Skákþing Akureyrar hófst í dag

Fyrst var telf um titilinn "Skákmeistari Akureyrar" árið 1938 og árlega allar götur síðan. Í fyrra hafði Hjörleifur Halldórsson sigur og er han enn meðal keppenda á 75. skákþinginu sem hófst nú í dag. Keppendur í meistaraflokki eru 10 talsins og lauk fjórum skákum í dag:

• Jakob Sævar Sigurðsson-Karl Egill Steingrímsson 0-1
• Sigurður Arnarson-Jón Kristinn Þorgeirsson         1/2
• Andri Freyr Björgvinsson-Hjörleifur Halldórsson   1/2
• Haraldur Haraldsson-Hreinn Hrafnsson                1-0
• Skák Rúnars Ísleifssonar og Símonar Þórhallssonar verður tefld á morgun.

Það vekur athygli að sjá nú meðal keppenda Harald Haraldsson, sem áður gerði garðinn frægan með TR og Mjölni sáluga en hefur ekki teflt kappskák í meira en áratug. Ekki virtist hann þó hafa gleymt miklu, vann góðan sigur í lipurri sóknarskák.

Mótinu verður svo fram haldið n.k. fimmtudag kl. 18.00. Þá leiða saman hesta sína þeir Rúnar og Jakbo, Karl og Sigurður, Jón Kristinn og Andri, Hjörleifur og Haraldur og Símon og Hreinn.

• Heimasíða SA
• Chess-Results

Wijk aan Zee: Öllum skákum 2. umferðar lauk með jafntefli

Öllum skákum 2. umferðar a-flokks Wijk aan Zee lauk með jafntefli en mikil spenna var í mörgum skákunum. Íslandsvinurinn Ivan Sokolov var klaufi að vinna ekki Nakamura og Carlsen slapp með skrekinn gegn Aronian. Pentala Harikrishna (2698) og Sergey Karjakin (2780) eru því efstir en þeir eru þeir einu sem unnið hafa skák!

Úrslit 2. umferðar:

van Wely, L. - Hou, Y.	½-½
L'Ami, E. - Karjakin, S.	½-½
Wang, H. - Leko, P.	½-½
Nakamura, H. - Sokolov, I.	½-½
Giri, A. - Anand, V.	½-½
Caruana, F. - Harikrishna, P.	½-½
Aronian, L. - Carlsen, M.	½-½

 

Í a-flokki eru meðalstigin 2732 skákstig en 14 skákmenn tefla þar allir við alla.

• Heimasíða mótsins
• Beinar útsendingar (hefjast almennt kl. 12:30)

Skákþáttur Morgunblaðsins: Guðmundur í banastuði í Hastings

Það hefur verið gaman að fylgjast með Guðmundi Kjartanssyni á hinu fornfræga skákmóti í Hastings sem lýkur nú um helgina. Hvílíkur baráttukraftur! Eftir fimm umferðir af tíu var hann kominn með 4 vinninga af fimm og árangur uppá 2728 elo-stig og hafði unnið tvo stórmeistara frá Úkraínu. Hann átti einnig góða sigurmöguleika í skákum sínum í þriðju og fjórðu umferð en maraþonviðureigninni við Englendinginn Jonathan Hawkins lauk eftir 108 leiki og meira en 8 klst. baráttu. Vissulega kom babb í bátinn í sjöttu umferð þegar hann tapaði fyrir Litháanum Sarunas Sulskis en í byrjun þeirra skákar „henti" Guðmundur þrem peðum í andstæðing sinn en sveigði svo biskup sinn í vitlausa átt í krítískri stöðu og tapaði. Hann er jafn Hjörvari Steini Grétarssyni, í 9. - 22. sæti af 92 keppendum en Hjörvar hefur ekki verið að fást við jafn öfluga andstæðinga auk þess sem herjað hefur á hann magapest sem varð til þess að hann fékk „½ vinnings-yfirsetu" á gamlársdag. Margt getur þó gerst á lokasprettinum.

Samantekt á skak.is sem birt var um áramótin leiddi í ljós að Guðmundur hækkaði meira í stigum á síðasta ári en flestir íslenskir skákmenn. Það þarf ekki að koma á óvart því hann var iðinn við kolann; eftir að hafa teflt á Indlandi í ársbyrjun tók við Reykjavíkurskákmótið, Íslandsmót og þar á eftir átta mánaða dvöl í ýmsum löndum Suður-Ameríku þar sem hann tefldi á fjölmörgum mótum. Á síðasta mótinu sem fram fór í Kosta Ríka varð hann að hætta eftir sjö umferðir til þess að komast heim til Íslands fyrir jólin en hafði þá hlotið 6 ½ vinning. Ekki var jólafríið langt, þann 27. desember hófst Hastings-mótið.

Það er ekki víst að stigaháir andstæðingar Guðmundar hafi vitað að þeir voru að mæta skákmanni í góðri æfingu:

Hastings; 5. umferð:

Guðmundur Kjartansson - Andreij Vovk ( Úkraínu )

Kóngsindversk vörn

1.d4 Rf6 2. c4 g6 3. Rc3 Bg7 4. e4 d6 5. Rf3 O-O 6. Be2 e5 7. O-O Rc6 8. d5 Re7 9. Re1 Rd7 10. Be3 f5 11. f3 f4 12. Bf2 g5

Fræg lína úr „60 minnisverðum skákum", að þetta afbrigði leiði óverjandi mátsókn yfir hvítan, er ekki sönn! En þessu trúðu menn samt lengi eða þar til Viktor Kortsnoj tók afbrigðið upp og vann nokkrar frægar skákir árið 1987.

13. Hc1

Kortsnoj lék ýmist 13. b4, 13. Rb5 eða 13. a4. Þessi eðlilegi leikur kom þó síðar við sögu hjá honum

13. ... Rg6 14. Rb5 b6

Kortsnoj sýndi fram á að ef svartur leikur 14. .. a6 kemur 15. Ra7 ásamt -b4 og - c5.

15. b4 a6 16. Rc3 Hf7 17. Rd3 Bf8 18. c5 Hg7 19. cxd6 Bxd6 20. Rb2 Rf6 21. Rc4 Bxb4 22. d6! Bxc3

23. dxc7!

Bráðsnjall millileikur sem Guðmundur hafði tekið með í reikninginn þegar hann lék 22. d6.

23. ... Dxd1 24. Hfxd1 Hxc7

Eftir 24. ... Ba5 kemur 25. Hd8+ og 26. d6 og vinnur.

25. Bxb6 Hc6 26. Hxc3 Be6 27. Hdc1 Hb8 28. Ba5 Bd7 29. a3 Kg7 30. Bb4 g4 31. Rd6 Hxc3 32. Bxc3 h5 33. Rf5 Kh7 34. Bb4!

Það er erfitt að finna varnir fyrir svartan eftir þennan leik. Peðsóknin á kóngsvæng skilar engu og hrókurinn er á leið inn eftir c-línunni.

34. ... Bb5 35. Bxb5 Hxb5 36. Hc7+ Kh8 37. Hc6!

Vinnur mann.

37. ... a5 38. Be1 Hb1 39. Kf1 Rd7 40. Hxg6 Rc5 41. Hd6 Hb3 42. Bf2 Rd3 43. Bh4 Hxa3 44. Hd7 Kg8 45. Rh6 Kf8 46. Bf6 Ha1 47. Ke2 gxf3 48. gxf3 He1 49. Kd2

- og Vovk gafst upp.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 6. janúar 2013.

Skákþættir Morgunblaðsins

[Event "Hastings Chess Congress"] [Site "Hastings ENG"] [Date "2013.01.01"] [EventDate "2012.12.28"] [Round "5"] [Result "1-0"] [White "G Kjartansson"] [Black "A Vovk"] [ECO "E98"] [WhiteElo "2404"] [BlackElo "2567"] [PlyCount "98"] 1. d4 Nf6 2. c4 g6 3. Nc3 Bg7 4. e4 d6 5. Nf3 O-O 6. Be2 e5 7. O-O Nc6 8. d5 Ne7 9. Ne1 Nd7 10. Be3 f5 11. f3 f4 12. Bf2 g5 13. Rc1 Ng6 14. Nb5 b6 15. b4 a6 16. Nc3 Rf7 17. Nd3 Bf8 18. c5 Rg7 19. cxd6 Bxd6 20. Nb2 Nf6 21. Nc4 Bxb4 22. d6 Bxc3 23. dxc7 Qxd1 24. Rfxd1 Rxc7 25. Bxb6 Rc6 26. Rxc3 Be6 27. Rdc1 Rb8 28. Ba5 Bd7 29. a3 Kg7 30. Bb4 g4 31. Nd6 Rxc3 32. Bxc3 h5 33. Nf5+ Kh7 34. Bb4 Bb5 35. Bxb5 Rxb5 36. Rc7+ Kh8 37. Rc6 a5 38. Be1 Rb1 39. Kf1 Nd7 40. Rxg6 Nc5 41. Rd6 Rb3 42. Bf2 Nd3 43. Bh4 Rxa3 44. Rd7 Kg8 45. Nh6+ Kf8 46. Bf6 Ra1+ 47. Ke2 gxf3+ 48. gxf3 Re1+ 49. Kd2 1-0

Einar Hjalti efstur með fullt hús á KORNAX-mótinu.

Einar Hjalti Jensson (2301) er efstur með fullt hús að lokinni 4. umferð KORNAX-mótsins - Skákþings Reykjavíkur sem fram fór í dag. Einar vann Lenku Ptácníková (2281). Fimm skákmenn koma næstir með 3,5 vinning.

Nokkuð var um óvænt úrslit. Íslandsmeistari barna, Vignir Vatnar Stefánsson (1627) vann Pál Sigurðsson (1986) og Felix Steinþórsson (1434) lagði Birki Karl Sigurðsson (1753).

Einni skák úr 4. umferð er frestað og því liggur pörun fimmtu umferðar ekki fyrir en parað verður annað kvöld.

Öll úrslit 4. umferðar má finna hér.

Stöðu mótsins má finna hér.

• Heimasíða TR (beinar útsendingar)
• Myndaablúm (GB)
• Chess-Results

 

Bragi með jafntefli við Short

Bragi Þorfinnsson (2484) gerði jafntefli við enska stórmeistarann Nigel Short (2696) í 4. umferð bresku deildakeppninnar sem fram fór í dag. Bragi sýndi miklu seiglu í skákinni en hann skítastöðu sem hann bjargaði í jafntefli eins og farið er yfir á Skákhorninu.

Ingvar Þór Jóhannesson (2340) tapaði hins vegar fyrir enska stórmeistaranum Mark Hebden (2548).

• Heimasíða mótsins
• Beinar útsendingar

 

Wijk aan Zee: Hjörvar vann í 2. umferð

Alþjóðlegi meistarinn Hjörvar Steinn Grétarsson (2516) vann hollenska alþjóðlega meistarann Twan Burg (2492) í 2. umferð Tata Steel-mótsins sem fram fór í dag í Wijk aan Zee. Hjörvar hefur 1,5 vinning.

Í 3. umferð, sem fram fer á morgun, teflir Hjörvar við úkraínska stórmeistaranum Oleg Romanishin (2521) - en í gær var því ranglega haldið fram á Skák.is að hann fengi hann í 2. umferð.

Í c-flokki eru meðalstigin 2476 skákstig en 14 skákmenn tefla þar allir við alla. Hjörvar er nr. 6 í stigaröð keppenda.

• Heimasíða mótsins
• Beinar útsendingar (hefjast almennt kl. 12:30)

Þrettándamótið í Gallerýinu: Vignir Vatnar vann sannfærandi sigur

Það var glaðbeittur hópur skákgeggjara sem lagði leið sína í Gallerý Skák  til að kveðja Jólin endanlega á fimmtudagskvöldið var þegar Þrettándamótið var þar haldið. 

"Skák er betri" sagði frægur meistari einu sinni (Bobby Fischer í  Curocao  1962) þegar honum var boðið á gleðihús. "Jólin koma nú oftar" sagði annar þegar hann var inntur eftir því hvort bæri betra að eiga góð Jól eða ljúfan ástarfund. Það er því ljóst að það er viss eftirsjá af Jólunum sem koma þó aftur,  en mikilvægara er að hjól skáklífsins eru farin að snúast á ný af fullum krafti eftir stutt hlé um hátíðarnar.

Hinn ungi og ofursnjalli Vignir Vatnar Stefánsson (9 ára) fór geyst af stað í mótinu og lagði Gunna Gunn hinn aldna meistara í fyrstu umferð í annað sinn á stuttum tíma og fleiri valinkunna kappa í kjölfarið. Gunnar Birgisson hinn rammi var engin fyrirstaða heldur og ekki gefið að aðrir Gunnarar hefðu orðið það heldur þó hálf tylft þeirra vígamanna hefði verið til staðar. Góði Kópavogsdátinn varð annar en tveir skiptu með sér 3ja sætinu þeir Friðgeir Hólm og Jon Olav Fivelstad, sem leysti hann af hólmi í miðju móti.  

Það fór líka svo sem áhorfðist í byrjun að yngissveinninn efnilegi vann mótið með sannfærandi hætti. Varð einn efstur með 8.5 vinning af 11 mögulegum. Þetta er í annað sinn sem hann sigrar á móti í Gallerýinu en fimm sinnum hefur hann orðið þar í öðru sæti síðan í haust. Enginn tilviljun að hann er nú nýkrýndur Íslandsmeistari barna 10 ára og yngri þegar þetta er skrifað og gæti endurtekið leikinn að ári.  Til hamingju Vignir og eins Stefán pabbi, þín dygga stoð og stytta.

Kristján Stefánsson vildi eigna sér hlut í sigrinum með því að tapa fyrir Vigni Vatnari í síðustu umferð, sem var góðra gjalda vert en varð nú samt að sætta sig við að 10 sætið og hverfa á braut verðlaunalaus. En það kemur fimmtudagur eftir þennan. 

Hér má sjá nánari úrslit.

 

 

Meira á www.galleryskak.net

ESE Skákþankar 13.01.13

KORNAX-mótið: Bein útsending frá fjórðu umferð hefst kl. 14

Fjórða umferð KORNAX-mótsins - Skákþings Reykjavíkur hefst kl. 14. Venju samkvæmt eru 6 skákir sýndar beint frá umferðinni. Útsendingunn frá umferðinni má nálgast hér.

Skákirnar sem sýndar eru beint eru:

 

• FM Davíð Kjartansson (2323) - Omar Salama (2265)
• WGM Lenka Ptácníková (2281) - Einar Hjalti Jensson (2301)
• Daði Ómarsson (2218) - Þór Már Valtýsson (2023)
• Mikael Jóhann Karlsson (1960) - Júlíus Friðjónsson (2185)
• Sævar Bjarnason (2141) - Örn Leó Jóhannsson (1956)
• Hilmar Þorsteinsson (1776) - Halldór Pálsson (2074)

• Heimasíða TR (beinar útsendingar)
  
• Myndaablúm (GB)
• Chess-Results

Breska deildakeppnin: Bragi og Ingvar unnu í gær - Bragi mætir Short í dag

Bragi Þorfinnsson (2484) og Ingvar Þór Jóhannesson (2340) taka báðir þátt í bresku deildakeppninni sem fram fer um helgina í Daventry í Englandi. Þeir unnu báðir í gær í 5-3 sigri sveitar þeirra, Jutes of Kent, á sveitinni Warwickshire Select. Bragi vann Henrik Stepanyan (2178) en Ingvar vann John Pitcher (2226).

Andstæðingarnir í dag eru hins vegar öllu sterkari en þá mæta þeir sveitinni Guildford. Fyrir þeirri sveit fer Nigel Short (2696) og teflir Bragi við hann. Ingvar mætir enska stórmeistaranum Mark Hebden (2548). Hægt er fylgjast með þeim félögum beint og hefst útsendingin kl. 13.

• Heimasíða mótsins
• Beinar útsendingar

 

Vignir Vatnar Íslandsmeistari barna

Íslandsmót barna fór fram í gær í Rimaskóla. Það fór vel á því að keppendur væru 64 enda 64 reitir á taflborðinu. Menntamálaráðherra setti mótið um leið og hún lék kóngspeðinu fram um tvo reiti fyrir Nansý Davíðsdóttur. Í stuttu ávarpi vék Katrín Jakobsdóttir að því að skák mætti vel kenna í öllum skólum eins og aðrar greinar, ætti þar fullt erindi og vísaði um leið til starfshóps á vegum ráðuneytisins sem mun kortleggja skákkennslu í grunnskólum á Íslandi og fara yfir rannsóknir sem sýna fram á ágæti skákiðkunar fyrir nemendur.

Úrslit framan af móti voru nokkuð hefðbundin og röðuðu sigurstranglegustu skákmennirnir sér í efstu sætin.  Eftir fimmtu umferð komust þeir keppendur sem höfðu þrjá eða fleiri vinninga áfram í síðustu fjórar umferðirnar en hinir féllu úr leik.

Í sjöttu umferð mættust efstu krakkarnir þau Vignir Vatnar Stefánsson og Nansý Davíðsdóttir. Vignir hafði nokkuð öruggan sigur og var þar með orðinn einn efstur. Í næstu umferð mætti hann Mykhael Kravchuk og hafði unnið tafl þegar hann lék af sér manni í endatafli og Mykhael þar með kominn upp að hlið Vignis og Nansýjar með sex vinninga af sjö þegar tvær umferðir voru eftir. Öll unnu þau í áttundu umferð og allt því í járnum fyrir lokaumferðina. Joshúa nokkur Davíðsson bróðir Nansýjar mætti þá Mykhael og lagði hann í peðsendatafli á meðan Vignir og Nansý unnu örugga sigra. Þurftu þau því að tefla einvígi en fyrir einvígið voru veitt verðlaun í hverjum árgangi fyrir sig.

 

 

Árgangaverðlaun:

• 2007 Elsa Kristín Arnaldardóttir
• 2006 Stefán Orri Davíðsson
• 2005 Joshúa Davíðsson
• 2004 Þorsteinn Emil Jónsson
• 2003 Vignir Vatnar Stefánsson
• 2002 Nansý Davíðsdóttir

Vignir og Nansý tefldu sannkallað maraþon einvígi. Fyrst tefldu þau tvær tíu mínútna skákir. Nansý vann fyrri skákina en Vignir jafnaði metin. Þá tóku við tvær hraðskákir og aftur vann Nansý og Vignir jafnaði. Þá þurfti að grípa til armageddon-skákar, hreins bráðabana, þar sem Nansý hafði hvítt, fékk sex mínútur en Vignir fékk fimm mínútur með svörtu og dugði jafntefli til að verða Íslandsmeistari. Nansý fékk ágætis sóknarstöðu en Vignir varðist vel og fékk svo betri stöðu og hafði sigur.

TR-ingurinn Vignir Vatnar er vel að titlinum kominn. Hann sýndi mikið öryggi í sjálfu mótinu fyrir utan mistökin gegn Mykhael. Í einvíginu gegn Nansý gat allt gerst en í öllum þeirra skákum náði Vignir þónokkru forskoti á klukkuna sem skipti máli. Nansý sem er í Rimaskóla og Skákdeild Fjölnis freistaði þess að verja titilinn en í fyrra varð hún fyrsta stúlkan sem sigraði á Íslandsmóti barna. Nansý tefldi vel allt mótið og hefði vel getað hreppt titilinn, og var í einni skákinni gegn Vigni nálægt því að máta á síðustu sekúndunum þegar hún féll. Mykhael sem kemur úr TR er vel að bronsinu kominn og sá skákmaður í þessum aldursflokki sem er hvað lengst kominn fyrir utan Vigni og Nansý. Vignir og Mykhael eiga báðir eftir að tefla á þessu móti einu sinni í viðbót en Nansý var á síðasta ári.

Fulltrúar landsbyggðarinnar stóðu sig ágætlega og náði Óliver Ísak Ólason Skákfélagi Akureyar áttunda sætinu. Tveir ungir skákmenn frá Hellu komust einnig áfram eftir fimmtu umferðina en þeir eru í skákkennslu hjá Björgvini S. Guðmundssyni kennara við Grunnskólann á Hellu. Af öðrum keppendum má nefna þá Jón Jörund Guðmundsson KR og Joshúa Davíðsson Skákdeild Fjölnis sem urðu í fjórða og fimmta sæti.

Mótshaldið tókst vel og var skákstjórn í höndum Páls Sigurðarsonar. Verðlaunaafhending fyrir sjálft mótið var frestað og fer fram í aðdraganda Skákdagsins.

HEILDARÚRSLIT

 

Rank	Name	Club	Pts	BH.
1	Nansý Davíðsdóttir	Fjölnir - Rimaskóli	8	53½
2	Vignir Vatnar Stefánsson	TR - Hörðuvallaskóli	8	52½
3	Mykhaylo Kravchuk	TR - Ölduselsskóli	7	54½
4	Jón Jörundur Guðmundsson	Grandaskóli	7	54
5	Joshua Davíðsson	Rimaskóli	7	51½
6	Óskar Víkingur Davíðsson	Hellir - Ölduselsskóli	6	50
7	Kristófer Halldór Kjartansson	Fjölnir - Rimaskóli	6	50
8	Óliver Ísak Ólason	Brekkuskóli	6	47
9	Axel Óli Sigurjónsson	Salaskóli	6	46½
10	Almar Máni Þorsteinsson	Grunnskólinn á Hellu	6	44
11	Davíð Dimitry Indriðason	Austurbæjarskóli	6	43½
12	Arnór Rafnsson	Lágafellsskóli	6	37½
13	Bjarki Arnaldarson	TG - Hofsstaðaskóli	5½	53½
14	Helgi Freyr Davíðsson	Lágafellsskóli	5½	45
15	Pétur Steinn Atlason	Vatnsendaskóli	5½	44½
16	Róbert Orri Árnason	Rimaskóli	5½	38
17	Ísak Logi Einarsson	TG - Hofsstaðaskóli	5	49
18	Sævar Halldórsson	Ingunnarskóli	5	46½
19	Heiðar Óli Guðmundsson	Grunnskólinn á Hellu	5	45½
20	Stefán Orri Davíðsson	Ölduselsskóli	5	42½
21	Jóhann Bjarkar Þórsson	Hlíðaskóli	5	42
22	Sæmundur Árnason	Foldaskóli	5	42
23	Þorsteinn Emil Jónsson	Haukar - Hraunvallaskóli	5	37½
24	Bjartur Máni Sigmundsson	Melaskóli	4½	44
25	Stefán Karl Stefánsson	Norðlingaskóli	4½	40½
26	Tinni Teitsson	Snælandsskóli	4½	40
27	Karvel Geirsson	Selásskóli	4	41½
28	Samúel Týr Sigþórsson	Salaskóli	4	41
29	Atli Mar Baldursson	Álfhólsskóli	4	39
30	Baldur Einarsson	Ártúnsskóli	3	45½
31	Halldór Atli Kristjánsson	Hellir - Álfhólsskóli	2½	42½
32	Mikael Maron Torfason	Rimaskóli	2½	39
33	Einar Andri Víðisson	Vættaskóli	2½	37½
34	Gabríel Máni Ómarsson	Ártúnsskóli	2	42½
35	Sverrir Hákonarson	Hörðuvallaskóli	2	41½
36	Katrín Kristjánsdóttir	Melaskóli	2	40
37	Kacper Klosek	Rimaskóli	2	39
38	Krummi Arnar Margeirsson	Landakotsskóli	2	38
39	Óskar Hákonarson	Hörðuvallaskóli	2	38
40	Ólafur Rúnar Kaaber	Norðlingaskóli	2	37½
41	Tristan Ari Margeirsson	Landakotsskóli	2	37½
42	Matthías Hildir Pálmason	TG - Hofsstaðaskóli	2	37½
43	Jón Hreiðar Rúnarsson	Ingunnarskóli	2	37
44	Brynjar Haraldsson	Ölduselsskóli	2	36½
45	Sindri Snær Kristófersson	Salaskóli	2	36½
46	Alexander Björnsson	Austurbæjarskóli	2	36
47	Bjartmar Dagur Marteinsson	Lágafellsskóli	2	35
48	Haukur Georgsson	TG - Hofsstaðaskóli	2	35
49	Einar Ingi Ingvarsson	Vallarskóli	2	35
50	Ívar Þorleifur Barkarson	Snælandsskóli	2	32½
51	Mikael Rafn Líndal Hjartarson	Lágafellsskóli	1½	36
52	Tryggvi Snær Pétursson	Grandaskóli	1½	31
53	Sigfús Árni Guðmundsson	Ingunnarskóli	1½	31
54	Hafþór Máni Brynjarsson	Rimaskóli	1½	30½
55	Guðrún Hilmarsdóttir	Háaleitisskóli - Álftó	1	36½
56	Þórður Hólm Hálfdánarson	Snælandsskóli	1	33½
57	Unnsteinn Beck	Austurbæjarskóli	1	32
58	Guðrún Erna Einarsdóttir	Ingunnarskóli	1	31
59	Þórunn Harpa Garðarsdóttir	Ingunnarskóli	1	31
60	Júlía Heidur Guðmundsdóttir	Hamraskóli	1	30
61	Freyja Birkisdóttir	Smáraskóli	1	28½
62	Elsa Kristín Arnaldardóttir	Leikskólinn Hæðarból	½	31½
63	Sveinn Sölvi Petersen	Selásskóli	½	31
64	Matthías Björn Erlingsson	Lágafellsskóli	0	27

• Myndaalbúm (HJ & HÁ)
• Chess-Results