Mjóddarmót Hellis fer fram í dag

Mjóddarmót Hellis fer fram laugardaginn 9. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Á síðasta ári sigraði Brúðarkjólaleiga Katrínar en fyrir hana tefldi Daði Ómarsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hellis: http://hellir.blog.is.   Upplýsingar um þegar skráða keppendur má nálgast hér.

Þátttaka er ókeypis!

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Heimasíða Hellis: http://hellir.blog.is
• Sími: 866 0116

Landsmót UMFÍ 50+ - skákkeppnin fer fram í dag

Skákmót Landsmót 50+ fer fram á laugardaginn 9. júní og hefst kl. 13 í Varmárskóla (bókasafni barnaskólans).

Tefldar verða 9 umferðir með 10 mínútna umhugsunartíma.

Hægt er að skrá sig til þátttöku á netinu en einnig á mótstað.

Æskilegt að mæta tímanlega til tafls, a.m.k. hálftíma fyrir keppni.

Umsjón mótsins er í höndum RIDDARANS  - skákklúbbs eldri borgara á höfuðborgarsvæðinu -  og Einar S. Einarsson, verður skákstjóri.

Nánar á http://www.umfi.is/umfi09/50plus/

Þátttökugjald mótsins kr. 3.500-  gildir fyrir allar keppnisgreinar, margvíslega afþreyingu, heilsurækt, fyrirlestra og fleira.

Gleðin ríkti þegar Úrvalssveitin mætti Hemma Gunn og skáksveit 365

Það var glatt á hjalla í Skaftahlíð þegar Úrvalssveit Skákakademíunnar mætti í heimsókn í höfuðstöðvar 365, enda sjálfur Hemmi Gunn fyrirliði í skáksveit fjölmiðlaveldisins.

365 rekur  Stöð 2, Bylgjuna, FM 957, X-ið, Fréttablaðið, Vísi.is og fleiri fjölmiðla. Hemmi hefur um árabil verið einn af vinsælustu fjölmiðlamönnum landsins. Hann hefur spilað landsleiki í bæði handbolta og fótbolta, og er auk þess mikill skákáhugamaður og teflir með skákdeild Vals.

Það voru fleiri stjörnur og stórlaxar í sveit 365, en auk Hermanns tefldu þeir Þorkell Máni Pétursson, Friðrik Geirdal Júlíusson, Björn Sigurðsson og Nökkvi Elíasson.

Úrvalssveitin var að vanda vel skipuð. Að þessu sinni tefldu Dagur Ragnarsson, Vignir Vatnar Stefánsson, Oliver Aron Jóhannesson, Jón Trausti Harðarson, Kristófer Jóel Jóhannesson og Hilmir Freyr Heimisson.

Tefldar voru þrjár umferðir og niðurstaðan var nokkuð afgerandi sigur Úrvalsliðsins. Dagur Ragnarsson og Hermann tefldu hörkuskákir, og var Hemmi með gjörunna stöðu í fyrstu skákinni en féll á tíma. Í næstu umferð var umhugsunartími Úrvalsliðsins styttur niður í 2 mínútur gegn 5 mínútum skáksveitar 365, og í lokaumferðinni sýndu strákarnir ótrúlega takta með aðeins 1 mínútu umhugsunartíma.

Þetta var mjög skemmtileg viðureign, og ekki spillti fyrir að Hemmi fór með hópinn í kynningarferð um útsendingarstúdíó, þar sem sumir vinsælustu útvarpsmenn landsins voru í beinni með bros á vör.

Myndaalbúm (HJ)

Hjörvar með jafntefli við Baklan - Þorsteinn einnig með jafntefli

Alþjóðlegi meistarinn Hjörvar Steinn Grétarsson (2477) gerði jafntefli við stigahæsta keppenda mótsins, úkraínska stórmeistarann Vladimir Baklan (2612), í sjöundu umferð alþjóðlega mótsinsí Val Gardena sem fram fór í dag.   Hjörvar hefur 5 vinninga og er í 2.-7. sæti.  

Þorsteinn Þorsteinsson (2248) heldur einnig áfram að ná góðum úrslitum gegn stigahærri skákmönnum.  Í dag gerði hann jafntefli við ítalska FIDE-meistarann Alaxande Bertagnolli (2370).  Þorsteinn hefur 4 vinninga og er í 15.-25. sæti.

Argentíski stórmeistarinn Fernando Peralta (2590) er efstur með 6 vinninga, vinningsforskot á Hjörvar og fleiri. 

Í áttundu og næstsíðustu umferð, sem fram fer á morgun, teflir Hjörvar við rússneska stórmeistarann, Evgeny Gleizerov (2570).   Þorsteinn mætir ítalska FIDE-meistarann Federico Manca (2424). 

56 skákmenn frá 19 löndum taka þátt í þessu móti og þar af eru 14 stórmeistarar og 9 alþjóðlegir meistarar.  Hjörvar er nr. 13 í stigaröð keppenda en Þorsteinn er nr. 28.  

Allar skákir mótsins eru sýndar beint og hefjast umferðir kl. 13.  

• Heimasíða mótsins
• Myndaalbúm (GF)
• Úrslitaþjónusta
• Beinar útendingar (hefjast kl. 13 nema síðasta umferðin kl. 7)

Tal Memorial hófst í dag með látum

Tal Memorial hófst í dag í Moskvu í Rússlandi.  Mótið hófst með látum og unnust fjórar skákir af fimm.  Það voru aðeins Carlsen (2835) og Kramnik (2801) sem gerðu jafntefli.  Aronian (2825), Grischuk (2761), Morozevich (2769) og Radjabov (2784) unnu sínar skákir.

Úrslit 1. umferðar:

Aronian, Levon	- Nakamura, Hikaru	1-0
Radjabov, Teimour	- Tomashevsky, Evgeny	1-0
Grischuk, Alexander	- McShane, Luke J	1-0
Morozevich, Alexander	- Caruana, Fabiano	1-0
Carlsen, Magnus	- Kramnik, Vladimir	½-½

 
Mótið er ægisterkt en meðalstig eru 2776 skákstig.  Taflmennskan hefst kl. 13 á daginn nema að lokaumferðin hefst kl. 11.  Frídagar eru 11. og 15. júní.

• Heimasíða mótsins
• Beinar útsendingar
• Beinar myndútsendingar
• ChessBomb

Hjörvar braut 2500 stiga múrinn í dag

 

Alþjóðlegi meistarinn Hjörvar Steinn Grétarsson (2477) vann rússneska stórmeistarann Mikhail Ulibin (2519) í sjöttu umferð alþjóðlega mótsins í í Val Gardena sem fram fór í dag.  Með sigrinum braut hann 2500 stigamúrinn og það á fimmtugsafmælisdegi föðurs síns sem er með honum á skákstað.  Sú hindrun að stórmeistaratitli er þá úr vegi og nú vantar aðeins lokaáfangann.  Hjörvar hefur 4,5 vinning og er í 3.-5. sæti.

 

Þorsteinn Þorsteinsson (2248) stendur sig einnig glimrandi vel.   Í dag gerði Þorsteinn jafntefli við rússneska stórmeistarann Evgeny Gleizerov (2570), hefur 3,5 vinning, og er í 15.-25. sæti.

Efstir með 5 vinninga eru stórmeistararnir Sipke Ernst (2554), Hollandi, og Fernando Peralta (2590), Argentínu. 

Í sjöundu umferð, sem fram fer á morgun, teflir Hjörvar við stigahæsta keppenda mótsins, úkraínska stórmeistarann Vladimir Baklan (2612), og Þorsteinn við ítalska FIDE-meistarann Alaxande Bertagnolli (2370).

56 skákmenn frá 19 löndum taka þátt í þessu móti og þar af eru 14 stórmeistarar og 9 alþjóðlegir meistarar.  Hjörvar er nr. 13 í stigaröð keppenda en Þorsteinn er nr. 28.  

Allar skákir mótsins eru sýndar beint og hefjast umferðir kl. 13.  

• Heimasíða mótsins
• Myndaalbúm (GF)
• Úrslitaþjónusta
• Beinar útendingar (hefjast kl. 13 nema síðasta umferðin kl. 7)

Leikgleðin í fyrirrúmi þegar Úrvalssveitin heimsótti Securitas

Það var glens og gaman þegar krakkar úr Úrvalssveit Skákakademíunnar mættu til leiks í höfuðstöðvum Securitas í Skeifunni í morgun. Securitas hlaut nýverið viðurkenningu VR sem fyrirmyndarfyrirtæki 2012, og vel var tekið á móti krökkunum.

Lið Skákakademíunnar var að þessu sinni skipað Degi Ragnarssyni, Oliver Aron Jóhannessyni, Kristófer Jóel Jóhannessyni, Heimi Páli Ragnarssyni, Felix Steinþórssyni og Gauta Páli Jónssyni. Óhætt er að segja að þeir hafi allir farið á kostum, og vöktu tilþrif þeirra óskipta aðdáun fjölmargra starfsmanna sem fylgdust með viðureigninni.

Lið Securitas sýndi góða takta en varð að játa sig sigrað í einvígi þar sem leiðgleðin var allsráðandi. Fyrir Securitas tefldu Ómar Brynjólfsson, Hafþór Theodórsson, Gestur Guðjónsson, Haukur Örn Steinarsson og Þorkell Viðarsson.

Árni Guðmundsson framkvæmdastjóri gæslusviðs og stofnandi Securitas, lék fyrsta leikinn í einvíginu og í mótslok færði Pálmar Þórisson, framkvæmdastjóri markaðs- og sölusviðs, strákunum góðar gjafir: Fótbolta, frisbídiska og öryggisljós. Skáksveit Securitas hefur þegar ákveðið að tefla annað einvígi við Úrvalssveitina -- og skoraði auk þess á skákkrakkana í fótboltaleik!

Báðum áskorunum var tekið fagnandi.

Myndaalbúm (HJ)

Ný íslensk skákstig

Ný íslensk skákstig eru komin út (miðuð við 1. júní).   Jóhann er stigahæstur með 2624 skákstig en í næstum sætum eru Hannes Hlífar Stefánsson (2581) og Héðinn Steingrímsson (2551).  Níu nýliðar eru á listanum og þeirra stigahæstur er Guðmundur R. Gunnlaugsson (1484).   Hilmir Hrafnsson hækkar mest frá síðasta lista eða um 232 skákstig.

Topp 20:

No.	Name	RtgC	Diff	Cat	Tit	Games
1	Jóhann Hjartarson	2624	2	-	GM	755
2	Hannes H Stefánsson	2581	-34	-	GM	1068
3	Héðinn Steingrímsson	2551	3	-	GM	344
4	Helgi Ólafsson	2543	1	-	GM	822
5	Henrik Danielsen	2529	8	-	GM	202
6	Jón Loftur Árnason	2515	-2	-	GM	619
7	Helgi Áss Grétarsson	2501	1	-	GM	586
8	Bragi Þorfinnsson	2470	16	-	IM	949
9	Stefán Kristjánsson	2469	-26	-	GM	774
10	Karl Þorsteins	2467	-5	-	IM	568
11	Hjörvar Steinn Grétarsson	2449	32	U20	IM	526
12	Þröstur Þórhallsson	2432	28	-	GM	1224
13	Jón Viktor Gunnarsson	2424	-19	-	IM	1039
14	Arnar Gunnarsson	2403	0	-	IM	816
15	Björn Þorfinnsson	2387	-29	-	IM	1046
16	Sigurbjörn Björnsson	2383	-1	-	FM	995
17	Dagur Arngrímsson	2376	39	-	IM	584
18	Magnús Örn Úlfarsson	2376	3	-	FM	547
19	Guðmundur Kjartansson	2366	17	-	IM	699
20	Jón G Viðarsson	2349	0	-	IM	889

Nýliðar

Níu nýliðar eru á listanum.  Þeirra stigahæstur er Guðmundur Reynir Gunnlaugsson með 1484 skákstigum en í næstum sætum eru Mikael Máni Freysson (1188) og Gabríel Orri Duret (1173).

 

No.	Name	RtgC	Diff	Cat	Tit	Games
1	Guðmundur Reynir Gunnlaugsson	1484	1484	-		11
2	Mikael Máni Freysson	1188	1188	U14		11
3	Gabríel Orri Duret	1173	1173	U14		12
4	Róbert Örn Vigfússon	1098	1098	U12		9
5	Haraldur Halldórsson	1025	1025	U14		11
6	Tinna Ósk Rúnarsdóttir	1025	1025	U12		11
7	Wiktor Tómasson	1025	1025	U14		11
8	Halldór Broddi Þorsteinsson	1000	1000	U14		11
9	Óskar Víkingur Davíðsson	1000	1000	U08		9

 
Mestu hækkanir

Hilmir Hrafnsson hækkar mest frá 1. mars - listanum eða um 232 skákstig.  Næstir eru nafni hans Freyr Heimisson (190) og Davíð Kjartansson (165).   Ellefu skákmenn hækka um 100 skákstig eða meira.

 

No.	Name	RtgC	Diff	Cat	Tit	Games
1	Hilmir Hrafnsson	1232	232	U12		29
2	Hilmir Freyr Heimisson	1649	190	U12		82
3	Dagur Kjartansson	1817	165	U16		264
4	Felix Steinþórsson	1295	145	U12		62
5	Hrund Hauksdóttir	1685	130	U16		221
6	Andri Freyr Björgvinsson	1543	119	U16		114
7	Leifur Þorsteinsson	1429	119	U14		63
8	Nansý Davíðsdóttir	1427	114	U10		104
9	Oliver Aron Jóhannesson	1867	110	U14		182
10	Baldur Teodor Petersson	1269	110	U12		32
11	Jón Trausti Harðarson	1880	107	U16		175

Stigahæstu unglingar

Hjörvar Steinn Grétarsson er langstigahæsta ungmenni landsins (20 ára og yngri) með 2449 skákstig.  Í næstum sætum er Patrekur Maron Magnússon (2009), Mikael Jóhann Karlsson (2003) og Dagur Ragnarsson (2003).

No.	Name	RtgC	Diff	Cat	Tit	Games
1	Hjörvar Steinn Grétarsson	2449	32	U20	IM	526
2	Patrekur Maron Magnússon	2009	59	U20		207
3	Mikael Jóhann Karlsson	2003	60	U18		268
4	Dagur Ragnarsson	2003	29	U16		180
5	Nökkvi Sverrisson	1999	31	U18		294
6	Örn Leó Jóhannsson	1989	19	U18		221
7	Vilhjálmur Pálmason	1930	0	U20		157
8	Hallgerður H Þorsteinsdóttir	1912	-18	U20		400
9	Jón Trausti Harðarson	1880	107	U16		175
10	Jóhanna Björg Jóhannsdóttir	1870	28	U20		343

 
Stigahæstu skákkonur

Lenka Ptácníková (2225) er sem fyrr langstigahæsta skákkona landsins með 2225 skákstig.  Í næstum sætum eru Guðlaug Þorsteinsdóttir (2025) og Hallgerður Helga Þorsteinsdóttir (1912). 

No.	Name	RtgC	Diff	Cat	Tit	Games
1	Lenka Ptácníková	2225	-14	-	WGM	476
2	Guðlaug U Þorsteinsdóttir	2025	-28	-	WFM	366
3	Hallgerður H Þorsteinsdóttir	1912	-18	U20		400
4	Jóhanna Björg Jóhannsdóttir	1870	28	U20		343
5	Tinna Kristín Finnbogadóttir	1858	12	-		286
6	Sigríður Björg Helgadóttir	1823	0	U20		203
7	Guðfríður L Grétarsdóttir	1820	0	-	WIM	336
8	Harpa Ingólfsdóttir	1805	0	-		287
9	Elsa María Krístinardóttir	1754	-1	-		318
10	Sigurlaug R Friðþjófsdóttir	1701	5	-		611

Stigahæstu öðlingar

 

No.	Name	RtgC	Diff	Cat	Tit	Games
1	Friðrik Ólafsson	2510	0	SEN	GM	147
2	Bragi Halldórsson	2194	3	SEN		732
3	Magnús Sólmundarson	2190	0	SEN		302
4	Björn Þorsteinsson	2182	7	SEN		810
5	Jón Torfason	2175	0	SEN		283
6	Júlíus Friðjónsson	2175	-7	SEN		676
7	Arnþór S Einarsson	2125	0	SEN		22
8	Gunnar Magnússon	2117	11	SEN		148
9	Jónas Þorvaldsson	2110	0	SEN		216
10	Björn Theodórsson	2105	0	SEN		28

Reiknuð skákmót

• N1 Reykjavíkurskákmótið
• Íslandsmót skákfélaga (1.-4. deild)
• Áskorendaflokkur Íslandsmótsins í skák
• Landsliðsflokkur Íslandsmótsins í skák
• Landsmótið í skólaskák (eldri og yngri flokkur)
• Skákmót öðlinga
• Skákþing Fljótdalshéraðs + úrslitakeppni
• Stigamót Hellis (4.-6. umferð)
• Úrslitakeppni Íslandsmótsins í skák
• Skákþing Norðlendinga (4.-7. umferð)

 

Hjörvar og Þorsteinn með jafntefli gegn stórmeisturum

Hjörvar Steinn Grétarsson (2477) og Þorsteinn Þorsteinsson (2248) gerðu báðir jafntefli við stórmeistara í 5. umferð alþjóðlega mótsins í Val Gardena á Ítalíu sem fram fór í gær.  Hjörvar við pólska stórmeistarann Rafal Antoniewski (2536) en Þorsteinn við ísraelska stórmeistarann Tal Baron (2467).  Þorsteinn fer yfir skák sína á Skákhorninu. 

Hjörvar hefur 3,5 vinning og er í 5.-14. sæti en Þorsteinn hefur 3 vinninga og er í 15.-21. sæti. Hollenski stórmeistarinn Sipke Ernst (2554) er efstur með 4,5 vinning.

Í 6. umferð, sem fram fer í dag, tefla þeir báðir við rússneska stórmeistara.  Hjörvar Mikhail Ulibin (2519) en Þorsteinn við Evgeny Gleizerov (2570). 

56 skákmenn frá 19 löndum taka þátt í þessu móti og þar af eru 14 stórmeistarar og 9 alþjóðlegir meistarar.  Hjörvar er nr. 13 í stigaröð keppenda en Þorsteinn er nr. 28.  

Allar skákir mótsins eru sýndar beint og hefjast umferðir kl. 13.  

• Heimasíða mótsins
• Myndaalbúm (GF)
• Úrslitaþjónusta
• Beinar útendingar (hefjast kl. 13 nema síðasta umferðin kl. 7)

Vigfús sigraði á atkvöldi

Vigfús Ó. Vigfússon sigraði með fullu húsi 6vinninga í sex skákum á atkvöldi Hellis sem fram fór 4. júní sl. Sigurinn var kannski ekki alveg eins öruggur og tölurnar segja til um því úrslitin réðust í skák Vigfúsar og Hilmis í 5 umferð þar sem Hilmir varðist vel í erfiðri stöðu og missti sennilega af tækifæri til að snúa taflinu sé í vil rétt fyrir lokin. Í öðru sæti varð Hilmir Freyr Heimisson með 4,5v og þriðji varð svo Páll Andrason með 4,5v.

Næst á dagskrá hjá Helli er svo Mjóddarmótið í göngugötunni í Mjódd næstkomandi laugardag og hefst það kl. 14.

Lokastaðan:

Röð   Nafn                         Vinn.    M-Buch. Buch. Progr.

  1   Vigfús Ó. Vigfússon,           6        12.5  17.5   21.0

  2   Hilmir Freyr Heimisson,        4.5      12.5  20.0   17.0

  3   Páll Andrason,                 4        14.0  20.5   14.5

  4   Jón Úlfljótsson,               3.5      12.5  20.0   12.5

 5-6  Elsa María Kristínardóttir,    3        13.5  21.5   11.0

      Óskar Víkingur Davíðsson,      3         8.5  13.0    9.0

 7-8  Jakob Alexander Petersen,      2        11.0  17.5    6.0

      Bjarni Þór Guðmundsson,        2        11.0  16.0    7.0

  9   Pétur Jóhannesson,             1.5      10.5  15.5    5.5

 10   Björgvin Kristbergsson,        0.5      11.0  18.5    1.5