Meistaramót Hugins hefst eftir viku

Meistaramót Hugins (suðursvæði) 2017 hefst miðvikudaginn 23. ágúst klukkan 19:30. Mótið er 7 umferða opið kappskákmót sem lýkur 5. október. Leyft verður að taka 2 yfirsetur í 1.- 6. umferð sem tilkynna þarf um fyrir lok næstu umferðar á undan. Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra og íslenskra skákstiga. Skráning í mótið er á skak.is en einnig er hægt að skrá sig með því að hringja í skákstjóra s-866-0116 (Vigfús).

Mótið hefst á miðvikudegi en aðrir skákdagar eru á mánudögum nema lokaumferðin sem verður áfimmtudegi. Að þessu sinni verður aðeins ein umferð í hverri viku. Teflt er í félagsheimili Hugins í Álfabakka 14a í Mjóddinni.

Aðalverðlaun:

1. 50.000
2. 40.000
3. 30.000

Aukaverðlaun (miðað er við alþjóðleg skákstig)

• Skákmeistari Hugins (suðursvæði): Kr. 10.000.
• Besti árangur undir  2000 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1800 skákstigum:  Skákbók hjá skákbókasölunni að verðmæti kr. 5.000.
• Besti árangur undir 1600 skákstigum: Skákbók hjá skákbókasölunni að verðmæti kr. 5.000.
• Besti árangur stigalausra: Skákbók hjá skákbókasölunni að verðmæti kr. 5.000.
• Unglingaverðlaun (15 ára og yngri), skákbækur hjá skákbókasölunni að verðmæti: 1.vl. kr. 5.000, 2. og 3.vl. kr. 4000.

Þátttökugjöld:

Félagsmenn kr. 3.500; aðrir 4.500-
Unglingar 15 ára og yngri: Félagsmenn: 2.000; Aðrir 3.000.
Allir titilhafar fá frítt í mótið

Umferðartafla:

• 1. umferð, miðvikudaginn, 23. ágúst, kl. 19:30
• 2. umferð, mánudaginn, 28. ágúst, kl. 19:30
• 3. umferð, mánudaginn, 4. september, kl. 19:30
• 4. umferð, mánudaginn, 11. september, kl. 19:30
• 5. umferð, mánudaginn, 18. september, kl. 19:30
• 6. umferð, mánudaginn, 25. september, kl. 19:30
• 7. umferð, fimmtudagur, 5. október, kl. 19:30

Upplýsingar um þegar skráða keppendur má finna hér.

Kasparov með þrjú jafntefli - hálfum vinningi á eftir efstu mönnum

Garry Kasaprov (2812) gerði jafntefli í öllum sínum skákum á fyrsta degi at- og hraðskákmótsins í Saint Louis sem hófst í gær. Hann er aðeins hálfum vinningi á eftir efstu mönnum. Þrettándinn heimsmeistarinn sagðist vera ánægður með árangurinn á sínu fyrsta reiknaða móti í 12 ár:

“I was quite pleased with my performance as my plan was to survive day one!”

Óhætt er að segja að endurkoma heimsmeistarans fyrrverandi og langelsta keppendands hafi vakið athygli enda biðin verið löng. Skák hans gegn Nakamura (2792) var sérstaklega skemmtileg.

Annar dagur mótsins verður í kvöld og hefst taflmennskan hlukkan 18. Þá verða einnig tefldar þrjár atskákir. Andstæðingar Kasparovs í kvöld verða Aronian (2809), Nepo (2742) og Anand (2783).

Efstir með 2 vinninga eru Quang Liem Le (2726), Aronian, Caruana (2807) og Nepo.

Best er að fylgjast með mótinu í gegnum heimasíðu mótsins.

Nánar má lesa um gærdaginn á Chess24.

Myndir: Lennart Ootes (af Chess24).

• Heimasíða mótsins
• Beinar útsendingar

Bragi og Þorsteinn unnu í 3. umferð

Bragi Halldórsson (2134), sem tefla á EM öldunga unnu báðir sínar skákir í 3. umferð sem fram fór í gær. Bragi teflir í flokki 65+ en Þorsteinn í flokki 50+. Þeir hafa báðir 2 vinninga. Þriðja umferð fer fram í dag og væntanlega verður Þorsteinn í beinni en hann mætir slóvakíska FIDE-meistaranum Milan Kolesar (2218). 

51 skákmaður teflir í flokki Þorsteins og þar af eru sjö stórmeistarar. Þorsteinn er nr. 14 í stigaröð keppenda. 66 tefla í flokki Braga og þar af eru þrír stórmeistarar. Bragi er nr. 24 í stigaröð keppenda. 

• Heimasíða mótsins 
• Pörunarforrit
• Beinar útsendingar (Chess 24) - hefjast kl. 14

Bikarsyrpa TR hefst föstudaginn 25. ágúst

Bikarsyrpa Taflfélags Reykjavíkur hefur fest sig í sessi undanfarin misseri og fer nú af stað fjórða árið í röð. Líkt og síðastliðinn vetur verða mót syrpunnar fimm talsins og verða tefldar sjö umferðir í hverju móti. Mótin fara fram í Skákhöll TR að Faxafeni 12.

Fyrir börn sem vilja taka framförum í skák þá er gott að byrja sem fyrst að tefla í kappskákmótum, en hingað til hefur þeim börnum sem vilja tefla á “alvöru mótum” einkum staðið til boða að taka þátt í opnum mótum. Þar er styrkleikamunur oft mikill og mótin taka langan tíma, auk þess sem mörgum börnum óar við tilhugsuninni um að tefla við fullorðna á sínum fyrstu kappskákmótum. Bikarsyrpan er svarið við því. Þessi mótaröð TR er ekki síður sniðin að þörfum þeirra barna sem dreymir um að næla sér í sín fyrstu skákstig.

Einungis börn á grunnskólaaldri (fædd árið 2002 eða síðar) sem ekki hafa náð 1600 alþjóðlegum skákstigum geta tekið þátt í mótum Bikarsyrpunnar. Þannig er styrkleikamunurinn minni en ella og börnin njóta þess betur að tefla. Tímamörkin eru jafnframt styttri, og henta börnum betur en langar 90 mínútna skákir sem tíðkast á hefðbundnum kappskákmótum fullorðinna. Mótin uppfylla öll skilyrði Alþjóða skáksambandsins FIDE og eru reiknuð til alþjóðlegra skákstiga.

Fyrsta mót Bikarsyrpunnar hefst föstudaginn 25. ágúst og stendur til sunnudagsins 27. ágúst. Tefldar eru 7 umferðir eftir svissnesku kerfi. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Þó svo mikilvægt sé að börnin vandi sig og noti tímann vel, þá má gera ráð fyrir að margar skákir taki mun styttri tíma.

Dagskrá:

1. umferð: 25. ágúst kl. 17.30 (fös)
2. umferð: 26. ágúst kl. 10.00 (lau)
3. umferð: 26. ágúst kl. 13.00 (lau)
4. umferð: 26. ágúst kl. 16.00 (lau)
5. umferð: 27. ágúst kl. 10.00 (sun)
6. umferð: 27. ágúst kl. 13.00 (sun)
7. umferð: 27. ágúst kl. 16.00 (sun)

Verðlaunaafhending fer fram strax að lokinni 7. umferð.

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 15 mínútum eftir að viðkomandi umferð hefst.

Þátttökugjald í mótið er 1.500kr. Börn sem eru félagar í TR greiða ekki þátttökugjald.

Sigurvegari mótsins hlýtur að launum bikar og þá hlýtur einnig efsta stúlkan í hverju móti bikar. Verðlaunapeningur eru veittur fyrir 2. sæti og 3. sæti. Sérstök verðlaun verða veitt næsta vor fyrir besta samanlagðan árangur, þar sem mest fjögur mót gilda; taflsett, skákklukka, 5.000kr bókainneign ásamt veglegum farandbikar. Þá verða veitt sérstök verðlaun fyrir besta samanlagðan árangur, þar sem mest fjögur mót gilda, fyrir börn sem eru félagar í TR, en það eru einkatímar hjá einhverjum af sterkustu skákmönnum félagsins; 1. sæti gefur 5 einkatíma, 2. sæti gefur 3 einkatíma og 3. sæti gefur 2 einkatíma.

Skráning fer fram í gegnum skráningarform hér að neðan. Hlökkum til að sjá ykkur!

Skráningarform

Skráðir keppendur

Mót Bikarsyrpunnar í vetur: 25.-27. ágúst, 29. sep-1. okt, 27.-29. okt, 16.-18. feb, 6.-8. apr

Helgi Ólafsson Íslandsmeistari skákmanna í golfi

Tólf keppendur mættu til leiks á Húsatóftavöll í Grindavík. Teflt var í golfskálanum og strax í fyrstu umferð urðu óvænt úrslit þegar Gunnar Freyr lagði Helga Ólafsson. Þröstur Þórhallsson vann skákmótið, gerði jafntefli við Helga en vann alla aðra.

Efstu menn í skákinni:

1. Þröstur Þórhallsson 10,5 vinninga (perf:2390)
2. Helgi Ólafsson 9,5 vinninga (perf:2229)
3. Andri Áss Grétarsson 9 vinninga (perf:2198)
4. Pálmi Ragnar Pétursson 8 vinninga (perf:2127)
5. Halldór Grétar Einarsson 7 vinninga (perf:2051)
6. Gunnar Freyr Rúnarsson 6,5 vinninga (perf:2022)

Heildarúrslit á Chess-Results.

Efstu menn í golfinu:

1. Siguringi Sigurjónsson 80högg (perf:2308)
2. Halldór Grétar Einarsson 89högg (perf:2088)
3. Helgi Ólafsson 91högg (perf:2022)
4. Páll Sigurðsson 93högg (perf:1950)
5. Pálmi Ragnar Pétursson 102högg (perf:1700)

Þegar lagt er saman og deilt þá kemur í ljós að það hefði ekki þurft miklar breytingar til þessa að úrslitin hefðu orðið önnur.

Hefði t.d. Siguringi fengið sex vinninga í skákinni í stað fjögurra eða þá spilað á 77 í stað 80 þá hefði það fært honum Íslandsmeistaratitilinn.

Og hefði Halldór Grétar unnið Helga í síðustu umferð skákarinnar þar sem hann var hróki yfir þá hefði það dugað honum.

En úrslit mótsins urðu eftirfarandi (meðaltals árangur í golf&skák). 

Íslandsmeistari skákmanna í golfi 2017.

1. Helgi Ólafsson 2126
2. Siguringi Sigurjónsson 2086
3. Halldór Grétar Einarsson 2070
4. Þröstur Þórhallsson 1945
5. Pálmi Ragnar Pétursson 1914
6. Andri Áss Grétarsson 1849 

Punktameistari skákmanna í golfi 2017.

1. Sólon Siguringason 41
2. Magnús Kristinsson 33
3. Siguringi Sigurjónsson 31,4
4. Gunnar Freyr Rúnarsson 31,3 (hlaut nafnbótin vegna þess að þeir sem voru ofar hlutu aðra titla) 

Unglingameistari skákmanna í golfi 2017

1. Sólon Siguringason 1690 (sem er unglingamet, bætti met Sindra Snæs sem var 1568) 

Púttmeistari

1. Siguringi Sigurjónsson 31 pútt
2. Helgi Ólafsson 32 pútt

3 -4. Andri Áss Grétarsson  33 pútt

3. -4. Þröstur Þórhallsson 33 pútt

 

Mesta bætin á fyrri árangri

1. Magnús Kristinsson úr 1674 í 1744

Heildarúrslit má finna á heimasíð mótsins.

Árangrinn í ár var nokkuð slakari en áður, enda hafa hraðskákstig golfskákmanna hrunið undanfarin ár. Einnig dregur mikill stigamunur úr performance.

Þátttakana í þessum mótum mætti vera betri, en mótið tekur heilan dag og það er oft meira en fjölskyldumenn ná að semja.

2012 Hafnarfjörður: 16 keppendur

2013 Hafnarfjörður: 21 keppandi

2014 Akranes: 10 keppendur

2015 Kópavogur: 14 keppendur

2017: Grindavík: 12 keppendur

Í umræðunni er að breyta fyrirkomulaginu á næsta ári til þess að gera mótið eftirsóknarverðari fyrir golfskákmenn.

Ljóst er að árangurinn í skákinni er ekki alltaf metinn sanngjarnt, t.d. er skrítið að Þröstur skyldi bara vera með 2390 í performance þrátt fyrir að nær því hreinsa mótið.

Nokkrir hafa gagnrýnt árangursmatið í golfinu, en mér [Halldór Grétar Einarsson]finnst hann í lagi!

Kannski nægir að spila einn golfhring og skákhlutinn gæti verið fenginn með öðrum hætti. T.d.  nota einfaldlega FIDE-kappskákstigin, láta árangur í Íslandsmóti skákfélaga ráða, tefla kvöldið áður.

Allar ábendingar og hugmyndir vel þegnar. Sendið bara línu á [e-mail]

 

 

Alexander Már sigurvegari Sumarsyrpu Breiðabliks

Sumarsyrpa Breiðabliks fór fram um helgina í Stúkunni við Kópavogsvöll. Alexander Már kom sá og sigraði en hann hlaut 4 vinninga í 5 skákum.

Röð efstu manna:

1. Alexander Már Bjarnþórsson 4 vinninga
2. Soffía Arndís Berndsen 3,5 vinninga
3. Gabríel Sær Bjarnþórsson 3 vinninga

Soffía tefldi við sigurvegarann í síðustu umferð og var eini keppandinn sem lagði hann.

Skákin var öll nokkuð vel tefld og hugmyndarík hjá þessari ungu skákstúlku. 

33. – Df6!

Lúmskur leikur

34. Da3? – Dh4+

35.Ke2 – De1+ !

36.Kd3 – De3 mát

 

 

 

 

Lokastöðu mótsins má finna á Chess-Results.

Endurkoma Garry Kasparov hefst kl. 18 - mætir Sergey Karjakin

Garry Kasaprov (2812) teflir í dag sínu fyrstu reiknuðu skák í 4.539 daga þegar hann tekur þátt í at- og hraðskákmótis sem fram fer í St. Louis dagana 14.-18. ágúst. Tíu skákmenn taka þátt í mótinu og meðal andstæðinga þrettánda heimsmeistarans á þessu móti verða Caruana, Karjakin, Nakamura, Anand, Aronian og Navara (2737), andstæðingur Jóhanns Hjartarsonar í fyrstu umferð Heimbikarmótsins í Tblisi.

Fyrstu þrjár dagana tefla þeir atskákir - alllir við alla (9 skákir). Síðustu tvö dagana eru tefldar 9 hraðskákir - tvöföld umferðir - allir við alla (18 skákir). Í heildurstöðinni gilda atskákirnar tvöfalt, þ.e. atskákhlutinn og hraðskákhlutinn gilda jafn mikið í lokastöðunni.

Á þessum fyrsta degi endurkomu sinnar teflir Kasparov við Karjakin (2773), Nakamura (2792) og Kúbumanninn Leinier Dominguez Perez (2739).

Taflfmennskan hefst kl. 18.

Nánar á Chess.com.

Myndir eftir Mike Klein (af Chess.com).

• Heimasíða mótsins
• Beinar útsendingar

Borgarskákmótið fer fram í dag

Borgarskákmótið fer fram mánudaginn 14. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taki þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið verður reiknað til hraðskákstiga og er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 (Vigfús) og 862 0099 (Kjartan). Skráningu á skákstað verður lokað kl. 15:50 fyrir mótið. Tefldar verða 7 umferðir með umhugsunartímanum 4 mínútur + 2 sekúndur á leik. Þetta er í 32. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Helgi Áss Grétarsson, sem þá tefldi fyrir Suzuki bíla.

Verðlaun:

1. 30.000 kr.
2. 20.000 kr.
3. 10.000 kr.

Upplýsingar um þegar skráða keppendur má finna hér.

Þorsteinn og Bragi tefla á EM öldunga

EM öldunga fer fram í Barcelona á Spáni dagana 12.-20. ágúst. Tveir íslenskir skákmenn taka þátt. Annars vegar FIDE-meistarinn Þorsteinn Þorsteinsson (2279) sem teflir í flokki 50+ og hins vegar Bragi Halldórsson (2116) sem teflir í flokki 65+. Eftir tvær umferðir hafa þeir báðir 1 vinning. Þorsteinn hefur gert tvö jafntefli en Bragi vann í fyrstu umferð en tapaði í þeirri annarri. Þriðja umferð fer fram á morgun.

• Heimasíða mótsins 
• Pörunarforrit
• Beinar útsendingar (Chess 24) - hefjast kl. 14

Bragi endaði með 5 vinninga í Riga

Alþjóðlegi meistarinn Bragi Þorfinnsson (2461) fékk 5 vinninga í 9 skákum á alþjóðlegu móti sem lauk í Riga í Lettlandi í dag. byrjaði mjög vel og vann þrjár fyrstu skákirnar en en ekki gekk vel um miðbik mótsins. Bragi gerði jafntefli í þremur síðustu umferðunum . Lokaniðurstaðan þýðir 91.-137. sæti og stigatap uppá 6 skákstig. 

Sigurvegarar mótsins urðu Úkranínumennirnir Vladimir Onischuk (2610) og Sergey Pavlov (2474) en þeir hlutu 7½ vinning.

319 skákmenn frá 41 landi tóku þátt í mótinu. Þar af voru 42 stórmeistarar. Bragi var nr. 55 í stigaröð keppenda. 

• Heimasíða mótsins
• Chess-Results
• Beinar útsendingar