Henrik í 2.-3. sæti í Óðinsvéum eftir tvö jafntefli í dag

Stórmeistarinn Henrik Danielsen (2498) er í 2.-3. sæti með 5,5 vinning eftir 7 umferðir á móti tileinkuðu H.C. Andersen, sem fram fer í Óðinsvéum, eftir tvö jafntefli í dag.  Í 6. umferð gerði hann jafntefli við makedóníska stórmeistaranum Vladimir Georgiev (2555) en í sjöundu umferð við þýska alþjóðlega meistarann Thorsten Michael Haub (2476).

Georgiev er efstur með 6 vinninga en jafn Henrik í 2. sæti er danski alþjóðlegi meistarinn Andreas Skytte Hagen (2445).

Í áttundu og næstsíðustu umferð, sem fram fer í fyrramálið, teflir Henrik við búlgarska stórmeistarann Krasimir Rusev (2525).

56 skákmenn taka þátt í mótinu og þar af 5 stórmeistarar og 9 alþjóðlegir meistarar.  Henrik er nr. 5 í stigaröð keppenda.  Tefldar eru tvær umferðir á dag eins og svo gjarnan á dönskum mótum og hefjast þær kl. 8 og 13.

• Heimasíða mótsins
• Chess-Results
• Beinar útsendingar

Gunnar endurkjörinn forseti SÍ

Aðalfundur SÍ fór fram í dag.  Gunnar Björnsson var endurkjörinn forseti SÍ.  Önnur í stjórn SÍ voru kjörin; Andrea Margrét Gunnarsdóttir, Eiríkur Björnsson Helgi Árnason, Ingibjörg Edda Birgisdóttir, Róbert Lagerman og Stefán Bergsson.  Í varastjórn voru kjörin; Pálmi R. Pétursson, Þorsteinn Stefánsson, Steinþór Baldursson og Óskar Long Einarsson.

Steinþór og Óskar eru nýir inn í stjórn.  Halldór Grétar Einarsson, fráfarandi varaforseti, og Haraldur Baldursson gengu úr stjórn.  Sérstaklega var klappað fyrir Halldóri Grétari sem hefur reynst ákaflega dugmikill stjórnarmaður.

Fundurinn var fremur tíðindalitill og stuttur en málefni skákhreyfingarinnar rædd engu að síður út frá ýmsum vinklum.

 

Jafnt í Vinamóti Eyja og Álfhóls

Í gær hófst Vinamót Eyja- og Álfhóls í Kópavogi með fyrstu umferð kl. 18:00 og í morgun fór fram önnur umferð kl. 9:30 en sú síðari hófst kl. 13 en mótinu lýkur á morgun kl. 10 með síðustu umferðinni.

Í fyrstu umferðinni kom í ljós það sem Eyjamenn reyndar vissu að Eyjastrákarnir voru ansi ryðgaðir og töpuðu öllum sínum skákum 0-5.  Í morgun voru þeir þó vel vaknaðir og sigruðu 3-2 og hefur því hvort liðið um sig unnið eina umferð, en Álfhólsskóli er yfir á vinningum 7-3. Tefldar eru kappskákir klukkstund + 30 sek á leik.

Margir af krökkunum eru að tefla sínar fyrstu kappskákir og standa sig bara vel.

Dagskráin :
3 umf. Laugardagur kl. 13:00
4 umf. Sunnudagur kl. 10:00

Keppendur eru allir á aldrinum 11-13 ára, en leyfilegt er að bæta inn mönnum ef þátttaka verður ekki næg.  Mótið er hugsað sem æfingamót fyrir krakkana, en Álfhólsskóli varð íslandsmeistari barnaskólasveita í vor og eru á leið á Norðurlandamót í Svíþjóð í haust.

Allir keppendur fá verðlaunapening og svo verða verðlaunabikarar fyrir bestu skákir úr hvoru liði.

Í dag klukkan 16:00 hófst OPIÐ Vorhraðskákmeistaramót Vestmannaeyja með þátttöku allra þessara krakka og félagsmanna í TV og annarra gesta.  Verðlaun fyrir þrjú efstu sætin í mótinu sjálfu og einnig eru sérstök verðlaun fyrir yngri en 16 ára.  Rétt er að ítreka að mótið er öllum opið, eina skilyrðið er að mæta á staðinn fyrir kl. 16:00 á laugardaginn.  Mótið fer fram í Skáksetrinu að Heiðarvegi 9 í Vestmannaeyjum.

Skákmót Landsmót UMFÍ 50+ fer fram laugardaginn 9. júní

Landsmót UMFÍ fyrir 50+ fer fram um helgina 8.-10. júní í Mosfellsbæ.  Skákkeppnin fer fram laugardaginn 9. júní og fer fram á milli 12 og 17.  Keppt verður í einum flokki eftir Monrad-kerfi.  Veitt verða verðlaun fyrir bestan árangur karla og kvenna.

Mótið verður nánar kynnt þegar nær dregur.

Landsmót UMFÍ 50+

Davíð sigraði á Stigamóti Hellis

Davíð Kjartansson sigraði á Stigamóti Hellis sem lauk í gærkvöldi. Davíð fékk 6,5 vinning í sjö skákum og gerði aðeins eitt jafntefli við Einar Hjalta Jensson sem kom næstur í 2. sæti með 6 vinninga. Þessir tveir keppendur voru skáru sig nokkuð frá öðrum keppendum á mótinu en jafnir í 3. og 4. sæti voru Vigfús Ó. Vigfússon og Oliver Aron Jóhannesson með 4,5 vinning.

Næst á dagskrá hjá Helli er svo hraðkvöld næsta mánudagskvöld.

Úrslit 7. umferðar :

Borð	Nafn	Vinn.	Úrslit	Vinn.	Nafn
1	Kjartansson David	5½	1 - 0	3½	Hardarson Jon Trausti
2	Jensson Einar Hjalti	5	1 - 0	4	Ragnarsson Dagur
3	Vigfusson Vigfus	3½	1 - 0	3½	Jonsson Tomas Arni
4	Einarsson Oskar Long	3	0 - 1	3½	Johannesson Oliver
5	Sigurdsson Birkir Karl	3	0 - 1	3	Thoroddsen Arni
6	Petersen Jakob Alexander	2½	1 - 0	2	Kravchuk Mykhaylo
7	Zacharov Arsenij	2	1 - 0	2	Davidsson Oskar Vikingur
8	Gudmundsson Bjarni Thor	1½	1		bye

 

Lokastaðan: 

Röð	Nafn	Stig	Vinn.	TB1	TB2	TB3
1	Kjartansson David	2320	6,5	31	22	28,5
2	Jensson Einar Hjalti	2303	6	30	21	24,3
3	Vigfusson Vigfus	1994	4,5	28	20	14,3
4	Johannesson Oliver	2050	4,5	27	19	13,5
5	Ragnarsson Dagur	1903	4	29	21	12
6	Thoroddsen Arni	1653	4	23	17	11,5
7	Omarsson Dadi	2204	3,5	29	20	13
8	Hardarson Jon Trausti	1762	3,5	26	19	10
9	Jonsson Tomas Arni	0	3,5	25	18	9,75
10	Petersen Jakob Alexander	0	3,5	20	15	7,5
11	Sigurdsson Birkir Karl	1728	3	28	21	10
12	Einarsson Oskar Long	1587	3	28	20	9
13	Zacharov Arsenij	0	3	20	14	5,5
14	Steinthorsson Felix	1341	2,5	26	18	6,25
15	Gudmundsson Bjarni Thor	0	2,5	18	12	4,5
16	Kravchuk Mykhaylo	0	2	21	15	3,5
17	Davidsson Oskar Vikingur	0	2	19	14	3,5
18	Duret Gabriel Orri	0	0,5	17	11	1

Myndaalbúm (VÓV)

• Heimasíða Hellis
• Chess-Results

Aðalfundur SÍ hefst kl. 10

Aðalfundur Skáksambands Íslands fer fram laugardaginn 19. maí nk.  Fundurinn fer fram í húsnæði TR, Faxafeni 12 og hefst kl. 10. 

 

Skákþing Norðlendinga fer fram um Hvítasunnuhelgina

Nú er búið að setja Norðurlandsmótið inn á Chess results síðuna og má skoða skráða þátttakendur á þessari slóð http://chess-results.com/tnr72977.aspx?ix=1&lan=1&turdet=YES

Verðlaunafé í opna flokknum hefur nú verið ákveðið kr. 165.000 og skiptist sem hér segir:

1. verðlaun kr. 50.000

2. verðlaun kr. 30.000

3. verðlaun kr. 20.000

4. verðlaun kr. 10.000

Skákmeistari Norðlendinga  kr. 25.000

Efstur skákmanna með 1801-2000 kr. 15.000

Efstur skákmanna með 1800 stig og minna kr. 15.000

Hver þátttakandi vinnur aðeins ein verðlaun.

Þátttökugjald er kr. 4000 (2000 fyrir f. 1996 og yngri), en frítt fyrir stórmeistara og alþjóðlega meistara.

Skráning í netfangið [e-mail].

Sjá nánar um mótið á heimasíðu SA.

Meistaramót Skákskóla Íslands fer fram 1.-3. júní

Meistaramót Skákskóla Íslands fyrir starfsárið 2011/2012 hefst föstudaginn 1. júní. Tefldar verða sjö umferðir eftir svissneska kerfinu. Þátttökurétt hafa nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskóla íslands er Hjörvar Steinn Grétarsson.   

Þátttökuréttur:

Allir nemendur skólans og þeir sem tekið hafa þátt í námskeiðum á vegum skólans.

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

Tímamörk: Atskákir 25 10  þ.e 25 mínútur að viðbættum sekúndum fyrir hvern leik. 

Kappskákir:  90 30 þ.e. 90 mínútur á alla skákina og 30 sekúndur bætast við eftir hvern leik.

Fyrirkomulag: Svissneska kerfið - Swiss Perfect

Skákstig: Mótið verður reiknað til skákstiga, en þrjár fyrstu umferðirnar til at-skákstiga.

Verðlaun:

A:

1. verðlaun:

Meistaratitill Skákskóla Íslands 2011/2012 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

Aldursflokkaverðlaun. 

1. Tvenn verðlaun fyrir þá keppendur sem ná bestum árangri í hópi 14 ára og yngri

2. Tvenn verðlaun fyrir þær stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

Verðlaunahafi verður að nýta sér farmiða innan 12 mánuða frá lokum mótsins.

B:

Dagskrá:

• 1. umferð: Föstudagurinn 1. júní kl. 18  
• 2. umferð: Föstudagurinn 1. júní kl. 19
• 3. umferð. Föstudagurinn 1. júní kl. 20.
• 4. umferð: Laugardagurinn 2. júní kl. 10-14  
• 5. umferð: Laugardagurinn 2. júní 15 - 19
• 6. umferð: Sunnudagurinn 3. júní kl. 10.-14.
• 7. umferð: Sunnudagurinn 3. júní kl. 15-19.

 ^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

 Verðlaunaafhending fer fram strax að móti loknu.

Þátttöku skal tilkynna í síma SÍ 5689141 á netfangið [e-mail] eða [e-mail] .

Mótsnefnd áskilur rétt til að gera breytingar á fyrirfram boðaðri dagskrá.

Hjörvar fékk afreksstyrk frá Landsbankanum

Hjörvar Steinn Grétarsson fékk afreksstyrk frá Landsbankanum í dag.   Styrkurinn var eyrnamerktur fyrir afreksmenn framtíðarinnar.  Hjörvar var einn 12 afreksmanna sem fékk styrk frá Landsbankanum í dag.

Hjörvar átti ekki heimangengt þar sem hann er erlendis og tók Gunnar Björnsson, forseti SÍ, við viðurkenningunni fyrir hönd Hjörvars.

Í tilkynningu frá Landsbankanum segir:

Tólf framúrskarandi íþróttamenn fengu í dag úthlutað afreksstyrk úr Samfélagssjóði Landsbankans. Fimm fá styrk að upphæð 400.000 krónur, en þeir eru allir í fremstu röð íslenskra íþróttamanna og einnig voru veittir sjö styrkir til afreksmanna framtíðarinnar, hver að upphæð 200.000 krónur.

Þetta er í fyrsta sinn sem Landsbankinn veitir afreksstyrki með þessum hætti en þeir verða veittir árlega hér eftir. Samtals námu afreksstyrkir Landsbankans í ár 3,4 milljónum króna og bárust alls 120 umsóknir um þá.

Markmið með styrkveitingunni er að styðja við bakið á afreksfólki sem iðkar einstaklings- eða paraíþróttir. Allir styrkþegar hafa náð langt hver á sínu sviði og geta státað af framúrskarandi árangri bæði hér heima og á erlendum vettvangi. Í hópi styrkþega eru þrír frjálsíþróttamenn, þrír sundmenn, tveir skíðamenn og einn úr badminton, skák, skotfimi og skylmingum.

Steinþór Pálsson, bankastjóri Landsbankans segir: „Afreksmenn í íþróttum eru metnaðarfullir, agaðir og kraftmiklir einstaklingar sem eru okkur öllum góð fyrirmynd. Allt það íþróttafólk sem við styrkjum í dag hefur metnað og vilja til að ná enn lengra en það þegar hefur gert og svo það geti tekist þarf m.a. meira fjármagn. Landsbankinn hefur um árabil stutt dyggilega við íslenskt íþrótta- og æskulýðsstarf og afhending afreksstyrkja úr Samfélagssjóði er mikilvæg viðbót við þann stuðning. Við leggjum áherslu á að styðja við þá sem þegar hafa náð langt en ekki síður við ungt og efnilegt íþróttafólk og þess vegna eru veittir sérstakir afreksstyrkir framtíðarinnar til íþróttamanna sem ekki eru orðnir tvítugir."

Í dómnefnd afreksstyrkja sátu Þórdís Lilja Gísladóttir lektor við Háskólann í Reykjavík, sem jafnframt var formaður dómnefndar, Ómar Bragi Stefánsson verkefnastjóri hjá UMFÍ og Atli Hilmarsson, handknattleiksþjálfari og starfsmaður Landsbankans. Skipan dómnefndar er í samræmi við þá stefnu bankans að fagfólk utan hans myndi jafnan meirihluta í dómnefnd.

Eftirtaldir hlutu afreksstyrki að upphæð 400.000 kr.

• Ásdís Hjálmsdóttir, frjálsíþróttakona í Ármanni
• Ásgeir Sigurgeirsson, skotfimimaður í Skotfimifélagi Reykjavíkur
• Eygló Ósk Gústafsdóttir, sundkona í Sundfélaginu Ægi
• Ragna Ingólfsdóttir, badmintonkona í TBR
• Þorbjörg Ágústsdóttir, skylmingakona í Skylmingafélagi Reykjavíkur

Eftirtaldir hlutu afreksstyrki framtíðarinnar að upphæð 200.000 kr.

• Aníta Hinriksdóttir, frjálsíþróttakona í ÍR
• Anton Sveinn McKee, sundmaður í Sundfélaginu Ægi
• Freydís Halla Einarsdóttir, skíðakona í Ármanni
• Hilmar Örn Jónsson, frjálsíþróttamaður í ÍR
• Hjörvar Steinn Grétarsson, skákmaður í Taflfélaginu Helli
• Jón Margeir Sverrisson, sundmaður úr Fjölni og Landssambandi fatlaðra
• María Guðmundsdóttir, skíðakona úr Skíðafélagi Akureyrar

Samfélagssjóður Landsbankans veitir fimm tegundir styrkja á hverju ári: Námsstyrki, samfélagsstyrki, nýsköpunarstyrki, umhverfisstyrki og afreksstyrki.

Nánar á heimasíðu Landsbankans

Henrik efstur í Óðinsvéum

Stórmeistarinn Henrik Danielsen (2498) er efstur með 4,5 vinning að loknum 5 umferðum á móti tileinkuðu H.C. Andersen, sem fram fer í Óðinsvéum í Danmörku.  Henrik er efstur ásamt makedóníska stórmeistaranum Vladimir Georgiev (2555).  Þeir mætast í sjöttu umferð, sem fram fer í fyrramálið.

56 skákmenn taka þátt í mótinu og þar af 5 stórmeistarar og 9 alþjóðlegir meistarar.  Henrik er nr. 5 í stigaröð keppenda.  Tefldar eru tvær umferðir á dag eins og svo gjarnan á dönskum mótum og hefjast þær kl. 8 og 13.

• Heimasíða mótsins
• Chess-Results
• Beinar útsendingar