Hraðskákmót öðlinga fer fram á miðvikudag

Hraðskákmót öðlinga fer fram miðvikudaginn 16. maí kl. 19.30 í félagsheimili T.R. að Faxafeni 12.

Mótið er opið fyrir alla 40 ára og eldri (f. 1972 og síðar).

Tefldar verða 7 umferðir með 7 mín. umhugsunartíma.

Í lok mótsins fer fram verðlaunaafhending fyrir Hraðskákmótið sem og Skákmót öðlinga sem lauk s.l. miðvikudagskvöld.

Þátttökugjald er kr. 500 og er í því innifalið kaffi og góðgæti.

Skákmenn 40+ eru hvattir til að fjölmenna!

Verkís mótið "Algjörlega frábært í alla staði"

 

„Algjörlega frábært í alla staði" er skoðun teflenda á Verkísmótinu í skák.

 

Tala Kasparovs réði ríkjum, en mætt voru til leiks 13 lið. Eins og búist var við var mótið mjög jafnt og spennandi, en lið Hafgæða sf. þótti fyrir mótið sigurstranglegt.

Svo fór að lokum að lið aðal styrktaraðilans Verkís fór með sigur af hólmi eftir æsispennandi lokaumferð, þar sem að úrslitin réðust í einni af síðustu skákunum.

Fáir höfðu reiknað með sigri Verkís, en þó var ljóst að erfitt yrði að segja fyrir um úrslitin. Þó var hægt að ganga útfrá því sem vísu að andinn og stemmingin í liði Verkís yrði mjög góð. 

Lið Hafgæða með landsliðsmanninn Hjörvar Stein Grétarsson varð í öðru sæti. Bæði Verkís og Hafgæði fengu flug til Evrópu fram og til baka með Iceland Express með öllum sköttum og gjöldum inniföldum.

Bronsið vann eftir harða baráttu stúlknasveit Sláturfélags Suðurlands, en allir liðsmenn hennar voru fyrrum Íslandsmeistarar kvenna, þær Guðlaug Þorsteinsdóttir, Guðfríður Lilja Grétarsdóttir, Harpa Ingólfsdóttir, Ingibjörg Edda Birgisdóttir og Áslaug Kristjánsdóttir. Þær munu allar fara út að borða saman og geta auk þess boðið einnri heppnri eða einum heppnum með sér. Verður þar sannkallað kvennalandsliðsreunion á ferð.

Stemmingin var einstaklega góð, einbeitingin mikil og fólki leið auðsýnileg vel.

Hlutfall skákáhugamanna, sem að ekki höfðu áður teflt opinberlega sló öll met. Það er þó ljóst að hægt er að verða mjög öflugur skákmaður án þess að þreyta nokkurn tíman keppni á opinberum vettvangi, en leynivopn sigurvegarans Verkís voru tveir ótrúlega sterkir stigalausir skákáhugamenn, þeir Kristján Már Sigurjónsson og Pálmi Ragnar Pálmason. Tvö lið frá Íslandsbanka settu skemmtilegan svip á mótið, en þar voru alls fjórir stigalausir. Mótið spannaði annars alla skákflóruna og hefur einkunarorð FIDE gens una sumus sjaldan eða aldrei verið jafn vel uppfyllt á skákmóti.

Hjörvar vann eins og við mátti búast 100 þús. kr. GSM símann frá Símanum. Þar sem hver keppandi mátti einungis vinna ein verðlaun kom sér það vel fyrir Davíð Kjartansson, því að hann hlaut flug með Iceland Express.

 Óvæntustu úrslitin - miðað er við stigamun:
1. verðlaun: Ljósmyndabókin frá Sögum útgáfu og geisladiskur frá 12 tónum,
2.-3. verðlaun: Geisladiskur frá 12 tónum

Karl Thorodddsen (1.000) Íslandsbanki b-sveit

Erlingur Þór Tryggvason (1.000) Íslandsbanki b-sveit

Ingibjörg Edda (1.564) Stelpusveit SS

- fyrir þátttökuliðið sem að kemur mest á óvart m.v. fyrirfram styrkleika:
1.-2. verðlaun: Ljósmyndabókin frá Sögum útgáfu fyrir 3 liðsmenn!

3. verðlaun: geisladiskur frá 12 tónum fyrir 3 liðsmenn!

Rimaskóli

Íslandsbanki b-sveit

Íslandsbanki a-sveit

- snjallasti liðsstjórinn:
1.-3. verðlaun: Ljósmyndabókin Hús eru aldrei ein eða Eyjafjallajökull frá Uppheimum.

Ingólfur Margeir Hugsmiðjunni

Kristán Halldórsson Símanum

- Flottasti liðsbúningurinn: Ljósmyndabókin frá Sögum útgáfu fyrir 3 liðsmenn!

Víkingasveitin

- Einnig Headphones og minnislyklar frá Nýherja:

Íslandsbanki b-sveit

Eimskip

Síminn

Hugsmiðjan

Einstaklingsverðlaun:
1. verðlaun: GSM snjallsími, að verðmæti kr. 100.000, frá Símanum.

Hjörvar Steinn Grétarsson Hafgæði sf.
2. verðlaun: Út að borða fyrir tvo á veitingastaðnum Vox. Ljósmyndabókin frá Sögum útgáfu og geisladiskur frá 12 tónum.

Guðmundur Magnús Daðason Íslandsbanki a-sveit
3.-5.verðlaun: Ljósmyndabókin frá Sögum útgáfu og geisladiskur frá 12 tónum

Jón Árni Jónsson Morgunblaðið

Baldur A Kristinsson Morgunblaðið

Guðlaug Þorsteinsdóttir Stelpusveit SS

 

Liðaverðlaun:

1.verðlaun: Flug til Evrópu með Iceland Express fyrir 3 liðsmenn - öll gjöld innifalin ásamt Ljósmyndabókinni frá Sögum útgáfu fyrir 3 liðsmenn!

Verkís
2. verðlaun: Flug til Evrópu með Iceland Express fyrir 3 liðsmenn - öll gjöld innifalin!

Hafgæði sf.
3. verðlaun: Út að borða fyrir tvo á veitingastaðnum Skrúði - 3 gjafabréf. Ljósmyndabókin frá Sögum útgáfu og geisladiskur frá 12 tónum fyrir 3 liðsmenn!

Stelpusveit SS

Sjá nánar: http://chess-results.com/tnr72440.aspx?art=0&rd=7&lan=1&turdet=YES

Ljósmyndir sem að Helgi Árnason tók: http://www.skak.blog.is/album/verkis_2012/

Allir þátttakendur voru mjög ánægðir með upplifunina og báðu mótshaldara að halda mótið að ári.

 

EM öðlinga haldið í Kaunas í Litháen í ágúst

EM öðlinga verður haldið í Kaunas í Litháen 18.-26. ágúst.  Mótið er opið öllum 60 ára og eldri.   Allar upplýsingar um mótið má nálgast á heimasíðu mótsins.

Þorvarður öruggur öðlingameistari

Þorvarður F. Ólafsson (2175) vann öruggan sigur á skákmóti öðlinga sem lauk í kvöld í félagsheimili TR.  Þorvarður gerði jafntefli við Eggert Ísólfsson (1891) í lokaumferðinni og hlaut 6 vinning í 7 skákum.  Halldór Pálsson (2000), sem vann Jóhann H. Ragnarsson (2082) og Eggert urðu í 2.-3. sæti með 5 vinninga.   Þorvarður er mjög líklega yngsti öðlingameistari sögunnar en hann verður fertugur síðar á árinu.

Úrslit lokaumferðarinnar má finna hér.

Lokastöðu mótsins má finna hér.

Hraðskákmót öðlinga fer fram miðvikudaginn 16. maí og hefst kl. 19:30.  Mótið er opið fyrir alla fædda 1972 og síðar.  Í lok mótsins fer fram verðlaunaafhending fyrir bæði mótin.

• Heimasíða mótsins 
• Chess-Results

 

Stigamót Hellis fer fram 16.-18. maí

Stigamót Taflfélagsins Hellis verður haldið í tíunda sinn dagana 16.-18. maí.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning á mótið er á heimasíðu Hellis:  http://www.hellir.blog.is

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Sigurður Daði Sigfússon.

Umferðatafla:

• 1.-4. umferð, miðvikudaginn 16. maí (19:30-23:30)
• 5. umferð, fimmtudaginn 17. maí (11-15)
• 6. umferð, fimmtudaginn 17. maí (17-21)
• 7. umferð, föstudaginn 18. maí (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Búdapest: Dagur vann Baga í fjórðu umferð

Dagur Arngrímsson (2381) vann ungverska FIDE-meistarann Bagi Mate (2335) í 4. umferð First Saturday-mótsins, sem fram fór í dag.  Dagur hefur 2,5 vinning og er í 2.-7. sæti.  

Í 5. umferð, sem fram fer á morgun, teflir Dagur við armenska stórmeistarann Hrair Simonian (2475).

12 skákmenn tefla í SM-flokki og eru meðalstigin 2393 skákstig.  Til að fá stórmeistaraáfanga þarf 8,5 vinning.

• First Saturday-mótið
• Chess-Results

Ársreikningar SÍ 2011

Ársreikningar SÍ frá árinu 2011 eru nú aðgengilegir.  Þá má nálgast í excel-viðhengi sem fylgir fréttinni.    Töluvert tap var á rekstri sambandsins í fyrra en sambandið tapaði þá um 3 milljónum króna. 

Skrár tengdar þessari bloggfærslu:

• Ársreikningar SÍ 2011

Helgi áritar bókina Bobby Fischer Comes Home í kvöld

Helgi Ólafsson mun í kvöld undirrita bók sína Bobby Fischer comes home í húsnæði Skáksambands Íslands kl. 20.  Fyrsta sending af bókinn er þegar upppöntuð og hefur önnur pöntun verið send út til Hollands og ætti hún að skila sér til landsins innan 10 daga.  Helgi mun því í kvöld eingöngu geta undirritað eintök sem þegar hafa verið pöntuð. 

Nóg verður um að vera í Faxafeninu í kvöld því auk bóksölunnar verður lokaumferð Öðlingamótsins í gangi í sal Taflfélags Reykjavíkur.

Sigurbjörn Björnsson, bóksali, verður einnig með nokkur eintök af nýjasta New In Chess-blaðinu þar sem fjallað er um N1 Reykjavíkurskákmótið á 20 blaðsíðum.   Fleiri eintök af því eru einnig í pöntun.    

Gens una sumus - við erum ein fjölskylda

Lið eru að bætast hægt og sígandi við og eru þau hverju öðru skemmtilegra.
Íslandsbanki er með tvö lið í mótinu.
Ég hlakka til að kynnast þessum skemmtilegu skákáhugamönnum :)

Í tilefni dagsins er veittur 50% afsláttur af liðsgjaldi seinna liðsins ef að fyrirtæki vill mæta með tvö lið.
Hér á eftir verða kynnt til sögunnar lið Íslandsbanka og Víkingaklúbbsins!

Íslandsbanki A
1. Borð Guðmundur Magnús Daðason, gjaldeyrismiðlun
2. Borð Gunnar Gunnarsson, áhættustýringu
3. Borð Jón Sigurður Þórarinsson, áhættustýringu

Íslandsbanki B
1. Borð Björn Hákonarson, verðbréfamiðlun
2. Borð Karl Thoroddsen, verktaki (viðskiptalausnum)
3. Borð Erlingur Þór Tryggvason, lánastjóri

Guðmundur er formaður fjórfaldra Íslandsmeistara Taflfélags Bolungarvíkur og var mjög virkur skákmaður á sínum yngri árum. Undanfarin 15 ár hefur hann þó nánast ekkert teflt á skákmótum nema í Íslandsmóti skákfélaga. Gunnar Gunnarsson er doktor í stærðfræði og liðsmaður Hauka. Hann er ákaflega slyngur kotruspilara og státar af Íslandsmeistaratitli á þeim vettvangi. Eina reynsla Jóns af skákmótum eru Reykjavíkurmót grunnskólanna um miðjan tíunda áratug síðustu aldar. Jón sigraði Björn í slag um sæti í A liðinu eftir mikla baráttu, spennu og dramatík.
Björn Hákonarson tók þátt í nokkrum skákmótum á sínum yngri árum og hefur stöku sinnum teflt á netinu. Karl er einn af fjölmörgum Íslendingum sem eru óvirkir skákáhugamenn. Hann hefur þó teflt nokkrum sinnum um ævina. Erlingur Þór er eini starfsmaður Íslandsbanka sem státar af Íslandsmeistaratitli grunnskóla, með Réttarholtsskóla. Hann hætti á toppnum en lét til leiðast að spreyta sig á ný.

Liðin eru ákaflega samstillt og koma fram sem ein heild. Góður mórall ríkir innan beggja liðanna og á milli þeirra. Því hefur verið ákveðið að fái liðið liðsstjóraverðlaun verða þau varðveitt á kaffistofu Íslandsbanka gestum og gangandi til lífs- og yndisauka.

Víkingaklúbburinn er mættur til leiks.

Víkingarnir eru harðsvírað lið, með FIDE meistarann Davíð Kjartansson (2.286) í broddi fylkingar. Davíð er verkefnisstjóri fræðslu hjá Reykjavíkurborg og eru Víkingarnir því á heimavelli í Ráðhúsinu. Davíð er á mikilli siglingu þessa dagana, en hann varð í fimmta sæti í nýafstöðnum landsliðsflokki.

Gunnar Freyr Rúnarsson (1.963) fylgir í kjölfar Davíðs á öðru borði. Gunnar Freyr er rammur af afli, enda hefur hann æft kraftlyftingar. Gunnar býr þó ekki bara yfir krafti heldur líka snerpu eins og Íslandsmeistaratitill í flokki skákmanna undir 2000 stigum í hraðskák 2011 sannar. Sannur Víkingur þar á ferð!

Ungstirnið Jóhannes Kári Sólmundarson (1.246) fullkomnar þríeykið, en Jóhannes Kári er núverandi Reykjavíkurmeistari með sveit Laugalækjaskóla.

Það er gaman að sjá að þátttakendur mótsins spanna alla flóruna!
Allir eiga þeir sameiginlegt að hafa áhuga á skák og ætla að njóta góðrar stundar saman í Ráðhúsinu á eftir. Hver veit nema skákin nái að brá bil og sameina fólk s.s. yfir léttum veitingum í hléinu.

Einvígisnefnd skipuð

Stjórn SÍ hefur skipað nefnd sem hefur það verksvið að rannsaka hvað varð um muni tengda einvígi aldarinnar og hvernig sölu og varðveislu á þeim var háttað í kjölfar einvígisins og reyna að kortleggja hvar þeir munir eru í dag.  Þetta er gert í samræmi við yfirlýsingu stjórnar SÍ frá 1. maí sl. 

Í nefndinni eru Brynjar Níelsson, lögmaður, sem er formaður nefndarinnar, Lilja Árnadóttir, fagstjóri munasafn Þjóðminjasafns Íslands, og Helgi Ólafsson, stórmeistari í skák.