Pistlar um Íslandsmót skákfélaga

Pistlar um Íslandsmót skákfélaga eru nú birtir hver á fætur öðrum.  Maggi Matt hefur skrifað pistil fyrir SSON, Jón Þorvaldsson fyrir Goðann og Unnar Ingvarsson fyrir Skagfirðinga. 

• Goðapistill
• Krókspistill
• SSON-pistill

Carlsen og Ivanchuk efstir fyrir lokaumferðina í Bilbao

Carlsen (2823) og Ivanchuk (2765) eru efstir með 14 stig að lokinni 9. og næstsíðustu umferð Alslemmumótsins sem fram fór í dag í Bilbao.  Carlsen vann Ivanchuk öðru sinni og hefur verið á miklu skriði eftir slaka byrjun.  Vallejo (2716) vann Nakamura (2753) og  Aronian (2807) rúllaði yfir Anand (2817) í aðeins 25 leikjum og rekur heimsmeistarinn lestina.   Lokaumferðin fer fram á morgun og hefst kl. 14:30.

 

Staðan:

• 1.-2. Carlsen (2823) og Ivanchuk (2765) 14 stig
• 3.-4. Nakamura (2753) og Aronian (2807) 11 stig
• 5. Vallejo (2716) 10 stig
• 6. Anand (2817) 9 stig

Tefld er tvöföld umferð.  Fyrri hlutinn fer fram í Sao Paulo í Brasilíu en sá síðari í Bilbao á Spáni.   Veitt eru 3 stig fyrir sigur en 1 fyrir jafntefli.  

• Heimasíða mótsins
• Beinar útsendingar (hefjast kl. 14:30 í Bilbao)
  
• ChessBomb

 

Stefán tryggði sér stórmeistaratitil

 

 

Stefán Kristjánsson (2485) tryggði sér stórmeistaratign í dag.  Stefán hafði fyrir allmörgum árum síðan náð tilskyldum þremur stórmeistaraáföngum en hafði aldrei náð 2500 skákstigum.  Það gerðist hins vegar í dag!  Í fyrri hluta Íslandsmóts skákfélaga sem fram fór um helgina hækkaði Stefán um 6,6 stig.  Á EM taflfélaga sem fram fór fyrr í september hækkaði um Stefán um 7,9 stig.  Samtals hefur því Stefán hækkað um 14,5 stig og er því kominn með 2499,5 sem þýðir að hann verður með 2500 skákstig á nóvember-stigalistanum. 

Stefán verður formlegur útnefndur stórmeistari á næsta ári.

 

Skákþáttur Morgunblaðsins: Tvö íslensk lið tefla á EM skákfélaga

Taflfélag Bolungarvíkur og Hellir, sem taka þátt í Evrópumóti taflfélaga í Rogaska Slatina í Slóveníu, hafa verið furðu samstiga; í fyrstu umferð unnu bæði liðin, 4½:1½, í þeirri næstu steinlágu þau bæði ½:5½, í 3. umferð drógust þær saman skildu jafnar, 3:3. Í 4. umferð unnu bæði lið 4:2 og hafa hlotið 5 stig og sitja í 17.-23. sæti.

Margir frægir kappar taka þátt í þessu móti 62 liða. Bolvíkingar eru reiknaðir í 26. sæti en Hellismenn í 29. sæti.

Frammistaða íslensku liðanna er hvorki betri né verri en búast mátti við, töpin í 2. umferð þó óviðunandi og einnig sú staðreynd að þeir fjórir skákmenn sem tefldu í ólympíuliði Íslands í fyrra hafa eftir fjórar umferðir tapað fleiri skákum samanlagt en á öllu síðasta ólympíumóti. Stefán Kristjánsson sem teflir á 1. borði fyrir Bolvíkinga hefur verið að raða inn jafnteflum gegn stigaháum andstæðingum og bjartsýnismenn sjá fram á að hann nái 2.500 elo-stiga markinu sem hann þarf til að fá staðfestan stórmeistaratitil.

Skemmtilegasta skák okkar manna hingað til er án efa viðureign Björns Þorfinnssonar gegn Motylev í 2. umferð. Rússarnir í Tomsk 400 hafa sennilega klórað sér í kollinum yfir taflmennsku Björns í fyrstu umferð en þar var andstæðingur Björns svo vinsamlegur að sættast á jafntefli með unnið tafl. En í skákinni sem hér fer á eftir sannast hið forna rússneska máltæki, að það er hægt að kenna birni að dansa. Sporið sem Björn sté í 14. leik setti allt í bál og brand og Motylev fann enga lausn á vanda sínum.

EM taflfélaga 2011:

Björn Þorfinnsson - Alexander Motylev

Enskur leikur

1. c4 e5 2. g3 Rf6 3. Bg2 d5 4. cxd5 Rxd5 5. Rc3 Rb6 6. Rf3 Rc6 7. 0-0 Be7 8. a3 0-0 9. b4 Be6 10. Hb1 f6 11. d3 Rd4 12. Rxd4 exd4 13. Re4 Ba2

Traustara er 13.... Bd5 en Motylev hefur sennilega átt von á 14. Hb2 Bd5 og hrókurinn stendur ekki vel á b2.

14. Rc5! Bxb1

Engu betra var 14.... Bxc5 15. bxc5 Bxb1 16. Db3+ ásamt 17. cxb6 og biskupinn á b1 fellur síðan.

15. Db3+ Kh8 16. Re6 Dd7 17. Rxf8 Hxf8 18. Bxb7 Da4?

Eftir þennan leik á svartur í miklum erfiðleikum en ekki gekk 18.... c6 vegna 19. Ba6 o.s.frv. Betra var hinsvegar 18.... Bxd3 19. exd4 c5 o.s.frv.

19. Dxb1 c6 20. Da2! Bxb4

20.... Hb8 er svarað með 21. Df7! t.d. 21.... Hxb7 22. De8+ og mátar.

21. De6 Bxa3 22. Bxc6 Db4 23. Be4! f5

Reynir að hrista upp stöðunni. Hann er engu bættari með 23.... Bxc1 24. Hxc1 o.s.frv.

24. Bxf5 Ra4 25. Bf4 Rc3 26. Be5

Hótar 27. Dh6.

26.... De7 27. Dxe7 Bxe7 28. Bg4 Bc5 29. Ha1

Eftir 29. e3! er svarta staðan vonlaus.

29.... h5!

Góður varnarleikur í tímahraki.

30. Bf3 He8 31. Bc7 He7 32. Bb8 Rxe2 33. Bxe2??

Hrikaleg fljótfærni í unninni stöðu. Eftir 33. Kg2 Bb6 (33.... g6 er svarað með 34. Ha5 Bb6 35. He5! og vinnur.) 34. Bxh5 er hvíta staðan léttunnin.

33.... Hxe2 34. Bxa7 Bxa7 35. Hxa7 Hd2 36. Ha3 Hd1+! 37. Kg2 Kh7 38. h3?

Enn var von og hér gat Björn leikið 38. h4, gefið f2-peðið og leikið hróknum til g5.

38.... g5! 39. Kf3 Hd2!

Svartur hefur teflt vörnina vel. Nú er engan vinning að finna lengur.

40. h4 g4+ 41. Kf4 Hxf2+ 42. Kg5 Hf3 43. Kxh5 Hxg3 44. Ha7+ Kg8 45. Kg6 Hf3 46. h5 g3 47. h6 Hf8 48. Hg7+

- og hér sættist Björn á skiptan hlut.

Helgi Ólafsson [e-mail] 

-------------------------------

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum 2. október 2011.

Skákþættir Morgunblaðsins

[Event "27th European Club Cup 2011"] [Site "?"] [Date "2011.09.26"] [Round "2"] [White "Thorfinnsson, Bjorn"] [Black "Motylev, Alexander"] [Result "1/2-1/2"] [Board "38"] [Input "DGT6596x"] [Owner "MUBA"] 1. c4 e5 2. g3 Nf6 3. Bg2 d5 4. cxd5 Nxd5 5. Nc3 Nb6 6. Nf3 Nc6 7. O-O Be7 8. a3 O-O 9. b4 Be6 10. Rb1 f6 11. d3 Nd4 12. Nxd4 exd4 13. Ne4 Ba2 14. Nc5 Bxb1 15. Qb3+ Kh8 16. Ne6 Qd7 17. Nxf8 Rxf8 18. Bxb7 Qa4 19. Qxb1 c6 20. Qa2 Bxb4 21. Qe6 Bxa3 22. Bxc6 Qb4 23. Be4 f5 24. Bxf5 Na4 25. Bf4 Nc3 26. Be5 Qe7 27. Qxe7 Bxe7 28. Bg4 Bc5 29. Ra1 h5 30. Bf3 Re8 31. Bc7 Re7 32. Bb8 Nxe2+ 33. Bxe2 Rxe2 34. Bxa7 Bxa7 35. Rxa7 Rd2 36. Ra3 Rd1+ 37. Kg2 Kh7 38. h3 g5 39. Kf3 Rd2 40. h4 g4+ 41. Kf4 Rxf2+ 42. Kg5 Rf3 43. Kxh5 Rxg3 44. Ra7+ Kg8 45. Kg6 Rf3 46. h5 g3 47. h6 Rf8 48. Rg7+ 1/2-1/2

Bolvíkingar langefstir í leikhléi

Bolvíkingar eru langefstir í leikhléi á Íslandsmóti skákfélaga.  Í fjórðu og síðustu umferð fyrri hlutans sem fram fór í dag unnu Bolvíkingar Eyjamenn 6-2.  Þeir hafa 27,5 vinning af 32 mögulegum.  TR er í öðru sæti með 19 vinninga eftir 5,5-2,5 sigur á Fjölni.  Hellismenn eru þriðja með 18 vinninga eftir 4-4 jafntefli við b-sveit Bolvíkinga.  Akureyringar unnu svo mikilvægan sigur á Mátum, 4,5-3,5.   Nánari úrslit þar með talin einstaklingsúrslit úr 1. deild má finna hér. 

Ritstjóri vill nota tækifærið og benda skákáhugamönnum að skrá sig fyrir áskrift að Tímaritinu Skák.  Skráningarform má finna hér.   

Pistill um fyrri hlutann verður aðgengilegur á bloggsíðu ritstjóra á morgun.   Þar verður farið yfir gang mála í öllum deildum, farið yfir það áhugaverðasta og skemmtilegasta frá mótinu.  

Staðan í 1. deild:

 

Rk.	Team	TB1	TB2
1	TB A	27,5	8
2	TR A	19	6
3	Hellir A	18	4
4	TV A	16,5	4
5	TB B	15,5	5
6	SA A	13,5	4
7	Mátar	11	1
8	Fjölnir A	7	0

 

Staða efstu liða í 2. deild:

• 1. Víkingaklúbburinn-Þróttur 19,5 v.
• 2. Goðinn 18,5 v.
• 3. KR 11,5 v.

Staða efstu liða í 3. deild:

• 1. TG 8 stig (20 v.)
• 2. TV b-sveit 7 stig (18 v.)
• 3. Haukar-b 6 stig (15,5 v.)

Staða efstu liða í 4. deild:

• 1. SFÍ b-sveit 8 stig (18,5 v)
• 2. Mátar-b 7 stig (16 v.)
• 3. Austurland 6 stig (17,5 v.)

Búið er að para í 3. og 4. deild.  Settur er fyrirvari á pörun í 4. deild.  Dragi sveitir sig úr keppni fyrir síðari hlutann verður endurraðað. 

• Heimasíða mótsins
• Chess-Results

Bjarni Jens endaði í 9.-17. sæti í Osló

Bjarni Jens Kristinsson (2033) hlaut 5,5 vinning í 9 skákum í ELO-flokki alþjóðlegs móts í Osló sem lauk í dag.  Bjarni endaði í 9-17. sæti.  Frammistaða hans samsvaraði 1936 skákstigum og lækkar hann um 15 stig.

Enski stórmeistarinn Matthew Sadler (2625) sigraði í GM-flokki.  Hann hlaut 8 vinninga, 1,5 vinningi meira en hollenski stórmeistarinn Spike Ernst (2581). 

 

• Heimasíða mótsins
• TournamentServices (áþekkt og Chess-Results)

 

Bolvíkingar með 7 vinninga forskot

Bolvíkingar hafa 7 vinninga forystu á Íslandsmóti skákfélaga eftir 7-1 sigur á Mátum í 3. umferð sem fram fór í gærkveldi.  Bolvíkingar hafa 21,5 vinning af 24 mögulegum.  Eyjamenn eru aðrir með 14,5 vinning þrátt fyrr tap gegn TR, 3,5-4,5. Hellismenn eru þriðju eftir 6,5-1,5 sigur á Fjölnir.   B-sveit Bolvíkinga vann SA 5-3.    Nánari úrslit þar með talin einstaklingsúrslit úr 1. deild má finna hér. 

 

Staðan í 1. deild:

 

Rk.	Team	TB1	TB2
1	TB A	21,5	6
2	TV A	14,5	4
3	Hellir A	14	3
4	TR A	13,5	4
5	TB B	11,5	4
6	SA A	9	2
7	Mátar	7,5	1
8	Fjölnir A	4,5	0

 

Staða efstu liða í 2. deild:

• 1.-2. Víkingaklúbburinn-Þróttur 16 v.
• 1.-2. Goðinn 16 v.
• 3. TR-b 9 v.

Staða efstu liða í 3. deild:

• 1. TG 6 stig (15 v.)
• 2.-3. Víkingaklúbburinn-Þróttur b-sveit 5 stig (14 v.)
• 2.-3. TV-b 5 stig (14 v.)

Staða efstu liða í 4. deild:

• 1. Austurland 6 stig (15,5 v.)
• 2. Bridsfjelagið 6 stig (14 v.)
• 3. SFÍ 6 stig (13,5)

• Heimasíða mótsins
• Chess-Results

Íslandsmót skákfélaga: Bolvíkingar langefstir - Eyjamenn lögðu Helli

Bolvíkingar hafa algjöra yfirburði í 1. deild að lokinni 2. umferð Íslandsmóts skákfélaga sem nú er nýlokið.  Bolvíkingar unnu Akureyringa 6,5-1,5 og hafa 14,5 vinning.   Þar náðu Áskell Örn Kárason og Halldór Brynjar Halldórsson eftirtektarverðum jafnteflum gegn sterkum stórmeisturum.  Eyjamenn eru aðrir með 11 vinninga eftir sigur gegn Helli, 4,5-,3,5.  TR er í þriðja sætið eftir 5,5-2,5 sigur á Mátum.  B-sveit Bolvíkinga vann svo Fjölni 6,5-1,5.  Nánari úrslit þar með talin einstaklingsúrslit úr 1. deild má finna hér. 

Þar sem ritstjórinn verður á árshátíð Landsbankans í kvöld verða engar fréttir úr 3. umferð á Skák.is þar til um kl. 10 í fyrramálið.   Skákáhugamönnum er bent á Chess-Results í millitíðinni. 

Staðan í 1. deild:

 

Rk.	Team	TB1	TB2
1	TB A	14,5	4
2	TV A	11	4
3	TR A	9	2
4	Hellir A	7,5	1
5	TB B	6,5	2
6	Mátar	6,5	1
7	SA A	6	2
8	Fjölnir A	3	0

 

Staða efstu liða í 2. deild:

• 1. Goðinn 11 v.
• 2. Víkingaklúbburinn-Þróttur 10,5 v.
• 3. KR 7 v.

Staða efstu liða í 3. deild:

Væntanleg

Staða efstu liða í 4. deild:

• 1. Austurland 4 stig (11,5 v.)
• 2. Goðinn-b 4 stig (10,5 v.)
• 3. Bridsfjelagið 4 stig (10 v.) 

• Heimasíða mótsins
• Chess-Results

Íslandsmót skákfélaga: Óvænt úrslit í fyrstu umferð

Óvænt úrslit urðu í fyrstu umferð Íslandsmóts skákfélaga sem hófst í kvöld í Rimaskóla.   Skákfélag Akureyrar vann mjög óvæntan sigur á Taflfélagi Reykjavíkur, 4,5-3,5, og Mátar náðu óvænt 4-4 jafntefli gegn Helli á sínum fyrsta ári í fyrstu deild.   Eyjamenn unnu Fjölni 6,5-1,5 og Bolvíkingar unnu eigin b-sveit 8-0 og virðast hafa á langsterkasta liðinu að skipa.  Nánari úrslit á 1. deild má finna hér. 

Heimsmeistarinn fyrrverandi, Anatoly Karpov, var virkur þátttakandi í setningu mótsins.  Karpov afhendi Akureyringunum Mikael Jóhann Karlssyni og Jón Kristni Þorgeirsson verðlaun fyrir Landsmótið í skólaskák sem fram fór síðasta vor.  Ágætis umfjöllun má finna um það á mbl.is.   Af því loknu lék Karpov fyrsta leikinn í öllum viðureignum á fyrsta borði í fyrstu deild.  Svo skemmtilega vildi til að aldrei var um ræða sama leik heldur léku menn ýmst, c4, d4, e4 eða b3!   

Goðinn er efstur í 2. deild eftir öruggan sigur á Helli-b.  Nánari úrslit úr 2. deild má finna hér.  

Upplýsingar um 3. deild má finna hér.  Pörun fyrir 2. umferð á Chess-Results er rétt en úrslitaskráning er ekki endanleg.  

Upplýsinga rum 4. deild má finna hér.   Rétt er að taka fram að pörun á Chess-Results er þar ekki rétt þar sem það ljáðist að skrá inn úrslit b-sveitar Máta sem sátu yfir í fyrstu umferð.  

• Heimasíða mótsins
• Chess-Results

 

 

 

Haustmót TV hafið

Á miðvikudagskvöld hófst Haustmót Taflfélags Vestmannaeyja. Einungis 7 skráðu sig til leiks og var því ákveðið að allir tefldu við alla. 

úrslit 1. umferðar

Karl Gauti - Daði Steinn 0-1
Stefán - Nökkvi 0-1
Sverrir - Kristófer 1-0
Hafdís sat yfir.

2. umferð miðvikudaginn 12. september

Hafdís - Karl Gauti
Nökkvi - Sverrir
Daði Steinn - Stefán
Kristófer situr yfir.

Heimasíða TV