Skák.is

Færsluflokkur: Spil og leikir

14.1.2012 | 20:00

Skákþáttur Morgunblaðsins: Nakamura fer hamförum

Þau orð sem Hikaru Nakamura, fremsti skákmaður Bandaríkjamanna nú um stundir, lét falla í viðtali við upphaf Lundúnamótsins á dögunum, að styrkur Garrís Kasparovs á skáksviðinu hefði fyrst og fremst legið á sviði byrjana og á veldistíma hans hefði mátt finna stórmeistara sem staðið hefðu honum framar í miðtafli og endatafli, gáfu mönnum tilefni til að ætla að ekki væri allt með felldu í samskiptum hans við Kasparov sem þó átti að heita þjálfari hans. Og þegar heiðursgestur mótins, nefndur Kasparov, gekk í salinn án þess að heilsa lærisveini sínum sínum fengust grunsemdir manna staðfestar: að samvinnu þeirra væri lokið. Skýringin á þeim slitum var á þá leið að í upphafi hefðu tveir „menningarheimar" hist og reynt að skilja hvor annan - en án árangurs. Þetta með Kasparov er hæpið; helsti styrkur hans fólst í því hversu snilldarlega honum tókst að tengja byrjun skákar við áætlun í miðtafli.

Nakamura sem vann Wijk aan Zee-mótið í ársbyrjun gekk fremur illa á minningarmótinu um Tal í Moskvu í nóvember sl. og talið er að þar hafi soðið upp úr í samskiptum hans við Kasparov. Hann náði sér hinsvegar vel á strik í Lundúnum og varð í 2. sæti. Kannski er ekki skrýtið að Kasparov eigi erfitt með að botna í Nakamura sem kalla má einhverskonar „cyber-pönkara" skákarinnar, hann er hann tíður gestur á vefsvæði ICC og nýtur þar mikilla vinsælda, æfir sig með því að tefla löng hraðskákeinvígi við öflug skákkforrit, tapar stundum með núlli en gefst aldrei upp hvað sem á dynur.

Bandaríkjamönnum líkar það vel þegar Nakamura er nefndur sem líklegur heimsmeistari en skákin hefur þó átt við ímyndarvanda að stríða og fær sjaldnast verðskuldaða umfjöllun því alltaf skal nafn Bobbys Fischers vera dregið fram og ekki allt fagurt sem þar stendur. Samanburður að öðru leyti er Nakamura einnig dálítið óhagstæður. Hann varð Bandaríkjameistari fyrst aðeins 17 ára gamall en Bobby vann titilinn fyrst 14 ára gamall og síðan í hvert skipti sem hann tók þátt, átta sinnum alls.

Á milli jóla og nýárs var var Nakamura mættur til leiks á skákmótið í Reggio Emillia á Ítalíu og hefur farið hamförum. Sex skákmenn tefla tvöfalda umferð. Eftir sex umferðir er staðan þessi:

1. Nakamura 5 v. (af 6) 2. Morozeivic 3 ½ v. 3. - 4. Ivantsjúk og Giri 3 v. 5. Caruna 2 ½ v. 6. Vitiugov 1 v.

Nikita Vitiugov - Hikaru Nakamura

Drottningarbragð

1. d4 d5 2. c4 e6 3. Rc3 Be7 4. Rf3 Rf6 5. Bf4 O-O 6. e3 Rbd7

Þessi leikur er aftur að komast í tísku, áður var vinsælast að leika 6. ... c5.

7. Be2 c5 8. cxd5 Rxd5 9. Rxd5 exd5 10. O-O c4 11. b3 Rb6 12. bxc4 dxc4 13. Dc2 Be6 14. Hab1

Bæði hér og síðar gat hvítur styrkt stöðu sína á miðborðinu með framrásinni e3-e4.

14. ... Hc8 15. a4 a5 16. Rg5 Bxg5 17. Bxg5 f6 18. Bh4 c3 19. Bd3 h6 20. Bb5?

Eftir þennan slaka leik á svartur í engum vadræðum, 20. Bg3 eða 20. Hfc1 var betra.

20. ... Rd5 21. De4 Dd6 22. Bg3 De7 23. Hbc1 Rb4 24. d5 Rxd5 25. Hfd1 Hfd8 26. Hd4 f5 27. De5 Df6 28. Dxf6 gxf6 29. h3 Kf7 30. Bc4 Ke7 31. e4

31. ... Rf4!

Snaggaralegur leikur og dæmigerður fyrir Nakamura.

32. Hxd8 Hxc4! 33. Bxf4 Kxd8 34. exf5 Bxf5 35. Be3 c2 36. g4 Be4 37. Bb6 Kd7 38. Bxa5 Hd4!

Hvítur gafst upp, það er engin vörn við hótuninni 39. ... Hd1+.

Helgi Ólafsson helol@simnet.is

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 8. janúar 2012.

Skákþættir Morgunblaðsins

Spil og leikir | Breytt 9.1.2012 kl. 18:32 | Slóð | Facebook | Athugasemdir (1)

14.1.2012 | 13:13

Bræður í beinni frá Birmingham

Bræðurnir Bragi (2426) og Björn Þorfinnssynir (2426) tefla um helgina í Bresku deildakeppninni sem fram fer í Birmingham. Viðureign þeirra í umferð dagsins verður sýnd beint. Þá teflir Bragi við ítalska alþjóðlega meistarann Lorin D´Costa (2428) en Björn við enska alþjóðlega meistarann John Cox (2411). Umferðin hefst nú kl. 14.

Spil og leikir | Slóð | Facebook | Athugasemdir (0)

14.1.2012 | 13:06

Beinar útsendingar hafnar frá Tata Steel-mótinu i Wijk aan Zee

Í dag hófst Tata Steel-mótið í Wijk aan Zee sem er ár hvert eitt allra sterkasta mót ársins. Meðal keppenda í ár í a-flokki eru Magnus Carlsen (2835), Levon Aronian (2805), Veselin Topalov (2770), Vassily Ivanchuk (2766) og Hikaru Nakamura (2759) auk tveggja keppenda á Reykjavíkurskákmótinu þeirra Fabiano Caruana (2736) og David Navara (2712) en 14 keppendur keppa í a-, b- og c-flokki. Umferðin hófst kl. 12:30 og meðal viðureigna í fyrstu umferð má nefna Carlsen - Gashimov, Navara - Topalov og Radjabov - Caruana

Heimasíða mótsins
Beinar útsendignar (hefjast kl. 12:30 nema lokumaferðin kl. 11 - frídagar (18., 23. og 26. janúar)
ChessBomb

Spil og leikir | Slóð | Facebook | Athugasemdir (0)

13.1.2012 | 23:51

Hjörvar, Ingvar, Stefán, Sverrir og Guðmundur með fullt hús

Hjörvar Steinn Grétarsson (2470), Ingvar Þór Jóhannesson (2337), Stefán Bergsson (2175), Sverrir Örn Björnsson (2152) og Guðmundur Kjartansson (2326) eru efstir með fullt hús að lokinni þriðju umferð KORNAX mótsins - Skákþings Reykjavíkur sem fram fór í kvöld.

Öll úrslit 3. umferðar má finna hér og pörun 4. umferðar, sem fram fer á sunnudag og hefst kl. 14, má finna hér. Stöðuna má finna hér.

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda. Teflt er á sunnudögum (kl. 14) og á mánu- og miðvikudögum (kl. 19:30).

Spil og leikir | Breytt s.d. kl. 23:53 | Slóð | Facebook | Athugasemdir (0)

13.1.2012 | 22:56

Gestamót Goðans hófst í gær

Gestamót Goðans hófst í gærkvöldi. Úrslit urðu nokkuð eftir bókinni. þeir stigahærri unnu þá stigalægri. Þó gerðu Tómas Björnsson og Ingvar Þór Jóhannesson jafntefli og sömuleiðis Jón Þorvaldsson og Jónas þorvaldsson.

1	1	IM	Þorfinnsson Björn	2406	1-0		Þorsteinsson Björn	2214	12
2	13		Loftsson Hrafn	2203	Fr.	GM	Þórhallsson Þröstur	2400	2
3	3	FM	Björnsson Sigurbjörn	2379	1-0		Georgsson Harvey	2188	14
4	15		Gunnarsson Gunnar Kr	2183	0-1	IM	Jónsson Björgvin	2359	4
5	5	IM	Arngrímsson Dagur	2346	1-0		Þórhallsson Gylfi	2177	16
6	17	FM	Björnsson Tómas	2154	½ - ½	FM	Jóhannesson Ingvar Þór	2337	6
7	7	FM	Sigfússon Sigurður Daði	2336	1-0		Ólafsson Þorvarður Fannar	2142	18
8	19		Þorvaldsson Jón	2083	½ - ½		Þorvaldsson Jónas	2289	8
9	9	FM	Einarsson Halldór Grétar	2248	1-0		Gunnarsson Sigurður Jón	1966	20
10	21		Jónsson Páll Ágúst	1930	0-1		Jensson Einar Hjalti	2241	10
11	11		Eðvarðsson Kristján	2223	1-0		Sigurjónsson Benedikt Þorri	1712	22

Skák Hrafns Loftssonar og Þrastar Þórhallssonar var frestað. Pörun í 2. umferð verður birt að henni lokinni.

Spil og leikir | Breytt s.d. kl. 22:57 | Slóð | Facebook | Athugasemdir (0)

13.1.2012 | 21:12

Prag: Hannes vann í fyrstu umferð

Hannes Hlífar Stefánsson (2534) vann úkraínsku skákkonuna Elena Cherednichenko (2113) sem er FIDE-meistari kvenna í 1. umferð Prague Open sem fram fór í dag. Í 2. umferð, sem fram fer á morgun, teflir Hannes við Brasilíumanninn Person Batista (2239). Skákin sú verður sýnd beint og hefst kl. 15 á morgun.

Alls taka 139 skákmenn þátt í mótinu frá 26 löndum. Þar af eru 6 stórmeistarar. Hannes er fjórði stigahæstur keppenda. Tefldar eru níu umferðir.

Allar umferðir hefjast allar kl. 15 nema 5. (17. janúar) og 9. umferð (20. janúar) sem hefjast kl. 8.

Spil og leikir | Slóð | Facebook | Athugasemdir (0)

13.1.2012 | 19:39

KORNAX mótið: Skákir 1. og 2. umferðar

Skákir 1. og 2. umferðar KORNAX-mótsins, Skákþings Reykjavíkur, innslegnar af Þóri Benediktssyni og Halldóri Pálssyni eru aðgengilegar og fylgja með.

Ólag er sem fyrr hjá Allra átta þjónustaaðila TR og SÍ og engar beinar útsendingar í kvöld.

Veljið skák (73 alls):

Spil og leikir | Slóð | Facebook | Athugasemdir (0)

13.1.2012 | 18:18

Hannes í beinni frá Prag

Hannes Hlífar Stefánsson (2534) tekur þátt í Prag Open sem hófst í dag. Í fyrstu umferð, sem nú er í gangi, teflir Hannes við úkraínsku skákkonuna Elena Cherednichenko (2113) sem er FIDE-meistari kvenna. Skák Hannesar er sýnd beint.

Alls taka 139 skákmenn þátt í mótinu frá 26 löndum. Þar af eru 6 stórmeistarar. Hannes er fjórði stigahæstur keppenda.

Spil og leikir | Slóð | Facebook | Athugasemdir (0)

13.1.2012 | 17:56

Róbert hafði sigur í Gallerý Skák

Á kappskákmóti í Gallerý Skák í gærkvöldi fór Róbert Lagerman Harðarson með góðan sigur af hólmi eftirskemmtilegt mót þar sem skin og skúrir skiptust á hjá flestum keppenda.

Hrafn Jökulsson var einnig mættur til tafls glaðbeittur að vanda til að velgja mönnum undir uggum og láta hárbeittar athugasemdir falla um menn og málefni þessa heims og annars.

Þó mottó mótsins væri "látið ekki betri stöður úr greipum ganga -né unnið tafl forgörðum fara" gekk það því miður ekki altaf eftir eins og gengur. Um það hafa teflendur ekki við neinn að sakast nema sjálfan sig og geta huggað sig við það að það kemur dagur eftir þennan.

Eftir 11 umferðir urðu úrslit mótsins nánar á þessa leið:

Nánar á www.galleryskak.net

Myndaalbúm (ESE)

Spil og leikir | Breytt s.d. kl. 18:01 | Slóð | Facebook | Athugasemdir (0)

13.1.2012 | 17:51

Áskell sigraði í mótaröðinni.

Fyrsta mótið í mótaröð SA var teflt í gærkvöldi. Tíu manns mættu til leiks og telfdu tvöfalda umferð, alls 18 skákir. Úrslitin urðu sem hér segir:

1	Áskell Örn Kárason	16
2	Jón Kristinn Þorgeirsson	14
3	Sigurður Arnarson	12½
4	Sigurður Eiríksson	11
5	Tómas V Sigurðarson	10½
6	Karl E Steingrímsson	8
7	Andri Freyr Björgvinsson	7½
8	Haki Jóhannesson	7
9	Logi Rúnar Jónsson	2
10	Símon Þórhallsson	1½

Næsta mót hjá félaginu verður nk. sunnudag 15. janúar, 15 mínútna mót og hefst kl. 13.

Spil og leikir | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Færsluflokkur: Spil og leikir

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: