KORNAX mótið: Sverrir Örn vann Hjörvar Stein

Sverrir Örn Björnsson (2152) gerði sér lítið fyrir og vann alþjóðlega meistarann og landsliðsmanninn Hjörvar Stein Grétasson (2470) í 4. umferð KORNAX mótsins - Skákþings Reykjavíkur sem fram fór í dag.  Sverrir er einn efstur með fullt hús.  Sex skákmenn hafa 3,5 vinning.   Hinn ungi og efnilegur skákmaður Emil Sigurðarson (1736) vann alþjóðlega meistarann Sævar Bjarnason (2118).   Þar sem skákum bræðranna Braga og Björns var frestað í dag liggur pörun 5. umferðar ekki fyrir.  Öll úrslit 4. umferðar má finna hér.   Stöðuna má finna hér.  

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, HÁ, SRF og JHR)

Bræðurnir unnu í bresku deildakeppninni í Birmingham

Bræðurnir Bragi (2426) og Björn Þorfinnssynir (2426) unnu báðar sínar skákir í bresku deildakeppninni sem fram fór í dag.  Bragi vann ungverska skákkonuna og alþjóðlega meistarann Anita Gara (2341) og Björn vann FIDE-meistarann David Moskovic (2324).  Sigrar bræðranna voru mikilvægir þar sem klúbbur þeirra, Jukes og Kent, vann viðureignina í dag með minnsta mun, 4,5-3,5.

• Heimasíða bresku deildakeppninnar
• Beinar útsendingar

 

Aronian og Caruana unnu í 2. umferð - Aronian efstur

Aronian (2805) og Caruana (2736) unnu sínar skákir í 2. umferð Tata Steel-mótsins sem fram fór í dag í Wijk aan Zee.  Aronian vann Nakamura (2759) en Ítalinn ungi vann Karjakin (2769).   Aronian er efstur með 2 vinninga en Carlsen (2835), Caruana og Giri (2714) koma næstir með 1,5 vinning.   

Í 3. umferð sem fram fer á morgun mætast m.a.: Carlsen-Aronian, Nakamura-Caruana og Karjakin-Giri. 

• Heimasíða mótsins
• Beinar útsendingar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Hannes með jafntefli við Örnólf í 3. umferð í Prag

Hannes Hlífar Stefánsson (2534) gerði jafntefli við Norðmanninn Örnólf Stubberud (2321) í 3. umferð Prag Open sem fram fór í dag. Hannes hefur 2,5 vinning og er í 8.-23. sæti.  Í 4. umferð, sem fram fer á morgun, teflir Hannes við tékkneska alþjóðlega meistarann Josef Pribyl (2310).

Alls taka  139 skákmenn þátt í mótinu frá 26 löndum.  Þar af eru 6 stórmeistarar.   Hannes er fjórði stigahæstur keppenda.   Tefldar eru níu umferðir. 

Allar umferðir hefjast kl. 15 nema 5. (17. janúar) og 9. umferð (20. janúar) sem hefjast kl. 8.  

• Heimasíða mótsins
• Beinar útsendingar
• Chess-Results

Gestamót Goðans: Pörun 2. umferðar

Stórmeistarinn Þröstur Þórhallsson (2400) vann Hrafn Loftsson (2203) í frestaðri skák úr 1. umferð Gestamóts Goðans sem fram fór í dag.  Pörun 2. umferðar, sem fram fer á fimmtudag, liggur nú fyrir.  Þá mætast m.a.: Dagur - Björn, Þröstur - Sigurður Daði og Einar Hjalti - Sigurbjörn.  

Pörun 2. umferðar má finna hér.

• Heimasíða Goðans
• Chess-Results
• Myndaalbúm (GB)

Henrik með 1,5 vinning eftir 2 umferðir í Nýju-Dehli

Stórmeistarinn Henrik Danielsen (2536) er með 1,5 vinning eftir 2 umferðir á alþjóðlegu móti í Nýju-Dehli sem hófst í dag.  Henrik tefldi við stigalága andstæðinga.  Í 3. umferð sem fram fer á morgun teflir Henrik við Indverjann N. Surendran (2209). 

304 skákmenn taka þátt í mótinu og þar af eru 19 stórmeistarar.  Henrik er nr. 10 í stigaröð keppenda.

• Heimasíða mótsins
• Beinar útsendingar

KORNAX mótið: Bein útsending frá 4. umferð

Beinar útsendingar frá KORNAX mótinu eru komnar í lag.  Fimm skákir frá 4. umferð sem nú er í gangi eru sýndar beint.

Tengill á beinar útsendingar frá 4. umferð má finna hér.

Eftirtaldar skákir eru sýndar beint:

• Sverrir Örn - Hjörvar Steinn
• Ingvar Þór - Guðmundur Kja
• Einar Hjalti - Birkir Karl
• Jóhann H. - Hallgerður
• Mikael Jóhann - Haraldur Bald

Tenglar:

• Heimasíða mótsins
• Chess-Results
• Myndaalbúm mótsins (GB, SRF, JHR og HÁ)

Giri, Aronian og Carlsen unnu í fyrstu umferð

Tata Steel-mótið hófst í gær í Wijjk aan Zee í Hollandi.  Giri vann Gelfand, Aronian lagði Karjakin og Carlsen vann Gashimov.  Öðrum skákum lauk með jafntefli.  2. umferð fer fram í dag.  Þá mætast m.a.: Ivanchuk-Carlsen, Aronian-Nakamura og Caruana-Karjakin.

• Heimasíða mótsins
• Beinar útsendignar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Bragi með jafntefli en Björn tapaði

Bræðurnir Bragi (2426) og Björn Þorfinnssynir (2426) tefldu báðir í 1. umferð bresku deildkeppninni sem fram fór í gær.  Bragi gerði jafntefli við ítalska alþjóðlega meistarann Lorin D´Costa (2428) en Björn tapaði fyrir enska alþjóðlega meistarann John Cox (2411).  Bræðurnir tefla einnig í dag og en skákir þeirra eru ekki sýndar beint.

• Heimasíða bresku deildakeppninnar
• Beinar útsendingar

 

Hannes vann í 2. umferð í Prag

Hannes Hlífar Stefánsson (2534) vann Brasilíumanninn Person Batista (2239) í 2. umferð Prag Open sem fram fór í gær.  Hannes hefur fullt hús.  Í 3. umferð, sem fram fer í dag og verður sýnd beint kl. 15, teflir Hannes við Norðmanninn Örnólf Stubberud (2321).  

Alls taka  139 skákmenn þátt í mótinu frá 26 löndum.  Þar af eru 6 stórmeistarar.   Hannes er fjórði stigahæstur keppenda.   Tefldar eru níu umferðir. 

Allar umferðir hefjast kl. 15 nema 5. (17. janúar) og 9. umferð (20. janúar) sem hefjast kl. 8.  

• Heimasíða mótsins
• Beinar útsendingar
• Chess-Results