Mikael, Dagur, Jón Kristinn og Nansý unnu - Dagur efstur í sínum flokki

Mikael Jóhann Karlsson, Dagur Ragnarsson, Jón Kristinn Þorgeirsson og Nansý Davíðsdóttir unnu öll í 2. umferð NM í skólaskák sem var að klárast í Espoo í Finnlandi.   Nökkvi Sverrisson og Vignir Vatnar Stefánsson gerðu jafntefli en aðrar skákir töpuðust.   50% vinningshlutfall.  Dagur er efstur í sínum flokki með fullt hús.  Jón Kristinn og Vignir Vatnar hafa 1,5 vinning.  Jón Kristinn er í skiptu öðru sæti en Vignir í skiptu þriðja sæti.   

Dagur vann virkilega góðan sigur eftir að hafa haft mjög erfitt tafl.  Vignir Vatnar hélt jafntefli með mikilli baráttu eftir að hafa fengið upp erfiða stöðu.  Mikael og Nansý unnu auðvelda sigra.  Jón Kristinn vann Kristófer Jóel í fyrstu innbyrðisviðureign Íslendinga á mótinu.   

Þriðja umferð fer fram í fyrramálið og hefst kl. 8.   Útsendinguna má nálgast hér.

Staðan eftir 2. umferð

 

A-flokkur (1992-94):

• 7.-12. Hallgerður Helga Þorsteinsdóttir (1969) og Nökkvi Sverrisson (1930) 0,5 v.

B-flokkur (1995-96):

• 4.-8. Mikael Jóhann Karlsson (1867) 1 v.
• 9.-10. Birkir Karl Sigurðsson (1694) 0,5 v.

C-flokkur (1997-98):

• 1. Dagur Ragnarsson (1826) 2 v.
• 10.-12. Oliver Aron Jóhannesson (1699) 0 v.

D-flokkur:

• 2.-5. Jón Kristinn Þorgeirsson (1712) 1,5
• 9.-10. Kristófer Jóel Jóhannesson (1496) 0,5 v.

E-flokkur:

• 3.-4. Vignir Vatnar Stefánsson (1461) 2 v.
• 5.-7. Nansý Davíðsdóttir (1301) 0 v.

Fararstjórar eru Stefán Bergsson og Gunnar Björnsson.

• Heimasíða mótsins
• Chess-Results
• Myndaalbúm (GB)