Opið hús hjá SA í kvöld: Skákfélagið gegn Westerinen

Dagskrá Skákfélags Akureyrar með hin vikulegu opnu hús hefst í kvöld. Taflsveltir félagar geta þá tekið skák, en einnig býðst gestum opna hússins að fara yfir tvær skákir á Norðurlandamóti öldunga sem nú stendur yfir í Reykjavík. Félagar Sigurður Eiríksson og Ólafur Kristjánsson áttu báðir unnið tafl gegn ríkjandi Norðurlandameistara, finnska stórmeistaranum Heikki Westerinen, en misstu niður í jafntefli. Áskell Örn hefur skoðað skákirnar nánar með aðstoð Rybku og kann frá ýmsu að segja um það hvernig okkar menn misstu báðir sama stórlaxinn!