Vinir hittast í Vin: Skákmót í dag

Skákakademía Reykjavíkur og Skákfélagið í Vin blása til stórmóts við Hverfisgötu 47, mánudaginn 19. september klukkan 13.
 
Vinir og velunnarar Vinjar eru hvattir til að mæta á skemmtilegt mót og sýna þannig samstöðu með hinu mikilvæga starfi sem þar er unnið.
 
Stjórn Rauða krossins, sem hefur rekið Vin í 19 ár, hefur ákveðið að hætta rekstrinum í mars á næsta ári, takist ekki samningar um að fleiri aðilar komi að starfinu. Bjartsýni ríkir um að Vin verði bjargað. Um 100 einstaklingar sækja Vin að staðaldri og um 400 einstaklingar koma yfir árið.
 
Skáklífið í Vin hefur blómstrað síðan 2003 og þar er nú haldið úti einu öflugusta og líflegasta skákfélagi landsins. Þar hafa margir byrjað að njóta sín, sem áður voru í  fjötrum félagslegrar eingrunar.
 
Meðal þeirra sem boðað hafa komu sína á morgun eru Björn Þorfinnsson, Róbert Lagerman, Björn Ívar Karlsson og Stefán Bergsson. Þá mun Gunnar Björnsson, forseti Skáksambandsins, leika fyrsta leikinn.
 
Allir eru velkomnir og þátttökugjöld engin. Skákmenn eru hvattir til að fjölmenna og taka með sér gesti.
 
Sögur útgáfa, sem skákmaðurinn Tómas Hermannsson rekur, gefur veglega vinninga.°

Myndir af Vinum í Vin (HJ)