Námskeið Skákskóla Íslands hefjast 21. janúar

Skákskóli Íslands kynnir:

Byrjenda- og framhaldsflokkar Skákskóla Íslands hefjast

21. janúar

 

Stundatafla

Byrjendaflokkur I:   laugardagar  10:30 - 11:30

Byrjendaflokkur II:  laugardagar 11:30 - 12:30

Byrjendaflokkur III: laugardagar 16:00 - 17:00

Framhaldsflokkur I:   þriðjudagar  15:30 - 17:00, laugardagar 12:30-14:00.

Kennt verður í 13 vikur en frí um páska og helgina sem Íslandsmót Skákfélaga stendur yfir, 2.-4. mars.

Kennarar flokkanna eru hinir reyndu skákkennarar Björn Ívar Karlsson, Stefán Bergsson og Torfi Leósson auk þess sem stórmeistarar koma að kennslu allra flokkanna. Nemendur Skákskólans hafa í gegnum tíðina skarað fram úr á skáksviðinu og má nefna alþjóðlegu meistarana Guðmund Kjartansson og Dag Arngrímsson og svo helstu skákstjörnu Íslands Hjörvar Stein Grétarsson landsliðsmann.

Innifalið í námskeiðunum er kennsla, kennslugögn, heimaverkefni og umsjón með skákmótaþátttöku nemenda. Nemendum er vísað á skákmót við hæfi og veitt eftirfylgni á þeim skákmótum.

Verð: Byrjendaflokkur 14.000 kr. og framhaldsflokkur: 22.000 kr.

Skráning og fyrirspurnir á [e-mail]

Við skráningu er sendur tölvupóstur  tilbaka um í hvaða flokki nemandinn verður. Skráningu skal fylgja fæðingarár nemanda, grunnskóli og hvaða skákæfingar/skáktíma nemandinn hefur sótt.

Námskeiðum lýkur 12. maí með uppskeruhátíð.

 

 

Henrik tapaði í lokaumferðinni

Stórmeistarinn Henrik Danielsen (2536) tapaði fyrir Indverjanum Kanna Navin (2377) í 11. og síðustu umferð alþjóðlega mótsins í Chennai í Indlandi sem lauk í dag.  Henrik hlut 7 vinninga og endaði í 36.-54. sæti.  

Kínverjinn Yu Ruiyuan (2491) sigraði á mótinu en hann hlaut 9 vinninga.

Árangur Henriks samsvaraði 2372 skákstigum og lækkar hann um 18 stig fyrir frammistöðu sína.

Henrik heldur nú til Nýju-Dehli þar sem hann tekur þátt í Parsvanth-mótinu sem hefst á sunnudag.  

Alls tóku 297 skákmenn þátt í mótinu og þar af eru 16 stórmeistarar.   Henrik var nr. 5 í stigaröð keppenda.  

• Heimasíða mótsins 
• Chessbomb (skákir Henriks aðgengilegar)
  

 

 

Skákþing Vestmannaeyja hafið

Skákþing Vestmannaeyja hófst í gærkvöldi. 10 taka þátt að þessu sinni og ákveðið var að tefla lokað mót, þannig að allir tefla við alla.  Björn Ívar Karlsson er ekki með að þessu sinni, en hann hefur borið sigur úr býtum undanfarin ár.

Stefán og Einar tefldu ágæta skák framan af en í miðtaflinu var Stefán sleginn blindu og tapaði manni og gafst upp stuttu seinna.

Jörgen átti fína skák og átti ágæta möguleika gegn Sverri í miðtaflinu eftir að hafa gefið peð í byrjun, en misst taktinn og fékk tapað endatafl.

Nökkvi og Daði Steinn tefldu hörkuskák þar sem Daði Steinn varðist vel og var kominn með ágæt færi í miðtaflinu en tapaði síðan peði og þar með skákinni.

Kristófer og Gauti tefldu lengstu skák umferðarinnar þar sem Gauti tapaði manni í miðtaflinu en fékk 2 peð uppí hann og virtist ekki hafa mikla möguleika, en náði að snúa á soninn og gera peðin að stórhættulegum uppvakningum og fékk að lokum hálfan punkt.

Michal og Sigurður Arnar tefldu hörkuskák þar sem peð eða menn voru ekki talin heldur allt gefið fyrir færin og var mikið fjör í gangi. Að lokum missti Sigurður af góðri leið sem Michal nýtti sér vel og fékk mátsókn sem ekki varð stöðvuð.

 

Úrslit 1. umferðar:

Name	Rtg	Res.	Name	Rtg
Stefán Gíslason	1869	0  -  1	Einar Guðlaugsson	1928
Jörgen Freyr Ólafsson	1167	0  -  1	Sverrir Unnarsson	1946
Nökkvi Sverrisson	1930	1  -  0	Daði Steinn Jónsson	1695
Kristófer Gautason	1664	½  -  ½	Karl Gauti Hjaltason	1564
Michal Starosta	0	1  -  0	Sigurður A Magnússon	1367

 

2. umferð - sunnudaginn 15. janúar kl. 14:00

Name	Rtg	Res.	Name	Rtg
Einar Guðlaugsson	1928	-	Sigurður A Magnússon	1367
Karl Gauti Hjaltason	1564	-	Michal Starosta	0
Daði Steinn Jónsson	1695	-	Kristófer Gautason	1664
Sverrir Unnarsson	1946	-	Nökkvi Sverrisson	1930
Stefán Gíslason	1869	-	Jörgen Freyr Ólafsson	1167

• Heimasíða TV
• Chess-Results

Fimmtudagsmót TR hefjast aftur í kvöld

Fyrsta fimmtudagsæfing TR 2012 verður 12. janúar og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

 

KORNAX mótið: Mikael Jóhann gerði jafntefli við Björn Þorfinnsson

Fimmtán skákmenn hafa fullt hús eftir 2. umferð KORNAX mótsins - Skákþings Reykjavíkur sem fram fór í kvöld.  Nokkuð var um óvænt úrslit og ber þar hæst að Mikael Jóhann Karlsson (1867) gerði jafntefli við alþjóðlega meistarann og landsliðsmanninn Björn Þorfinnsson (2406).    Úrslit 2. umferðar má finna hér og pörun 3. umferðar, sem fram fer á föstudagskvöld, má finna hér.

Myndir frá umferðinni má finna í myndaalbúmi mótsins.

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, SRF og JHR)

Gestamót Goðans haldið í fyrsta sinn

Goðinn efnir til lokaðs æfingamóts í S-V goðorði félagsins 12. janúar - 23. febrúar 2012. Teflt verður einu sinni í viku, 7 umferðir alls, og er mótið m.a. hannað til upphitunar fyrir lokaátökin í Íslandsmóti skákfélaga í mars.

Um er að ræða langsterkasta mót sem Goðinn hefur staðið að til þessa. Til leiks mæta nokkrir af öflugustu skákmönnum Goðans ásamt stigaháum og grjóthörðum boðsgestum frá öðrum skákfélögum. Meðal keppenda eru stórmeistari, þrír alþjóðlegir meistarar og fimm Fide-meistarar ásamt nokkrum Íslandsmeisturum og fleiri sigurvegurum kunnra skákmóta sem eru til alls líklegir.

Sérstaklega er ánægjulegt að nokkrir af hinum bráðefnilegu öðlingum eldri kynslóðarinnar taka þátt. Þar má nefna snillingana Gunnar Gunnarsson, Jónas Þorvaldsson og Harvey Georgsson að ógleymdum Goðanum, Birni Þorsteinsssyni.

Goðinn býður gesti sína velkomna og óskar keppendum öllum ánægjustunda og aukinnar þekkingar á leyndum dómum hinnar göfgu listar.

Mótsstjórar eru Hermann Aðalsteinsson og Einar Hjalti Jensson.

Yfirskákdómari er Gunnar Björnsson.

Keppendur:

 

1	IM	Björn Þorfinnsson	2406
2	GM	Þröstur Þórhallsson	2400
3	FM	Sigurbjörn Björnsson	2379
4	IM	Björvin Jónsson	2359
5	IM	Dagur Arngrímsson	2346
6	FM	Ingvar Þór Jóhannesson	2337
7	FM	Sigurður Daði Sigfússon	2336
8		Jónas Þorvaldsson	2289
9	FM	Halldór Grétar Einarsson	2248
10		Einar Hjalti Jensson	2241
11		Kristján Eðvarðsson	2223
12		Björn Þorsteinsson	2214
13		Hrafn Loftsson	2203
14		Harvey Georgsson	2188
15		Gunnar Gunnarsson	2183
16		Gylfi Þóhallsson	2177
17	FM	Tómas Björnsson	2154
18		Þorvarður F. Ólafsson	2142
19		Jón Þorvaldsson	ÍSL 2083
20		Sigurður Jón Gunnarsson	1966
21		Páll Ágúst Jónsson	1930
22		Benedikt Þorri Sigurjónsson	ÍSL 1712

 

• Heimasíða Goðans
• Chess-Results

KORNAX mótið - Beinar útsendingar í kvöld (BILAÐ)

Fimm skákir hverrar umferðar á KORNAX mótinu eru sýndar beint.  Önnur umferð hefst í kvöld kl. 19:30 og verða eftirtaldar skákir sýndar beint í kvöld.

Beinar útsendingar verða EKKI í gangi í kvöld vegna ólags hjá hýsingaraðila.

 

 

• Jóhanna Björg (1874) - Hjörvar Steinn (2470)
• Bragi (2426) - Ólafur Gísli (2870)
• Mikael Jóhann (1867) - Björn (2406)
• Ingvar Þór (2337) - Sveinbjörn Jónsson (2861)
• Kristján Örn (1858) - Guðmundur Kja (2326) 

Beinar útsendingar fyrir 2. umferð má nálgast hér (tengill verður virkur rétt fyrir umferð).

Ólag á útsendingu - unnið er að viðgerð.

 

• Heimasíða mótsins
• Chess-Results

Henrik með jafntefli í næstsíðustu umferð

Stórmeistarinn Henrik Danielsen (2536) gerði jafntefli við indverska alþjóðlega meistarann Shrarma Himanshu (2408) í tíundu og næstsíðustu umferð alþjóðlega mótsins í Chennai í Indlandi.  Henrik hefur nú 7 vinninga og er í 16.-27. sæti.

Í lokaumferðinni sem fram fer næstu nótt teflir Henrik við enn einn Indverjann, þann níunda í röð.  Að þessu sinni við Kanna Navin (2377).  

Kínverjinn Yu Ruiyuan (2491) er efstur með 8,5 vinning. 

Alls taka 297 skákmenn þátt í mótinu og þar af eru 16 stórmeistarar.   Henrik er nr. 5 í stigaröð keppenda.  

Hægt er að fylgjast með nokkrum skákum beint í hverri umferð á Chessbomb og virðast skákir Henriks ávallt vera sýndar.  Umferðirnar hefjast hins vegar allar hér eftir kl. 4 að nóttu!

• Heimasíða mótsins 
• Chessbomb

 

 

Skákþing Vestmanneyja hefst í dag

Skákþing Vestmannaeyja fyrir árið 2012 hefst miðvikudaginn 11. janúar kl. 19:30.  Tefldar verða 9 umferðir Monrad - fer þó eftir þátttöku. 

Tímamörk verða 90 mínútur á skák + 30 sek. í uppbótartíma á hvern leik.
Mótið verður reiknað til íslenskra og alþjóðlegra stiga.

Dagskrá (gæti breyst)

• 1. umferð miðvikudaginn 11. janúar kl. 19:30
• 2. umferð sunnudaginn 15. janúar kl. 14:00
• 3. umferð miðvikudaginn 18. janúar kl. 19:30
• 4. umferð sunnudaginn 22. janúar kl. 14:00
• 5. umferð miðvikudaginn 25. janúar kl. 19:30
• 6. umferð miðvikudaginn 1. febrúar kl. 19:30
• 7. umferð miðvikudaginn 8. febrúar kl. 19:30
• 8. umferð miðvikudaginn 15. febrúar kl. 19:30
• 9. umferð miðvikudaginn 22. febrúar kl. 19:30

Nánar á heimasíðu TV

Sæbjörn gefur engin grið

Sæbjörn ekki gefur grið, í góðsemi vinnur hann alla.  Sæbjörn sigraði alla í Stangarhyl í dag, þar sem tuttugu eldri skákmenn mættu til leiks þrátt fyrir vetrarveður og varasama færð. Þetta er í fimmta sinn sem Sæbjörn sigrar í vetur, hann hefur ekki náð fullu húsi fyrr en í dag.

Valdimar Ásmundsson náði öðru sæti með 7,5 vinning og Þorsteinn Guðlaugsson  því þriðja með 6 vinninga.

Toytaskákmót heldri skákmanna verður haldið 26 janúar á afmælisdegi Friðriks Ólafssonar. Skákstaður er söludeild Toyota við Nýbýlaveg, það verður auglýst nánar þegar nær dregur.

Nánari úrslit dagsins:

• 1          Sæbjörn Guðfinnsson                         9 vinninga
• 2          Valdimar Ásmundsson                       7.5
• 3          Þorsteinn Guðlaugsson                       6
• 4          Gísli Árnason                                      5.5
• 5-7       Karl Steingrímsson                              5
•             Halldór Skaftason                               5
•             Haraldur Axel Sveinbjörnsson            5
• 8-12     Magnús V Pétursson                           4.5
•             Ásbjörn Guðmundsson                       4.5
•             Jón Víglundsson                                 4.5
•             Jónas Ástráðsson                                 4.5
•             Finnur Kr Finnsson                             4.5
• 13-14   Birgir Sigurðsson                                4
•             Einar S Einarsson                                4

Næstu  sex fengu örlítið færri vinninga.