Áskorendaeinvígin: Kamsky vann Topalov

Önnur skák áskorendaeinvíga FIDE fór fram í dag í Kazan í Rússlandi.  Það bar til tíðinda að Kamsky yfirspilaði Topalov og leiðir nú 1½-½.  Öðrum skákum lauk með jafntefli og staðan því í öðrum einvígum 1-1.   Þriðja skák einvíganna fer fram á morgun og hefst kl. 11.  Alls tefla þeir fjórar skákir.   Rétt er að benda á að Henrik Danielsen verður með daglegar skákskýringar á Chessdom.

Staðan í 8 manna úrslitum:

Topalov (BUL) - Kamsky (USA) ½-1½
Kramnik (RUS) - Radjabov (AZE) 1-1
Aronian (ARM) - Grischuk (RUS) 1-1
Gelfand (ISR) - Mamedyarov (AZE) 1-1

• Heimasíða áskorendakeppninnar
• Skákirnar í beinni

 

Ungir skákkrakkar tefldu í Gallerýi Skák í gær

Á opnu hvatskákmóti (11skx10mín) í Gallerý Skák í gærkvöldi gerðust þau undur og stórmerki að hinn ungi skáksnillingur Vignir Vatnar Stefánsson, sem er aðeins 8 ára, lagði marga reynda meistara af velli og náði 3.-4. sæti með 7 vinninga af 11

Þáttakendur voru 16 og meðal þeirra Helgi Ólafsson, stórmeistari sem vann mótið með fullu húsi eins og vænta mátti.  Kom hann í heimsókn með nokkra af sínum ungu lærisveinum, þeim Dawid Kolka, Íslandsmeistara barna 10 ára og yngri og Hilmi Heimissyni (9 ára) auk Vignis Vatnars, til að gefa þeim tækifæri á að telfa við nokkrar gamlar skákkempur.

Meðal keppenda voru þeir Kristján Stefánsson, Guðfinnur R. Kjartansson, Ögmundur Kristinsson, Egilll Þórðarsson, Ásgeir Sigurðsson og Einar S. Einarsson sem allir urðu að játa sig sigraða eða verða mát ella fyrir hinum unga meistara.

Það fer ekki á milli mála er hér er geysilegt upprennandi efni á ferð. Ljóst er að það verður bæði gaman og spennandi fyrir skákunnendur að fylgjast með framgangi ungu skákkynslóðarinnar í framtíðinni.

Myndaalbúm

Skákfélag Íslands tók áskoruninni

Í gær skoraði Skákfélag Selfossi og nágrennis á Skákfélag Íslands að mæta þeim í sveitakeppni eigi síðar 30.  maí.   Það er skemmst frá því að Skákfélag Íslands tók áskoruninni.

Skák.is mun fylgjast með framvindu mála og greina frekar frá tímasetningum þegar þær liggja fyrir.  

Nánar á heimasíðu SSON og Skákhorninu.

EM öldungasveita: Sigur gegn enskri sveit

Íslenska sveitin, Polar Bears Iceland, vann England 1 í fjórðu umferð EM öldungas sem fór í dag í Þessalóníku í Grikklandi.  Arnþór Sævar Einarsson (2227) og Gunnar Gunnarsson (2209) unnu á 1. og 2. borði, Gunnar Finnlaugsson (2075) gerði jafntefli en Sigurður Kristjánsson (1945)  tapaði.  Sveitin, sem er nú 14. sæti með 5 stig og 7½ vinning, mætir svissneskri sveit á morgun.  Ítalir, Danir og Rússar eru í efstu sætunum með 7 stig. 

Sterkir skákmenn taka þátt í keppninni, þar á meðal 12 stórmeistarar.  Stigahæstur keppenda er Evgeni Vasjukov (2480).  

Úrslit 4. umferðar:

Bo.	13	England 1	Rtg	-	20	Polar Bears Iceland	Rtg	1½:2½
8.1	FM	Byway Paul V	2162	-		Einarsson Arnthor	2227	0 - 1
8.2	CM	James Geoffrey H	2207	-		Gunnarsson Gunnar K	2209	0 - 1
8.3	CM	Norman Kenneth I	2188	-		Finnlaugsson Gunnar	2075	½ - ½
8.4		Singleton Michael P F	2162	-		Kristjansson Sigurdur	1945	1 - 0

 

Íslensku sveitina skipa:

1. Arnþór Sævar Einarsson (2227) 3 v.
2. Gunnar Gunnarsson (2209) 3 v.
3. Gunnar Finnlaugsson (2075) 1 v.
4. Sigurður Kristjánsson (1945) ½ v.

Sveitin er sú 20. sterkasta af 35 samkvæmt stigum.

• Heimasíða mótsins
• Myndaalbúm mótsins
• Chess-Results

 

 

Birkir Karl sigraði á fimmtudagsmóti

Birkir Karl Sigurðsson sigraði á fimmtudagsmótinu 5. maí með fullu húsi (7 vinn. af 7 mögul.). Örn Leó lenti í 2. sæti með 5 vinninga. Keppendur voru 8 talsins og tefldu allir við alla. Björgvin Kristbergsson kom sjálfum sér á óvart og fékk 3 vinninga en hann vann líka frestaða skák úr Öðlingamóti TR í kvöld.

Lokastaðan í mótinu:

 

• 1. Birkir Karl Sigurðsson   7 v.
• 2. Örn Leó Jóhannsson 5 v.
• 3. Jón Úlfljótsson        4,5 v.
• 4.-6. Björgvin Kristbergsson  3 v.
• 4.-6. Gauti Páll Jónsson        3 v.
• 4.-6. Óskar Long Einarsson   3 v.
• 7. Guðmundur Gunnlaugsson 2,5 v.
• 8. Pétur Jóhannesson            0 v.

 

 

Áskorendaeinvígin: Öllum skákunum lauk með jafntefli

Öllum skákunum í áskorendaeinvígum FIDE sem hófst í dag lauk með jafntefli.   Grischuk hélt jafntefli á ævintýranlega hátt gegn Aronian.  Önnur skák einvíganna fer fram á morgun og hefst kl. 11.  Alls tefla þeir fjórar skákir.   Rétt er að benda á að Henrik Danielsen verður með daglegar skákskýringar á Chessdom.

Staðan í 8 manna úrslitum:

• Topalov (BUL) - Kamsky (USA) ½-½
• Kramnik (RUS) - Radjabov (AZE) ½-½
• Aronian (ARM) - Grischuk (RUS) ½-½
• Gelfand (ISR) - Mamedyarov (AZE) ½-½

• Heimasíða áskorendakeppninnar
• Skákirnar í beinni

 

EM öldungasveita: Sigur gegn norskri sveit

Íslenska sveitin, Polar Bears Iceland, vann norsku sveitina, Blindern Oldtimers, 2½-1½ í 3. umferð EM öldungasveita sem fram fór í dag í Þessalóníku í Grikklandi.  Gunnar Gunnarsson vann á öðru borði en öðrum skákum lauk með jafntefli.  Sveitin er nú í 20. sæti með 3 stig og 5 vinninga.  Á morgun mætir sveitin enskri sveit.

Sterkir skákmenn taka þátt í keppninni, þar á meðal 12 stórmeistarar.  Stigahæstur keppenda er Evgeni Vasjukov (2480).  

Úrslit 3. umferðar:

Bo.	20	Polar Bears Iceland	Rtg	-	31	Blindern Oldtimers	Rtg	2½:1½
13.1		Einarsson Arnthor	2227	-		Mundal Arnold	2049	½ - ½
13.2		Gunnarsson Gunnar K	2209	-		Lerstad Bjorn	1913	1 - 0
13.3		Finnlaugsson Gunnar	2075	-		Bergersen Per A	1600	½ - ½
13.4		Kristjansson Sigurdur	1945	-		Fossum Widar J	1600	½ - ½

Íslensku sveitina skipa:

1. Arnþór Sævar Einarsson (2227) 2 v.
2. Gunnar Gunnarsson (2209) 2 v.
3. Gunnar Finnlaugsson (2075) ½ v.
4. Sigurður Kristjánsson (1945) ½ v.

Sveitin er sú 20. sterkasta af 35.

• Heimasíða mótsins
• Myndaalbúm mótsins
• Chess-Results

 

Meistaramót Skákskóla Íslands 2011

Meistaramót Skákskóla Íslands fyrir starfsárið 2010/2011 hefst föstudaginn 27. maí. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Hjörvar Steinn Grétarsson.   

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum10 sekúndum fyrir hvern leik. 

Kappskákir: 90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til at-skákstiga.

Verðlaun:

A:

1. verðlaun:

Meistaratitill Skákskóla Íslands 2010/2011 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

B:

Dagskrá:

1. umferð: Föstudagurinn 27.maí kl. 18  

2. umferð: Föstudagurinn 27.maí kl. 19

3. umferð. Föstudagurinn 27.maí kl. 20.

4. umferð: Laugardagurinn 28. maí kl. 10-14  

5. umferð: Laugardagurinn 28. maí 15 - 19

6. umferð: Sunnudagurinn 29. maí kl. 10.-14.

7. umferð: Sunnudagurinn 29. maí kl. 15-19.

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

 

 

Grænlandsferð Hróksins í þarlendum netmiðlun

Grænlandsferð Hróksins sem fram fór um páskna vakti athygli í Grænlandi eins og sjá má í eftirfarandi frétt í þarlendri frétt sem reyndar er á dönsku.   Meiri og ítarlegri fréttir frá Grænlandsferðinni er væntanlegar á næstu dögum.

Frétt um Grænlandsheimsókn Hróksins

Sumarskákmót Fjölnis fer fram á laugardag

Hið árlega sumarskákmót Fjölnis verður haldið í Rimaskóla laugardaginn 7. maí og hefst kl. 11:00.   Öllum grunnskólanemendum stendur til boða að taka þátt í þessu skemmtilega skákmóti.  Tefldar verða sex umferðir og umhugsunartíminn er sjö mínútur.

Eins og á öllum skákmótum skákdeildar Fjölnis þá eru verðlaun veitt í tugatali. Auk eignabikars fyrir þá efstu í öllum flokkum þá verða bíómiðar, pítsugjafabréf og skákbækur í verðlaun. Skráning hefst kl. 10:45 og gengið er inn um íþróttahús Rimaskóla.

Fjölnismenn hvetja áhugasama skákkrakka til að fjölmenna á eitt síðasta skákmót vetrarins.