TG lagði Vinverja

Taflfélag Garðabæjar vann Skákfélag Vinjar í fyrstu umferð (16 liða úrslitum) Hraðskákkeppni taflfélaga sem fram fór í gær í Garðabæ.  Keppnin var spennandi og var jafnt í hálfleik 18-18.  TG-ingar höfðu hins vegar betra úthald og unnu seinni hálfleikkinn 22½-13½ og samtals því 40½-31½.  Jóhann H. Ragnarsson og Jón Þór Bergþórsson voru bestir heimamanna en Róbert Lagerman var bestur gestanna.  Garðbæingar mæta Briddsfjelaginu í 2. umferð Hraðskákkeppni taflfélaga en dregið var um töfluröð í gær.

Árangur TG-inga (12 skákir nema að annað komi fram):

• Jóhann H. Ragnarsson 8½ v.
• Jón Þór Bergþórsson 8½ v.
• Jóhann Helgi Sigurðsson 7 v.
• Guðlaug Þorsteinsdóttir 6½ v.
• Björn Jónsson 6½ v.
• Páll Sigurðsson 3½ v. af 11
• Sindri Guðjónsso 0 v. af 1

Árangur Vinjar-manna (allir með 12 skákir):

• Róbert Lagerman 8½ v.
• Sævar Bjarnason 7½ v.
• Jorge Fonseca 5½ v.
• Hrannar Jónsson 4 v.
• Árni H. Kristjánsson 4 v.
• Aron Ingi Óskarsson 2 v.

Dregið var hverjir lenda saman í 2. umferð (8 liða úrslitum) keppninnar í gær.  Þar mætast:

• Víkingaklúbburinn - Taflfélag Reykjavíkur
• Skákfélagið Goðinn - Skákfélag Akureyrar
• Briddsfjelagið - Taflfélag Garðabæjar
• Skákfélag Íslands - Talfélagið Hellir

2. umferð á að vera lokið 25. ágúst.

Heimasíða mótsins

Kasparov handtekinn í Moskvu

 

Garry Kasparov, fyrrverandi heimsmeistari í skák, var í morgun handtekinn í morgun fyrir utan réttarsalinn þar sem réttarhöldin fara yfir meðlimum kvennahljómsveitarinnar Pussy Riot.   Samkvæmt heimildum á Chessvibes segir að Kasparov hafi ekki verið að mótmæla heldur aðeins verið að reyna að komast inn í dómshúsið.

 

Nánar má lesa um málið á Chessvibes.

"Stóri slagur" - Sumarmót við Selvatn

Þann 16. ágúst  sl. var haldið fjölmennt boðsmót í Skákseli við Selvatn (við Nesjavallaveg ofan Geitháls) á vegum GALLERÝ SKÁKAR,  í samvinnu við  KR og RIDDARANN. Var þetta í 6. sinn sem slíkt sumarhátíðarskákmót er haldið þar með viðhafnarsniði og veislukvöldverði.

Taflið hófst kl. 17 og stóð langt fram eftir kvöldi. Tefldar voru 11 umferðir með 10 mínútna umhugsunartíma. Keppendur voru 39 talsins, flestir af eldri kynslóðinni, margir hverjir illa haldnir af "skákáráttupersónustreituröskun" eða skákdellu sem svo er kölluð og  láta aldrei gott skáktækifæri framhjá sér fara,  nema fjarvera eða önnur lögleg forföll hindri þátttöku.  Fjórir fyrrv. sigurvegarar þessa móts voru meðal þáttakenda, þeir Gunni Gunni (2008), Jóhann Örn (2009),  Harvey (2010) og Jón Þ. Þór (2011).

Að venju var hart barist fyrir hverjum vinningi og það svo að einn keppandinn fékk afar slæmt tilfelli af svokallaðri "áfalla- og mótlætisstreituröskun"  vegna slæms gengis eftir að hafa tapað 5 skákum í röð í byrjun móts, hætti keppni og hvarf á braut tapsár eftir 6 skákir með hálfan vinning. 

Eftir langa og stranga taflmennsku urðu úrslit þau að að hinn góð- og gamalkunni skákmaður Bragi Halldórsson stóð einn uppi sem sæll sigurvegari með 9 vinninga. Síðan komu þrír valinkunnir meistarar, þeir Gunnar Kr. Gunnarsson, Jón G. Friðjónsson og  Gunnar Birgisson, allir með átta.  Júlíus Friðjónsson og Harvey Georgsson urðu í 5-6. sæti með 7.5 v. og síðan Þór Valtýsson í 7. sæti með 7 v.  Eftir það fór að teygjast úr lestinni sbr. meðf. mótstöflu, allir fyrir utan einn uppskáru þó eitthvað fyrir utan mikla ánægju og gleði af samverunni úti í guðgrænni náttúrunni á einum heitasta degi sumarsins við fjallavatnið fagurblátt, snæðandi kræsingar.

Keppnin var reyndar mjög tvísýn og spennandi og ýmis úrslit komu á óvart og logandi spenna í lofti eins og meðf. myndalbúm sýnir glögglega. Gerður var góður rómur af mótshaldinu þrátt fyrir óvænt og tíð eigendaskipti á gjörunnum skákum sem settu stórt strik í reikninginn hjá sumum. Er þar helst um að kenna svokallaðri "kvíðahliðrunarstreituröskun" eða "fyrirvinningsspennu" sem stundum slær sér niður þegar  keppandi eru kominn með unnið tafl.  

Mótstjóri var Einar S. Einarsson og skákstjóri Guðfinnur R. Kjartansson, gest- og gleðigjafi.

Aðalstyrktaraðilar mótsins voru: 

Lögmenn Austurstræti, Toppfiskur, Eldhús Sælkerans og Urður bókaútgáfa.

Meira á www.galleryskak.net

Myndaalbúm (ESE)

Mótstaflan:

 

 

Persónur og leikendur á Lækjartorgi á Menningarnótt

Skákakademían efnir til mikillar veislu á Lækjartorgi á morgun. Dagskráin í Skáktjaldinu hefst klukkan 12 og stendur til 20, og rekur hver viðburðurinn annan eins og sjá mér hér.

Fjölmargir skákmenn úr öllum áttum taka þátt í hátíðinni, auk þess sem gestum Menningarnætur stendur til boða að spreyta sig í fjöltefli við meistara eða gegn krökkunum í Úrvalsliði Skákakademíunnar. Hér má sjá þann fríða flokk sem er bókaður á hina ýmsu viðburði:

Andrea Margrét Gunnarsdóttir kynnir
Birkir Karl Sigurðsson keppandi
Björn Þorfinnsson kynnir, keppandi, rótari
Björn Ívar Karlsson skákstjóri, rótari

Björn Jónsson keppandi
Davíð Kjartansson keppandi
Donika Kolica fyrirliði Úrvalsliðsins

Einar Hjalti Jensson keppandi
Elsa María Kristínardóttir keppandi

Elvar Guðmundsson keppandi
Felix Steinþórsson keppandi
Gauti Páll Jónsson keppandi
Gunnar Björnsson skákstjóri, liðstjóri, rótari

Gunnar Freyr Rúnarsson keppandi
Hallgerður Helga Þorsteinsdóttir keppandi
Heimir Páll Ragnarsson keppandi
Helgi Ólafsson keppandi
Hjörvar Steinn Grétarsson keppandi
Hrafn Jökulsson rótari

Ingi Tandri Traustason keppandi

Ingibjörg Edda Birgisson keppandi
Ingvar Þór Jóhannesson keppandi
Jóhann Hjartarson keppandi
Jóhanna Björg Jóhannsdóttir keppandi
Jón Viktor Gunnarsson keppandi
Jón Trausti Harðarson keppandi
Jón Gunnar Jónsson keppandi
Katrín Jakobsdóttir heiðursgestur

Kjartan Guðmundsson keppandi
Kristján Örn Elíasson keppandi

Magnús Örn Úlfarsson keppandi
Ómar Salama keppandi

Óskar Long keppandi, rótari
Óskar Víkingur keppandi
Róbert Lagerman keppandi, rótari

Rúnar Berg keppandi
Sigurbjörn Björnsson liðstjóri
Sigurður Daði Sigfússon keppandi
Sigurlaug Regína Friðþjófsdóttir keppandi
Stefán Bergsson skipuleggjandi
Svandís Rós Ríkharðsdóttir keppandi

Sævar Bjarnason keppandi
Tinna Kristín Finnbogadóttir keppandi

Tómas Björnsson keppandi
Veronika Steinunn Magnúsdóttir keppandi

Þorvarður Fannar Ólafsson keppandi
Örnólfur Hrafn Hrafnsson rótari

o.fl.

Verið hjartanlega velkomin í Skáktjaldið á Lækjartorgi!

Meistaramót Hellis hefst á mánudag

Meistaramót Hellis 2012 hefst mánudaginn 20. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði.  Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning fer fram á heimasíðu Hellis.  Upplýsingar um þegar skráða keppendur má nálgast hér.

Teflt er á mánudögum, þriðjudögum og miðvikudögum.

Aðalverðlaun:

1. 30.000
2. 20.000
3. 10.000

Aukaverðlaun:

• Skákmeistari Hellis: Houdini 2 Aquarium Pro.
• Besti árangur undir 2200 skákstigum: Houdini 2 Aquarium Standard.
• Besti árangur undir 1800 skákstigum: ChessOK Aquarium 2011.
• Besti árangur undir 1600 skákstigum: Houdini 2 UCI.
• Besti árangur stigalausra: Skákbók hjá Sigurbirni að verðmæti kr. 5.000.
• Unglingaverðlaun (15 ára og yngri), skákbækur hjá Sigurbirni að verðmæti: 1.vl. kr. 5.000, 2. og 3.vl. kr. 4000.
• Kvennaverðlaun, skákbækur hjá Sigurbirni að verðmæti: 1.vl. kr. 5.000, 2. og 3.vl. kr. 4000.

 

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 20. ágúst, kl. 19:30
• 2. umferð, þriðjudaginn, 21. ágúst, kl. 19:30
• 3. umferð, miðvikudaginn, 22. ágúst, kl. 19:30
• 4. umferð, mánudaginn, 27. ágúst, kl. 19:30
• 5. umferð, þriðjudaginn, 28. ágúst, kl. 19:30
• 6. umferð, miðvikudaginn, 29. ágúst, kl. 19:30
• 7. umferð, mánudagur, 3. september, kl. 19:30

Heimasíða Hellis

 

Ólympíufarinn: Henrik Danielsen

 

Ólympíuskákmótið fer fram í Istanbul 27. ágúst - 10. september.  Næstu daga verða Ólympíufarar Íslands kynntir hér hver af öðrum á Skák.is.  Það er Henrik Danielsen sem ríður á vaðið.

Sér færslurflokkur hefur verið myndaður á Skák.is um Ólympíuskákmótið.  Þar verða allar fréttir af Ólympíuskákmótinu aðgengilegar.  

Nafn: 

Henrik Danielsen

Staða í liðinu:

3. borð í opnum flokki

Aldur:

46

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Þrisvar sinnum fyrir Danmörku, 1992-96 og tvisvar fyrri Ísland, 2006-08

Besta skákin á ferlinum?

Erfitt að segja en skák gegn Peter Heine frá 2003 var mjög góð.

Minnisstæðasta atvik á Ól?

Mótið á Manila 1992 var mjög sérstakt.

Spá þín um lokasæti Íslands?

Ég vil að okkar skákmenn geri sitt allra besta.  Þá gengur okkur vel.  En að spá er ekki auðvelt.

Spá um sigurvegara?

Þjóðverjar unnu EM landsliða en ég vil ekki að spá um sigurvegara nú.

Hver hefur verið undirbúningur þinn fyrir ÓL?

Skákþjálfun í blandi við líkamlega þjálfun.

Persónuleg markmið?

Gera mitt allra besta

Eitthvað að lokum?

Áfram Ísland!

 

[Event "2003 Dalum Papir Cup"] [Site "?"] [Date "2003.??.??"] [EventDate "?"] [Round "-"] [Result "1-0"] [White "Henrik Danielsen"] [Black "Peter Heine Nielsen"] [ECO "A02"] [WhiteElo "?"] [BlackElo "?"] [PlyCount "55"] 1. f4 c5 2. b3 Nc6 3. Bb2 d5 4. e3 Nf6 5. Bb5 g6 6. Bxc6+ bxc6 7. Nf3 Bg7 8. O-O O-O 9. Ne5 Qc7 10. Nc3 Rb8 11. Qc1 c4 12. bxc4 dxc4 13. Rb1 Be6 14. Ba1 Rxb1 15. Qxb1 Rb8 16. Qc1 Nd5 17. Qa3 Nb4 18. Qa4 Bxe5 19. fxe5 c5 20. Ne4 Bf5 21. Ng5 Bxc2 22. Rxf7 h6 23. e6 hxg5 24. Rg7+ Kh8 25. Rxe7+ Kg8 26. Qe8+ Rxe8 27. Rxe8+ Kh7 28. Rh8# 1-0

Goðinn lagði Íslandsmeistarana!

Nokkuð óvænt úrslit urðu í 1. umferð Hraðskákkeppni taflfélaga í kvöld  þegar Goðar gengu milli bols og höfuðs á margföldum Íslandsmeisturum Bolvíkinga. Lokatölur urðu 43-29 Goðum í vil og var tónninn sleginn strax í fyrstu umferð með 4,5-1,5 sigri. Bolvíkingar unnu aðeins eina umferð af tólf, þremur lauk með skiptum hlut en Goðar höfðu betur átta sinnum.

Helgi Áss Grétarsson var hamrammur og hjó á báðar hendur. Hann hlaut flesta vinninga Goða, alls 10,5 og leyfði aðeins 3 jafntefli. Þröstur Þórhallsson kom næstur með 9 vinninga og Ásgeir P. Ásbjörnsson hlaut 7,5. Flesta vinninga Bolvíkinga hlaut Jóhann Hjartarson sem tefldi af miklu öryggi og innbyrti  9,5 vinninga. Hann var taplaus eins og Helgi Áss en gerði 5 jafntefli. Jón Viktor Gunnarsson kom næstur í mark með 8,5 vinninga og Bragi Þorfinnsson uppskar 7.

Árangur Goða

 

• Helgi Áss Grétarsson                  10,5 v. /12

• Þröstur Þórhallsson                     9,0 v. /12

• Ásgeir P. Ásbjörnsson                                 7,5 v. /12

• Einar Hjalti Jensson                      5,5 v. /11

• Kristján Þór Eðvarðsson             5,5 v. /12

• Sigurður Daði Sigfússon              3,5 v. /10                          

• Tómas Björnsson                          1,5 v. /03

 

Árangur Bolvíkinga

 

• Jóhann Hjartarson                        9,5 v. /12

• Jón Viktor Gunnarsson               8,5 v. /12

• Bragi Þorfinnsson                          7,0 v. /12

• Halldór Grétar Einarsson            3,0 v. /12

• Árni Á. Árnason                              0,5 v. /12

• Guðmundur M. Daðason           0,5 v. /12

 

Nokkra sterka hraðskákmenn vantaði í bæði lið en missir Bolvíkinga var þó tilfinnanlegri.

 Teflt var í húsakynnum Skáksambands Íslands og eru forvígismönnum SÍ þökkuð afnotin af aðstöðunni. Þá fær Rúnar Berg sérstakar þakkir fyrir að fara yfir hraðskákreglur með keppendum í upphafi viðureignar og vera þeim innan handar um vafaatriði. Goðar þakka Bolvíkingum drengilega viðureign og óska þeim velfarnaðar á hvítum reitum og svörtum.

Heimasíða mótsins

Krakkaskák með kynningu í Kennararháskólanum.

Krakkaskák var með á sýningu sem Námsgagnastofnun hélt í Stakkahlíð 16. ágúst.

Þetta er þróunarverkefni sem fer ansi vel af stað og gaman að sjá hvað margir könnuðust við síðuna.  Vefsíðan hefur fengið nýtt útlit og margt endurbætt og mun verða svo áfram. Í dag var ég að kynna krakkaskak.is sem innlögn í skák-kennslustund. Það eru margir kennarar sem hafa áhuga fyrir því að vera með skákkennslu en treysta sér ekki til þess og vita ekki hvernig þeir eigi að fara að því að kenna skák?

Myndböndin á krakkaskák og tenglar á góðar síður sem innihalda þrautir getur verið mjög gott fyrir þá kennara sem eru að stíga sín fyrstu skref. Ég vil endilega hvetja þá kennara sem eru með góða reynslu í skákkennslu að miðla henni til annara og það er hægt með því að senda mér efni sem ég birti svo á síðu minni. Krakkaskák sendir út fréttabréf mánaðarlega sem innheldur upplýsingar um kennslu.  Hugmyndin af því að vera með gagnabanka eða fréttabréf skákkennara varð til á fundi skákkennara sem haldin var snemma á árinu og mig vantar alltaf efni til að senda út. Það er engin spurning að áhuginn hjá skólunum er mjög mikill fyrir því að vera með skákkennslu og þá er bara að reyna sitt besta til þess að aðstoða kennarana til þess að það geti gengið vel.    

Heimasíða Krakkaskákar

Fyrstu umferð Hraðskákkeppni taflfélaga lýkur í kvöld

Fyrstu umferð (16 liða úrslitum) Hraðskákkeppni taflfélaga lýkur í kvöld með tveimur viðureignum.  Annars vegar með viðureign Taflfélags Garðabæjar og Skákfélag Vinjar sem fram fer í húsnæði TG í kvöld og hefst kl. 19:30 og hins vegar viðureign Íslandsmeistara Taflfélags Bolungarvíkur og Skákfélags Goðans sem fram fer í húsnæði SÍ og hefst kl. 20.  

Dregið verður í 2. umferð keppninnar að lokinni viðureign TB og Goðans.    

Heimasíða mótsins

Akureyringar mátuðu Máta

Skákfélag Akureyrar sigraði Taflfélag Máta í æsispennandi viðureign í 1. umferð (16 liða úrslita) Hraðskákkeppni  taflfélaga sem fram fór í kvöld í húsnæði SÍ.  Lokatölur urðu 37-35 Norðanmönnum í vil.  Halldór Brynjar Halldórsson fór mikinn fyrir Norðanmenn, og hlaut 10 vinninga í 12 skákum en Arnar Þorsteinsson fékk flesta vinninga Sunnanmanna, 9,5 vinning.

Árangur Norðanmanna í SA (allir tefldu 12 skákir):

• Halldór Brynjar Halldórsson 10 v.
• Áskell Örn Kárason 7,5 v.
• Stefán Bergsson 7 v.
• Jón Kristinn Þorgeirsson 7 v.
• Gylfi Þórhallsson 4 v.
• Óskar Long 1,5 v.

Árangur Sunnanmanna í Mátum:

• Arnar Þorsteinsson 9,5 v.
• Magnús Teitsson 7,5 v.
• Þórleifur Karlsson 7 v.
• Pálmi R. Pétursson 5,5 v.
• Arngrímur Gunnhallsson 4 v.
• Jakob Þór Kristjánsson/Loftur Baldvinsson 1,5 v. 

Sjá nánar á heimasíðu SA.

 

• Heimasíða mótsins
• Myndaalbúm