Ný heimasíða N1 Reykjavíkurskákmótsins - yfir 200 keppendur skráðir til leiks

Sett hefur verið upp ný heimasíða fyrir N1 Reykjavíkurskákmótsins. www.reykjavikopen.com sem er í umsjón Ingvars Þór Jóhannessonar. Það stefnir í þátttökumet enn eitt árið en nú þegar þrjár vikur eru fram að móti hafa rúmlega 200 keppendur skráð sig til leiks en í fyrra tóku þátt 198 skákmenn. Af hinum ríflega 200 keppendum eru um 75% erlendir frá ríflega 40 löndum.

Aldrei hafa fleiri stórmeistarar verðir skráðir til leiks á Reykjavíkurskákmótið en þeir eru alls 36. Þar af eru fjórir með meira en 2700 skákstig og tuttugu með meira en 2600 skákstig. Og hver veit nema að mjög spennandi keppendur bætist við í mótið nú á lokametrunum.

Á morgun verða sérviðburðadagatal mótsins kynnt til leiks en nánast alla keppnisdaga mótsins verður eitthvað í boði.

Enn er að sjálfsögðu opið fyrir skráningu í mótið. Hún fer fram hér.

Heimasíða mótsins

 

Gíbraltar: Guðmundur vann í næstsíðustu umferð

Alþjóðlegi meistarinn, Guðmundur Kjartansson (2408) vann stórmeistarann Saleh Salem (2538) frá Úsbekistan. Guðmundur hefur hlotið 6 vinninga og er í 23.-49. sæti.

Í tíundu og síðustu umferð, sem fram fer á morgun, teflir Guðmundur við búlgörsku skákdrottninguna og fyrrverandi heimsmeistara kvenna, Antoaneta Stefanova (2516).

Efstir með 7,5 vinning stórmeistarnir Nikita Vitiugov (2694), Rússlandi, Maxime Vachier-Lagrave (2711), Frakklandi, og Nigel Short (2690). Tveir hinir síðarnefndu er báðir skráðir til leiks á N1 Reykjavíkurskákmótinu.

246 skákmenn taka þátt í mótinu og þar af 48 stórmeistarar. Guðmundur er nr. 66 í stigaröð keppenda.

• Heimasíða mótsins
• Chess-Results

Rúnar Íslandsmeistari í ofurhraðskák

Rúnar Sigurpálsson sigraði örugglega á Íslandsmótinu í ofurhraðskák sem Taflfélagið Hellir stóð fyrir og var lokaviðburður Íslenska skákdagsins og fór fram á ICC um kvöldið. Tefldar voru 2ja mínútna skákir.  Rúnar hlaut 14,5 vinning í 15 skákum, annar með 11,5v varð Halldór Brynjar Halldórsson sem var Íslandsmeistari í fyrra og jafnframt var Halldór Brynjar sá sem gerði jafnteflið við Rúnar. Þriðji varð svo Róbert Lagerman með 11 vinning.  Omar Salama var umsjónarmaður mótsins.
Það voru 27 keppendur og höfðu sumir áður tekið þátt í einum eða fleiri viðburðum yfir daginn!

Röð efstu manna:

1.  Rúnar Sigurpálsson                 14.5    123.0
2.  Halldór Brynjar Halldórsson      11.5   126.0
3.  Róbert Lagerman                    11.0    129.0
4.  Gunnar Freyr Rúnarsson          10.5    127.0
5.  Jón Kristinn Þorgeirsson            9.0    129.0
6.  Mesharef,                                9.0     121.5
7.  Lenka Ptacnikova                     8.5     129.5
8.  Tómas Veigar Sigurðsson          8.0     120.5
9.   Birgir Berndsen                       8.0     119.5
10. Arnar Þorsteinsson                   8.0      88.0
11. Sverri Unnarsson                     7.5     123.5
12. Sigurður Ægisson                    7.5      120.0
13. Páll Andrason                          7.5     110.5
14. Ingvar Örn Birgisson                7.5      99.5
15. Ellert Berndsen                        7.0     113.5
16. Oliver Aron Jóhannesson          7.0      109.5
17. Guðmundur Gíslason                7.0     109,0

Útitafl vígt í Patreksskóla

Það var heldur kuldalegt um að litast í fyrradag þegar nemendur 10. bekkjar Patreksskóla vígðu útitafl skólans í tilefni Skákdags Íslands, en þau hafa unnið við að hanna og smíða útitaflmenn ásamt Einari Skarphéðinssyni smíðakennara.

Eins og sönnum vestfirskum víkingum sæmir þá létu nemendur, starfsfólk, Ásthildur Sturludóttir bæjarstjóri Vesturbyggðar, Henrik Danielsen stórmeistari og aðrir áhugasamir ekki rok og kulda stoppa sig í að mæta til skákhátíðarinnar og fylgjast með vígslu taflsins.

Það var Nanna Sjöfn Pétursdóttir skólastjóri Vesturbyggðar sem setti skákhátíðina meðan snjórinn var sópaður af taflinu. Fyrstu skákina tefldu stelpur á móti strákum og endaði sú skák með sigri strákanna. Því næst skoruðu þau á Henrik Danielsen stórmeistara sem vann krakkana í skemmtilegri skák þar sem gleðin var ríkjandi.

Myndaalbúm (Áróra Hrönn Skúladóttir)

Teflt í Grunnskóla Önundarfjarðar í tilefni Skákdags

Það var teflt í ýmsum skólum víðvegar um landið í kringum Skákdaginn. Svo var gert í Grunnskóla Önundarfjarðar sem teflur aðeins 17 nemendur.

Krakkarnir í 2. bekk voru í skákkennslu hjá þeim eldri og 2.-5. bekkur prófaði að tefla á netinu en þessi eldri settu upp skákmót. Nemendur í 2.-5. bekk teiknuðu í í myndmennt myndir af tafli og skákmönnum til að gera sér betur grein fyrir taflborðinu. Núna kunna allir mannganginn og hafa mjög gaman af því að tefla.

Myndaalbúm frá Önundarfirði (Edda Graichen)

Unnar og Jón efstir og jafnir á atskákmóti Sauðárkróks

Þeir Unnar Ingvarsson og Jón Arnljótsson urðu efstir og jafnir á atskákmóti Sauðárkróks sem lauk í gærkvöldi. Fengu þeir 5,5 vinning af 7 mögulegum. Fjórir urðu síðan jafnir í 3.-6. sæti, þeir Hörður Ingimarsson, Guðmundur Gunnarsson, Þór Hjaltalin og Birkir Már Magnússon allir með 4 vinninga.

Mikil dramatík var í lokaumferðunum. Til dæmis féll Jón Arnljótsson á tíma gegn Þór Hjaltalín, en Þór náði ekki að stöðva klukkuna sem féll líka á Þór og niðurstaðan því jafntefli.

Alls tóku 8 þátt í mótinu sem háð var í tilefni afmælis Friðriks Ólafssonar stórmeistara.

Guðmundur tapaði í gær

Alþjóðlegi meistarinn, Guðmundur Kjartansson (2408) tapaði í áttundu umferð fyrir spænska alþjóðlega meistarann Jose Carlos Ibarra Jerez (2538) á Gíbraltar-mótinu. Guðmundur hefur 5 vinninga og er í 39.-72. sæti.

Í níundu og síðust umferð, sem fram fer í dag, teflir hann við stórmeistarann Saleh Salem (2538) frá Úsbekistan.

Stórmeistararnir Nikita Vitiugov (2694), Rússlandi, og Nigel Short (2690) eru efstir með 7 vinninga. Athygli vekur að þrír af fimm efstu mönnum mótsins eru allir skráðir til leiks á N1 Reykjavíkurskákmótinu. Auk Shorts eru það Yu Yangyi (2688), Kína, og Maxime Vachier-Lagrave (2711), Frakklandi, sem eru í 3.-5. sæti ásamt Gata Kamsky (2740).

246 skákmenn taka þátt í mótinu og þar af 48 stórmeistarar. Guðmundur er nr. 66 í stigaröð keppenda.

• Heimasíða mótsins
• Chess-Results

Skákþing Akureyrar: Haraldur efstur - Símon vann Sigurð A

Fimmtu umferð Skákþings Akureyrar lauk í fyrrakvöld með tveimur skákum, en hinar þrjár voru tefldar á sunnudag. Úrslit í skákunum urðu þessi:

• Sigurður-Símon           0-1
• Hreinn-Karl                 1/2
• Hjörleifur-Jón Kristinn 1-0
• Andri-Jakob                 1-0
• Haraldur-Rúnar           1/2

Að venju var hart barist og nokkuð um óvænt úrslit í þessari umferð. Þannig varð forystusauðurinn Haraldur að sætta sig við sitt fyrsta jafntefli í skák sinni við Rúnar og á hinum endanum var það Hreinn sem lok komst á blað með jafntefli við Karl. Maður umferðarinnar var hinsvegar tvímælalaust Símon Þórhallsson sem lagði læriföður sinn að velli, en rúm 600 stig skilja þá að á stigatöflunni. Jón Kristinn hefur átt erfitt uppdráttar á mótinu og mátti nún játa sig sigraðan af Akureyrarmeistaranum frá í fyrra.

Þrátt fyrir jafnteflið er Haraldur enn langefstur með 4.5 vinning eftir 5 umferðir og hefur eins og hálfs vinnings forskot á þá Andra Frey og Jakob, sem nú vann sína þriðju skák í röð eftir tvö töp í upphafi móts. Sjötta umferð mótsins er svo tefld í kvöld og þá eigast m.a. við Jakob og Haraldur og Sigurður og Andri Freyr.

• Heimasíða SA 
• Chess-Results

Örn Leó vann fjórðu æfingu Breiðabliksæfinga

Örn Leó Jóhannsson vann fjórðu Ungmennaæfingu Skákdeildar Breiðabliks sem fór fram í Stúkunni við Kópavogsvöll í fyrradag. Að launum fékk hann pizzuúttekt á Italiano Pizzeria. Auk sigursins í mótinu þá náði Örn Leó Breiðabliks-áfanga.

Röð efstu manna:

1. Örl Leó Jóhannsson 13 af 16

2. Páll Andrason 12,5

3. Birkir Karl Sigurðsson 10,5

Nánar á: http://chess.is/breidablik/brei04.htm

Heimasíða Skákdeildar Breiðabliks: http://breidablik.is/skak

Riddarar efstir í Ásgarði

Það voru Riddarar sem röðuðu sér í efstu sætin í Ásgarði í gærkveldi. Sæbjörn Larsen vann þetta eins og hann hefur oft gert áður með 8.5 vinningum af 10. Páll G Jónsson varð í öðru sæti með 7.5 vinninga.Össur Kristinsson varð síðan í þriðja sæti með 6.5.

Tuttugu og fjórir skákmenn mættu til leiks í dag. Úrslit samkv. meðfylgjandi töflu.