Íslandsmót skákfélaga: Töfluröð 1. og 2. deildar

Katrín Jakobsdóttir, dró í gær um töfluröð á Íslandsmóti skákfélaga.  Var að hluti af hátíðarhöldunum í kringum Menningarnótt.   Töfluröðin varð sem hér segir:

1. deild:

1. Taflfélagið Hellir
2. Taflfélag Bolungarvíkur b-sveit
3. Víkingaklúbburinn
4. Taflfélag Vestmanneyja
5. Skákfélag Akureyrar
6. Taflfélag Reykjavíkur
7. Taflfélag Bolungarvíkur a-sveit
8. Skákfélagið Goðinn

2. deild:

1. Taflfélag Vestmanneyja b-sveit
2. Taflfélag Reykjavíkur b-sveit
3. Taflfélag Garðabæjar
4. Taflfélagið Hellir b-sveit
5. Taflfélagið Mátar
6. Skákdeild Fjölnis
7. Skákdeild Hauka
8. Skákfélag Reykjanesbæjar

Fjör og fjölmenni á hátíð Skákakademíunnar á Menningarnótt

Hátíð Skákakademíunnar á Lækjartorgi á Menningarnótt var ein samfelld skákveisla. Mikill fjöldi tók þátt í hátíðinni og ennþá fleiri fylgdust með æsispennandi og skemmtilegum tilþrifum við taflborðið.

Nánar verður sagt frá einstökum viðburðum, en meðal áhugaverðustu úrslita má nefna 6-0 sigur Helga Ólafssonar í klukkufjöltefli gegn kvennalandsliðinu, og öruggan sigur Jóhanns Hjartarsonar gegn Hjörvari Steini Grétarssyni í Bónus-einvíginu, en Hjörvar hafði þá fyrr um daginn sigrað með yfirburðum á Alheimsmótinu í leifturskák.

Jón Viktor Gunnarsson og Ingi Tandri Traustason sigruðu í keppninni ,,Heilinn og höndin" og harðsnúið lið KR-inga gjörsigraði Reykjavíkurmeistara Vals. Heiðursgestur skákhátíðarinnar, Katrín Jakobsdóttir menntamálaráðherra, dró um töfluröð í 1. og 2. deild á Íslandsmóti skákfélaga.

Myndaalbúm frá hátíð Skákakademíunnar á Lækjartorgi.

EM ungmenna: Vignir og Dagur unnu í 2. umferð

Vignir Vatnar Stefánsson og Dagur Ragnarsson unnu báðir í 2. umferð sem fram fór í EM ungmenna í Prag í dag.   Hinir íslensku fulltrúarnir töpuðu.  Vignir hefur fullt hús, Dagur hefur 1 vinninga, Oliver Aron og Hilmir Freyr hafa 0,5 vinning en Jón Kristinn er ekki kominn á blað. 

Nánar um fulltrúa Íslands:

• Dagur Ragnarsson (1913) - sem teflir í u16-flokki - er nr. 86 á stigum af 111 keppendum
• Oliver Aron Jóhannesson (2047) - sem teflir í u14-flokki - er nr. 42 á stigum af 141 keppenda
• Jón Kristinn Þorgeirsson (1747) - sem teflir einnig í u14-flokki - er nr. 118 á stigum
• Hilmir Freyr Heimisson (1720) - sem teflir í u12-flokki - er nr. 88 á stigum af 151 keppenda
• Vignir Vatnar Stefánsson (1590) - sem teflir í u10-flokki - er nr. 51 á stigum af 134 keppendum

Fararstjóri strákanna er Stefán Bergsson, sem ætlar að skrifa reglulega pistla hér á Skák.is frá skákstað.  Myndirnar eru fengnar af Facebook-síðu Áróru Hrannar Skúladóttur, móður Hilmis Freys.

• Heimasíða mótsins
• Chess-Results
• Myndaalbúm (ÁHS)

EM öðlinga: Gunnar tapaði fyrir Balashov

Gunnar Finnlaugsson (2062) tapaði í fyrstu umferð á EM öðlinga, 60 ára og yngri, fyrir rússneska stórmeistaranum og stigahæsta keppenda mótsins, Yuri Balashov (2450).  Mótið fer fram í Kaunas í Litháen.

Þátt taka 103 skákmenn og þar af 7 stórmeistarar.  Gunnar er nr. 52 í stigaröð keppenda.  

• Heimasíða mótsins
• Chess-Results

Ólympíufarinn: Tinna Kristín Finnbogadóttir

Í gær hófst kynning á fulltrúm Íslands á Ólympíuskákmótinu með kynningu á Henrik Danielsen.  Nú er Tinna Kristín Finnbogadóttir, skákmær frá Borgarfrði kynnt til leiks.

Kynningarnar halda áfram á morgun.

Minnt er á sér færsluflokk þar sem öllum ólymíufréttum, og þar með talið kynningu á Ólympíuförunum verður safnað saman.

Nafn: 

Tinna Kristín Finnbogadóttir

Staða í liðinu:

4. borð í kvennaflokki

Aldur:

21 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Tefldi fyrst árið 2010, svo þetta er í annað skipti sem ég tek þátt.

Besta skákin á ferlinum?

Ein af þeim betri er klárlega sú sem ég tefldi gegn stúlkunni frá Írak á síðasta Ólympíumóti. 

Minnisstæðasta atvik á Ól?

Ég hitti afrískan mann sem hafði hvorki séð, né heyrt talað um sebrahesta og vissi ekki að þeir væru til. Hann vissi samt að Ísland væri í Evrópu og vildi vita hvernig kjöt við borðuðum og hvort við veiddum okkur til matar.

Spá þín um lokasæti Íslands?

Það er erfitt að segja, ætla bara að spá okkur góðum árangri.

Spá um sigurvegara?

Ég þori ekkert að segja um það heldur.

Hver hefur verið undirbúningur þinn fyrir ÓL?

Aðallega byrjunarstúderingar í sumar, en ætlaði að taka skákþrautabók með mér út.

Persónuleg markmið?

Ég á það til að vera afar fórnfús og bráð í sókn. Ætli markmiðið sé ekki að halda aftur af svoleiðis vitleysu.

Eitthvað að lokum?

Ég hef smakkað sebrahestakjöt.

[Event "39th WCO"] [Site "1:01.34-0:27.37"] [Date "2010.09.24"] [Round "04"] [White "Finnbogadottir, Tinna Kri"] [Black "Jwan, Jamal Mohammed Amee"] [Result "1-0"] [WhiteElo "1781"] [WhiteCountry "ISL"] [BlackTitle "WCM"] [BlackElo "1849"] [BlackCountry "IRQ"] [Remark "Women Sect. M 39 B 3"] [PresId "1000040393"] 1. e4 e5 2. Nf3 Nc6 3. Bc4 Bc5 4. O-O Nf6 5. d4 exd4 6. e5 Ng8 7. c3 dxc3 8. Qd5 Qe7 9. Bg5 Qf8 10. Nxc3 Na5 11. Nb5 Bb6 12. Rfe1 Ne7 13. Nd6+ Kd8 14. Nxf7+ Ke8 15. Bxe7 Qxe7 16. Nxh8 Nxc4 17. Qg8+ Qf8 18. Qxh7 Nxb2 19. Ng6 1-0

,,Heilinn og höndin" á Lækjartorgi: 10 lið keppa í Skáktjaldinu

Tíu lið eru skráð til leiks á  Eymundsson Íslandsmótið í ,,Heilinn og höndin" í Skáktjaldinu á Lækjartorgi á Menningarnótt. ,,Heilinn og höndin" er skemmtilegt keppnisform þar sem tveir eru saman í liði. Heilinn mælir fyrir um hvaða gerð af taflmanni á að hreyfa (til dæmis peð, riddara, kóng) en ,,höndin" velur leikinn. Allt samráð er harðbannað, og því velur ,,höndin" óhjákvæmilega stundum allt aðra leiki en ,,heilinn" hafði í huga.

Samanlögð stig liðsmanna á mótinu á Lækjartorgi mega að hámarki vera 4300, og óhætt að segja að margir áhugaverðir dúettar verði með. Stigahæsti keppandinn er Jón Viktor Gunnarsson sem hefur Inga Tandra Traustason sér til fulltingis. Eitt kvennalið tekur þátt í keppninni, skipað Tinnu Kristínu Finnbogadóttur og Elsu Maríu Kristínardóttur.

Liðin 10 eru svona skipuð:

1. Róbert Lagerman og Kjartan Guðmundsson
2. Ingi Tandri Traustason og Jón Viktor Gunnarsson
3. Rúnar Berg og Þorvarður Fannar Ólafsson
4. Jón Trausti Harðarson og Davíð Kjartansson
5. Gunnar Freyr Rúnarsson og Tómas Björnsson
6. Tinna Kristín Finnbogadóttir og Elsa María Kristínardóttir
7. Gunnar Björnsson og Sævar Bjarnason
8. Björn Jónsson og Einar Hjalti Jensson
9. Elvar Guðmundsson og Jón Jónsson
10. Ingibjörg Edda Birgisdóttir og Ingvar Þór Jóhannesson

Spennandi Bónuseinvígi framundan: Hvað gerir Hjörvar gegn Jóhanni eftir þjálfun hjá Sokolov?

Jóhann Hjartarson og Hjörvar Steinn Grétarsson mætast í Bónus-einvíginu í skáktjaldinu á Lækjartorgi á Menningarnótt. Einvígið hefst klukkan 17 og verður án efa mjög spennandi. Jóhann er stigahæsti meistari íslenskrar skáksögu en Hjörvar Steinn er 19 ára landsliðsmaður, sem vantar aðeins einn áfanga til að landa stórmeistaratitli.

Hjörvar Steinn hefur undanfarið verið í þjálfunarbúðum hjá sjálfum Ivan Sokolov, sem um árabil hefur verið meðal sterkustu skákmanna heims, og unnið marga frækna sigra á Íslandi. Hjörvar hlakkar til einvígisins við Jóhann og segir:

,,Ég get ekki sagt annað en að ég sé mjög spenntur að fá að tefla einvígi við einn besta  skákmann okkar Íslendinga frá upphafi. Virðing mín fyrir honum verður engu að síður sett til hliðar á meðan einvíginu stendur."

Jóhann sló á létta strengi og vísaði til þess að Bónus leggur til rausnarlega vinninga í formi inneignarkorta:

,,Ekki verra að þurfa ekki að svelta næstu vikurnar þótt allt annað fari til fjandans! Verst að maður ræður líklegast ekkert við strákinn eftir þjálfunina hjá Ivan."

Jóhann og Hjörvar Steinn tefla 4 skákir. Umhugsunartími er 5 mínútur, auk 3 sek. viðbótartíma fyrir hvern leik. Einvígið er einn af mörgum viðburðum sem Skákakademían efnir til í Skáktjaldinu á Lækjartorgi á Menningarnótt. Dagskráin hefst klukkan 12 og stendur í 8 klukkustundir.

EM ungmenna: Vignir Vatnar vann í fyrstu umferð

EM ungmenna hófst í dag í Prag í Tékklandi með fyrstu umferð.  Íslendingar fengu 2 vinninga af 5 mögulegum.  Vignir Vatnar Stefánsson vann, Oliver Aron Jóhannesson og Hilmir Freyr Heimisson gerðu jafntefli en Dagur Ragnarsson og Jón Kristinn Þorgeirsson töpuðu.

Nánar um fulltrúa Íslands:

• Dagur Ragnarsson (1913) - sem teflir í u16-flokki - er nr. 86 á stigum af 111 keppendum
• Oliver Aron Jóhannesson (2047) - sem teflir í u14-flokki - er nr. 42 á stigum af 141 keppenda
• Jón Kristinn Þorgeirsson (1747) - sem teflir einnig í u14-flokki - er nr. 118 á stigum
• Hilmir Freyr Heimisson (1720) - sem teflir í u12-flokki - er nr. 88 á stigum af 151 keppenda
• Vignir Vatnar Stefánsson (1590) - sem teflir í u10-flokki - er nr. 51 á stigum af 134 keppendum

Fararstjóri strákanna er Stefán Bergsson, sem ætlar að skrifa reglulega pistla hér á Skák.is frá skákstað.  Myndirnar eru fengnar af Facebook-síðu Áróru Hrannar Skúladóttur, móður Hilmis Freys.

• Heimasíða mótsins
• Chess-Results
• Myndaalbúm (ÁHS)

EM ungmenna hafið: Stefán Bergsson skrifar frá Prag

Þegar þetta er ritað er rúmur klukkutími liðinn af fyrstu umferð á Evrópumóti ungmenna sem haldið er í Prag. Við Íslendingar eigum fimm fulltrúa á mótinu; Vignir Vatnar teflir í u10, Hilmir Freyr Heimisson u12, Jón Kristinn Þorgeirsson og Oliver Aron í u14 og Dagur Ragnarsson í u16. María, Stefán Már og Áróra fylgja svo sínum drengjum þeim Jóni, Vigni og Hilmi.

Ferðin frá Keflavík til Prag gekk vel, en hópurinn var þó  ansi ansi feginn í gærkveldi að komast loksins á hótelið eftir langa bið í Kaupmannahöfn. Vel var tekið á móti hópnum en þó þurfti ég að stíga fast til jarðar í nokkrum praktískum álitamálum. Hef lært það af GM Helga Ólafssyni að það dugir enga linkind gagnvart austanblokkinni. Hotel Praha er risastórt, sennilega byggt fyrir einhverjum áratugum og skemmtilega  a-evrópskur íburður prýðir hýbýlin, fyrir utan herbergin, sem eru eins og af gamalli sovéskri heimavist. Hópurinn fékk allur herbergi á sama gangi sem er mikilvægt á svo stóru hóteli. Sem dæmi um stærðina er um 3-4 mínútna ferð að fara frá herbergjunum í keppnissalina. Salirnir eru þrír og tefla Vignir og Hilmir í sama salnum, sem og Jón Kristinn og Oliver og Dagur svo einn Íslendinga í þeim þriðja. Aðstaða keppenda er gríðargóð, gott pláss milli borða, góðir stólar og góð lýsing. Aðrir en liðsstjórar, keppendur og skákstjórar fá ekki að fara inn í salinn nema fyrstu tíu mínúturnar til að taka myndir. Í sölunum eru því nær einungis keppendur og mjög gott hljóð; eitthvað sem má athuga á helstu barnamótum á Íslandi.

Við munum borða á sama  veitingarstaðnum hér á hótelinu, og í raun ekki mikill tími til að fara af því. Hér er allt til alls og þegar ekki er teflt er mikilvægt að eyða tímanum í hvíld og undirbúning fyrir skákirnar. Pörun birtist um 10 á kvöldin og mun undirbúningur með strákunum fara fram frá miðjum morgni fram að umferð. Það verður þó mismikið hvað hver stúderar fyrir hverja umferð, enda mismargar skákir með andstæðingunum aðgengilegar, Rússinn sem Hilmir er að tefla við á t.d. engar skákir í beisnum.

Mótið er það fjölmennasta frá upphafi EM ungmenna og eiga Tékkarnir hrós skilið fyrir skipulagið. Ég tók sérstaklega eftir ákveðnu handapatssystemi hjá skákstjórunum þegar umferðin hófst; greinilega vel æft hvernig þeir létu hvorn annan vita af því að allir væru sestir, en hér gildir zero-tolerance rule, sem þýðir að keppandi tapi sé hann ekki mættur við upphaf skákar. Ég veit ekki til þess að neinn hafi tapað þannig í þessari 1. umferð.

Á svona mótum er gríðar mikilvægt að halda góðri rútínu, huga að reglulegum svefni og passlegri hreyfingu. Á morgun verður gönguferð um morguninn og kíkt í líkamsræktina og sundlaugina. Einnig skiptir máli að hvíla sig frá skák í stundarkorn og eru kvöldin frjáls fyrir drengina eftir að þeir hafa farið yfir skákir sínar.

EM ungmenna hófst í dag í Prag

 

EM ungmenna hófst í dag í Prag í Tékklandi.  Fimm fulltrúar eru frá Íslandi að þessu sinni.  Það er þeir:

• Dagur Ragnarsson (1913) - sem teflir í u16-flokki - er nr. 86 á stigum af 111 keppendum
• Oliver Aron Jóhannesson (2047) - sem teflir í u14-flokki - er nr. 42 á stigum af 141 keppenda
• Jón Kristinn Þorgeirsson (1747) - sem teflir einnig í u14-flokki - er nr. 118 á stigum
• Hilmir Freyr Heimisson (1720) - sem teflir í u12-flokki - er nr. 88 á stigum af 151 keppenda
• Vignir Vatnar Stefánsson (1590) - sem teflir í u10-flokki - er nr. 51 á stigum af 134 keppendum

Fararstjóri strákanna er Stefán Bergsson, sem ætlar að skrifa reglulega pistla hér á Skák.is frá skákstað.   Myndirnar eru fengnar af Facebook-síðu Áróru Hrannar Skúladóttur, móður Hilmis Freys.

• Heimasíða mótsins
• Chess-Results
• Myndaalbúm (ÁHS)