Skákþáttur Morgunblaðsins: Skemmtilegt Reykjavíkurskákmót

Á nýafstöðnu Reykjavíkurskákmóti var ekki einungis keppt um sigur í hinum ýmsu flokkum, heldur einnig Norðurlandameistaratitil karla og kvenna. Á Politiken cup hefur stundum verið keppt um þessa titla samhliða og Reykjavíkurskákmótið fékk þennan sess eftir sérstaka umsókn SÍ til norræna skáksambandsins.

Þótt Hannesi Hlífari Stefánssyni hafi ekki tekist að landa sigri að þessu sinni eins og hann gerði þrjú ár í röð, 2008-2010, var hann aðeins ½ vinningi frá efsta sæti - og einum af sex sigurvegurum, Norðmanninum Jon Ludwig Hammer sem hampar verðskuldað Norðurlandameistaratitli karla. Hannes dregur vagninn fyrir kollega sína þessi árin en einn þeirra, Héðinn Steingrímsson, hætti við þátttöku fyrirvaralaust.

Um frammistöðu annarra keppenda er vert að benda á frammistöðu Guðmundar Gíslasonar sem náði áfanga að alþjóðlegum meistaratitli, hlaut sex vinninga. Bragi Þorfinnsson stóð sig einnig vel og hlaut sex vinninga.

Mestu stigahækkanir meðal íslensku skákmannanna voru hjá Oliver Aron Jóhannessyni (81 stig), Degi Ragnarssyni (49 stig), Nökkva Sverrissyni (39 stig), Erni Leó Jóhannessyni (35 stig) og Hrund Hauksdóttur (32 stig).

Í keppni um Norðurlandameistaratitil kvenna áttu þær Hallgerður Helga Þorsteinsdóttir og Lenka Ptacnikova raunhæfa möguleika á titlinum fyrir síðustu umferð. Eins og mál þróuðust hefði einn vinningur dugað til íslensks sigurs í þessum keppnisflokki. Allmargar voru um hituna en allar þær sem voru með 4½ vinning fyrir lokaumferðina töpuðu. Sænska stúlkan Christin Andersson vann sína skák og hlaut fimm vinninga og er Norðurlandameistari kvenna.

Í næstsíðustu umferð lagði Hallgerður Hollendinginn Spaan að velli í vel tefldri skák.

8. umferð:

Nathanael Spaan - Hallgerður Helga Þorsteinsdóttir

Caro-Kann-vörn

1. e4 c6 2. d4 d5 3. e5 Bf5 4. Rc3 e6 5. g4 Bg6 6. Rge2 c5 7. Be3 Rc6 8. dxc5 h5!

Það er mikilvægt að brjóta upp peðasókn hvíts á kóngsvæng.

9. Rd4 Dc7 10. f4 hxg4 11. Dd2 Rh6 12. 0-0-0 a6 13. Ra4 Rxd4 14. Bxd4 Rf5 15. Bg2

Hvítur á þegar í nokkrum vandræðum. Til greina kemur að leika 15. Rb6 t.d. Rxd4 16. Dxd4 Be4! - „Rybka" 17. Rxa8 Dxc5 og svartur hefur tögl og hagldir.

15.... Rxd4 16. Dxd4

16.... b5!

Öflugur leikur sem byggist á hugmyndinni 17. cxb6 Dxc2 mát. Og 17. Rb6 er svarað með 17.... Hb8 sem hótar 18.... Bxc5 eða 18.... Hxb6.

17. Bxd5 exd5 18. Rb6 Hd8

Enn sterkara var 18.... Bxc5 19. Rxa8 Dxc8 20. Dxd5 Be3+ 21. Kb1 bxc2+ 22. Ka1 Bxd1 23. Hxd1 Hxh2 og vinnur.

19. Rxd5 Dc8

Ekki 19.... Dxc5 20. Rf6+! og hvítur vinnur. En nú er best að leika 20. b4 og staða hvíts þó erfið sé er ekki alveg vonlaus.

20. c6? Dxc6! 21. Rf6 Dxf6 22. exf6 Hxd4 23. Hxd4 gxf6 24. He1 Be7 25. He2 Bf5

Hrókar hvíts mega sín lítils gegn biskupum svarts.

26. a4 Be6 27. axb5 axb5 28. f5 Bxf5 29. Hd5 Bd7 30. Hc5 Hxh2 31. He3 g3

- og hvítur gafst upp.

Mótshaldarinn, Skáksamband Íslands, kom vel frá 26. Reykjavíkurskákmótinu og er tvímælalaust meðal sigurvegara þess. Skipulagning var góð í hvívetna og margir skemmtilegir hliðarviðburðir settu skemmtilegan svip á þessa skákhátíð. Keppendur voru yfir 160 talsins, þar af um 100 erlendir þátttakendur.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 20. mars 2011.

Skákþættir Morgunblaðsins

[Event "MP Reykjavik Open 2011"] [Site "Reykjavik City Hall"] [Date "2011.03.15"] [Round "8.46"] [White "Spaan, Nathanael"] [Black "Thorsteinsdottir, Hallgerdur"] [Result "0-1"] [ECO "B12"] [WhiteElo "2228"] [BlackElo "2011"] [PlyCount "62"] [EventDate "2011.03.09"] 1. e4 c6 2. d4 d5 3. e5 Bf5 4. Nc3 e6 5. g4 Bg6 6. Nge2 c5 7. Be3 Nc6 8. dxc5 h5 9. Nd4 Qc7 10. f4 hxg4 11. Qd2 Nh6 12. O-O-O a6 13. Na4 Nxd4 14. Bxd4 Nf5 15. Bg2 Nxd4 16. Qxd4 b5 17. Bxd5 exd5 18. Nb6 Rd8 19. Nxd5 Qc8 20. c6 Qxc6 21. Nf6+ Qxf6 22. exf6 Rxd4 23. Rxd4 gxf6 24. Re1+ Be7 25. Re2 Bf5 26. a4 Be6 27. axb5 axb5 28. f5 Bxf5 29. Rd5 Bd7 30. Rc5 Rxh2 31. Re3 g3 0-1