Ólympíufarinn: Þröstur Þórhallsson

 

Áfram er haldið með kynningar á Ólympúförunum.  Nú er kynntur til sögunnar Íslandsmeistarinn í skák, Þröstur Þórhallsson en áður var búið að kynna til sögunnar Henrik Danielsen, Tinnu Kristínu Finnbogdóttur, sem er til viðbótar fékk góða kynningu í DV í dag og Davíð Ólafsson liðsstjóra kvennaliðsins.  Kynningarnar halda áfram á morgun.

 

Minnt er á sér færsluflokk þar sem öllum ólymíufréttum, og þar með talið kynningu á Ólympíuförunum verður safnað saman.

Nafn: 

Þröstur Þórhallsson

Staða í liðinu:

Varamaður í opnum flokki

Aldur:

43 ára

Mitt fyrsta Ólympiuskákmót var fyrir 24. árum síðan og var haldið í Saloniki í Grikklandi árið 1988.

Þetta er mitt tíunda ólympíuskákmót. 1988 Saloniki - 1992 Manila -1996 Yerevan  - 1998 Khalmykia - 2000 Istanbul - 2002 Bled - 2004 Mallorca - 2006 Torino - 2008 Dresden

Besta skákin á ferlinum?

Erfitt að taka eina skák út úr en skákin á móti Ivan Sokolov frá Reykjavík Open 1996 er eftirminnileg.

Minnisstæðasta atvik á Ól?

Það eru mörg ógleymanleg atvik sem hægt er að rifja upp. Árið 2002 var mótið haldið í Bled í Slóveníu. Á frídeginum í miðju móti átti íslenska liðið með Guðfríði Lilju í broddi fylkingar þátt í að skipuleggja keppni milli Larry Christianssen  og Ivan Sokolov. Keppnin fólst í kapphlaupi um hver væri fljótari að hlaupa í kringum Bled vatnið. Ivan var í feiknaformi en Larry ekki og þess vegna samþykkti Ivan að Larry fengi að leggja 10 mín. fyrr af stað. Það sem Ivan vissi ekki var að skipuleggjendur voru búnir að leigja hjól fyrir Larry og þar sem skógur umlykur vatnið þá voru skipuleggjendur og Larry vongóðir um að komast upp með ráðabruggið. Hugmyndin var sem sagt sú að Larry átti að hlaupa nokkur hundruð metra og finna hjólið sem var falið bak við rjóður og hjóla svo langleiðina í mark en fela hjólið þó áður en yfir marklínuna var komið.

Öllum á óvart vann Ivan kapphlaupið. Larry fann ekki hjólið fyrr en of seint !

Spá þín um lokasæti Íslands?

Á meðal 30 efstu.

Spá um sigurvegara.

Kína.

Hver hefur verið undirbúningur þinn fyrir ÓL?

Undirbúningur byrjaði í júní með stúderingum og svo var júlí að mestu frímánuður. Eftir Verslunarmannahelgi þá var aftur byrjað að stúdera af krafti. Liðið hittist alla virka daga frá 15 ágúst og fram að brottför 27. ágúst. 4-5 tímar á hverjum degi.

Persónuleg markmið?

Performance 2600 stig.

Eitthvað að lokum?

Áfram Ísland!

 

[Event "VISA GP"] [Site "Reykjavik"] [Date "1998.03.12"] [Round "3"] [White "Sokolov, Ivan"] [Black "Thorhallsson, Throstur"] [Result "0-1"] [ECO "D43"] [WhiteElo "2625"] [BlackElo "2480"] [PlyCount "110"] [EventDate "1998.03.10"] [EventType "swiss"] [EventRounds "9"] [EventCountry "ISL"] [Source "ChessBase"] [SourceDate "1998.06.02"] 1. c4 e6 2. d4 d5 3. Nf3 Nf6 4. Nc3 c6 5. Bg5 h6 6. Bh4 dxc4 7. e4 g5 8. Bg3 b5 9. h4 g4 10. Ne5 Bb4 11. f3 Nh5 12. Bf2 Qa5 13. Qd2 g3 14. Be3 f6 15. Ng4 f5 16. Ne5 f4 17. Bg1 Bb7 18. Rc1 Rg8 19. a3 Bd6 20. Ng4 Nd7 21. Qc2 O-O-O 22. Nxh6 Rg7 23. Be2 c5 24. d5 exd5 25. Nf5 Rg6 26. e5 Nxe5 27. Nxd6+ Rdxd6 28. Bxc5 Rde6 29. Kf1 d4 30. Bxd4 Nxf3 31. Bxf3 Bxf3 32. Qf5 a6 33. a4 Qd8 34. Qc5+ Rc6 35. Qf5+ Rce6 36. Qc5+ Rc6 37. Qf5+ Rge6 38. gxf3 Qxd4 39. Rc2 b4 40. Nd5 b3 41. Ne7+ Kb7 42. Nxc6 g2+ 43. Kxg2 Qg7+ 44. Qg5 Rg6 45. Nd8+ Ka8 46. Ne6 Qg8 47. Re2 Rxg5+ 48. hxg5 Ng3 49. g6 Nxe2 50. g7 Qxe6 51. Rh6 Qf7 52. Rh8+ Kb7 53. g8=Q Qxg8+ 54. Rxg8 c3 55. Rg7+ Kc6 0-1

KR malaði Val á Menningarnótt

Harðsnúið lið KR sigraði rauðklædda Valsmenn örugglega í skemmtilegri viðureign í Skáktjaldinu á Menningarnótt. Viðureign Reykjavíkurrisanna var liður í fjölbreyttri dagskrá Skákakademíunnar á Lækjartorgi.

Fyrirfram var búist við spennandi viðureign, enda urðu Valsmenn Reykjavíkurmeistarar íþróttafélaganna 2011, en KR-ingar mættu mjög ákveðnir til leiks undir liðstjórn Sigurbjörns Björnssonar.

Liðin voru skipuð 4 leikmönnum og tefldu allir við alla, tvöfalda umferð.  Magnús Örn Úlfarsson fór mikinn fyrir Val og fékk 6,5 vinning af 8 mögulegum. Sigurbjörn, Sigurður Daði Sigfússon og Einar Hjalti Jensson fengu allir 4,5 vinning, og KR landaði því alls 20 vinningum gegn 12.

Omar Salama stóð sig best Valsmanna, fékk 4,5 vinning, en Jón Viktor Gunnarsson, Róbert Lagerman og liðstjórinn Gunnar Björnsson urðu að sætta sig við færri vinninga.

Skákakademían vinnur nú að undirbúningi Íslandsmóts íþróttafélaganna, sem haldið verður í september.

Myndaalbúm 1 (HJ o.fl)

Myndaalbúm 2 (HJ o.fl.)

Myndaalbúm 3 (HJ o.fl.)

Töfluröð í 1. og 2. deild

Katrín Jakobsdóttir, menntamálaráðherra, dró í gær um töfluröð á Íslandsmóti skákfélaga.  Var að hluti af hátíðarhöldunum í kringum Menningarnótt.  

Töfluröðin varð sem hér segir:

1. deild:

1. Taflfélagið Hellir
2. Taflfélag Bolungarvíkur b-sveit
3. Víkingaklúbburinn
4. Taflfélag Vestmanneyja
5. Skákfélag Akureyrar
6. Taflfélag Reykjavíkur
7. Taflfélag Bolungarvíkur a-sveit
8. Skákfélagið Goðinn

2. deild:

1. Taflfélag Vestmanneyja b-sveit
2. Taflfélag Reykjavíkur b-sveit
3. Taflfélag Garðabæjar
4. Taflfélagið Hellir b-sveit
5. Taflfélagið Mátar
6. Skákdeild Fjölnis
7. Skákdeild Hauka
8. Skákfélag Reykjanesbæjar

Öruggur sigur Jóhanns gegn Hjörvari í Bónus-einvíginu

Jóhann Hjartarson vann öruggan sigur á Hjörvari Steini Grétarssyni í Bónus-einvíginu á Lækjartorgi á Menningarnótt. Jóhann sýndi afhverju hann er stigahæsti meistari íslenskrar skáksögu og lagði hinn bráðefnilega Hjörvar með 3,5 vinningi gegn hálfum.

Jafntefli varð í fyrstu skákinni, en síðan tók Jóhann öll völd á taflborðinu, þrátt fyrir góða tilburði Hjörvars. Ungi meistarinn úr Grafarvogi, sem kom daginn áður til landsins úr þjálfunarbúðum hjá Ivan Sokolov, hafði farið mikinn á Lækjartorgi fyrr um daginn og m.a. sigrað með fullu húsi á Alheimsmótinu í leifturskák, og teflt fjöltefli við gesti og gangandi.

Bónus gaf veglega vinninga og hlaut Jóhann 40 þúsund króna inneign hjá Bónus en Hjörvar fékk 20 þúsund. Donika Kolica, fyrirliði Úrvalssveitar Skákakademíunnar, afhenti verðlaunin.

Hægt er að skoða fjölda skemmtilegra mynda frá hátíð Skákakademíunnar á Menningarnótt:

Myndaalbúm 1 (HJ o.fl)

Myndaalbúm 2 (HJ o.fl.)

Myndaalbúm 3 (HJ o.fl.)

Meistaramót Hellis hefst í dag

Meistaramót Hellis 2012 hefst mánudaginn 20. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði.  Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning fer fram á heimasíðu Hellis.  Upplýsingar um þegar skráða keppendur má nálgast hér.

Teflt er á mánudögum, þriðjudögum og miðvikudögum.

Aðalverðlaun:

1. 30.000
2. 20.000
3. 10.000

Upplýsingar um aukaverðlaun koma síðar.

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 20. ágúst, kl. 19:30
• 2. umferð, þriðjudaginn, 21. ágúst, kl. 19:30
• 3. umferð, miðvikudaginn, 22. ágúst, kl. 19:30
• 4. umferð, mánudaginn, 27. ágúst, kl. 19:30
• 5. umferð, þriðjudaginn, 28. ágúst, kl. 19:30
• 6. umferð, miðvikudaginn, 29. ágúst, kl. 19:30
• 7. umferð, mánudagur, 3. september, kl. 19:30

Heimasíða Hellis

 

Skákþáttur Morgunblaðsins: 25 ár frá afreki Jóhanns í Szirak

Um þessar mundir eru 25 ár liðin frá sigri Jóhanns Hjartarsonar á millisvæðamótinu í Szirak í Ungverjalandi sem margir telja mesta mótasigur íslensks skákmanns.

Samanburður við afrek Friðriks Ólafssonar frá millisvæðamótinu í Portoroz 1958 er ekki einfaldur vegna þess að árið 1987 fóru fram þrjú millisvæðamót í stað eins. Taflmennska Friðriks var glæsileg og greinarhöfundur hefur lengi verið á þeirri skoðun að hann hafi teflt best allra keppendaog að einungis klaufaskapur gegn minni spámönnunum og tímaskortur í unnu hróksendatafli gegn sigurvegaranum Tal hafi komið í veg fyrir hærra sæti.

Jóhann varð efstur ásamt Valeri Salov en neðar á töflunum komu nafntogaðir meistarar á borð við Beljavskí, Portisch, Ljubojevic og Nunn. Hann tapaði einni skák í 17 umferðum og hlaut 12 ½ vinning. Engin ástæða til að hafa önnur orð um taflmennsku hans en þau sem Tal lét falla í samtali við undirritaðan, að hún hafi verið frábær. Það var eins og reynsla liðinna missera gagnaðist honum í hvívetna; t.d. vann hann auðveldan sigur gegn Englendingnum Flear og gat þar nýtt sér reynslu af móti í Moskvu nokkrum vikum fyrr, stutt skák gegn Karli Þorsteins í Skákkeppni stofnana veturinn 1987 virtist hafa veitt honum þann innblástur sem dugði þegar hann atti kappi við Larry Christiansen. Þá var sigur Jóhanns yfir Ljubojevic í 12. umferð afar mikilvægur. Júgóslavinn hafði verið með á millisvæðamótum allar götur síðan í Petropolis árið 1973. Aftur biðu hans vonbrigði í Szirak:

Lubomir Ljubojevic - Jóhann Hjartarson

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Be7 6. He1 b5 7. Bb3 d6 8. c3 O-O 9. a4

Óvenjulegur leikur á þessum tíma en Ljubojevic fór yfirleitt sínar eigin leiðir í byrjunum. Leikurinn hafði dugað honum til sigurs gegn Karpov á Ólympíumótinu í Dubai 1986.

9. ... Bd7

Karpov lék 9. ... Bg4 í fyrrnefndri skák en Jóhann velur sömu leið og Beljavskí hafði gert gegn Ljubojevic fyrr í mótinu.

10. d4 h6 11. Rbd2 He8 12. d5

Eðlilegara er 12. Rf1 o.s.frv.

12. ... Ra5 13. Bc2 c6! 14. b4 Rc4 15. Rxc4 bxc4 16. dxc6 Bxc6 17. De2 Hc8 18. Bd2 Bf8 19. Had1 Bb7 20. Rh4 g6 21. a5 Bg7 22. Rf3 Dc7 23. Be3 d5!

Með þessum leik hrifsar svartur til sín frumkvæðið enda hefur taflmennska hvíts, t.a.m. Rh4 og aftur - Rf3 verið ómarkviss.

24. Bb6 Dc6 25. Rd2 d4! 26. cxd4 exd4 27. Bxd4 c3 28. Rf1 Rxe4 29. Df3

Betra var 29. Bxg7 en Ljubojevic gast ekki að 29. ... Rg3! sem þó er hægt að svara með 30 Df3.

29. ... Rd2!

Kraftmikill leikur sem gerir stöðu svarts afar erfiða.

30. Hxe8 Hxe8 31. Dxc6 Bxc6 32. Bxg7 Kxg7 33. Re3 Hb8!

Eftir þennan leik verður stöðu hvíts ekki bjargað.

34. Hc1 Hxb4 35. Rd1 Hg4 36. g3 Rf3 37. Kf1 Bb5 38. Kg2 Re1 39. Kg1 Rxc2 40. Hxc2 Ba4 41. Hc1 Bxd1 42. Hxd1 c2 43. Hc1 Hc4 44. Kf1 Kf6

Að lokum er það betri kóngsstaða sem gerir útslagið.

45. Ke2 Ke5 46. Kd2 Kd4 47. h4 h5 48. f3 f6 49. Hxc2 Hxc2 50. Kxc2 Kc4 51. g4 f5 52. gxh5 gxh5 53. Kd2 f4 54. Kc2 Kb4 55. Kd3 Kxa5 56. Ke4 Kb4 57. Kxf4

- og Ljubojevic gafst upp um leið. Framhaldið gæti orðið 57. ... a5 58. Ke3 Kc3! 59. f4 a4 60. f5 a3 61. f6 a2 62. f7 a1(D) 63. f8(D) De1+ ásamt Df1+ og hvíta drottningin fellur.

 

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 12. ágúst 2012.

Skákþættir Morgunblaðsins

[Event "Szirak"] [Site "12"] [Date "1987.??.??"] [EventDate "?"] [Round "?"] [Result "0-1"] [White "Ljubomir Ljubojevic"] [Black "Johann Hjartarson"] [ECO "C90"] [WhiteElo "?"] [BlackElo "?"] [PlyCount "113"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.Re1 b5 7.Bb3 d6 8.c3 O-O 9.a4 Bd7 10.d4 h6 11.Nbd2 Re8 12.d5 Na5 13.Bc2 c6 14.b4 Nc4 15.Nxc4 bxc4 16.dxc6 Bxc6 17.Qe2 Rc8 18.Bd2 Bf8 19.Rad1 Bb7 20.Nh4 g6 21.a5 Bg7 22.Nf3 Qc7 23.Be3 d5 24.Bb6 Qc6 25.Nd2 d4 26.cxd4 exd4 27.Bxd4 c3 28.Nf1 Nxe4 29.Qf3 Nd2 30.Rxe8+ Rxe8 31.Qxc6 Bxc6 32.Bxg7 Kxg7 33.Ne3 Rb8 34.Rc1 Rxb4 35.Nd1 Rg4 36.g3 Nf3+ 37.Kf1 Bb5+ 38.Kg2 Ne1+ 39.Kg1 Nxc2 40.Rxc2 Ba4 41.Rc1 Bxd1 42.Rxd1 c2 43.Rc1 Rc4 44.Kf1 Kf6 45.Ke2 Ke5 46.Kd2 Kd4 47.h4 h5 48.f3 f6 49.Rxc2 Rxc2+ 50.Kxc2 Kc4 51.g4 f5 52.gxh5 gxh5 53.Kd2 f4 54.Kc2 Kb4 55.Kd3 Kxa5 56.Ke4 Kb4 57.Kxf4 0-1

Ólympíufarinn: Davíð Ólafsson

 

Í dag er haldið áfram með kynningar á Ólympíuförunum.  Áður er búið að kynna Henrik Danielsen og Tinnu Kristínu Finnbogadóttur til sögunnar.  Nú er hins vegar komið að einum "fylgifiskunum" því nú er kynntur til sögunnar, Davíð Ólafsson, liðsstjóri kvennaliðsins.

 

Minnt er á sér færsluflokk þar sem öllum ólymíufréttum, og þar með talið kynningu á Ólympíuförunum verður safnað saman.

Nafn: 

Davíð Rúrik Ólafsson

Staða í liðinu:

Liðsstjóri kvennaliðsins

Aldur:

44 ára

Hvenær teflt fyrst á Ólympíuskákmót og hversu oft hefur þú tekið þátt í Ólympíuskákmóti:

Aldrei - forfallaðist á síðustu stundu fyrir síðasta Ólympíuskákmót.

Besta skákin á ferlinum?

Engin ein sem stendur sérstaklega upp úr.  Minnisstæðustu skákirnar eru þó 2 skákir úr Reykjavíkurskákmótum.  Sú fyrri á móti Walter Brown 1986 þar sem mér tókst að snúa verri stöðu hægt og rólega upp í vinning en það er ekki skákin sjálf sem stendur þar upp úr heldur það að í miklu tímahraki tók andstæðingur minn upp á því að borða rjómatertu með miklum látum við skákborðið væntanlega í von um að það truflaði mig eitthvað - ég hef sjaldan skemmt mér betur!  Sú seinni var á móti Efim Geller 1990, þar náði ég að snúa á hann, vinna skiptamun og koma honum í mátnet!  Karlinn var ekki par ánægður eftir að hafa tapað þeirri skák sem ég síðar frétti að væri tapskák á móti þriðja Ólafssyninum sem hann hafði teflt við.

Minnisstæðasta atvik á Ól?

Engin so far!

Spá þín um lokasæti Íslands?

Kvennalið verður í miðjum hóp og karlalið í kringum 20. sæti.

Hver hefur verið undirbúningur þinn fyrir ÓL?

Að undirbúa stelpurnar sem best fyrir mótið með reglulegum æfingum auk þess sem farið var í æfingarferð á mót í Tékklandi síðastliðið haust.

Persónuleg markmið?

Að allar stelpurnar í liðinu séu með performance í plús.

Eitthvað að lokum?

Ég vona að allir skákáhugamenn styðji vel við bakið á okkar liðum á mótinu og að líflegar umræður verði um skákirnar á „horninu" enda allar skákir í beinni útsendingu.

 

[Event "Reykjavik"] [Site "Reykjavik"] [Date "1990.??.??"] [EventDate "?"] [Round "1"] [Result "1-0"] [White "David Olafsson"] [Black "Efim Geller"] [ECO "C45"] [WhiteElo "?"] [BlackElo "?"] [PlyCount "75"] 1.e4 e5 2.Nf3 Nc6 3.d4 exd4 4.Bc4 Nf6 5.e5 d5 6.Bb5 Ne4 7.Nxd4 Bd7 8.Bxc6 bxc6 9.O-O Be7 10.f3 Nc5 11.f4 O-O 12.Qe1 Ne4 13.c3 f6 14.Nd2 fxe5 15.fxe5 c5 16.N4f3 Bb5 17.c4 Nxd2 18.Nxd2 Rxf1+ 19.Qxf1 dxc4 20.Nf3 Rb8 21.Be3 c3 22.Qf2 cxb2 23.Qxb2 Bd3 24.Qc3 Qd5 25.Qa3 Be4 26.Qxa7 Rb2 27.Qa3 Re2 28.Rf1 h6 29.Qa4 Kh7 30.Qe8 Qxa2 31.Bf2 Qe6 32.Ng5+ hxg5 33.Qh5+ Qh6 34.Qxe2 Qg6 35.Qe3 Qc6 36.Qh3+ Kg6 37.Be3 c4 38.g4 1-0

EM: Töp í 3. umferð

Allir íslensku keppendurnir töpuðu í 3. umferð EM ungmenna sem fram fór í dag í Prag.  Vignir hefur 2 vinninga, Dagur hefur 1 vinninga, Oliver Aron og Hilmir Freyr hafa 0,5 vinning en Jón Kristinn er ekki kominn á blað. 

Nánar um fulltrúa Íslands:

• Dagur Ragnarsson (1913) - sem teflir í u16-flokki - er nr. 86 á stigum af 111 keppendum
• Oliver Aron Jóhannesson (2047) - sem teflir í u14-flokki - er nr. 42 á stigum af 141 keppenda
• Jón Kristinn Þorgeirsson (1747) - sem teflir einnig í u14-flokki - er nr. 118 á stigum
• Hilmir Freyr Heimisson (1720) - sem teflir í u12-flokki - er nr. 88 á stigum af 151 keppenda
• Vignir Vatnar Stefánsson (1590) - sem teflir í u10-flokki - er nr. 51 á stigum af 134 keppendum

Fararstjóri strákanna er Stefán Bergsson, sem skrifar eglulega pistla hér á Skák.is frá skákstað.  Myndirnar eru fengnar af Facebook-síðu Áróru Hrannar Skúladóttur, móður Hilmis Freys.

• Heimasíða mótsins
• Chess-Results
• Myndaalbúm (ÁHS)

Spassky flýr til Rússlands!

Hér áður fyrr kom það fyrir að sovéskir skákmenn flúðu land sitt.  Nú virðist sagan vera önnur því í reyfarakenndi frásögn á Chessbase kemur fram að Boris Spassky, fyrrverandi heimsmeistari í skák, hafið flúið eiginkonu sína og heimili sitt í Frakklandi, þar sem hann segist hafa verið í stofufangelsi og hafi verið haldið frá bæði síma og Interneti.  

Dulúðin í kringum Fischer og Spassky virðist engan enda ætla að taka!

Þessa ótrúlegu frásögn má lesa á Chessbase.

EM í Prag: dagur 2 - pistill frá Stefáni Bergssyni

 

Þegar þetta er ritað er um klukkutímí í aðra umferð. Fyrsta umferðin fór ágætlega. Vignir vann nokkuð örugglega eftir að hafa tekið óþarfa áhættu í byrjuninni, en hann er seigur varnarskákmaður og eftir að hafa hrundið sókn Skotans var hann með mun betri stöðu. Góður sigur hjá Vigni sem teflir í dag gegn Rússa.

 

Hilmir Freyr tefldi 4 tíma baráttuskák gegn Rússa með tæp 2000 stig. Snemma tafls fór Hilmir út úr byrjuninni og lék h5 sem hann fylgdi eftir með Rg4 og geymdi kónginn á f8. Hann hélt sókninni áfram og sá hver er vildi að Rússinn var orðinn mjög stressaður. Hann lék þó nákvæmum varnarleikjum og var staðan lengi afar dýnamísk. Í tímahraki beggja áttaði Hilmir sig á því að á EM er greint á milli manna og drengja, dúndraði sér á hlýrabolinn og bombaði e4-e3 á Rússann; lék peðinu ofan í þrælvaldaðan reit og opnaði fyrir biskup á b7. Áfram hélt Hilmir að hóta og pressa og að lokum þrálék Rússinn í stöðu sem var eitthvað betri á hann, en hann hafði fengið nóg af eilífum hótunum svarts, hristi höfuðið og gekk í burtu. Frábært jafntefli hjá Hilmi og bestu úrslit 1. umferðar.  Hilmir fær í dag stigahæsta keppanda flokksins og er nokkuð vel undirbúinn fyrir nimzo-inverska vörn, en fjölmargar skákir eru í beisnum með þessum Grikkja.

Jón Kristinn tefldi með hvítu gegn mun stigahærri Pólverja og drap of snemma tafls á d5 í slavneskri vörn. Svartur fékk betra nokkuð snemma og kláraði með laglegri fléttu. Eftir skákina fórum við Jón yfir hana og ræddum um að það væri ekki endilega svo gott að drepa á d5 með hvítu í slavneskri vörn.

Oliver tefldi mjög vel framan af í gær gegn Dananum, og fékk í raun unnið tafl. Daninn barðist þó vel og eftir 2 slæma leiki hjá Oliver var staðan orðin jöfn og þráleikið í stöðu sem erfitt var að komast í gegnum. Við Oliver fórum vel yfir það eftir skákina að í svona stöðum þar sem nóg er af tíma á borðinu, snýst leiðin að sigrinum mikið um að laga kallana sína og hafa ákveðið tak á stöðunni, Oliver flýtti sér hins vegar of mikið sem gaf andstæðingnum gagnfæri sem hann nýtti sér.

Dagur tefldi gegn gríðar sterkum Króata með 2200 stig. Dagur barðist vel og hafði sín færi, en smá ónákvæmni í miðtaflinu gaf Króatanum alla stöðuna. Engu að síður fín skák gegn sterkum andstæðing.

Í dag tefla drengirnir allir gegn sterkum andstæðingum en eru vel undirbúnir og munu berjast, það er ljóst.

--------------------------------------------------------------------------------------------------------------------------------------

Sunnudagsmorgun (dagur 3):

Gærdagurinn fór ágætlega; góðir sigrar hjá Vigni og Degi gegn mun stigahærri andstæðingum. Sérstaklega var gaman að fylgjast með Degi yfirspila andstæðing sinn í miðtaflinu. Vignir vann skákina á sínum styrkleikum, var þolinmóður í miðtaflinu, passaði sig á hættum andstæðingsins og vann hann svo í endataflinu. Jón Kristinn og Oliver áttu báðir slæmar dag, en þó ber að hrósa Jóni fyrir mikla baráttu og var hann ekki langt frá jafntefli. Oliver barðist einnig fram í rauðan dauðann. Hilmir Freyr fór of geyst í sókn gegn stigahæsta andstæðingnum sem nýtti sér það um leið. Mjög sterkur þessi 12ára Grikki sem hefur í sumar verið að leggja nokkra FM og IM í sterkum mótum.

Ég er nokkuð ánægður með hópinn að loknum þessum fyrstu 2 umferðum. Menn eru að leggja sig fram og berjast, bera enga virðingu fyrir stigahærri andstæðingum.

Þriðja umferðin hefst á eftir klukkan þrjú. Hér er glampandi sól og hópurinn á leið í tennis áður en stúderingar hefjast.

Mig langar að lokum að þakka öllum sem komu að Skákhátíð Skákakademíunnar á Menningarnótt. Svakalega gaman að skoða myndirnar.

Stefán Bergsson.