Og þá eru eftir 64: Jobava og Tari meðal þeirra sem komust áfram

Í gær lauk fyrstu umferð Heimsbikarmótsins í skák þegar 22 einvígi voru til lykta leidd með styttri umhugsunartíma. Meðal þeirra sem féllu úr leik voru Bassem Amin (á mjög dramatískan hátt), David Howell og Laurent Fressinet. Heimamaðurinn Baadur Jobava kemst áfram eftir lengsta einvígið. Aryan Tari er annar tveggja norðurlandabúa sem komst áfram - eftir sigur á Howell. Hinn er Magnus Carlsen! Önnur umferð hefst kl. 11 í dag. Carlsen mætir þá goðsögninni Alexei Dreev.

Jobava vann spænska stórmeistarann Ivan Salgado. Þeir eru miklir félagar og eftir einvígið sátu þeir saman og fengu sér rauðvín og osta. Jobava mætir Yu Yangui í dag.

Mesta dramantíkin átti sér stað í einvígi Bassem Amin og Viktor Erdos. Gefum Peter Doggers á Chess.com orðið:

Eight matches were decided in the 10+10 rapid games, the most dramatic being Viktor Erdos vs Bassem Amin. After drawing their 25+10 games, Erdos won the first 10+10 convincingly. In the second game he "got excited" (as he said himself) and used two hands to promote to a queen. 

Amin claimed a win, which is understandable since per 1 July 2017 using two hands for a move equals an illegal move, which loses the game in rapid and blitz if the opponent claims or the arbiter steps in. However, at World Cups the same rules are in effect for all time controls, to avoid confusion for the players. Therefore, also in tiebreaks, at the first occurrence an illegal move will lead to a warning and the opponent receives two minutes extra on the clock.

The highly experienced but aging arbiter Faik Gasanov of Azerbaijan needed several minutes to set the clock, which gave Erdos extra time to think about the position. Having in mind Amin's blunder in a winning rook endgame the other day, it was difficult not to feel sorry for him.

Ítarlega frásögn af gangi mála má finna á Chess.com.

Myndir (Maria Emelianova - Chess.com)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleiri)

 

Haustmót TR hefst í kvöld - teflt í einum opnum flokki - enn opið fyrir skráningu

Haustmót Taflfélags Reykjavíkur 2017 hefst miðvikudaginn 6. september kl. 19.30. Mótið, sem er hið 84. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er öllum opið og verður reiknað til alþjóðlegra skákstiga. Að þessu sinni verður teflt í einum opnum flokki. Opið er fyrir skráningu fram til kl. 19:15 í kvöld. Hægt er að taka tvær yfirsetur í umferðum 1-6. Biðja þarf um áður en umferðinni á undan lýkur.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða þrjár umferðir á viku og eru alls níu umferðir.

Lokaumferð fer fram sunnudaginn 24. september en mótinu lýkur formlega með verðlaunaafhendingu miðvikudaginn 27. september þegar Hraðskákmót TR fer fram.

Núverandi skákmeistari Taflfélags Reykjavíkur er Vignir Vatnar Stefánsson.

Dagskrá:

1. umferð: Miðvikudag 6. september kl. 19.30
2. umferð: Föstudag 8. september kl. 19.30
3. umferð: Sunnudag 10. september kl. 13:00
4. umferð: Miðvikudag 13. september kl.19.30
5. umferð: Föstudag 15. september kl. 19.30
6. umferð: Sunnudag 17. september kl. 13.00
7. umferð: Miðvikudag 20. september kl. 19.30
8. umferð: Föstudag 22. september kl. 19.30
9. umferð: Sunnudag 24. september kl. 13.00

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.

Verðlaun
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2018

Verði keppendur  jafnir að vinningum í efstu sætum verður verðlaunafé skipt eftir Hort-kerfi. Lokaröð keppenda ákvarðast af mótsstigum (tiebreaks).

Röð mótsstiga (tiebreaks):

1. Innbyrðis viðureign 2. Buchholz (-1) 3. Buchholz

Tímamörk:
1 klst og 30 mín á fyrstu 40 leikina. Að loknum 40 leikjum bætast við 15 mínútur. 30 sekúndur bætast við eftir hvern leik alla skákina.

Þátttökugjöld (greiðist með reiðufé við upphaf móts):
3.500 kr. fyrir félagsmenn T.R. 18 ára og eldri (5.000 kr. fyrir aðra).
1.500 kr. fyrir félagsmenn T.R. 17 ára og yngri (2.500 kr. fyrir aðra).

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu lýkur 15 mínútum fyrir auglýst upphaf móts, þ.e. 6. september kl. 19.15. 

Skráningarform

Skráðir keppendur

Pörunarnámskeið hefst í dag

Fræðslunefnd SÍ stendur fyrir pörunarnámskeiði dagana sjötta og sjöunda september. Kennt verður sitthvort kvöldið frá 20:00 til um það bil 21:30. Kennslan fer fram í Skáksambandi Íslands að Faxafeni 12. 

Á námskeiðinu verður kennt hvernig nota megi pörunarforritið Swiss-Manager til þess að halda skákmót. 

Nokkrir kennarar verða á námskeiðinu og verður miðað við að hver kennari hafi ekki fleiri en tvo nemendur á sinni könnu svo að kennslan geti verið sem mest einstaklingsmiðuð. 

Þátttakendur þurfa ekki að hafa neinn grunn í að halda utan um skákmót í tölvu.  

Þátttakendur þurfa að koma með eigin fartölvu á námskeiðið. 

Meðal kennara verða Gunnar Björnsson, Björn Ívar Karlsson, Omar Salama og Stefán Bergsson. 

Skákfélög eru hvött til að senda fulltrúa frá sér á námskeiðið. 

Þátttaka ókeypis. 

Skráning á [e-mail].

Batel vann þriðja stigahæsta keppendann í frábærri skák

Evrópumót ungmenna hófst í dag í Mamaia í Rúmeníu. Sex íslenskir fulltrúar taka þátt. Í fyrstu umferð fengu íslensku fulltrúarnir 2,5 vinningur í hús. Vignir Vatnar Stefánsson (u14) vann sína skák og það gerði einnig Batel Goitom Haile (u10). Sigur Batel vakti mikla athygli en andstæðingur hennar 450 stigum hærri og endaði í skiptu þriðja sæti á HM stúlkna fyrr í sumar. 

Stórglæsilega skák Batelar má finna hér. Sérstaklega má benda á 20. leik hennar, 20...Bxa2!

Jón Kristinn Þorgeirsson (u18) gerði jafntefli við FIDE-meistara. Símon Þórhallsson (u18), Gunnar Erik Guðmundsson (u10) og Bjartur Þórisson (u8) töpuðu sínum skákum.

Önnur umferð fer fram á morgun og hefst kl. 12. Þá verður Vignir Vatnar Stefánsson í beinni útsendingu.

• Heimasíða mótsins
• Chess-Results (hoppa verður á milli flokka)
• Beinar útsendingar (hefjast kl. 12 - 10 efstu skákir hvers flokks sýndar beint)

Eljanov og Ponomariov halda heim til Úkraínu - 22 einvígum framhaldið í dag

Síðari kappskák einvíganna á Heimsbikarmótinu í skák fór fram í gær. 42 einvígum er lokið en 22 einvígjum verður framhaldið í dag með styttri umhugsunartíma. Stærstu nöfnin sem eru þegar fallnir úr leik eru Úkraínumennirnir Pavel Eljanov (2734) og Ruslan Ponomariov (2694) sem einmitt sigraði á sama móti árið 2002. Eljanov og Pono gætu horft á leikinn gegn Íslandi saman í kvöld.

Magnus Carlsen vann andstæðing sinn FM-meistarann Oluwafemi Balogun 2-0 en þurfti að hafa meira fyrir sigrinum en flestir áttu von á. Nakmaura, Caruana, Aronian og Grischuk voru meðal þeirra sem unnu 2-0.

Sergei Karjakin og Wei Yi eru þeir einu á topp 15 sem ekki komust áfram í gær og þurfa að tefla áfram í dag. Wei Yi jafnaði metin í gær en Karjakin sem tefldi við yngsta keppenda mótsins, alþjóðlega meistarinn Anton Smirnov, aðeins 16 ára, varð að sætta sig við tvö jafntefli.

Taflmennskan í dag hefst kl. 11. Bent er á vefsíðu mótsins þar sem Ivan Sokolov fer á kostum í skákskýringum.

Nánar á Chess.com.

Myndir (Maria Emelianova (af Chess.com)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleiri)

 

Haustmót TR hefst á morgun - skráningu í lokaða flokka lýkur í kvöld

Haustmót Taflfélags Reykjavíkur 2017 hefst miðvikudaginn 6. september kl. 19.30. Mótið, sem er hið 84. í röðinni, er eitt af aðalmótum vetrarins í reykvísku skáklífi og er jafnframt meistaramót T.R. Mótið er flokkaskipt, öllum opið og verður reiknað til alþjóðlegra skákstiga.

Haustmótið fer fram í félagsheimili Taflfélags Reykjavíkur, skákhöllinni að Faxafeni 12. Tefldar verða þrjár umferðir á viku og eru alls níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi. Í lokuðu flokkunum er keppendum raðað eftir Elo-skákstigum (september listi).

Skráningu í alla lokaða flokka lýkur þriðjudaginn 5. september kl. 22.

Lokaumferð fer fram sunnudaginn 24. september en mótinu lýkur formlega með verðlaunaafhendingu miðvikudaginn 27. september þegar Hraðskákmót TR fer fram.

Núverandi skákmeistari Taflfélags Reykjavíkur er Vignir Vatnar Stefánsson.

Dagskrá:

1. umferð: Miðvikudag 6. september kl. 19.30
2. umferð: Föstudag 8. september kl. 19.30
3. umferð: Sunnudag 10. september kl. 13:00
4. umferð: Miðvikudag 13. september kl.19.30
5. umferð: Föstudag 15. september kl. 19.30
6. umferð: Sunnudag 17. september kl. 13.00
7. umferð: Miðvikudag 20. september kl. 19.30
8. umferð: Föstudag 22. september kl. 19.30
9. umferð: Sunnudag 24. september kl. 13.00

Í opna flokknum eru leyfðar tvær yfirsetur (bye) í umferðum 1-6 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu fyrir lok umferðarinnar á undan.

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar.

Verðlaun í A-flokki:
1. sæti kr. 100.000
2. sæti kr. 50.000
3. sæti kr. 25.000
4. og 5. sæti ókeypis í Skákþing Reykjavíkur 2018

Verðlaun í B-flokki:
1. sæti kr. 20.000
2. og 3. sæti ókeypis í Skákþing Reykjavíkur 2018

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2018

Verðlaun í opnum flokki:
1. sæti kr. 10.000
2. og 3. sæti ókeypis í Skákþing Reykjavíkur 2018
Stigaverðlaun 5.000kr skákbókainneign: stigalausir, U1200, U1400

Ef lokuðum flokkum fjölgar þá verða verðlaun í þeim þau sömu og í C-flokki. Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur í A-flokki jafnir að vinningum í efstu sætum verður verðlaunafé skipt eftir Hort-kerfi. Lokaröð keppenda í öllum flokkum ákvarðast af mótsstigum (tiebreaks).

Röð mótsstiga (tiebreaks):

Lokaðir flokkar: 1. Innbyrðis viðureign 2. Sonneborn-Berger 3. Fjöldi sigra
Opinn flokkur: 1. Innbyrðis viðureign 2. Buchholz (-1) 3. Buchholz

Tímamörk í lokuðum flokkum:
1 klst og 30 mín á fyrstu 40 leikina. Að loknum 40 leikjum bætast við 15 mínútur. 30 sekúndur bætast við eftir hvern leik alla skákina.

Tímamörk í opnum flokki:
60 mín auk þess sem 30 sekúndur bætast við eftir hvern leik alla skákina (60+30). Enginn viðbótartími eftir 40 leiki.

Þátttökugjöld (greiðist með reiðufé við upphaf móts):
3.500 kr. fyrir félagsmenn T.R. 18 ára og eldri (5.000 kr. fyrir aðra).
1.500 kr. fyrir félagsmenn T.R. 17 ára og yngri (2.500 kr. fyrir aðra).

Vinsamlegast mætið tímanlega á skákstað til að staðfesta skráningu og greiða þátttökugjald. Skráningu í opinn flokk lýkur 15 mínútum fyrir auglýst upphaf móts, þ.e. 6. september kl. 19.15. Skráningu í alla lokaða flokka lýkur þriðjudaginn 5. september kl. 22.

Skráningarform

Skráðir keppendur

Jóhann fallinn úr leik eftir annað tap gegn David Navara

Jóhann Hjartarson (2539) tapaði síðari einvígisskákinni gegn David Navara (2720) í dag og einvíginu þar með 0-2. Jóhann er því fallinn úr leik. Tékkinn viðkunnanlegi tefldi vel í dag með hvítu og varðist öllum tilraunum Jóhanns til að flækja taflið. Jóhann gafst upp eftir 35 leiki.

Á myndinni hér að ofan má sjá Nonu Gaprindashvili fyrrum heimsmeistara kvenna fylgjast með skák Jóhanns og Navara.

Skák.is gerir öðrum úrslitum dagsins betri skil í kvöld eða í fyrramálið.

Myndir (Maria Emelianova fyrir Skák.is)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleii)

 

Æfingatafla og þjálfarar Skákdeildar 2017-18

Þjálfarar veturinn 2017-18

Helgi Ólafsson stórmeistari, FIDE Senior Trainer og skólastjóri Skákskóla Íslands [e-mail]
Hjörvar Steinn Grétarsson stórmeistari og FIDE Trainer [e-mail]
Lenka Ptacnikova stórmeistari kvenna [e-mail]
Ingvar Þór Jóhannnesson FIDE meistari og landsliðsþjálfari Íslands [e-mail]
Kristófer Gautason [e-mail]

Æfingar veturinn 2017-18

Boðið er upp á æfingatíma í stúkunni við Kópavogsvöll fyrir grunnskólakrakka.
Eldri/reyndari/með skákstig: mánudaga til föstudaga frá 16:00 – 17:30.
Þjálfarar: Helgi Ólafsson (mán&fös), Hjörvar Steinn Grétarsson (fim), Ingvar Þór Jóhannesson (þri) og Lenka Ptachnikova (mið).
Einnig sérstakar æfingar fyrir c.a. 10 ára og yngri: mánudaga, þriðjudaga og fimmtudaga kl 16:00 - 17:00.
Þjálfari er Kristófer Gautason

Æfingarnar henta skákkrökkum sem hafa náð grunnfærni í skák, hafa mikinn áhuga og vilja æfa skák oft í viku að stefna að því að verða í fremstu röð á Íslandi og að standa sig með sóma á alþjóðlegum barna- og unglingaskákmótum.

Hver iðkandi velur sér eins margar æfingar í viku og henta honum. Einnig verður hægt að velja um að mæta seinna og fara fyrr ef tíminn t.d. rekst á aðrar tómstundir.
Iðkendur utan Kópavogs og í hvaða taflfélagi sem er eru velkomnir. Allir geta mætt í nokkur skipti til að prófa án æfingagjalds.

Fyrsta æfing verður mánudaginn 4.september
Síðasta æfing fyrir jólafrí verður föstudaginn 8.desember.
Fyrsta æfing eftir áramót verður miðvikudaginn 3.janúar
Páskafrí mánudag 26.mars – mánudags 2.apríl.
Síðasta æfing fyrir sumarfrí verður miðvikudaginn 9.mai
Frí er á æfingum alla hátíðisdaga. (fim 19.apríl: Sumardagurinn fyrsti, þri 1.mai: Verkalýðsdagurinn)

Æfingagjöld veturinn 2017-18: (eru styrkhæf sem tómstundastyrkur hjá Kópavogsbæ og Reykjavíkurborg):
Þrisvar sinnum eða oftar í viku: 30.000kr
Tvisvar sinnum í viku: 20.000kr
Einu sinni í viku: 10.000kr
Skráning í Íbúagátt Kópavogsbæjar: https://ibuagatt.kopavogur.is/login.aspx?ReturnUrl=%2fdefault.aspx

Þeir sem byrja eftir áramót fá afslátt sem er þannig að ef æft er tvisvar í viku er valið einu sinni í æfingagjöldunum og ef æft er þrisvar eða oftar er valið tvisvar sinnum !
Þeir sem hafa náð afreksmörkum Skáksambands Íslands fá frítt á allar æfingar og mót hjá Skákdeild Breiðabliks.

Æfingarnar eru í stúkunni við Kópavogsvöll. Gengið inn á jarðhæð í gegnum hlið eins og verið sé að fara á fótboltaleik og þaðan inn í glerbygginguna.

Nánari upplýsingar hjá Halldóri Grétari: [e-mail]

Afreksmörk SÍ: http://skaksamband.is/?c=webpage&id=487 

Nánar á heimasíðu Breiðabliks.

Jóhann tapaði fyrir David Navara - fær annað tækifæri kl. 11

Fyrri skák fyrstu umferðar (128 manna úrslita) Heimsbikarmótsins fór fram í gær. Jóhann Hjartarson (2539) tapaði fyrir David Navara (2720). Tékki viðkunnanlegi, sem fæddur er árið 1985, sama ár og Jóhann varð stórmeistari náði strax frumkvæðinu með svörtu og vann skákina í 40 leikjum. Jóhann fær annað tækifæri í dag en þarf þá nauðsynlega að vinna Tékkann með svörtu mönnunum í dag.

Sterkustu skákmennirnir unnu almennt sínar skákir. Sumir þeirra lentu þó í ógöngum og má nenfa að Vladimir Fedoseev, Pentala Harikrishna og Wei Yi töpuðu allir fyrir stigalægri skákmönnum.

Bandaríski stórmeistarinn Alexander Onichuk þurfti minnst allra að hafa fyrir sigri sínum. Andstæðingur hans úkraínski Yaraslov Zherebukh, sem bússettur er í Bandaríkjunum er að sækja um græna kortið og gat ekki flogið til Georgíu.

Seinni skák einvíganna hefst kl. 11. Best er að fylgjast með útsendingu mótsins í gegnum vefsíðu mótsins. Ivan Sokolov stjórnar þar ríkjum og gerir vel.

Myndir (Maria Emelianova fyrir Skák.is)

• Heimasíða mótsins (Ivan Sokolov stjórnar ríkjum)
• Chess.com (Yasser Seirawan og fleii)

Skák.is mun fylgjast afar vel með gangi mála frá Heimsbikarmótinu. 

Omar Salama vann Gens una Sumus skákmótið í Gerðasafn

Laugardaginn 2, september hélt Hrókurinn í samstarfi við Vinaskákfélagið hraðskákmót í Gerðarsafni í Kópavogi, í tilefni af CYCLE-listahátíðinni, sem Kópavogur stendur að í samvinnu við Berlín og Hong Kong. Yfirskrift skákmótsins var í anda hátíðarinnar og kjörorða skákhreyfingarinnar: Gens una sumus / Við erum ein fjölskylda.

Tefldar voru sex umferðir með 7 mínútna umhugsunartíma. Bókaverðlaun og gjafabréf var í vinninga.

Skipuleggjandi mótsins var Hrafn Jökulsson, en skákstjóri var Hörður Jónasson frá Vinaskákfélaginu.

Á mótið mættu 21 skákmaður.

Sigurvegari varð Omar Salama með 5,5 vinninga, í öðru sæti var Gunnar Fr. Rúnarsson með 4,5 vinninga og í þríðja sæti ásamt 2 öðrum, en vann á stigum varð Vignir Vatnar Stefánsson með 4 vinninga.

Nánar á heimasíðu Vinaskákfélagsins.