EM einstaklinga á Íslandi 2013 - sameinað Reykjavíkurskákmótinu

EM einstaklinga 2013 verður á Íslandi.   Þetta var ákveðið á fundi stjórnar Skákambands Evrópu í gær en Pólverjar sem áttu að halda mótið báðust undan því að halda mótið þar sem þeir væru með EM landsliða á sinni könnu og þetta tvennt væri að sliga þá.

Silvio Danaliov, forseti ECU, og Sava Stoisavljevic, framkvæmdastjóri ECU, óskuðu eftir fundi með undirrituðum á frídaginn um málið og vildu athuga möguleika þess að mótið yrði haldið í Reykjavík en góð framkvæmd og fréttaflutningur frá N1 Reykjavíkurmótsins vakti athygli þeirra á Reykjavík sem mögulegum mótsstað.  Mér var gefin skammur tími og sagt að þetta mál þyrfti að klára fyrir mótslok, annars myndi mótið vera haldið aftur í Búlgaríu í ljósi þess að skammur tími er til stefnu.  

Eftir allmörg símtöl og tölvupósta taldi ég þá viðbótarfjármögnun brúaða til að hægt væri að halda mótið.  Mótið verður jafnframt Reykjavíkurskákmót og fékkst undanþága fyrir því að skákmenn utan Evrópu fengju að taka þátt.  Mótið verður haldið 5.-16. mars.  

Nánari frétt um málið verður birt á næstum dögum.  

Gunnar Björnsson

Athugasemdir

[Erlingur Þorsteinsson (IP-tala skráð) 1.4.2012 kl. 10:13]

Góð hugmynd Gunnar. Það þarf samt að læra af reynslunni. Frábær aðstaða í Hörpu, en það verða þá væntanlega hvíldardagar. Einnig þyrfti að aðgreina skýringar alveg t.d. með tjaldi og reyna að koma í veg fyrir hávaða.

með góðri kveðju,

E