

Liðsstjórar beggja ólympíuliða Íslands hafa tilkynnt liðsval sitt til stjórnar SÍ og landsliðsnefndar. Liðið velja þeir í samræmi við 15. gr. skáklaga SÍ.

Í Ólympíulið Íslands á Ólympíuskákmótinu í Tromsö 1.-15. ágúst nk. hafa verið valdir eftirtaldir:

Opinn flokkur:

1. GM Hannes Hlífar Stefánsson (2540)
2. GM Hjörvar Steinn Grétarsson (2545)
3. IM Guðmundur Kjartansson (2434)
4. GM Þröstur Þórhallsson (2425)
5. GM Helgi Ólafsson (2555)

Liðsstjóri og landsliðsþjálfari er Jon L. Árnason

Guðmundur er í fyrsta sinn valinn í ólympíulið og Helgi teflir í fyrsta skipti í liðinu í síðan í Tornínó 2006.

Kvennaflokkur:

1. WGM Lenka Ptácníková (2264)
2. Hallgerður Helga Þorsteinsdóttir (1982)
3. Tinna Kristín Finnbogadóttir (1930)
4. Jóhanna Björg Jóhannsdóttir (1856)
5. Elsa María Kristínardóttir (1830)

Sama lið og á tveimur síðustu ólympíuskákmótum.

Liðsstjóri og landliðsþjálfari er Ingvar Þór Jóhanesson. Hann tók við stöðunni fyrir skemmstu þegar Davíð Ólafsson þurfti að gefa hana frá sér vegna anna í vinnu.

Athugasemdir

[Torfi Stefánsson (IP-tala skráð) 2.6.2014 kl. 06:23]

Þetta þarf nú aðeins betri útskýringar. Af hverju eru þeir Héðinn og/eða Henrik ekki í liðinu?

[Gummi Daða (IP-tala skráð) 2.6.2014 kl. 12:06]

Gummi K er í liðinu sem Íslandsmeistari og hægt að rökstyðja H-in 3 vegna ELO stiga. Það er því í raun bara Þröstur sem er valinn umfram aðra stigahærri skákmenn. Liðsstjórinn hefur það vald en ég er sammála því að það er eðlilegt að alltaf fylgi einhver rökstuðningur vali á liði, á að sjálfsögðu við bæði lið.

[Torfi Stefánsson (IP-tala skráð) 3.6.2014 kl. 06:59]

Já, einvaldurinn hefur þetta vald en það hlýtur amk að teljast hæpið að ganga fram hjá Héðni og velja Þörst Þórhalls í staðinn. Það munar ekki aðeins 100 elóstigum á þeim, heldur varð Héðinn meira að segja fyrir ofan Þröst á Íslandsmótinu (2. sæti meðan Þröstur varð í því 4.).

Ef Héðinn hefur ekki gefið kost á sér, sem ég efast um að hann hafi ekki gert, þá kemur Henrik næstur á eftir honum en ekki Þröstur. Hann er ekki aðeins tæpum 50 stigum hærri en Þröstur heldur urðu þeir auk þess jafnir á Íslandsmótinu.

Þetta val virðist í fljótu bragði einkennast af geðþótta og klíkuskap, svo það hlýtur að teljast eðlilegt og sjálfsagt að fá að heyra rökstuðninginn fyrir þessu vali (eða yfirklórið).

Landsliðið er greinilega veikara en það þyrfti að vera.