Carlsen sigurvegari London Chess Classic

Norski undradrengurinn Magnus Carlsen (2802) sigraði á London Chess Classic annað ár í röð en mótinu lauk í dag.  Magnus hlaut  13 stig, tveimur stigum meira en næstu menn McShane (2645) og Anand (2804) en fékk reyndar jafn marga vinninga og þeir, en gerði aðeins eitt jafntefli í 7 skákum á meðan hinir gerðu 5 jafntefli.  Stigakerfið nýttist honum því vel.  Carlsen vann Short (2680) í lokaumferðinni sem átti sennilega eitt sitt allra lélegasta mót á atvinnumannaferlinum, gerði 2 jafntefli og tapaði 5 skákum.  Öðrum skákum lauk með jafntefli. 

 
Lokastaðan:

• 1. Carlsen 13 stig (4½ v.)
• 2.-3. Anand og McShane 11 stig (4½ v.)
• 4.-5. Nakamura og Kramnik 10 stig ( 4 v.)
• 6. Adams 8 stig (3½ v.)
• 7. Howell 4 stig ( 2 v.)
• 8. Short 2 stig (1 v.)

Gefin voru 3 stig fyrir sigur og 1 fyrir jafntefli í aðalmótinu. 

Þátt tóku 8 skákmenn og voru meðalstig keppenda 2725 stig.   Stigahæstur keppenda var Anand (2804) en aðrir þátttakendur voru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611). 

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• FIDE Open (flokkur Þrastar)