Aronian vann Kamsky - efstur ásamt Carlsen

Aronian (2805) vann Kamsky í 4. umferð Tata Steel-mótsins sem fram fór í Wijk aan Zee í dag.  Karjakin vann Navara en öðrum skákum lauk með jafntefli.  Carlsen og Aronian eru efstir og jafnir með 3 vinninga en Caruana og Radjabov eru í 3.-4. sæti með 2,5 vinning.   Frídagur er á morgun.  Í fimmtu umferð mætast m.a.: Carlsen-Giri, Van Wely-Aronian og Kamsky-Caruana.

• Heimasíða mótsins
• Beinar útsendingar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Guðfinnur sigraði í Ásgarði

Guðfinnur R. Kjartansson kom í heimsókn í Stangarhyl í dag  og varð efstur með 7.5 vinning af 9  Jafnir í öðru til þriðja sæti urðu Kristján Guðmundsson og Stefán Þormar með 6.5 vinning.

minnt er á Toyota skákmót heldri manna sem verður haldið fimmtudaginn 26. janúar kl. 13.00 í söludeild Toyota við Nýbýlaveg

Nánari úrslit:

• 1          Guðfinnur R. Kjartansson                   7.5 vinninga
• 2-3       Kristján Guðmundsson                       6.5
•             Stefán Þormar                                     6.5
• 4-6       Haukur Angantýsson                          6
•             Gísli Sigurhansson                              6
•             Gísli Árnason                                      6
• 7          Haraldur Axel                                     5,5
• 8-11     Óli Árni Vilhjálmsson                         5
•             Þorsteinn Guðlaugsson                       5
•             Magnús V Pétursson                           5
•             Finnur Kr Finnsson                             5
• 12-17   Benedikt Bjarnason                            4.5
•             Hlynur Þórðarson                                4.5
•             Ásgeir Sigurðsson                               4.5
•             Valdimar Ásmundsson                       4.5
•             Jón Víglundsson                                 4.5
•             Bragi G Bjarnarson                             4.5
• 18-20   Viðar Arthúrsson                                4
•             Grímur Jónsson                                   4
•             Baldur Garðarsson                              4
• 21        Jónas Ástráðsson                                 3.5

Næstu fimm fengu örlítið færri vinninga.

 

Henrik með 1,5 vinning í 2 skákum í dag

Stórmeistarinn Henrik Danielsen (2536) fékk 1,5 vinning í 2 skákum sem tefldar voru í dag í alþjóðlega mótinu í Nýju-Dehli.  Henrik hefur 4 vinninga og er í 7.-35. sæti.   Í sjöttu umferð, sem fram fer á morgun, teflir Henrik við indverska alþjóðlega meistarann Debhasis Das (2389) sem var meðal keppenda á síðasta Reykjavíkurskákmóti.  

Efstir með fullt hús eru stórmeistararnir Oliver Barbosa (2573) og John Paul Gomez (2506), Filippseyjum, og Marat Dzhumaev (2481), Úsbekistan.  

304 skákmenn taka þátt í mótinu og þar af eru 19 stórmeistarar.  Henrik er nr. 10 í stigaröð keppenda.

• Heimasíða mótsins
• Beinar útsendingar ( 4 skákir í hverri umferð)
• Chess-Results

Ný vefsíða um skáksögu

Hrafn Jökulsson hefur sett upp vefsíðu hér á blog.is þar sem farið er yfir skáksögulegar staðreyndir.   Bæði um innlenda og erlenda skáksögu.  Eins og segir á síðunni:

„Skákin er ekki aðeins tómstundaiðja. Marga mikilvæga eðlisþætti mannhugans - nýtilega í lífshlaupi hvers manns - má vekja og efla með taflmennsku, svo að þeir séu undirbúnir hvenær sem á þarf að halda. Lífið sjálft er einskonar tafl."´  Benjamin Franklin (1706-1790) lét þessi orð falla, og hann vissi hvað hann söng.  Á þessari síðu er ausið úr brunni skáklistarinnar. Hér birtast sögubrot og fróðleikur úr heillandi heimi. Saga skáklistarinnar nær yfir meira en 1500 ár...

Á síðunni má m.a. finna umfjöllun Ásmund Ásgeirsson og bestu skákmenn Íslands á 19. öld. 

Tengill um síðuna verður hér á vinstri hluta Skák.is undir lykilsíður. 

Vefsíðan

KORNAX mótið: Pörun 5. umferðar

Tvær frestaðar skákir úr 4. umferð KORNAX mótsins fóru fram í kvöld.  Bræðurnir Bragi og Björn Þorfinnssynir unnu þá Stefán Bergsson og Dag Ragnarsson.   Því liggur fyrir pörun 5. umferðar sem fram fer á miðvikudagskvöld.  Þá mætast m.a.:  Ingvar Þór - Sverrir Örn, Haraldur Bald - Bragi, Guðmundur Kja - Einar Hjalti, Hjörvar Steinn - Jóhann H. og Björn - Kristján Örn.  Pörun 5. umferðar í heild sinni má finna hér.  Stöðuna má finna hér.  

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, HÁ, SRF og JHR)

Hannes með jafntefli í 4. umferð í Prag

Hannes Hlífar Stefánsson (2534) gerði jafntefli við tékkneska alþjóðlega meistarann Josef Pribyl (2310) í 4. umferð Prag Open sem fram fór í dag.  Hannes hefur 3 vinninga og er í 11.-29. sæti.  Á morgun eru tefldar tvær skákir.  Í þeirri fyrri, sem hefst kl. 8, teflir hann við rússneska alþjóðlega meistarann Alexander Chudinovskikh (2276).

Efstir með fullt hús eru aserski stórmeistarinn Nidjat Mamedov (2601), úkraínski alþjóðlegi meistarinn Vitaliy Bernadskiy (2462) og brasilíski stórmeistarinn Alexandr Fier (2603).

 Alls taka  139 skákmenn þátt í mótinu frá 26 löndum.  Þar af eru 6 stórmeistarar.   Hannes er fjórði stigahæstur keppenda.   Tefldar eru níu umferðir.

Allar umferðir hefjast kl. 15 nema 5. (17. janúar) og 9. umferð (20. janúar) sem hefjast kl. 8.  

• Heimasíða mótsins
• Beinar útsendingar
• Chess-Results

Carlsen efstur í Sjávarvík eftir sigur á Aronain

Stigahæsti skákmaður heims, Magnus Carlsen (2835) vann í dag þann næststigahæsta Levon Aronian (2805) í 3. umferð Tata Steel-mótsins í Wijk aan Zee.  Radjabov vann Navara og Karjakin lagði Giri en öðrum skákum lauk með jafntefli.  Carlsen er efstur með 3 vinninga, Aronian, Caruana og Radjabov eru næstir með 2 vinninga.

Í 4. umferð sem fram fer á morgun mætast m.a.: Caruana-Carlsen, Aronian-Kamsky og Giri-Nakamura.

• Heimasíða mótsins
• Beinar útsendingar (hefjast kl. 12:30 nema lokumaferðin kl. 11 - frídagar (18., 23. og 26. janúar)
  
• ChessBomb

Birgir Sigurðsson 85 ára - vann sitt eigið afmælismót

„Elfur tímans áfram streymir  - ævin líður fljótt! Minnið allt hið góða geymir - gleymist annað skjótt!" segir í nýlegri stöku eftir Svölu Sóleygu sem margir eldri borgarar geta vissulegar tekið undir.

Þann 11.janúar sl. fagnaði Birgir Sigurðsson, formaður ÆSA skákklúbbs Félags eldri borgara í Reykjavík 85 ára afmæli sínu. Birgir hefur um margra áratugaskeið haldið merki skáklistarinnar á lofti, bæði með taflmennsku sinni og óeigingjörnu starfi að framgangi hennar og félagsstörfum.

Birgir hóf að tefla innan við tvítugt að í Taflfélagi Reykjavíkur með góðum árangri, varð m.a. Norðurlandameistari í 1. flokki  1950, 5. í Landsliðsflokki 1954. Þá vann Birgir mikið að útgáfumálum skákhreyfingarinnar, m.a.sem  ritstjóri Tímaritsins Skákar 1949-50; útgefandi og ritstjóri tímaritsins 1955-1962 og starfaði síðan sem setjari og prentari með Jóhanni Þóri Jónssyni að útgáfu blaðsins, ótal mótsblaða og skákbóka um langt árabil.  

Birgir  hlaut sérstaka „skákorðu" fyrstur manna árið 2008, sem Skákefli vinafélag, sem stendur að baki Gallerý Skákar, veitir árlega einhverjum þeim sem unnið hefur heilladrjúgt starf að eflingu skáklistarinnar í landinu og var  jafnframt útnefndur skáköðlingur árins. 

Undanfarin ár hefur Birgir unnið gott starf að skákmálum eldri borgara sem skákstjóri og formaður ÆSA síðan árið 2000, fyrst í Glæsibæ og síðan Ásgarði við Stangarhyl, þar sem nú mæta að jafnaði á 3ja tug öldunga til tafls á þriðjudögum allan veturinn.

Í tilefni af afmæli Birgis Sigurðssonar stóð Magnús V. Pétursson, forstjóri, fyrir „smá-afmælisskákmóti" Birgi til heiðurs sl. föstudag í húsakynnum Jóa Útherja og flutti honum jafnframt „smá-amælisdrápu" og færði honum „smá-afmælisgjöf"  í þakklætisskyni fyrir  „ skákiðkun hans á langri ævibraut"  og  „óskaði honum áframhaldandi  heilla við skákborðið sem á öðrum sviðum enn um langa hríð".  

Birgir gerði sér lítið fyrir og vann mótið, hlaut 3 vinninga af 4 mögulegum, og geri aðrir betur hátt á níræðisaldri.

ESE

 

Henrik vann í 3. umferð í Nýju-Dehli

Stórmeistarinn Henrik Danielsen (2536) vann Indverjann N Surendan (2209) í 3. umferð alþjóðlegs móts í Nýju-Dehli.  Henrik hefur 2,5 vinning og er í 20.-53. sæti. Á morgun eru tefldar tvær umferðir.  Í þeirri fyrri teflir Henrik við indverska alþjóðlega meistarann P D S Girinath (2360).

304 skákmenn taka þátt í mótinu og þar af eru 19 stórmeistarar.  Henrik er nr. 10 í stigaröð keppenda.

• Heimasíða mótsins
• Beinar útsendingar

Yourchessnews breytir um áherslur

Þar sem aðstæður hafa breyst mikið á umsjónarmanni á yourchessnews.com, hefur verið ákveðið að leggja niður íslenska hlutann. A.m.k. í langan tíma. Á sama tíma verður lagður meiri kraftur í yourchessnews.com sem er nú rekinn á breyttri mynd. Sú síða hefur nú tekið á sig endanlega mynd en þar er blandað saman fréttur, skákþjálfun og -sögu auk athygliverðra greina og viðtala.

Síðan þakkar fyrir mjög jákvæð viðbrögð í þann tíma sem að hún á lofti. Auðvelt er viðurkenna það að þetta var erfið ákvörðun en vonandi fylgja traustir lesendur yourchessnews.com eftir í staðinn. Á yourchessnews.com verður selt efni frá Amazon.com sem og góðri skákverslun sem sjá má á hægri hlið síðunnar.