Hellismenn lögðu Goðamenn í hörkuviðureign

Hraðskákmeistararnir í Taflfélaginu Helli unnu Skákfélagið Goðann í hörkuviðureign í síðsutu viðureign átta liða úrslita sem fram fór í gær.  Teflt var heimastöðvum Goðans, á stór-Reykjarvíkursvæðinu, heimili Jóns Þorvaldssonar og óhætt er að segja að sjalfan hafi jafn vel verið tekið betur á móti gestum í þessari keppni.  Keppnin var jöfn frá upphafi og eftir 4 umferðir var hnífjangt.  Hellismenn unnu svo 4,5-1,5 í fimmtu en Goðmenn svöruðu fyrir með 5-1 sigri í sjöttu umferð og leiddu því í hálfleik, 18,5-17,5.  Í síðari hlutanum hrukku hins vegar Hellismenn í gang og unnu 5 af 6 umferðum, samtals 22,5-13,5 og samtals því 40-32. 

Hjörvar fór mjög mikinn fyrir Helli og hlaut 11 vinninga í 12 skákum.  Skor Goðamanna var hins vegar mun jafnara en þar fékk Sigurður Daði Sigfússon flesta vinninga eða 6,5 vinning.

Árangur einstakra liðsmanna:

Goðinn (allir tefldu 12 skákir):

• Sigurður Daði Sigfússon 6,5 v.
• Einar Hjalti Jensson 6 v.
• Ásgeir Ásbjörnsson 5,5 v.
• Tómas Björnsson 5,5 v.
• Þröstur Árnason 5 v.
• Hlíðar Þór Hreinsson 3,5 v.

Hellir

• Hjörvar Steinn Grétarsson 11 v. af 12
• Björn Þorfinnsson 8,5 v. af 12
• Davíð Ólafsson 7,5 v. af 12
• Rúnar Berg 5 v. af 8
• Sigurbjörn Björnsson 5 v. af 11
• Gunnar Björnsson 2 v. af 9
• Helgi Brynjarsson 1 v. af 7
• Vigfús Ó. Vigfússon 0 v. af 0

Að lokinni umferð dró gestgjafinn, Jón Þorvaldsson, um hverjir mætast í undanúslitum.  Þá mætast:

• Taflfélag Bolungarvíkur - Taflfélag Reykjavíkur
• Víkingaklúbburinn - Taflfélagið Hellir

Stefnt er því að klára undanúrslitin eigi síðar en 5. september en það gæti frestast eitthvað vegna Meistaramóts Hellis sem stendur til 7. september.

Myndir frá viðureigninni eru frá Vigfús Ó. Vigfússyni.

• Heimasíða Hellis
• Myndaalbúm mótsins