KORNAX-mótið: Bein útsending hefst kl. 19:30

Bein útsending frá 3. umferð KORNAX-mótsins - Skákþings Reykjavíkur hefst nú kl. 19:30. Sex skákir eru sýndar beint. Útsendinguna má nálgast hér.

Skákirnar sem sýndar eru beint eru:

• Jóhann H. Ragnarsson (2043) - Davíð Kjartansson (2323)
• Einar Hjalti Jensson (2301) - Oliver Aron Jóhannesson (1998)
• Páll Sigurðsson (1986) - Lenka Ptácníková (2281)
• Omar Salama (2265) - Vigfús Ó. Vigfússon (1993)
• Örn Leó Jóhannsson (1956) - Daði Ómarsson (2218)
• Halldór Pálsson (2074) - Mikael Jóhann Karlsson (1960)

• Heimasíða TR (beinar útsendingar)
  
• Myndaablúm (GB)
• Chess-Results

Karl, Sigurbjörn, Þröstur og Ingvar efstir á Fastus-mótinu

 

Alþjóðlegi meistarinn, Karl Þorsteins (2464), stórmeistarinn Þröstur Þórhallsson (2441) og FIDE-meistararnir Sigurbjörn Björnsson (2381) og Ingvar Þór Jóhannesson (2340) eru efstir og jafnir með fullt hús að lokinni 2. umferð Fastus-mótsins - Gestamóti Goðans sem fram fór gær.

Sem fyrr var eitthvað um óvænt úrslit. Einar Hjalti Jensson (2301) gerði jafntefli við stórmeistarann Stefán Kristjánsson (2486). Jóhanna Björg Jóhannsdóttir (1872) heldur áfram að eiga frábært mót og gerði nú jafntefli við Andra Áss Grétarsson (2327) og Hallgerður Helga Þorsteinsdóttir vann Björn Þorteinsson (2209).  Öll úrslit 2. umferðar má finna hér.

Búið er að raða í 3. umferð sem fram fer á fimmtudagskvöld nk. Þá mætast meðal annars: Sigurbjörn-Karl, Þröstur-Ingvar Þór og Stefán - Jóhanna Björg. Röðun í 3. umferð má finna hér.

Mótið fer fram í húsakynnum Skákskóla Íslands, Faxafeni er.

 

• Heimasíða Goðans-Máta
• Chess-Results

Nýtt fréttaskeyti Skákakademíunnar

Nýtt frettaskeyti Skákakademíunnar kemur út í dag. 

Meðal efnis: Skákdagurinn, Viðtal við Einar S. Einarsson, kennsluhefti frá Krakkaskák og Björn Þorfinnsson.

Sjá nánar í meðfylgjandi PDF-viðhengi

Skrár tengdar þessari bloggfærslu:

• Fréttaskeytti Skákakademíunnar. 1. tbl.., 2. árg.

Skákþing Akureyrar hefst á sunnudag

Skákþing Akureyrar hefst sunnudaginn 13. janúar kl. 13.00. Teflt verður í Skákheimilinu í Íþróttahöllinni við Skólastíg.

Teflt verður í einum flokki og er öllum heimil þátttaka. Aðeins þeir skákmenn sem eiga lögheimili eða eru fullgildir félagsmenn í Skákfélagi Akureyrar geta unnið titilinn sem teflt er um: „SKÁKMEISTARI AKUREYRAR 2013."

Á mótinu eru áformað að tefla 8-10 umferðir á eftirtöldum dögum

• Sunnudaginn 13. janúar kl. 13.00         1. umferð
• Fimmtudaginn 17. janúar kl. 18.00       2. umferð
• Sunnudaginn 20. janúar kl. 13.00         3. umferð
• Fimmtudaginn 24. janúar kl. 18.00       4. umferð
• Sunnudaginn 27. janúar kl. 15.00         5. umferð
• Þriðjudaginn 29. febrúar kl. 18.00        6. umferð
• Sunnudaginn 3. febrúar kl. 13.00         7. umferð
• Fimmtudaginn 7. febrúar kl. 18.00       8. umferð
• Sunnudaginn 10. febrúar kl. 13.00       9. umferð
• Sunnudaginn 17. febrúar kl. 13.00       10. umferð

Mótsstjórn ákveða endanlegan fjölda umferða og tafldaga þegar fjöldi þátttakenda liggur fyrir. Ákvörðun um þetta mun liggja fyrir við upphaf 1. umferðar. 

Umhugsunartími verður 90 mínútur á skákina, auk þess sem 30 sekúndur bætast við tímann fyrir hvern leik (90+30).

Þátttökugjald er kr. 3.000 fyrir skuldlausa félagsmenn, kr. 4.000 fyrir aðra. Þátttaka er ókeypis fyrir þá unglinga sem greitt hafa æfingagjald. 

Þátttaka tilkynnist formanni félagsins með tölvupósti í [e-mail], eða á skákstað eigi síðar en 10 mínútum fyrir auglýst upphaf 1. umferðar.

KR-kvöld: Gunnarar gera það gott

Það var hálfgerður GUNNARASLAGUR í KR-heimilinu á sl. mánudagskvöld þegar sprengjuhættu vegna flugeldasölu hafði verið aflétt og skákmönnum og öðrum var loks hleypt inn í bygginguna að nýju. Það að tefla skák getur líka verið eldfim iðja og oft hitnar vel í glæðunum þegar mönnum hitnar í hamsi.

Svo var líka raunin að þessu sinni því þrír eldheitir Gunnarar elduðu þar grátt silfur og börðust um forustuna lengi kvölds. Rimmunni lauk svo að KR-ingarnir Gunnar Birgisson hinn rammi og Gunnar Gunnarsson hinn aldni urðu að lúta í örlitlu lægra haldi fyrir Víkingnum Gunnari "Freysgoða" Rúnarsyni en "Kópavogsgoðinn" þó aðeins á smá stigamun. Þeir luku keppni með 10.5 vinningum af 13 mögulegum.  Báðir eru sagðir hafa gengið stoltir og þokkalega sáttir á braut líkt og aðrir keppendur sem margir áttu misjöfnu gengi að fagna.

Stríðfréttaritari var víðsfjarri orustuvellinum til að geta greint nánar frá vopnaviðskiptum að þessu sinni en nánari úrslit má greina á meðf. mótstöflu:

 

 

ESE

Íslandsmót barna fer fram á laugardag í Rimaskóla

Íslandsmót barna í skák fer fram í Rimaskóla laugardaginn 12. janúar og hefst klukkan 12. Þátttökurétt hafa börn í 1. til 5. bekk (fædd 2002 og síðar) og sigurvegarinn fær sæmdarheitið Íslandsmeistari barna 2013 og keppnisrétt á Norðurlandamótið í skólaskák sem haldið er að Bifröst í febrúar 2013.
 
Alls verða tefldar 9 umferðir með 10 mínútna umhugsunartíma. Eftir 5 umferðir verður keppendum fækkað þannig að þeir sem hafa 3 vinninga eða fleiri halda áfram keppninni um Íslandsmeistaratitilinn en þeir sem hafa færri en 3 vinninga hafa lokið þátttöku.

Skákdeild Fjölnis verður með veitingasölu á meðan mótinu stendur.

Þetta er í 20. sinn sem keppt er um Íslandsmeistaratitil barna. Sigurður Páll Steindórsson sigraði á fyrsta mótinu árið 1994, en meðal annarra meistara má nefna titilhafana Dag Arngrímsson, Guðmund Kjartansson og Hjörvar Stein Grétarsson. Núverandi Íslandsmeistari barna er Nansý Davíðsdóttir. Hún er eina stúlkan sem hefur hampað titlinum.
 
Skáksamband Íslands og Skákakademían annast framkvæmd mótsins. Keppendur eru hvattir til að skrá sig sem fyrst á Skák.is (skráning opnar hér í dag). Þátttökugjald er 1.000 kr (1.500 að hámarki á systkini) og greiðist á mótsstað fyrir upphaf umferðar. Hægt er að fylgjast með skráningu hér.

Veitt eru sérstök verðlaun fyrir bestan árangur í hverjum árgangi.

Sigurvegarar á Íslandsmóti barna frá upphafi:
 

• 1994 Sigurður Páll Steindórsson
• 1995 Hlynur Hafliðason
• 1996 Guðjón H. Valgarðsson
• 1997 Dagur Arngrímsson
• 1998 Guðmundur Kjartansson
• 1999 Víðir Smári Petersen
• 2000 Viðar Berndsen
• 2001 Jón Heiðar Sigurðsson
• 2002 Sverrir Þorgeirsson
• 2003 Hjörvar Steinn Grétarsson
• 2004 Svanberg Már Pálsson
• 2005 Nökkvi Sverrisson
• 2006 Dagur Andri Friðgeirsson
• 2007 Kristófer Gautason
• 2008 Kristófer Gautason
• 2009 Jón Kristinn Þorgeirsson
• 2010 Jón Kristinn Þorgeirsson
• 2011 Dawid Kolka
• 2012 Nansý Davíðsdóttir

Tólf skákmenn efstir og jafnir á KORNAX-mótinu

Tólf skákmenn eru efstir og jafnir með 2 vinninga að lokinni 2. umferð KORNAX-mótsins - Skákþings Reykjavíkur sem fram fór í kvöld. Tiltölulega lítið var um óvænt úrslit og iðulegu unnu hinir stigahærri þá stigalægri þótt nokkur jafntefli yrðu þar sem stigamunur var töluverður. Öll úrslit 2. umferðar má nálgast hér.

Þriðja umferð fer fram á föstudagskvöld og hefst kl. 19:30. Þá verða eftirtaldar skákir sýndar beint:

• Jóhann H. Ragnarsson (2043) - Davíð Kjartansson (2323)
• Einar Hjalti Jensson (2301) - Oliver Aron Jóhannesson (1998)
• Páll Sigurðsson (1986) - Lenka Ptácníková (2281)
• Omar Salama (2265) - Vigfús Ó. Vigfússon (1993)
• Örn Leó Jóhannsson (1956) - Daði Ómarsson (2218)
• Halldór Pálsson (2074) - Mikael Jóhann Karlsson (1960)

Pörun 3. umferðar má nálgast hér.

• Heimasíða TR (beinar útsendingar)
  
• Myndaablúm (GB)
• Chess-Results

Rauð vinnubók frá Krakkaskák

Krakkaskák.is gefur út rauðu vinnubókina. Hún kemur út í fyrstu viku á nýju ári. Gula bókin hefur fengið góðar viðtökur og selst vel í Reykjavík og úti á landi.

Rauða bókin er með svipuðum hætti, áfram koma fyrir fullyrðingar sem eru annaðhvort sannar eða ósannar og eru fyrst og fremst ætlaðar til þess að verða kveikja að gagnrýnum umræðum sem leiða til betri skilnings en það er undir kennaranum komið hvernig hann nýtir sér þær í kennslu. Þessi vinnubók fjallar um opin töfl sem komu upp úr leikjunum e4-e5. Lagt er til vinnublað um hvernig eigi að rannsaka og æfa þær byrjanir og læra af mistökunum. Farið er yfir sóknar- og varnarleik sem og hvernig við finnum út hvort það sé taktík í stöðunni og æfingar.

Margir kennarar sem ég hef talað við eru með stærri hópa sem eru lengra komnir í náminu og vona ég að rauða bókin uppfylli þarfir þeirra.  Það er mjög mikilvægt að nemandinn sem kláraði gulu bókina geti auðveldlega tekið við rauðu bókinni og ég hef haft það til hliðsjónar að fara ekki of geyst með nemandann en geri þó meiri kröfur til hans og komið að þeim punkti að hann verður að hafa viljann til verksins og skoða skákina sem nám en ekki eingöngu tóma skemmtun.

Að sjálfsögðu eiga skáktímar að byggjast mjög mikið á því að tefla og hafa gaman en kennslan verður þó að fá sitt rými og vera með góð gæði. Markviss kennsla byggist á því að maður viti hvað maður ætlar að kenna ásamt því að nemandinn geri sér góða grein fyrir því hvað hann sé að læra.

Skákin er full af mistökum og óþarfa-mistökum og markmiðið er að uppræta slæmar skákvenjur og kenna sjálfstæð vinnubrögð sem allra fyrst. Lengi býr að fyrstu gerð og fái maður góða þjálfun strax ætti það að skila góðu til framtíðar. Ég myndi telja það mjög góðan árangur ef næðist að kenna þessi tvö hefti ásamt gull,silfur og brons æfingunum á einu skólaári, en slíkt fer eftir hópnum og aðstæðum sem kennarinn hefur.

Allir nemendur eiga að hafa þennan grundvallarskilning sem kemur fyrir í rauðu bókinni áður en þeir byrja að tefla lokaðar stöður sem krefjast meiri skilnings og ekki gott að byrja æfa það sem maður skilur ekki. Lokuð töfl og Steinitz fræði ásamt öðrum fræðingum bíða grænu og bláu bókanna. Verðið á rauðu bókinni er það sama og á gulu 450 kr. og hægt að panta hana hjá [e-mail].

KORNAX-mótið: Bein útsending frá 2. umferð

Bein útsending frá 2. umferð KORNAX-mótsins - Skákþings Reykjavíkur hófst nú kl. 19:30. Sex skákir eru sýndar beint. Það eru:

• Davíð Kjartansson - Atli Antonsson
• Dagur Ragnarsson - Einar Hjalti Jensson
• Lenka Ptácníková - Jón Úlfljótsson
• Jón Trausti Harðarson - Omar Salama
• Daði Ómarsson - Atli Jóhann Leósson
• Hilmar Þorsteinsson - Júlíus Friðjónsson

• Heimasíða TR (beinar útsendingar)
  
• Myndaablúm (GB)
• Chess-Results

Hannes vann í fyrstu umferð

Stórmeistarinn Hannes Hlífar Stefánsson (2512) tekur þátt í Prague Open sem hófst í dag. Í fyrstu umferð vann hann Þjóðverjann Alexander Schneider (2045).

Alls tekur 51 skákmaður þátt í mótinu og þar af eru 5 stórmeistarar. Hannes er nr. 3 í stigaröð keppenda.

• Heimasíða mótsins
• Chess-Results
• Beinar útsendingar (hefjast almennt kl. 15)