Hörð barátta í Hverfakeppni

Árleg Hverfakeppni Skákfélags Akureyrar var haldin í fyrradag. Keppnin er liðakeppni og fer þannig fram að bænum er skipt niður eftir hverfum og búseta manna ræður því með hvaða liði þeir keppa.

Að þessu sinni var breytt út af vananum, en í stað þess að skipta bænum í fjögur hverfi (Norðurbrekka, Suðurbrekka, Eyrin - innbær og Glerárhverfi) líkt og tíðkast hefur, voru lið Brekkunnar sameinuð í eitt gegn sameinuðu liði Eyrar - innb. og Glerárhverfis. Teflt var á 10 borðum.

Keppnin  fór þannig fram að fyrst tefldu liðin tvær 15 mínúta skákir og að því loknu tefldu liðin bændaglímu.

Baráttan var hörð í báðum keppnunum og mátti vart á milli sjá hvort liðið hefði betur að lokum. Glerárhverfi/ Eyrin innbær sigraði naumlega í atskákinni með 11 vinningum gegn 9 vinningum Brekkunnar. Brekkan hafði svo betur í hraðskákinni með 51 ½gegn 48½ vinningum Glerárhverfis / Eyrar innb.

Nánar á heimasíðu SA