Guðmundur vann í fimmtu umferð - mætir Howell í beinni útsendingu á morgun

Alþjóðlegi meistarinn Guðmundur Kjartansson (2326) vann Englendinginn Stephen Gregory (2124) í sjöttu umferð Hastings-mótsins sem fram fór í dag.  Guðmundur hefur 4 vinninga og er í 11.-30. sæti.  Á sjöundu umferð, sem fram fer á morgun, teflir hann við enska stórmeistarann David Howell (2633).  Skákin er sýnd beint á vefsíðu mótsins og hefst kl. 14:15.

Kínverski stórmeistarinn Wang Yue (2697) er efstur með 5½ vinning.

116 skákmenn taka þátt í Hastings.  Þar á meðal eru 13 stórmeistarar.  Guðmundur er nr. 30 í stigaröð keppenda. 

• Heimasíða mótsins 
• Beinar útsendingar (kl. 14:15)
  

Skákdagurinn 26. janúar - til heiðurs Friðriki Ólafssyni

Skáksamband Íslands og Skákakademia Reykjavíkur kynna Skákdaginn.

Skákdagurinn verður haldinn um allt land 26. janúar - á afmælisdegi fyrsta stórmeistara Íslendinga Friðriks Ólafssonar.

Á Skákdeginum verður teflt um allt Ísland, til sjávar og sveita. Taflfélög, skákklúbbar, grunnskólar, fyrirtæki og fleiri sameinast um að það verði teflt sem víðast á Íslandi og sem flestir landsmenn á öllum aldri setjist að tafli.

Er það von og vilji Skáksambandsins og Skákakademíunnar að þeir fjölmörgu og kraftmiklu aðilar sem standa að skákstarfi í landinu haldi einhvern skemmtilegan skákviðburð  þennan merkisdag.

Janúarmánuður verður mikill skákmánuður. Íslandsmót barna fer fram 7. janúar og Skákþing Reykjavíkur hefst daginn eftir. Skákakademían og Skákskóli Íslands starfa af krafti við kennslu barna og ungmenna, og skákfélög í Reykjavík og víðar bjóða upp á fastar æfingar fyrir börn og fullorðna.

Skáksambandið og Skákakademían munu leggja áherslu á að kynna hið kraftmikla starf sem unnið er á skáklandinu Íslandi.

Öllum hinum áhugasömu og kraftmiklu forystumönnum skákstarfs í landinu er boðið á umræðufund um Skákdaginn þar sem menn skiptast á hugmyndum, stilla saman strengi og leggjast allir á eitt svo stórsókn íslenskrar skákhreyfingar megi halda áfram á skákárinu 2012.

Fundurinn fer fram í Skáksambandi Íslands fimmtudaginn 5. janúar klukkan 20:00. Forystumenn af landsbyggðinni eru hvattir til að taka þátt í fundinum í gegnum Skype komist þeir ekki á staðinn og eru beðnir um að hafa samband við Halldór Grétar á [e-mail]

Frekari fyrirspurnir og hugmyndir um Skákdaginn má senda á [e-mail] og [e-mail]

GENS UNA SUMUS - VIÐ ERUM EIN FJÖLSKYLDA

Nakamura efstur í Reggio Emila - Caruana vann Morozevivh

Það er fjörlega teflt á ofurskákmótinu í Reggio Emilia í ítalíu sem er eitt örfárra móta í heiminum sem er eldra en Reykjavíkurskákmótið.  Að loknum 6 umferðum hafa aðeins verið gerð 5 jafntefli í 18 skákum enda fjöregir og skemmtilegir keppendur sem hafa velist til keppni.  Nakamura (2758) er efstur með 14 stig en Morozevich er annar með 10 stig.   Hinn ungi Fabio Caruana (2727), sem er stigahæsti skákmaður heims undir tvítugu, vann Morozevich í dag. 

Staðan:

• 1. Nakamura ( 2758) 14 stig
• 2. Morozevich (2762) 10 stig
• 3. -4. Ivanchuk (2775) og Giri (2714) 8 stig
• 5. Caruana (2727) 7 stig
• 6. Vitjugov (2729) 2 stig

Heimasíða mótsins

 

KORNAX-mótið - Skákþing Reykjavíkur hefst á sunnudag - fjórir alþjóðlegir meistarar skráðir til leiks

KORNAX mótið 2012 - Skákþing Reykjavíkur hefst sunnudaginn 8. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Nú þegar eru ríflegir 30 keppendur skráðir til leiks og þar á meðal 4 alþjóðlegir meistarar þeir: Bragi Þorfinnsson (2426), Jón Viktor Gunnarsson (2424),  Björn Þorfinnsson (2406) og Guðmundur Kjartansson (2326).   Skráning í mótið fer fram á heimasíðu TR og upplýsingar um skráða keppendur má finna hér.

Verðlaun:

• 1. sæti kr. 100.000
• 2. sæti kr. 50.000
• 3. sæti kr. 25.000
• Besti árangur undir 2000 skákstigum kr. 10.000 (íslensk stig gilda)
• Besti árangur undir 1800 skákstigum kr. 10.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2012 og farandbikar til varðveislu í eitt ár.  Núverandi Skákmeistari Reykjavíkur er Björn Þorfinnsson.

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

Dagskrá:

• 1. umferð sunnudag   8. janúar  kl. 14
• 2. umferð miðvikudag 11. janúar  kl. 19.30
• 3. umferð föstudag     13. janúar  kl. 19.30
• 4. umferð sunnudag   15. janúar  kl. 14
• 5. umferð miðvikudag 18. janúar  kl. 19.30
• 6. umferð föstudag      20. janúar  kl. 19.30
• 7. umferð sunnudag    22. janúar  kl. 14
• 8. umferð miðvikudag 25. janúar  kl. 19.30
• 9. umferð föstudag      27. janúar  kl. 19.30

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Íslandsmót barna á laugardaginn: Hver vinnur ferð á Norðurlandamótið í Finnlandi?

Íslandsmót barna í skák fer fram í Rimaskóla laugardaginn 7. janúar og hefst klukkan 11. Þátttökurétt hafa börn í 1. til 5. bekk (fædd 2001 og síðar) og sigurvegarinn fær sæmdarheitið Íslandsmeistari barna 2012 og ferð á Norðurlandamótið í skólaskák í Finnlandi í febrúar.
 
Alls verða tefldar 9 umferðir með 10 mínútna umhugsunartíma. Eftir 5 umferðir munu 15 efstu keppendur halda áfram í lokakeppni um Íslandsmeistaratitilinn og þeir sem verða jafnir að vinningum þeim í 15. sæti, en öðrum börnum býðst að tefla í fjöltefli við Helga Ólafsson stórmeistara og skólastjóra Skákskóla Íslands. Jafnframt verða námskeið Skákskólans á vorönn kynnt.
 
Þetta er í 19. sinn sem keppt er um Íslandsmeistaratitil barna. Sigurður Páll Steindórsson sigraði á fyrsta mótinu árið 1994, en meðal annarra meistara má nefna titilhafana Dag Arngrímsson, Guðmund Kjartansson og Hjörvar Stein Grétarsson.
 
Skákakademía Reykjavíkur annast framkvæmd mótsins í samvinnu við Skáksamband Íslands. Keppendur eru hvattir til að skrá sig sem fyrst á Skák.is. Þátttaka er ókeypis. Veitt eru sérstök verðlaun fyrir bestan árangur í hverjum árgangi, og auk þess efnt til happdrættis svo allir eiga möguleika á vinningi.  Hægt er að fylgjast með skráningu hér.
 
Sigurvegarar á Íslandsmóti barna frá upphafi:
 
1994 Sigurður Páll Steindórsson
1995 Hlynur Hafliðason
1996 Guðjón H. Valgarðsson
1997 Dagur Arngrímsson
1998 Guðmundur Kjartansson
1999 Víðir Smári Petersen
2000 Viðar Berndsen
2001 Jón Heiðar Sigurðsson
2002 Sverrir Þorgeirsson
2003 Hjörvar Steinn Grétarsson
2004 Svanberg Már Pálsson
2005 Nökkvi Sverrisson
2006 Dagur Andri Friðgeirsson
2007 Kristófer Gautason
2008 Kristófer Gautason
2009 Jón Kristinn Þorgeirsson
2010 Jón Kristinn Þorgeirsson
2011 Dawid Kolka

Stefán sigraði á Jólabikarmóti Hellis

Stefán Bergsson sigraði á jólabikarmóti Hellis sem fram fór 30. desember sl. Stefán fékk 13v í 17 skákum og missti aðeins 3,5v niður. Stefán tók snemma forystu í mótinu og lét hana aldrei af hendi. Lokakafli mótsins var eins og 3 skáka einvígi Stefáns við Dag Ragnarsson sem varð annar með 11,5v í 17 skákum. Þriðji varð Oliver Aron Jóhannesson með 9v í 14 skákum og sló hann út sigurvegara síðasta árs Jóhann Ingvason í fjögurra manna úrslitum en féll svo úr leik í næstu skák gegn sigurvegarum.

Lokastaðan

• 1.    Stefán Bergsson                          13,5v/17
• 2.    Dagur Ragnarsson                       11,5v/17
• 3.    Oliver Aron Jóhannesson               10v/15
• 4.    Jóhann Ingvason                           8,5v/14
• 5.    Eggert Ísólfsson                            7v/12
• 6.    Ingi Tandri Traustason                  6,5v/12
• 7.    Örn Leó Jóhannsson                     6,5v/12
• 8.    Jón Trausti Harðarson                     6v/11
• 9.    Vigfús Ó. Vigfússon                       5,5v/11
• 10.    Elsa María Kristínardóttir               5v/10
• 11.  Kristján Halldórsson                        4v/9
• 12.  Kristófer Ómarsson                         4v/9
• 13.  Kristófer Jóel Jóhannesson            3,5v/9
• 14.  Örn Stefánsson                               3v/8
• 15.  Björgvin Kristbergsson                    2v/7
• 16.  Heimir Páll Ragnarsson                    2v/7
• 16.   Sindri Snær Kristófersson               1v/6

Skákþing Vestmannaeyja hefst 11. janúar

Skákþing Vestmannaeyja fyrir árið 2012 hefst miðvikudaginn 11. janúar kl. 19:30.  Tefldar verða 9 umferðir Monrad - fer þó eftir þátttöku. 

Tímamörk verða 90 mínútur á skák + 30 sek. í uppbótartíma á hvern leik.
Mótið verður reiknað til íslenskra og alþjóðlegra stiga.

Dagskrá (gæti breyst)

• 1. umferð miðvikudaginn 11. janúar kl. 19:30
• 2. umferð sunnudaginn 15. janúar kl. 14:00
• 3. umferð miðvikudaginn 18. janúar kl. 19:30
• 4. umferð sunnudaginn 22. janúar kl. 14:00
• 5. umferð miðvikudaginn 25. janúar kl. 19:30
• 6. umferð miðvikudaginn 1. febrúar kl. 19:30
• 7. umferð miðvikudaginn 8. febrúar kl. 19:30
• 8. umferð miðvikudaginn 15. febrúar kl. 19:30
• 9. umferð miðvikudaginn 22. febrúar kl. 19:30

Nánar á heimasíðu TV

Guðmundur tapaði í fjórðu umferð í Hastings

Alþjóðlegi meistarinn Guðmundur Kjartansson (2326) tapaði fyrir indverska alþjóðlega meistaranum Babu Lalith (2484) í 5. umferð Hastings-mótsin sem fram fór í dag.  Guðmundur hefur 3 vinninga og er í 22.-50. sæti.  Í sjöttu umferð, sem fram fer á morgun, teflir hann við Englendinginn Stephen Gregory (2124).

Kínverski stórmeistarinn Wang Yue (2697) er efstur með 4,5 vinning.

116 skákmenn taka þátt í Hastings.  Þar á meðal eru 13 stórmeistarar.  Guðmundur er nr. 30 í stigaröð keppenda. 

• Heimasíða mótsins 
• Beinar útsendingar (kl. 14:15)
  

Skákþáttur Morgunblaðsins: Benedikt Jónasson vann skákmót öðlinga

Fjórir skákmenn urðu efstir á skákmóti öðlinga sem lauk í síðustu viku.

Eins og vænta mátti börðust nokkrir af „strákunum úr taflfélaginu" um efstu sætin þ.e.a.s. nokkrir af þeirri kynslóð sem lét rækilega til sín taka upp úr 1970 þegar Taflfélag Reykjavíkur var nýflutt á Grensásveginn: Kristján Guðmundsson, Ögmundur Kristinsson, Sævar Bjarnason, Benedikt Jónasson, Þorsteinn Þorsteinsson og Bjarni Hjartarson. Og þá voru mættir ýmsir sigursælustu skákmenn þess tíma, Íslandsmeistarinn frá 1967 og 1975, Björn Þorsteinsson, Bragi Halldórsson, Harvey Georgsson og Þór Valtýsson.

47 skákmenn voru skráðir til leiks og aðeins tefld ein skák í viku hverri. Fyrir síðustu umferð voru Kristján Guðmundsson og Björn Freyr Björnsson efstir með fimm vinninga hvor og innbyrðis viðureign þeirra lauk með jafntefli. Það kvöld var höfð til sýnis skák sem Halldór G. Einarsson og Benedikt Jónasson höfðu teflt tveim dögum fyrr og Benedikt hafði fengið flýtt. Úrslitum var haldið leyndum en leikjunum komið á framfæri á eðlilegum hraða meðan á lokaumferðinni stóð. Þetta var tvímælalaust skák mótsins sem báðir geta verið stoltir af. Með sigri náði Benedikt efsta sæti og telst eftir sigurútreikning sigurvegari mótsins:

1.-3.Benedikt Jónasson, Kristján Guðmundsson og Björn Freyr Björnsson 5½ v. (af 7) 4.-5. Þorsteinn Þorsteinsson og Halldór Pálsson 5 v.

Skákmót öðlinga 2011; 7. umferð:

Halldór G. Einarsson - Benedikt Jónasson

Benóní-vörn

1. d4 Rf6 2. c4 e6 3. Rf3 c5 4. d5 exd5 5. cxd5 d6 6. Rc3 a6 7. a4 g6

8. e4 Bg4 9. Be2 Bg7 10. 0-0 0-0 11. h3 Bxf3 12. Bxf3 Rbd7 13. Bf4 De7 14. Dd2 Hab8 15. Hfe1 Re8 16. Be2 Rc7 17. Bf1 Hfc8 18. Kh1 b5 19. Bg3 g5 20. axb5 axb5 21. Rd1!

Svartur má vel við una eftir byrjunina en Halldór benti á 19.... g5 veikti um of f5-reitinn. Þessi riddari er á leiðinni þangað!

21.... Ha8 22. Re3 Be5 23. Rf5 Df6 24. f4 Bxf4 25. Bxf4 gxf4 26. Dxf4 Hxa1 27. Hxa1 Re5 28. Be2 Kf8 29. g4 Re8 30. Bxb5 Rg6 31. Dh6+ Kg8 32. Hf1 Dxb2 33. Bxe8 Hxe8 34. Rxd6 Ha8 35. De3 Ha2 36. Dg3 Rh4?

Báðir keppendur voru í miklu tímahraki. Hér var betra að leika 36.... Re5.

(Sjá stöðumynd)

37. Rf5?

37. Rc4 vinnur - fullyrðir Halldór en skýrir það ekki frekar. Eftir 37.... De2 38. Db8+ Kg7 á hvítur tilþrifamikla mátsókn:39. Hxf7+! Aðalleiðin er þessi: 39.... Kxf7 40. Re5+! Kg7 41. Dc7+ Kh6 42. Rf7+! Kh6 (eða 42.... Kg7 43. Rd8+! Kg6 44. Df7+ Kg5 45. Re6+ Kh6 46. g5 mát) 42. Rh8+! Kh6 43. Df4+! Kg7 44. Df7+! Kh6 (eða 45.... Kxh8 46. Df8 mát) 45. Df6+ Rg6 46. Rf7 mát.

37.... Rf3!

Krókur á móti bragði, svartur hótar „arabísku máti" á h2.

38. Hf2! Db1+

Alls ekki 38.... Dxf2 39. Db8 mát!

39. Kg2 Dg1+ 40. Kxf3 Ha3+ 41. Kf4 Hxg3

42. Ha2!

Frábært svar, hvítur hótar máti á a8.

42.... Ha3 43. Hxa3 Dc1+! 44. He3 c4 45. d6?

Betra er 45. e5! og hvítur á að vinna að mati Houdinis. Tímahrakið tekur alltaf sinn toll.

45.... Dd2 46. Re7+ Kg7 47. Rd5 Dh2+ 48. Hg3 Db2 49. d7 Db8+ 50. e5 f6 51. Rxf6 Kf7 52. Hc3 Ke6 53. d8R+??

Þetta ógnandi peð mátti hann alls ekki gefa. Með 53. Kf3! heldur hvítur í horfinu.

53.... Dxd8 54. Hxc4 Dd2+ 55. Ke4 De2+!

- og Halldór gafst upp. Eftir 56. Kd4 Dxe5+ fellur riddarinn á f6.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 25. desember 2011.

Skákþættir Morgunblaðsins

[Event "Vetrarmót Öðlinga"] [Site "?"] [Date "2011.12.12"] [Round "?"] [White "Halldór Grétar Einarsson"] [Black "Benedikt Jónasson"] [Result "0-1"] [ECO "A75"] [Annotator "Doe,John"] [PlyCount "110"] [SourceDate "2011.12.27"] 1. d4 Nf6 2. c4 e6 3. Nf3 c5 4. d5 exd5 5. cxd5 d6 6. Nc3 a6 7. a4 g6 8. e4 Bg4 9. Be2 Bg7 10. O-O O-O 11. h3 Bxf3 12. Bxf3 Nbd7 13. Bf4 Qe7 14. Qd2 Rab8 15. Rfe1 Ne8 16. Be2 Nc7 17. Bf1 Rfc8 18. Kh1 b5 19. Bg3 g5 20. axb5 axb5 21. Nd1 Ra8 22. Ne3 Be5 23. Nf5 Qf6 24. f4 Bxf4 25. Bxf4 gxf4 26. Qxf4 Rxa1 27. Rxa1 Ne5 28. Be2 Kf8 29. g4 Ne8 30. Bxb5 Ng6 31. Qh6+ Kg8 32. Rf1 Qxb2 33. Bxe8 Rxe8 34. Nxd6 Ra8 35. Qe3 Ra2 36. Qg3 Nh4 37. Nf5 Nf3 38. Rf2 Qb1+ 39. Kg2 Qg1+ 40. Kxf3 Ra3+ 41. Kf4 Rxg3 42. Ra2 Ra3 43. Rxa3 Qc1+ 44. Re3 c4 45. d6 Qd2 46. Ne7+ Kg7 47. Nd5 Qh2+ 48. Rg3 Qb2 49. d7 Qb8+ 50. e5 f6 51. Nxf6 Kf7 52. Rc3 Ke6 53. d8=N+ Qxd8 54. Rxc4 Qd2+ 55. Ke4 Qe2+ 0-1

Tómas og Áskell efstir á Nýársmóti SA

Að venju var nýjársmót SA háð á fyrsta degi ársins. Að þessu sinni tefldur 10 keppendur tvöfalda umferð, alls 18 skákir. Þeir Tómas Veigar Sigurðarson og Áskell Örn Kárason náðu flestum vinningum í hús, enda er talið að þeir hafi báðir haft hemil á sér í sprengjuæði gamlaárskvöldins og munu hafa fagnað nýju ári með vænum mysusopa og farið svo að sofa. Þessi urðu úrslit á fyrsta móti ársins 2012:

Áskell Örn Kárason	15
Tómas V Sigurðarson	15
Sigurður Arnarson	12
Jón Kristinn Þorgeirsson	11½
Sigurður Eiríksson	11
Haki Jóhannesson	8
Andri Freyr Björgvinsson	7
Karl E Steingrímsson	4½
Grétar Eyþórsson	3
Óskar Long	2½

Við mikinn föguð viðstaddra kom nýr keppandi til leiks á mótinu. Grétar Þór Eyþórsson, prófessor í stjórnmálafræði við HA er gamall skákhundur og var sem ungur maður virkur hjá Skákfélagi Kópavogs. Grétar er af miklum skákættum og er föðurbróður hans Arinbjörn Guðmundsson, sem var einn af okkar bestu skákmönnum á sjötta áratugnum en flutti svo til Ástralíu. Grétar hefur ekkert teflt opinberlega í aldarfjórðung eða svo, en sýndi á nýjársmótinu að hann hefur engu gleymt, (þótt 5 mín. umhugsunartími væri fullstuttur fyrir upprifjunina!).

Næst á dagskrá í Skákheimilinu er fyrirlestur á opnu húsi nú á fimmtudaginn. Þar mun Sigurður Arnarson ausa af viskubrunni sínum. Nánar um það í næstu færslu.