Jóhann Norðurfjarðarmeistari

Skákhátíðinni á Ströndum lauk í gær með hraðskákmót á Norðurfirði.  Jóhann Hjartarson vann öruggan sigur á mótinu, hlaut fullt hús í 6 skákum.  Guðmundur Gíslason varð annar með 5 vinninga. 

Góð þátttaka var á mótinu en þátt tóku 32 skákmenn í blíðskaparveðri.  Kaffihúsið fyllist og var brugið á það ráð að setja hluta mótsins út.   

Að móti loknu héldu hluta gestanna í sundlaugina á Krossanesi þar sem mesta ferðarykið var hreinsað áður en heim á leið var haldið.   

Frábær skákhátíð sem gerð verður betur skil í texta og myndum næstu daga hér á Skák.is

 

Áskell Jónsmessuálfur

Á Jónsmessunótt fara álfar og vættir á kreik. Í hóp þeirra bættust níu skákálfar fyrrakvöld og efndu til útiskákmóts í Kjarnaskógi í samvinnu við Skógræktarfélag Eyfirðinga. Þar var kátt á hjalla; ketilkaffi í boði að hætti skógarmanna og kynjaverur á sveimi eins og fyrr segir. Hjá skákálfum varð þetta niðurstaðan:

• Áskell Örn Kárason  7
• Haki Jóhannesson 6
• Tómas Veigar Sigurðarson 5
• Sigurður Eiríksson og Rúnar Ísleifsson 4
• Sigurður Arnarson og Karl Steingrímsson 3
• Sveinbjörn Sigurðsson 2,5
• Andri Freyr Björgvinsson 1,5

Að skákunum loknum hugðust keppendur baða sig nakta í dögginni og óska sér um leið skákstigahækkunar upp á 300 stig. Þetta var þó stöðvað af viðstöddum, enda börn á svæðinu.

Skákþáttur Morgunblaðsins: Fullkomin óvissa

Minnisstæð eru þau ummæli enska stórmeistarans Jonathans Speelmans þegar fimmta einvígi Kasparovs og Karpovs stóð sem hæst árið 1990, að á stundum fengju þeir upp stöður þar sem fullkomin óvissa ríkti, engar þekktar viðmiðanir ættu lengur við, skákmennirnir gætu ekki stuðst við útreikninga; yrðu að berjast áfram í myrkrinu. Þar sem lægu hættur við hvert fórmál.

Á minningarmóti um Tal sem stendur yfir þessa dagana í Moskvu hafa verið tefldar nokkrar skákir þar sem keppendur hafa ekki hikað við að setja allt í bál og brand og fullkomin óvissa hefur verið um úrslit. Magnús Carlsen tefldi eina slíka skák gegn Gritsjúk en sá sem hefur teflt mest og best í anda Tal er Alexander Morosevitsj, litríkur skákmaður sem er aftur mættur til leiks meðal hinna bestu eftir nokkurra ára fjarveru. Hann er efstur eftir fimm umferðir með 4 vinninga en á hæla hans koma Magnús Carlsen, Kramnik og Azerinn Radjabov.

Áður en aðalmótið hófst fór fram hraðskákmót sem Moro vann. Fimm efstu menn hlutu rásnúmer 1-5 sem þýddi fleiri skákir með hvítu í níu umferða móti, svipað kerfi var fyrst tekið upp á Reykjavik rapid-mótinu árið 2004.

Í eftirfarandi skák sem tefld var í fimmtu umferð lenti næst stigahæsti skákmaður heims í magnaðri baráttu við Moro og gaf ekkert eftir, svaraði peðsfórn með mannsfórn og virtist á réttri leið en ónákvæmni hér og þar í fullkomlega óljósri stöðu varð honum að falli:

Lev Aronjan - Alexander Morozevitsj

Hollensk vörn

1. d4 d5 2. c4 e6 3. Rc3 c6 4. e3 Rd7 5. Rf3 f5 6. Bd3 Rh6!?

„Nýr reitur." Riddarinn á h6 heldur opnu fyrir hróknum eins og síðar kemur í ljós og á inni f7-reitinn.

7. b3 Bd6 8. Bb2 O-O 9. O-O Hf6 10. Dc2 Rf7 11. Rd2 e5!?

Tal hefði verið ánægður meðan þennan leik. Svartur lætur peð af hendi fyrir óljósar bætur.

12. Bxf5 e4!?

Hér er hugmyndin komin fram. Eftir 13. Bh3 Hg6 er aðstaða hvíts á kóngsvæng dálítið ótrygg. Þess vegna var sennilega öruggara að leika 12. cxd5 og eftir 12 ... e4 13. Bc4 með flókinni stöðu. En nú tekur Aronjan skemmtilega ákvörðun.

13. Bxh7+!? Kxh7 14. cxd5 Hg6 15. Rdxe4

Staðan minnir á „perluna frá Zandvoort" fræga sigurskák Max Euwe yfir Aljékín. Aronjan hefur látið mann af hendi og fengið þrjú peð.

15. ... Rf6 16. Rxf6 Dxf6 17. f4 Rh6 18. Re4 Df5 19. dxc6 Be7 20. c7 Hc6

21. Db1?

Þó Aronjan hafi haslað sér völl sem einn sterkasti skákmaður heims þá á hann það til að vera svolítið yfirborðskenndur. 21. Dd3 er meira „fram á við" en Aronjan gast ekki að leppuninni og skyggndist ekki nægilega djúpt í stöðuna. Flækjurnar sem koma upp eftir 21. ... Hxc7 22. Hac1! Hd7 eru hvítum í hag vegna 23. Rg5+! Bxg4 24. e4! er svartur er illa beygður.

21. ... Hxc7 22. Rc3 Dxb1 23. Haxb1 Hd7 24. Hbd1 b6 25. e4 Bb7 26. h3 Rg8 27. e5 Hc8 28. d5 Bb4! 29. e6?!

Aronjan hikar ekki við að ryðja peðunum áfram en hér var 29. Hc1 betra.

29. ... Hdd8 30. Re4 Hxd5 31. Rg5+ Kg6!

Þarna skorðar kóngurinn skorðar f4-peðið.

32. Hxd5 Bxd5 33. Hd1 Re7 34. Bd4 Hc2!

Hvítur er varnarlaus eftir þennan leik.

35. g4 Bd2 36. Hf1 Bc1

36. ... Rc6 vinnur og einnig 36. .... Be3+! 37. Bxe3 Hg2+ 38. Kh1 Hxg4+ o.s.frv.

37. Rf3 Bxf4 38. Rh4 Kg5 39. Rf3 Kh6 40. h4 Hxa2

- og Aronjan gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 17. júní 2012.

Skákþættir Morgunblaðsins

[Event "Tal Memorial"] [Site "Moscow RUS"] [Date "2012.06.13"] [EventDate "2012.06.08"] [Round "5"] [Result "0-1"] [White "L Aronian"] [Black "A Morozevich"] [ECO "D31"] [WhiteElo "2825"] [BlackElo "2769"] [PlyCount "80"] 1. d4 d5 2. c4 e6 3. Nc3 c6 4. e3 Nd7 5. Nf3 f5 6. Bd3 Nh6 7. b3 Bd6 8. Bb2 O-O 9. O-O Rf6 10. Qc2 Nf7 11. Nd2 e5 12. Bxf5 e4 13. Bxh7+ Kxh7 14. cxd5 Rg6 15. Ndxe4 Nf6 16. Nxf6+ Qxf6 17. f4 Nh6 18. Ne4 Qf5 19. dxc6 Be7 20. c7 Rc6 21. Qb1 Rxc7 22. Nc3 Qxb1 23. Raxb1 Rd7 24. Rbd1 b6 25. e4 Bb7 26. h3 Ng8 27. e5 Rc8 28. d5 Bb4 29. e6 Rdd8 30. Ne4 Rxd5 31. Ng5+ Kg6 32. Rxd5 Bxd5 33. Rd1 Ne7 34. Bd4 Rc2 35. g4 Bd2 36. Rf1 Bc1 37. Nf3 Bxf4 38. Nh4+ Kg5 39. Nf3+ Kh6 40. h4 Rxa2 0-1

Helgi og Jóhann sigurvegarar á afmælismóti Róbert Lagerman í Trékyllisvík

Stórmeistararnir Helgi Ólafsson og Jóhann Hjartarson urðu efstir og jafnir á afmælismóti Róberts Lagerman sem fram fór í Trékyllisvík í dag.  Hlutu þeir 8 vinninga í 9 skákum.  Helgi vann Jóhann Hjartarson en tapaði fyrir Gunnari Björnssyni.  Guðmundur Gíslason varð þriðji með 7 vinninga og Jón Kristinn Þorgeirsson fjórði með 6,5 vinning.  Gunnar, Hilmir Freyr Heimisson og Óskar Long Einarsson urðu í 5.-7. sæti með 6 vinninga.  

Jón Kristinn hlaut jafnframt unglingaverðlaun á mótinu.  Ingibjörg Edda Birgisdóttir hlaut kvennaverðlaun og feðgarnir Ingólfur Benediktsson og Númi Fjalar Ingólfsson hlutu verðlaun fyrir bestan árangur heimamanna.  40 keppendur tóku þátt í mótinu sem fram fór í algjöru blíðarskaparveðri í Trékyllisvík.

Í gær tefldi Róbert fjöltefli á Hólmavík og um kvöldið fór fram tvískákmót í Djúpavík.  Þar unnu Gauti Páll Jónsson og Ingibjörg Edda eftir harða baráttu við forsetaliðið (Gunnar, Hrafn Jökulsson og Róbert Lagerman).  Halldór Blöndal og Hilmir Freyr Heimisson urðu í 3. sæti. 

Sameiginlegt grill fer fram í kvöld í Trékyllisvík.  Þegar þetta er ritað liggur ljúfur ljúmur grillilmurinn í loftinu í blandi við fagran fuglasöng.  Á morgun lýkur skákhátíðinni með hraðskákmóti á Norðurfirði.  

Ítarlegri fréttir sem og fjöldi mynda frá skákhátíðinni verður að finna á Skák.is næstu dögum.

Vilka Sipilä skákmeistari Finnlands

FIDE-meistarinn Vilka Sipilä (2393) varð finnskur meistari í skák en mótinu lauk í gær.  Sipilä hlaut 8,5 vinning og varð vinningi fyrir ofan alþjóðlega meistarann Mika Karttunen (2447) og hinn unga og efnilega Daniel Ebeling (2279).  

Sama fyrirkomulag er á efsta flokknum og Íslandi, þ.e. 12 manna lokaður flokkur.   Enginn stórmeistari tók þátt en 6 alþjóðlegir meistarar.  

• Heimasíða mótsins
• Chess-Results

 

 

Jónsmessumót á Akureyri í dag

Laugardaginn 23. júní heldur Skógræktarfélag Eyfirðinga sína árlegu Jónsmessuhátíð í Kjarnaskógi. Skákfélag Akureyrar mun nú, í fyrsta skipti, taka þátt í hátíðinni og blása til skákmóts í lerkilundi norðan við sólúrið í Kjarnaskógi kl. 20.30 (ath. breytt staðsetning). Allir skákáhugamenn eru hvattir til að mæta.

Íslandsmót skákmanna í golfi 2012

Íslandsmót skákmanna í golfi 2012 verður haldið á Hvaleyrarvelli í Hafnarfirði laugardaginn 11.ágúst n.k.  Við eigum frátekna 24 rástíma á milli kl 13:00 og 13:50. Um leið og skákmenn taka þátt í Íslandsmótinu þá eru þeir þátttakendur í Opna Epli.is mótinu. Eftir að leik líkur verður boðið upp á kvöldverð í golfskálanum og að honum loknum verður 15 umferða hraðskákmót.
 
Keppt er í eftirfarandi flokkum:

Golf og skák, án forgjafar.

Sá sem nær bestum árangri í golfi og skák hlýtur nafnbótina Íslandsmeistari skákmanna í golfi 2012. Notuð er sérstök tafla sem umbreytir höggafjölda á Hvaleyrinni í skákstyrkleika (rating-performance). Skákstyrkleiki (rating-performance) í hraðskákmótinu er mældurog samanlagður árangur gildir.

Golf og skák, með forgjöf.

Árangur í golfinu er mældur í punktum á vanalegan hátt. Skákstyrkleiki umfram getur  (rating-performance mínus eigin skákstig) er mældur í hraðskákmótinu. Að tefla á eigin getu, gefur mönnum 32 punkta. Hver 25 stig umfram getu gefur einn punkt. Sá sem nær flestum punktum samanlagt hlýtur nafnbótina Punktameistari skákmanna í golfi 2012.

Dagskráin
12:30 - 13:20: Skákmenn mæta tímanlega í sinn rástíma
13:00 - 13:50: Rástímar
18:00 - 18:50: Golfleik líkur
19:00 - 20:00: Kvöldverður í golfskálanum
Lambasteik að hætti Brynju (nánar síðar)
20:00 - 23:00: 15.umferða hraðskákmót í golfskálanum
 
Við eigum frátekna 24 rástíma á milli kl 13:00 og 13:50
Þátttökurétt eiga allir golfarar með forgjöf og íslensk skákstig.
Þeir sem eru ekki með forgjöf eða treysta sér ekki á aðalvöllinn, geta spilað Sveinskotsvöllinn sem er 9 holu völlur við hliðina á aðalvellinum. Viðkomandi taka þátt í keppninni um Punktameistara skákmanna.

Þátttökugjald er 9500 kr og innifalið í því er mótsgjaldið og kvöldverðurinn. Þeir sem spila Sveinskotsvöllinn greiða 6500 kr.

Þátttökutilkynningar berist Halldór Grétari ( [e-mail] ) fyrir föstudaginn 29. júní nk.
 
Eftirtaldir skákmenn er vitað til að hafa forgjöf í golfi.
 (Íslensk skákstig 1.júní 2011, golf-forgjöf 1.júlí 2011):
Nafn  Skákstig  Félag   Forgjöf  
Þórleifur, Karlsson  2085  Mátar  4.5
Hrafn, Loftsson  2187  TR  6.8
Bergsteinn, Einarsson  2224  TR  8.2
Baldur, Hermannsson  1985  Víkingaklúbburinn  10.1
Sigurður Páll, Steindórsson  2220  KR  12.2
Ingimar, Jónsson  1915  KR  12.4
Helgi, Ólafsson  2535  TV  12.8
Sveinn, Arnarsson  1781  Goðinn  13.7
Unnsteinn, Sigurjónsson  1970  TB  14.7
Páll, Sigurðsson  1989  TG  16.2
Ögmundur, Kristinsson  2088  Hellir  16.5
Arnaldur, Loftsson  2085  Hellir  17.4
Karl, Þorsteins  2477  Hellir  17.5
Benedikt, Jónasson  2210  TR  17.6
Halldór Grétar, Einarsson  2194  TB  17.6
Ásgeir Þór, Árnason  2133  TG  18.7
Hilmar, Viggósson  1995  KR  18.8
Sigurbjörn, Björnsson  2360  Hellir  19.3
Páll L, Jónsson  2043  SSON  19.5
Jón G, Briem  2025  KR  23.6
Ingvar, Jóhannesson  2338  TV  23.9
Jón Loftur, Árnason  2514  TB  25.4
Gunnar, Björnsson  2087  Hellir  34.9
Þröstur, Þórhallsson  2401  Goðinn  36

Heimasíða mótsins

Sumarnámskeiðin hafin

Það hefur verið glatt á hjalla í Kvennaskólanum þessa vikuna. Þar fara nú fram sumarnámskeið Skákakademíunnar. Þrjátíu krakkar hafa mætt til leiks þessa vikuna og von er á fleirum næstu vikurnar. Hægt er að byrja á námskeiði hvenær sem er en námskeiðin standa yfir til 17. ágúst. Helstu kennarar hafa verið Stefán Bergsson og Inga Birgisdóttir auk þess sem nafnarnir Björn Ívar Karlsson og Björn Þorfinnsson hafa kennt. Von er á góðum gestum í sumar; skákkennurum, stórmeisturum og landsliðsmönnum og konum.

Krakkarnir eru á öllum aldri og misreynd. Þannig hefur Inga kennt byrjendum mannganginn, hvernig best er að hefja taflið, gaffal, leppun og fleira. Hinir eldri og reyndari hafa lært ýmislegt um stök og bakstæð peð, og svo endataflsstöður eins og Philidor og Lucena. Í gær var svo fylkt liði í VIN á Sólstöðumótið 2012.

Skráning á sumarnámskeiðin er í [e-mail].

Góð aðstaða er fyrir skákiðkun í Kvennaskólanum og er salurinn sífellt að taka á sig skáklegri mynd. Opið hús er fyrir alla skákáhugamenn frá 15:00, mánudag til fimmtudags. Þingholtsstræti 37, gegnt breska og þýska sendiráðinu.

Myndaalbúm (HJ)

Oliver Aron Sólstöðumeistari

 

Það var frábær stemning á Sólstöðumótinu sem haldið var í Vin eftir hádegi í gær. 33 þátttakendur sem gerir mótið það næstfjölmennasta sem haldið hefur verið á Hverfisgötunni hingað til. Teflt var bæði inni og úti en rigningarskúrir voru aðeins að stríða keppendum, en allir þó í sólskinsskapi.

 

Oliver Aron Jóhannsson er í fantaformi þessa mánuðina og sigraði í sex umferða mótinu þar sem umhugsunartíminn var 7 mínútur. Gerði hann jafntefli við Gunnar Björnsson en vann rest. Oliver vann hinn þrettán ára Gauta Pál Jónsson í hreinni úrslitaskák en Gauti Páll átti frábært mót og lagði miklu stigahærri andstæðinga á leið sinni í úrslitaskákina. Við tapið féll hann í fjórða sætið en Vigfús Vigfússon varð annar með fimm vinninga sem og hin þýska Caroline Rieseler, Fide-meistari kvenna,  sem varð þriðja.

Vöfflukaffi var í hléi til að byggja upp orku fyrir lokaumferðirnar sem voru æsispennandi. Þau Stefán Bergsson og Ingibjörg Edda Birgisdóttir, frá Skákakademíu Reykjavíkur komu með ótrúlega flottan hóp ungmenna úr Sumarskákskólanum auk þess sem fjöldi efnilegustu unglinga okkar mætti á svæðið.  Gaman var að fá ferðalangana Caroline og hinn enska David Cook í heimsókn, en þau leituðu uppi mót til að taka þátt í á ferð sinni.  Frábærlega skipað mót og sérlega skemmtilegt.

Veitt voru bókaverðlaun fyrir efstu sætin auk þess sem Krummi Arnar Bang fékk verðlaun fyrir 6 ára og yngri, Hilmir Freyr Heimisson (4v.) í flokki 12 ára og yngri, Gauti Páll (4,5 v.) í 16 og yngri, Svandís Rós Ríkharðsdóttir fyrir bestan árangur stúlkna og auk þess voru happadrættisvinningar.

Hrannar Jónsson, fyrirliði Vinjarliðsins, stjórnaði mótinu af röggsemi og sleppti því að taka þátt að þessu sinni.

1.   5.5    Oliver Aron Jóhanneson

 2.   5.0   Vigfús Vigfússon    

 3.   5.0   Caroline Rieseler   

 4.   4.5   Gauti Páll Jónsson    

5.   4.5   Gunnar Björnsson    

 6.   4.0  Hilmir Freyr Heimisson

 7.   4.0  Jorge Fonseca       

 8.   4.0  Jón Trausti Harðarson

 9.   4.0   Sigurjón Haraldsson 

 10.  4.0   Stefán Bergsson     

 11.  3.5   Eiríkur K. Björnsson

 12.  3.5   Haukur Halldórsson 

Tíu voru með þrjá vinninga og aðrir með minna.

Myndaalbúm (AV)

Jónsmessuskák á Akureyri á laugardag

Laugardaginn 23. júní heldur Skógræktarfélag Eyfirðinga sína árlegu Jónsmessuhátíð í Kjarnaskógi. Skákfélag Akureyrar mun nú, í fyrsta skipti, taka þátt í hátíðinni og blása til skákmóts í lerkilundi norðan við sólúrið í Kjarnaskógi kl. 20.30 (ath. breytt staðsetning). Allir skákáhugamenn eru hvattir til að mæta.