Námskeið Skákskóla Íslands hefjast á laugardag

Skákskóli Íslands kynnir:

Byrjenda- og framhaldsflokkar Skákskóla Íslands hefjast 21. janúar.

Stundatafla - kennt er að Faxafeni 12

• Byrjendaflokkur I:   laugardagar  10:30 - 11:30
• Byrjendaflokkur II:  laugardagar 11:30 - 12:30
• Byrjendaflokkur III: laugardagar 16:00 - 17:00
• Framhaldsflokkur I:   þriðjudagar  15:30 - 17:00, laugardagar 12:30-14:00.

Kennt verður í 13 vikur en frí um páska og helgina sem Íslandsmót Skákfélaga stendur yfir, 2.-4. mars.

Kennarar flokkanna eru hinir reyndu skákkennarar Björn Ívar Karlsson, Stefán Bergsson og Torfi Leósson auk þess sem stórmeistarar koma að kennslu allra flokkanna. Nemendur Skákskólans hafa í gegnum tíðina skarað fram úr á skáksviðinu og má nefna alþjóðlegu meistarana Guðmund Kjartansson og Dag Arngrímsson og svo helstu skákstjörnu Íslands Hjörvar Stein Grétarsson landsliðsmann.

Innifalið í námskeiðunum er kennsla, kennslugögn, heimaverkefni og umsjón með skákmótaþátttöku nemenda. Nemendum er vísað á skákmót við hæfi og veitt eftirfylgni á þeim skákmótum.

Verð: Byrjendaflokkur 14.000 kr. og framhaldsflokkur: 22.000 kr.

Skráning og fyrirspurnir á [e-mail]

Við skráningu er sendur tölvupóstur  tilbaka um í hvaða flokki nemandinn verður. Skráningu skal fylgja fæðingarár nemanda, grunnskóli og hvaða skákæfingar/skáktíma nemandinn hefur sótt.

Henrik með jafntefli í sjöundu umferð í Nýju-Dehli

Stórmeistarinn Henrik Danielsen (2536) gerði jafntefli við Indverjann Murali Karhikeyan (2225) í sjöundu umferð alþjóðlega mótsins í Nýju-Dehli sem fram fór í dag.  Henrik hefur 4½ vinning og er í 46.-85. sæti.

Í áttundu umferð, sem fram fer á morgun, teflir Henrik við Indverjann Mhamal Anurag (2240). 

Efstir með 6½ vinning eru filipísku stórmeistararnir Oliver Barbosa (2573) og John Paul Gomez (2506).

304 skákmenn taka þátt í mótinu og þar af eru 19 stórmeistarar.  Henrik er nr. 10 í stigaröð keppenda.  Tefldar eru 11 umferðir. 

• Heimasíða mótsins
• Beinar útsendingar ( 4 skákir í hverri umferð)
• Chess-Results

Toyota-skákmót heldri borgara fer fram á Íslenska skákdaginn

Toyota-skákmót heldri borgara 2012 verður haldið á Íslenska skákdaginn, fimmtudaginn 26 janúar.  Mótstaður er Söludeild Toyota við Nýbýlaveg.  Toyota á Íslandi gefur öll verðlaun. Æsir skákfélag eldri borgara í Reykjavík sér um mótshaldið.

Tefldar verða 9 umferðir með 10 mínútna umhugsunartíma.  Engin þátttökugjöld.  Allir skákmenn 60 ára og eldri velkomnir meðan pláss leyfir.  Mótið hefst stundvíslega kl. 13.00.

Nauðsynlegt að mæta tímanlega á skákstað helst ekki seinna en kl. 12.30.  Best að tilkynna þátttöku fyrirfram í netfang [e-mail], eða í síma 822 2403 (Þorsteinn Guðlaugsson) eða 893 1238 (Finnur Kr. Finnsson).

Maggi Matt sigraði á Þorrahraðskákmóti SSON

Magnús Matthíasson varð öruggur sigurvegari á Þorrahraðskákmóti félagsins sem fram fór í kvöld í stað Þorraatskákmótsins sem fresta þurfti vegna samgönguerfiðleika í Flóa og nærsveitum.

Átta keppendur, 14 umferðir af helmössuðum 5 mínútna baráttuskákum, allir vildu vinna en formaðurinn átti góðan dag og stóð í vegi allra hinna.

Lokastaðan:

1.  Magnús Matt    11,5
2.-3. Páll Leó         9
2.-3. Úlfhéðinn       9
4. Ingimundur        8,5
5. Erlingur Jens      7
6. Ingvar Örn         6,5
7. Inga Birgis          4,5
8. Erlingur Atli          0

Fimmtudagsmót hjá TR í kvöld

Fimmtudagsmót hjá TR 2012 verður í kvöld og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

KORNAX mótið: Bragi, Guðmundur og Sverrir Örn efstir

Alþjóðlegu meistararnir Bragi Þorfinnsson (2426) og Guðmundur Kjartansson (2326) og Sverrir Örn Björnsson (2152) eru efstir og jafnir með 4,5 vinning að lokinni 5. umferð KORNAX mótsins - Skákþings Reykjavíkur.   Einni skák var frestað þar sem Emil Sigurðarson (1736) var veðurtepptur á Laugarvatni.  Pörun sjöttu umferðar verður því ekki tilbúinn fyrr en á morgun.   Öll úrslit 5. umferðar má finna hér.   Stöðuna má finna hér.  

Mjög góð þátttaka er á mótinu eða 73 skákmenn. Mótið er sterkt en fimm alþjóðlegir meistarar eru meðal þátttakenda.  Teflt er á sunnudögum (kl. 14) og á mánu- og miðvikudögum (kl. 19:30).

• Heimasíða mótsins
• Chess-Results
• Myndaalbúm (GB, HÁ, SRF og JHR)

Hannes með sigur í sjöundu umferð í Prag

Hannes Hlífar Stefánsson (2534) vann tékkneska FIDE-meistarann Svatopluk Svoboda (2285) í sjöundu umferð Prag Open sem fram fór í dag.  Hannes hefur 5½ og er í 4.-7. sæti.  Í áttundu og næstsíðustu umferð, sem fram fer á morgun, teflir Hannes við stigahæsta keppenda mótsins, aserska stórmeistarann Nidjat Mamedov (2601).

Mamedov, brasilíski stórmeistarinn Alexander Fier (2603) og Pólverjinn Michal Matuszewski (2335) eru efstir og jafnir með 6 vinninga. 

Alls taka  139 skákmenn þátt í mótinu frá 26 löndum.  Þar af eru 6 stórmeistarar.   Hannes er fjórði stigahæstur keppenda.   Tefldar eru níu umferðir.

• Heimasíða mótsins
• Beinar útsendingar (hefjast flestar kl. 15).
• Chess-Results

Henrik tapaði í sjöttu umferð í Nýju-Dehli

Stórmeistarinn Henrik Danielsen (2536) tapaði fyrir indverska alþjóðlega meistaranum Das Debashis (2389) í sjöttu umferð alþjóðlega mótsins í Nýju-Dehli sem sem fram fór í dag.  Henrik hefur 4 vinninga og er í 40.-89. sæti.  

Í sjöundu umferð, sem fram fer á morgun, teflir Henrik við Indverjann Murali Karhikeyan (2225).

Efstir með fullt hús eru filipísku stórmeistararnir Oliver Barbosa (2573) og John Paul Gomez (2506).

304 skákmenn taka þátt í mótinu og þar af eru 19 stórmeistarar.  Henrik er nr. 10 í stigaröð keppenda.

• Heimasíða mótsins
• Beinar útsendingar ( 4 skákir í hverri umferð)
• Chess-Results

Þorraatskákmót SSON hefst í kvöld

Miðvikudaginn 18. janúar hefst hið árlega Þorraatskákmót SSON.  Tefldar verða 25 mínútna skákir allir við alla.

Reiknað er með að mótið taki 3 miðvikudagskvöld og að tefldar verði 3-4 skákir hvert kvöld, allt eftir fjölda keppenda.

Veitt verða góð verðlaun fyrir 3 efstu sætin.

Hannes með jafntefli í sjöttu umferð

Hannes Hlífar Stefánsson (2534) gerði jafntefli við tékkneska alþjóðlega meistarann Jiri Jirka (2415) í sjöttu umferð Prag Open sem fram fór í dag.  Hannes hefur 4½ vinning og er í 9.-15. sæti.  Í sjöundu umferð, sem fram fer á morgun, teflir hann við tékkneska FIDE-meistarann Svatopluk Svoboda (2285). 

Átta skákmenn eru efstir og jafnir með 5 vinninga. 

Alls taka  139 skákmenn þátt í mótinu frá 26 löndum.  Þar af eru 6 stórmeistarar.   Hannes er fjórði stigahæstur keppenda.   Tefldar eru níu umferðir.

• Heimasíða mótsins
• Beinar útsendingar (hefjast flestar kl. 15).
• Chess-Results