Haraldur Axel efstur Ása í gær

Æsir taflfélag eldri borgara í Reykjavík tefldu sinn 29 skákdag vetrarins í gær.Haraldur Axel Sveinbjörnsson var frískastur og fékk 8½ vinning af 9 mögulegum.  Öðru sæti náði Hálfdán Hermannsson með 7½  vinning og í þriðja sæti varð Þorsteinn Guðlaugsson með 7 vinninga. Vetrardagskránni fer senn að ljúka, en teflt verður fram í miðjan maí minnsta kosti.

Næsta laugardag fara tíu skáköldungar af Reykjavíkusvæðinu norður í Vatnsdal til móts við Akureyringa sem eru á svipuðu aldursskeiði. Hóparnir munu hittast í veiðihúsi og tefla í rúman sólarhring með smá hvíldum á milli. Þetta er í þriðja skipti sem hóparnir hittast Húnaþingi en níunda skiptis.  Akureyringar hafa alltaf sigrað í þessum keppnum nema einu sinni þá var jafnt á öllum tölum.  En það eru ekki úrslitin sem skipta máli, heldur skemmtunin og góður félagsskapur.

Heldarúrslit gærdagsins:

• 1          Haraldur Axel Sveinbjörnsso                  8 ½ vinningur
• 2          Hálfdán Hermannsson                           7 ½      -
• 3          Þorsteinn Guðlaugsson                          7          -
• 4          Össur Kristinsson                                 6           -
• 5-7       Eiður Á Gunnarsson                             5           -
•             Kristján Guðmundsson                         5           -
•             Friðrik Sófusson                                  5           -
• 8-9       Jón Víglundsson                                  4 ½       -
•             Halldór Skaftason                                4 ½       -
• 10-13    Ásgeir Sigurðsson                               4           -
•             Birgir Ólafsson                                    4           -
•             Óli Árni Vilhjálmsson                           4           -
•             Finnur Kr Finnsson                              4           -
• 14        Hermann Hjartarson                            3 ½       -
• 15        Sæmundur Kjartansson                       3           -
• 16        Baldur Garðarsson                              2 ½        -
• 17        Jónas Ástráðsson                                2            -
• 18        Viðar arthúrsson                                 1            -  

 

Henrik einn sigurvegara í Lübeck

Henrik Danielsen (2533) gerði jafntefli við rússneska stórmeistarann Vladimir Epishin (2567).  Henrik hlaut 6 vinninga í 9 skákum og varð efstur á mótinu ásamt Epishin og úkraínska alþjóðlega meistaranum Michal Kopylov (2446)

Árangur Henriks samsvaraði 2511 skákstigum og lækkar hann um 2 stig fyrir hana.

10 skákmenn tóku þátt og tefldu þeir allir við alla.   Henrik var einn þriggja stórmeistara sem tók þátt og næststigahæstur keppenda.  Stigahæstur var rússneski stórmeisarinn Vladimir Epishin (2567).

Heimasíða mótsins

 

EM öldungasveita hófst í dag: Íslensk sveit tekur þátt

Íslensk sveit, sem kallar sig Polar Bears Iceland, tekur þátt í EM öldungasveita sem hófst í dag Þessalóníku í Grikklandi.  Þeir töpuðu 3½-½ fyrir sterkri ísraelski sveit.  Arnþór Sævar Einarsson (2227) sem teflir á fyrsta borði gerði jafntefli við alþjóðlega meistarann Nathan Birnboim (2362).

Sterkir skákmenn taka þátt í keppninni, þar á meðal 12 stórmeistarar.  Stigahæstur keppenda er Evgeni Vasjukov (2480).  

Úrslit 1. umferðar:

Bo.	20	Polar Bears Iceland	Rtg	-	3	Israel 1	Rtg	½ :3½
3.1		Einarsson Arnthor	2227	-	IM	Birnboim Nathan	2362	½ - ½
3.2		Gunnarsson Gunnar K	2209	-	IM	Maryasin Boris	2323	0 - 1
3.3		Finnlaugsson Gunnar	2075	-	IM	Lederman Leon	2272	0 - 1
3.4		Kristjansson Sigurdur	1945	-	GM	Kraidman Yair	2260	0 - 1

Íslensku sveitina skipa:

1. Arnþór Sævar Einarsson (2227)
2. Gunnar Gunnarsson (2209)
3. Gunnar Finnlaugsson (2075)
4. Sigurður Kristjánsson (1945)

Sveitin er sú 20. sterkasta af 35.

• Heimasíða mótsins
• Chess-Results

 

Björn tefldi í Bresku deildakeppninni

Það færist í vöxt að íslenskir skákmenn tefli í erlendum deildakeppnum.  Héðinn Steingrímsson teflir í þýsku deildakeppninni, Hannes Hlífar Stefánsson teflir í tékknesku deildakeppninni og Henrik Danielsen teflir í þýsku og dönsku deildakeppnunum.  Um helgina tefldi Björn Þorfinnsson (2419) fyrir klúbbinn Jutes of Kent í 2. deild í bresku deildakeppninni (Four Nations Chess League).  Sá klúbbur sigraði fylgdi í fótspors Héðins og félaga í Hansa Dortmund í Þýskaland, sigraði í 2. deild og vann sig upp í fyrstu deild.  

Björn tefldi á þriðja boði og hlaut 2 vinninga í 3 skákum.  Hann tefldi við 3 skákmenn á stigabilinu 2200-2300 og tapar um 2 stigum fyrir frammistöðu sína.

Eins og sjá má í myndinni sem fylgir þá mega þröngt sáttir sitja.

Heimasíða keppninnar

 

 

 

Davíð sigraði á Hraðkvöldi Hellis

Davíð kjartansson sigraði örugglega á hraðkvöldi Hellis sem fram fór 2. maí. Davíð fékk 8,5v í níu skákum og leyfði aðeins jafntefli í spennandi tímahraksskák við Ólaf Gauta. Annar varð Sæbjörn Guðfinnsson með 7v og þriðji varð Örn Stefánsson með 6,5v.

Lokastaðan á hraðkvöldinu:

1.   Davíð Kjartansson            8,5/9

2.   Sæbjörn Guðfinnsson       7v

3.   Örn Stefánsson                6,5v

4.   Ólafur Gauti Ólafsson       6v

5.   Vigfús Ó. Vigfússon           6v

6.   Dawid Kolka                      5v

7.   Finnur Kr. Finnsson           3v

8.    Pétur Jóhannesson          2v

9.    Björgvin Kristbergsson     1v

10.  Hjálmar Sigurvaldason      1v

Sumarnámskeið Skákakademíunnar

Eins og síðastliðin sumur mun Skákakademía Reykjavíkur standa fyrir skáknámskeiðum fyrir börn og unglinga komandi sumar. Námskeiðin hefjast í byrjun júní og standa út ágúst. Skipt verður í flokka eftir aldri og reynslu. Kennslan mun fara fram í Skákakademíu Reykjavíkur að Tjarnargötu 10 A. Kennarar verða meðal annarra Stefán Bergsson, Róbert Lagerman, Hjörvar Steinn Grétarsson og Guðmundur Kjartansson.

Frekari upplýsingar um námskeiðin er að vænta nú í byrjun maí og opnast þá fyrir skráningar.

Heimasíða Skákakademíu Reykjavíkur

Sumarskákmót Fjölnis verður í Rimaskóla á laugardaginn

Hið árlega sumarskákmót Fjölnis verður haldið í Rimaskóla laugardaginn 7. maí og hefst kl. 11:00.   Öllum grunnskólanemendum stendur til boða að taka þátt í þessu skemmtilega skákmóti.  Tefldar verða sex umferðir og umhugsunartíminn er sjö mínútur.

Eins og á öllum skákmótum skákdeildar Fjölnis þá eru verðlaun veitt í tugatali. Auk eignabikars fyrir þá efstu í öllum flokkum þá verða bíómiðar, pítsugjafabréf og skákbækur í verðlaun. Skráning hefst kl. 10:45 og gengið er inn um íþróttahús Rimaskóla.

Fjölnismenn hvetja áhugasama skákkrakka til að fjölmenna á eitt síðasta skákmót vetrarins.

Henrik tapaði í áttundu umferð í Lübeck

Henrik Danielsen (2533) tapaði fyrir þýska alþjóðlega meistarann Christoph Scheerer (2422) í áttundu og næstsíðustu umferð alþjóðlega mótsins í í Lübeck í Þýskalandi sem fram fór í dag.  Henrik er engu að síður efstur ásamt rússneska stórmeistaranum Vladimir Epishin (2567) og úkraínska alþjóðlega meistaranum Michal Kopylov (2446) með 5½ vinning.  Henrik mætir Epishin á morgun.

10 skákmenn taka þátt og tefla þeir allir við alla.   Henrik er einn þriggja stórmeistara sem tekur þátt og næststigahæstur keppenda.  Stigahæstur er rússneski stórmeisarinn Vladimir Epishin (2567).

Heimasíða mótsins

 

Skákir Júlíusar Bogason - Áskell með fyrirlestur

Fyrsta fimmtudag í hverjum mánuði eru haldnir fræðslufyrirlestrar hjá Skákfélagi Akureyrar. Fyrsta fimmtudag maí mánaðar ber upp á fimmta dag mánaðarins og þá mun Áskell Örn Kárason fjalla um skákir Júlíusar Bogasonar (1912-1976). Júlíus var um áratugaskeið einn virkasti og öflugasti skákmaðurinn hér í bæ og mörgum minnisstæður. Júlíus lét eftir sig mörg hundruð skákir sem hann hafði skráð í skákskriftarbækur á frá því snemma á 4. áratugnum og framyfir 1970. Áskell hefur að undanförnu verið að slá þessar skákir inn í gagnagrunn og ætlar á fimmtudagskvöldið að fræða áheyrendur á því sem vakið hefur athygli hans við þá iðju. Skákunnendur eru hvattir til að mæta í skákheimilið kl. 20, ekki síst þeir sem mættu Júlíusi við taflborðið á sínum tíma og hafa kannski frá einhverju að segja um manninn og skákmeistarann sem svo lengi setti svip sinn á norðlenskt skáklíf. Fyrirlesturinn hefst kl. 20 og er aðgangur ókeypis og öllum heimill meðan húsrúm leyfir.

Á myndinni teflir Júlíus (t.h.) við Bjarna Magnússon.

Emil Unglingameistari Reykjavíkur 2011 - Veronika Steinunn Stúlknameistari Reykjavíkur 2011

Barna-og unglingameistaramót Reykjavíkur sem og Stúlknameistaramót Reykjavíkur fór fram í skákhöll Taflfélags Reykjavíkur í dag, 1. maí. Mótið var opið fyrir börn á grunnskólaaldri.
Þrenn verðlaun voru veitt fyrir þrjú efstu sætin í mótinu, þrenn verðlaun fyrir efstu stúlkur og svo þrenn verðlaun fyrir 12 ára og yngri (fædd 1998 og síðar). Þau sem eru búsett í Reykjavík eða eru félagar í reykvískum taflfélögum tefldu um titilinn Unglingameistari Reykjavíkur 2011 og Stúlknameistari Reykjavíkur 2011.

Þátttakendur voru 40 og fór skákmótið einstaklega vel fram. Greinilegt að hér var um krakka að ræða sem eru vön að taka þátt í skákmótum. Það greindist varla nokkur kliður í skáksal allt mótið, sem þó stóð yfir í fjóra klukkutíma! Þetta var sannkölluð uppskeruhátíð í byrjun maímánaðar (þrátt fyrir snjó úti!) fyrir skákkrakkana sem flestir eru virkir þátttakendur í sínum félögum.

Tefldar voru 7 umferðir með 15 mín. umhugsunartíma á skák. Teflt var í einum flokki og var keppnin var mjög spennandi. Yngri keppendurnir veittu hinum eldri harða mótspyrnu, enda fer skáksigur ekki eftir aldri! Til dæmis vann hinn efnilegi Hilmir Freyr Heimisson góðan sigur á móti hinni fimm árum eldri Hrund Hauksdóttur sem hefur þrátt fyrir ungan aldur mikla keppnisreynslu að baki.

Emil Sigurðarson varði titilinn frá því í fyrra með 6,5 vinning af 7 og er því Unglingameistari Reykjavíkur 2011. Veronika Steinunn Magnúsdóttir varð Stúlknameistari Reykjavíkur 2011 með 5 vinninga. Fyrstu verðlaun í flokki 12 ára og yngri (f. 1998 og síðar) hlaut Oliver Aron Jóhannesson, sem hefur tekið stökk á öllum stigalistum síðustu mánuði! Hann fékk 5,5 vinning og varð jafnframt í 2. sæti í mótinu í heild. Glæsilegur árangur hjá þessum þremur sigurvegurum!

Allir keppendurnir nema fjórir eru skráðir félagar í skákfélögum á höfuðborgarsvæðinu. Flestir keppendur mótsins komu frá Taflfélagi Reykjavíkur eða 19. Frá Fjölni komu 8 keppendur, 3 keppendur frá Helli og 3 frá SFÍ, 2 frá T.G. og 1 frá Haukum.

Fyrstu þrjú sætin í hverjum verðlaunaflokki skipuðu eftirfarandi keppendur:

1. Emil Sigurðarson, SFÍ fékk 6,5 v. af 7 og er Unglingameistari Reykjavíkur 2011.
2. Oliver Aron Jóhannesson, Fjölnir 5,5 v. 24 stig.
3. Birkir Karl Sigurðsson, SFÍ,  5,5 v. 23,5 stig.

Stúlknameistaramót Reykjavíkur:

1. Veronika Steinunn Magnúsdóttir, T.R. fékk 5 v. 19 stig. Stúlknameistari Reykjavíkur 2011.
2. Nansý Davíðsdóttir, Fjölnir 5 v. 16 stig.
3. Hrund Hauksdóttir, Fjölnir 4,5 v.

Í flokki 12 ára og yngri (fædd 1998 og síðar).

1. Oliver Aron Jóhannesson, Fjölnir 5,5 v.
2. Vignir Vatnar Stefánsson, T.R. 5 v. 21,5 stig.
3. Hilmir Freyr Heimisson, T.R. 5 v. 21 stig.   

Heildarúrslit:

1. Emil Sigurðarson, SFÍ, 6.5 v. 
2. Oliver Aron Jóhannesson, Fjölnir, 5.5 24.0
3. Birkir Karl Sigurðsson, SFÍ, 5.5 23.5
4. Vignir Vatnar Stefánsson, T.R., 5 21.5
5. Hilmir Freyr Heimisson, T.R., 5 21.0
6. Veronika Steinunn Magnúsdóttir, T.R., 5 19.0
7. Dawid Kolka, Hellir, 5 18.0
8. Nansý Davíðsdóttir, Fjölnir, 5 16.0
9. Dagur Kjartansson, Hellir, 4.5 23.0
10. Hrund Hauksdóttir, Fjölnir, 4.5 21.5
11. Jóhann Arnar Finnsson, Fjölnir, 4.5 19.0
12. Rafnar Friðriksson, T.R., 4 23.5
13. Símon Þórhallsson, T.R., 4 22.5
14. Gauti Páll Jónsson, T.R., 4 20.0
15. Kristinn Andri Kristinsson, Fjölnir, 4 19.5
16. Andri Már Hannesson, T.R. 4 18.5
17. Eyþór Trausti Jóhannsson, SFÍ, 4 18.5
18. Atli Snær Andrésson, T.R., 4 18.0
19. Þorsteinn Muni Jónsson, T.R., 4 17.5
20. Donika Kolica, T.R., 4 16.0
21. Hilmir Hrafnsson, Fjölnir, 3.5
22. Svandís Rós Ríkharðsdóttir, Fjölnir, 3
23. Arnar Ingi Njarðarson, T.R., 3
24. Leifur Þorsteinsson, T.R., 3
25. Jakob Alexander Petersen, T.R., 3
26. Felix Steinþórsson, Hellir, 3
27. Elín Nhung Hong Bui, T.R., 3
28. Guðmundur Agnar Bragason, T.R., 3
29. Alisa Helga Svansdóttir, Fjölnir, 3
30. Mateusz Piotr Jakubek, T.R., 3
31. Michael Kravchuk, T.R., 2.5
32. Bjarki Arnaldarson, T.G., 2
33. Erik Daniel Jóhannesson, Haukar, 2
34. Fannar Ingi Grétarsson, 2
35. Ísak Logi Einarsson, 2
36. Þorsteinn Örn Bernharðsson, 2
37. Þorsteinn Magnússon, T.R., 2
38. Anton Oddur Jónsson, T.R., 1
39. Flosi Jakobsson, T.G., 1
40. Þórður Florin 1

Mótshaldari var Taflfélag Reykjavíkur. Skákstjórar voru formaður og varaformaður T.R. þau Sigurlaug Regína Friðþjófsdóttir og Eiríkur K. Björnsson. Birna Halldórsdóttir sá um veitingar á meðan mótinu stóð og afhenti stúlknaverðlaunin, en þau hjónin Birna og Ólafur S. Ásgrímsson gáfu farandbikarann fyrir Stúlknameistara Reykjavíkur. Jóhann H. Ragnarsson tók myndir.

Pistill: Sigurlaug Regína Friðþjófsdóttir.

Myndaalbúm mótsins