Skákakademía Reykjavíkur hafði sigur í Skákkeppni vinnustaða

Sveit Skákakademíu Reykjavíkur, með þá Hjörvar Stein Grétarsson, Róbert Lagerman og Björn Ívar Karlsson innanborðs,  sigraði nokkuð örugglega í Skákkeppni vinnustaða sem haldin var í Taflfélagi Reykjavíkur í gær.

Í  öðru sæti varð sveit Actavis (Davíð Ólafsson, Sigurður Daði Sigurðsson, Sigurður Einarsson) en sveit Tölvunarfræðideildar HR (Hrafn Loftsson, Stefán Freyr Guðmundsson, Yngvi Björnsson) í því þriðja.  

Á milli umferða gæddu keppendur sér á veitingum, þar á meðal rjómabollum, í umsjá Birnu og í boði félagsins. Skákstjóri var Ólafur Ásgrímsson en naut dyggrar aðstoðar Páls Sigurðssonar. Tilraun Taflfélags Reykjavíkur til að koma á keppni á milli vinnustaða í skák fór rólega af stað, ef horft er til þátttöku en þar settu utanferðir og flensa dálítið strik í reikninginn. En mjór er mikils vísir; keppnin var skemmtileg og verður örugglega endurtekin að ári.

Lokastaðan: 

• 1   Skákakademía Reykjavíkur              14    
•  2  Actavis                                                    8,5       
• 3  Tölvunarfræðideild HR                      6,5     
• 4-5  Laufásborg                                      6     
•       Verzlunarskóli Íslands                     6     
• 6   Menntaskólinn í Kópavogi              4

Myndir væntanlegar.