Henrik og Gunnar töpuðu í fjórðu umferð

Henrik Danielsen (2535) tapaði fyrir kínverska stórmeistaranum Xiangzhi Bu (2675) í fjórðu umferð Politiken Cup sem fram fór í dag.   Gunnar Finnlaugsson (2072) tapaði fyrir Dananum Bjørn Møller Ochsner (2258).  Henrik hefur 3 vinninga en Gunnar hefur 2 vinninga.   Henrik mætir Finnanum Kari Rauramaa (2217) í fimmtu umferð sem fram fer á morgun.  Umferðin hefst kl.11 og verður skák Henriks sýnd beint.

311 skákmenn taka þátt í þessu móti og þar af eru 26 stórmeistarar.  Henrik er nr. 19 í styrkleikaröð keppenda en Gunnar er nr.  126.

• Heimasíða mótsins
• Beinar útsendingar (hefjast kl. 11 nema síðasta umferðin kl. 8)

Henrik Danielsen í TV

Stórmeistarinn Henrik Danielsen (2535) hefur gengið til liðs við Taflfélag Vestmannaeyja en síðustu ár hefur Henrik verið í Haukum en þar áður í TV og Hróknum.

Eyjamenn eru til alls líklegir í komandi átökum með stórmeistarana Henrik og Helga Ólafsson innanborðs.

Skákfélag Vinjar fær góðan liðsstyrk

Þrír góðir piltar og öflugir skákmenn hafa gengið til liðs við Vinjarliðið.  Haukur Angantýsson (2290), Jorge Rodriguez Fonseca (2006) og Eymundur Eymundsson (1795).

Alþjóðlegi meistarinn Haukur Angantýsson tók sér hlé frá skákinni í vel á annan áratug en hann var með öflugri mönnum hér áður fyrr þar sem hann var í Taflfélagi Reykjavíkur.   Haukur var Íslandsmeistari í skák árið 1976 og tefldi fyrir Íslands hönd á Ólympíuskákmótinu 1970.  Það er mikið gleðiefni að Haukur sé sestur við borðið á ný og hann hefur svo sannarlega sýnt að það lifir í glæðunum.

Jorge Fonseca hefur teflt með Haukum undanfarin ár. Jorge hefur verið duglegur að mæta á mót Vinjargengisins undanfarin misseri og hefur margoft sýnt hve öflugur hann getur verið, bæði á Íslandsmótinu sem og á minni mótum. Hann heldur með Real Madrid.

Eymundur Eymundsson hefur frá blautu barnsbeini teflt með Skákfélagi Akureyrar, enda fæddur og uppalinn í þorpinu. Hann hefur verið búsettur í borginni í nokkurn tíma og verður nú með Skákfélagi Vinjar sem sendir tvö lið til leiks í haust, í þriðju og fjórðu deild. Liðið er með í Íslandsmótinu í fjórða sinn í vetur og markmiðið er, sem fyrr, að gera betur frá ári til árs og hefur félagið staðið við það hingað til. Fimmtíu félagar eru nú skráðir í skákfélagið og liðsfélagar fagna komu þessara öflugu skákmanna og frábæru liðsmanna.

Fjölgar í Bridsfjelaginu

Bridsfjelagið hefur sótt um aðild af Skáksambands Íslands og verður aðildarsumsókn félagsins tekin fyrir og væntanlega samþykkt á næsta stjórnarfundi SÍ.  Allmargir skákmenn hafa skráð sig í félagið og hafa margir þeirra eitthvað átt við Bridge auk skákarinnar.  Sterkastir félaga eru þeir Sigurður Páll Steindórsson, Sigurður Sverrisson og Stefán Freyr Guðmundsson, sem er forsvari fyrir félagið.

Þeir sem hafa skráð sig í félagið skv. Keppendaskrá SÍ eru auk ofangreinda: Gunnar Björn Helgason, Valgarður Guðjónsson, Gústaf Steingrímsson, Ragnar Sveinn Magnússon, Gísli Hrafnkelsson, Páll Þórsson, Sveinn Rúnar Eiríksson og Daníel Már Sigurðsson.  

Bridsfjelagið byrjar með látum en það mætir Hraðskákmeisturum Hellis í fyrstu umferð Hraðskákkeppni taflfélaga. 

Landskeppni við Færeyjar fer fram 6. og 7. ágúst

Árleg landskeppni við Færeyinga fer fram daganna 6.-7. ágúst nk.  Fyrri umferðin verður tefld laugardaginn 6. ágúst á Húsavík, í aðstöðu Goðans í sal Framsýnar-stéttarfélags Garðarsbraut 26 og hefst taflmennskan kl 18:00. Síðari umferðin verður tefld í Menningarhúsinu Hofi á Akureyri kl 14:00 sunnudaginn 7. ágúst. 
Lið Íslands verður skipað liðsmönnum fra SA, Mátum, SAUST og Goðanum.

Lið Færeyinga (óstaðfest)

1        John Rødgaard               2332        2343       
2        Sjúrður Thorsteinsson    2161        2148        
3        Rógvi E. Nielsen              2103        2112        
4        Wille Olsen                     2060        2061        
5        Herluf Hansen                2031        2049        
6        Jákup á R. Andrease      1898        1969        
7        Arild Rimestad                1818        1728        
8        Andreas Andreasen       1878        1935        
9        Wensil Højgaard            1779        1850        
10      Rógvi Olsen                    1715                        
11      Hanus Ingi Hansen        1615    

Lið Íslands í fyrri umferð á Húsavík.  (óstaðfest)

1.        Sigurður Daði Sigfússon             Goðinn
2.        Áskell Örn Kárason                      SA
3.        Halldór Brynjar Halldórsson         SA
4.        Gylfi Þórhallsson                          SA
5.        Rúnar Sigurpálsson                    Mátar
6.        Sigurður Arnarson                        SA
7.        Viðar Jónsson                             SAUST
8.        Sigurður Eiríksson                        SA
9.        Mikael Jóhann Karlsson                SA
10.      Jakob Sævar Sigurðsson             Goðinn
11.      Smári Sigurðsson                        Goðinn

Sagt verður nánar frá þessari landskeppni þegar nær dregur.

Heimasíða Goðans

Chessbase fjallar um Þormóð og málþingið

Vefsíðan Chessbase fjallar um fornleifafundinn á Þormóði (taflmaðurinn sem fannst á Siglunesi), og um málþingið sem fram fer föstudaginn 19. ágúst í Skálholti.

Greinin á Chessbase

Politiken Cup: Henrik með fullt hús eftir 3 umferðir

Henrik Danielsen (2535) er einn 24 skákmanna sem hafa fullt hús að loknum þremur umferðum á Politiken Cup.   Í þriðju umferð, sem fram fór í dag, vann hann norska skákmanninn Even Thingstad (2223).  í 4. umferð, sem fram fer á morgun mætir Henrik kínverska stórmeistaranum, og næststigahæsta keppenda mótsins,  Xiangzhi Bu (2675).   Umferðin hefst kl.11 og verður skák Henriks sýnd beint.  Gunnar Finnlaugsson (2072) er með 2 vinninga. 

311 skákmenn taka þátt í þessu móti og þar af eru 26 stórmeistarar.  Henrik er nr. 19 í styrkleikaröð keppenda en Gunnar er nr.  126.

• Heimasíða mótsins
• Beinar útsendingar (hefjast kl. 11 nema síðasta umferðin kl. 8)

Jón Kristinn sigraði á unglingalandsmóti

Jón Kristinn Þorgeirsson (1609) sigraði í skákkeppni Unglingalandsmóti UMFÍ sem fram fór í dag á Egilsstöðum.  Jón Kristinn vann alla sjö andstæðinga sína.  Í öðru sæti varð heimamaðurinn Ásmundur Hrafn Magnússon en hann hlaut 5,5 vinning.    Þriðji varð Aðalsteinn Leifsson (1198).   Daníel Fannar Einarsson vann svo sigur í opnum flokki, einnig með fullu húsi.

Röð efstu manna í aðalmótinu:

 

Rk.	Name	Typ	RtgN	Club/City	Pts.
1	Þorgeirsson Jón Kristinn	U14	1609	SA - UFA	7
2	Magnússon Ásmundur Hrafn	U18	0	UÍA	5,5
3	Leifsson Aðalsteinn	U14	1198	SA - UFA	5
4	Sverrisson Atli Geir	U14	1000	UÍA	4,5
5	Hallgrímsson Jónas Bragi	U14	0	UÍA	4,5
6	Hallgrímsson Snorri	U14	1332	Goðinn - HSÞ	4,5
7	Pálsdóttir Sóley Lind	U14	1194	TG - UMSK	4
8	Freysson Mikael Máni	U14	0	UÍA	4
9	Mobee Tara Sóley	U14	1209	Hellir - Aðrir Keppendur	4
10	Sigurbjörnsson Þorgeir Örn	U14	0	UÍ Fjallabyggðar	4
11	Ágústsson Ágúst Jóhann	U14	0	UÍA	4
12	Kristjánsson Skúli	U14	0	UMSK	3,5

Röð efstu manna í opnum flokki:

 

Rk.	Name	Typ	Club/City	Pts.
1	Einarsson Daníel Fannar	U14	UÍA	7
2	Vilhjálmsson Jóhann Beck	U14	UÍA	5,5
3	Hjarðar María Elísabet	U18	UÍA	4,5
4	Vilhjálmsson Jón Margeir	U14	USAH	3,5

 

• Heimasíða UMFÍ
• Chess-Results

Skákþáttur Morgunblaðsins: Annar áfangi Hjörvars

Hjörvar Steinn Grétarsson náði sínum öðrum áfanga að alþjóðlegum meistaratitli þegar hann varð í 3.-7. sæti á opna mótinu í Suður-Wales á dögunum. Hjörvar hlaut 6½ vinning af níu mögulegum. Sigurvegarar urðu þeir Peter Wells og Keith Arkell sem hlutu 7 vinninga, en þeim fyrrnefnda var dæmdur sigur á stigum. Búast má við því að Hjörvar nái lokaáfanganum að alþjóðlega titlinum á þessu ári, en á verkefnalista framundan er Evrópukeppni taflfélaga og jafnvel Evrópukeppni landsliða.

Auk Hjörvars tefldu fjórir ungir íslenskir skákmenn á mótinu í Wales og stóðu sig allir með mikilli prýði. Þannig var árangur Arnar Leós Jóhannssonar eftirtektarverður, en hann hlaut 6 vinninga og hafnaði í 8.-9. sæti af 69 keppendum. Eyjamaðurinn Nökkvi Sverrisson hlaut 5 vinninga og varð í 21.-25. sæti, Guðmundur Kristinn Lee fékk 4 vinninga og varð í 37.-49. sæti. Óskar Long Einarsson og Birkir Karl Sigurðsson hlutu 3½ vinning og urðu í 50.-57. sæti.

Hjörvar tefldi margar skemmtilegar skákir á mótinu en stysta sigurskákin kom í fimmtu umferð:

Opna Suður-Wales-mótið 2011:

Hjörvar Steinn Grétarsson - Jack Rudd

Benony - byrjun

1. d4 Rf6 2. c4 e6 3. Rc3 c5 4. d5 exd5 5. cxd5 d6 6. Rf3 g6 7. Da4+!?

Athyglisverður leikur sem getur reynst erfður viðfangs ef menn eru ekki með á nótunum. Algengara er 7. Bf4, 7. Rd2, 7. e4 eða 7. g3.

7. ... Rbd7

7. ... Bd7 er vel svarað með 8. Db3.

8. Bf4 a6 9. e4 Rh5 10. Bg5 Dc7?

Betra var 10. ... Be7.

11. g4! h6

Riddarinn stendur hörmulega á g7 en ekki gengur 11. ... Rgf6 vegna 12. Bxf6 og riddarinn á d7 er leppur.

12. gxh5 hxg5 13. hxg6 f6

14. e5!

Að leika peði beint ofan í þrælvaldaðan reit kom margoft fyrir í skákum Kasparovs. Hugmyndin í þessu tilviki er að rýma e4-reitinn fyrir riddarann. Hér kemur til greina að leika 14. ... g4 sem Hjörvar hugðist svara með 15. exf6! gxf3 16. g7 o.s. frv.

14. ... dxe5 15. Re4 b5 16. Bxb5 axb5 17. Dxa8 g4 18. Rfd2 Db7

Eða 18. ... Rb6 19. Da5.

19. Dxb7 Bxb7 20. g7!

- og svartur gafst upp.

Magnús efstur í Biel

Magnús Carlsen hefur forystu þegar tefldar hafa verið þrjár umferðir í stórmeistaraflokki skákhátíðarinnar í Biel í Sviss. Sex skákmenn tefla tvöfalda umferð og hefur Magnús hlotið 2½ v. eða 7 stig, en á þessu móti hefur þriggja stiga kerfið fyrir sigur verið tekið upp. Morozevich kemur næstur með 2 vinninga og 5 stig og síðan Alexei Shirov sem er með 1½ v. og 4 stig. Magnús hóf mótið með því að vinna heimamanninn Pelletier og síðan lagði hann Shirov að velli í aðeins 33 leikjum og var ekki langt frá því að leggja Morozevich í 3. umferð en skákinni lauk með jafntefli.

Í heimsmeistarakeppni landsliða sem fram fer þessa dagana í Ningbo í Kína hafa Armenar með Lev Aronjan á 1. borði náð öruggri forystu eftir fimm umferðir með 8 stig og 13½ vinning af 20 mögulegum. Rússar koma næstir með 7 stig og 12 vinninga og í 3. sæti eru Ungverjar með 7 stig og 11½ vinning.

Alls taka tíu lið þátt í þessari keppni, þátttökuréttur miðast við fimm efstu lið frá síðasta Ólympíumóti og fimm „heimsálfulið". Íslendingar komust í þessa keppni þegar hún var haldin í Luzern árið 1993.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 24. júlí 2011.

Skákþættir Morgunblaðsins

[Event "South Wales International"] [Event "South Wales International"] [Site "Penarth, Cardiff. Wales"] [Date "2011.07.11"] [Round "5.2"] [White "Gretarsson, Hjorvar Steinn"] [Black "Rudd, Jack"] [Result "1-0"] [WhiteElo "2437"] [BlackElo "2278"] [PlyCount "39"] [EventDate "2011.??.??"] [EventRounds "9"] [EventCountry "WLS"] 1. d4 Nf6 2. c4 e6 3. Nc3 c5 4. d5 exd5 5. cxd5 d6 6. Nf3 g6 7. Qa4+ Nbd7 8. Bf4 a6 9. e4 Nh5 10. Bg5 Qc7 11. g4 h6 12. gxh5 hxg5 13. hxg6 f6 14. e5 dxe5 15. Ne4 b5 16. Bxb5 axb5 17. Qxa8 g4 18. Nfd2 Qb7 19. Qxb7 Bxb7 20. g7 1-0

Kramnik öruggur sigurvegari í Dortmund þrátt fyrir tap í lokaumferðinni

Heimsmeistarinn fyrrverandi, Vladimir Kramnik (2781), vann öruggan sigur á Dortmund Sparkassen-mótsins sem lauk í dag.  Kramnik hlaut 7 vinninga.  Víetnaminn Le Quang (2715) varð annar með 5,5 vinning en Giri (2701) og Ponomariov (2764) urðu í 3.-4. sæti með 5 vinninga.

Teflt var tvöföld umferð.

Staðan:

• 1. Kramnik (2781) 7 v.
• 2. Le Quang (2715) 5,5 v.
• 3.-4. Giri (2701) og Ponomariov (2764) 5 v.
• 5. Nakamura (2770) 4,5 v.
• 6. Meier (2656) 3 v.

Heimasíða mótsins