Aðalfundur SÍ fer fram 11. maí

Stjórn Skáksambands Íslands boðar hér með til aðalfundar Skáksambandsins í samræmi við 8. gr. laga S.Í.

Fundurinn verður haldinn laugardaginn 11. maí nk. kl. 10.00 fyrir hádegi í Faxafeni 12, Reykjavík.

Dagskrá:  Venjuleg aðalfundarstörf.

Stjórn Skáksambandsins sendir ennfremur með fundarboðinu gögn varðandi skrá yfir fullgilda félagsmenn aðildarfélaga S.Í.  Stjórnir aðildarfélaganna eru vinsamlegast beðnar að útfylla skrár þessar vandlega og senda þær Skáksambandi Íslands í pósth. 8354, 128 Reykjavík eða á netfang [e-mail] fyrir 27. apríl 2013.

Bréf þetta er sent ásamt gögnum í samræmi við 9. gr. laga S.Í., en sú grein hljóðar svo:

 Við atkvæðagreiðslu á aðalfundi á hvert félag eitt atkvæði enda hafi það a.m.k. 10 félagsmenn með lögheimili á Íslandi í Keppendaskrá Skáksambandsins tveim vikum fyrir aðalfund.  Eitt atkvæði bætist við hjá félagi fyrir hverja sveit sem það sendir í Íslandsmót skákfélaga það árið. Við atkvæðagreiðslu um kjörbréf í upphafi fundar skal gilda sú regla, að hvert félag fari ekki með fleiri atkvæði en það hafði á aðalfundi árið áður.  Enginn fulltrúi getur farið með meira en eitt atkvæði á fundinum.  Við atkvæðagreiðslur á aðalfundi ræður einfaldur meirihluti atkvæða, nema um þau mál sem sérstaklega eru tilgreind í þessum lögum.

Einnig skal bent á 6. grein:

Standi aðildarfélag í gjaldfallinni skuld við sambandið hefur það ekki rétt til að eiga fulltrúa á aðalfundi.  Skákdeildir í félögum geta átt aðild að sambandinu, enda hafi þá minnst 10 menn bundist slíkum samtökum.  Heimilt er tveimur eða fleiri aðildarfélögum í sama landshluta að stofna með sér svæðissamband.

Taflfélögunum gefst kostur á að birta stutta skýrslu um starfsemi sína á síðasta starfsári í árrsskýrslu Skáksambands Íslands.  Hafi félögin áhuga á þessu þarf efni að hafa borist skrifstofu S.Í. í síðasta lagi 27. apríl nk.

                                                                       Virðingarfyllst,

                                                                       SKÁKSAMBAND ÍSLANDS

Gríðarlega fjölmennt Skólaskákmót Kópavogs

Skólaskákmót Kópavogs fór fram í tveimur hlutum vegna þess hversu fjölmennt það var. Fyrri hlutinn fór fram á föstudag en síðan var mótinu lokið í gær í mánudag þegar keppni nemenda í 3. og 4. bekk fór fram.  Meira en 220 keppendur tóku þátt en keppt var í fjórum flokkum. Teflt var í Álfhólsskóla.

1.-2. bekkur

 

Alls tóku 52 skákmenn þátt í keppni þeirra sem eru í 1. og 2. bekk. Þar hafði Róbert Luu, Álfhólsskóla, sigur með fullu húsi en tefldar voru fimm umferðir. Í öðru sæti varð Ingibert Snær Erlingsson, einnig úr Álfhólsskóla með 4½ vinning og þriðji varð Daniel Sveinsson, sem er líka er Álfhólsskóla, með 4 vinninga.

 

María Jónsdóttir, Salaskóli, varð efst stúlkna, Freyja Birkisdóttir, Smáraskóla, önnur og Vigdís Lilja Kristjánsdóttir, Álfhólsskóla, þriðja.

Lokastöðuna má finna hér.

3.-4. bekkur

 

 

88 skákmenn tóku þátt. Vignir Vatnar Stefánsson, Hörðuvallaskóla, og Tinni Teitsson, Snælandsskóla, komu efstir og jafnir í mark með fullt hús eftir sex umferðir. Vignir vann úrslitaskák þeirra á millum. Þriðji með 5 vinninga eftir stigaútreikning varð Jón Þór Jóhannsson, Salaskóla.

Dagmar Vala Hjörleifsdóttir, Álfhólsskóla, varð efst stúlkna, Elísabet Alda Georgsdóttir, einnig úr Álfhólsskóla, varð önnur og Elín Edda Jóhannsdóttir, Salaskóla, þriðja.

Lokastöðuna má finna hér.

5.-7. bekkur

 

 

60 skákmenn tóku þátt í flokknum. Dawid Pawel Kolka, Álfhólsskóla, sigraði með fullu hús vinninga í sjö skákum. Annar var Bárður Örn Birkisson, Smáraskóla, með 6 vinninga og þriðji varð Jason Andri Gíslason, úr Salaskóla með 5 vinninga. Dawid og Báður Örn hafa tryggt sér keppnisrétt á Kjördæmismóti Reykjaness.

Guðrún Vala, Salaskóla, varð efst stúlkna, Tinna Þrastardóttir, einnig úr Salaskóla önnur, og Móey María Sigþórsdóttir, sem líka er úr Salaskóla, þriðja.

Lokastöðuna má finna hér.

8.-10. bekkur

 

 

Róbert Leó Jónsson, Álfhólsskóla, og Kristófer Orri Guðmundsson, Vatnsendaskóla, urðu efstir og jafnir í elsta flokki með 6 vinninga í 7 skákum. 23 skákmenn tóku þátt. Róbert hafði betur eftir stigaútreikning. Hildur Berglind Jóhannsdóttir, Salaskóla, varð þriðja og efst stúlkna með 5 vinninga Ludvik Árni Guðmundsson, Vatnsendaskóla, fékk þriðja sætið í strákaflokki en hann hlaut einnig 5 vinninga.

Sonja María Friðriksdóttir, Álfhólsskóla, varð önnur stúlkna og Erna Pétursdóttir, Vatnsendaskóla, varð þriðja.

Róbert Leó og Kristófer Orri hafa unnið sér rétt til að tefla á kjördæmamóti Reykjaness.

Lokastöðuna má finna hér.

Myndaalbúm (Tómas Rasmus)

Skák eflir skóla - nýútkomin skýrsla

Út er komin skýrslan Skák eflir skóla á vegum menntamálaráðuneytisins. Skýrslan var unnin á fyrstu mánuðum þessa árs, og fjallar um skákkennslu í víðu samhengi; kosti hennar og umfang. Skýrslan er góður leiðarvísir fyrir áframhaldandi skákvæðingu grunnskóla landsins og kemur ýmislegt athyglisvert og nytsamlegt fram í henni.

Í skýrslunni má m.a. finna:

-         umsagnir kennara, stjórnenda og foreldra

-         úttekt á erlendum rannsóknum á áhrifum skákkennslu

-         könnun á umfangi og eðli skákkennslu í grunnskólum landsins

-         vísi að tilraunaverkefni í skákkennslu þar sem skák verður kennd af almennum kennurum

Af síðu ráðuneytisins:

„Í ársbyrjun 2013 skipaði mennta- og menningarmálaráðherra nefnd sem var falið að kanna kosti skákkennslu í grunnskólum með sérstakri áherslu á áhrif skákkennslu á námsárangur og félagslega færni barna.  Nefndinni var falið að kortleggja stöðu skákkennslu í grunnskólum á Íslandi, afla gagna og vitnisburða og rýna í alþjóðlegar rannsóknir á áhrifum skákiðkunar í skólum. Auk þess var nefndinni falið að gera tillögur að tilraunverkefni á sviði skákkennslu.

Í nefndina voru skipuð þau Anna Kristín Jörundsdóttir, kennari, Guðfríður Lilja Grétarsdóttir, Alþingismaður, sem jafnframt var skipuð formaður, Helgi Árnason, skólastjóri, Helgi Ólafsson, skólastjóri, Hrafn Jökulsson, rithöfundur, Lenka Ptácníková, stórmeistari kvenna og Stefán Bergsson, framkvæmdastjóri. Stefán Baldursson, skrifstofustjóri, starfaði með nefndinni af hálfu mennta- og menningarmálaráðuneytisins."

Nánar á vef menntamálaráðuneytisins.

Skákþáttur Morgunblaðsins: Gelfand kom Magnúsi Carlsen til hjálpar

Hagur Magnúsar Carlsen á áskorendamótinu í London vænkaðist talsvert í 9. umferð þegar helsti keppinautur hans, Armeninn Levon Aronjan tapaði fyrir Boris Gelfand; í sömu umferð lenti Magnús í miklum erfileikum gegn Vladimir Kramnik en tókst að halda jafntefli og hefur ½ vinnings forskot þegar þetta er ritað. Staðan: 1. Carlsen 6 v. ( af 9 ) 2. Aronjan 5 ½ v. 3. Kramnik 5 v. 4. - 5. Gelfand og Grischuk 4 ½ v. 6. Svidler 4 v. 7. Ivantsjúk 3 ½ v. 8.Radjabov 3 v.

Samkvæmt tölfræði sem Jeff Sonas vann eru nú um 75% líkur á því að Magnús vinni mótið og 21% líkur á því að Aronjan vinni. Möguleikar þess síðarnefnda eru þó enn góðir. Verði hann í efsta sæti ásamt Magnúsi þá telst sá sigurvegari sem unnið hefur fleiri skákir. Magnús getur þ.a.l. ekki siglt fleyi sínu í jafnteflishöfn í lokaumferðunum en hann hefur hvítt í þrem skákum af fimm. Elstu keppendurnir í London, Gelfand og Ivantsjúk, hafa náð sér á strik eftir slaka byrjun. Gelfand vann Radjabov í 8. umferð og í næstu umferð gerði hann Magnúsi mikinn greiða er hann lagði Aronjan:

Boris Gelfand - Levon Aronjan

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 Rbd7

Þessi leikur hefur aftur tekið yfir sem vinsælasta svarið við Bf4-leiðinni. Á Ol í Novi Sad 1990 í viðureign Sovétríkjanna gegn Íslandi - þeirri síðustu sem Sovétríkin háðu á Ólympíumóti - lék Gelfand 7. Dc2 gegn undirrituðum en velur nú aðra leið.

7. Be2 c6 8. O-O Rh5 9. Be5 f6 10. Bg3 f5 11. Be5 Rhf6 12. h3 Rxe5 13. Rxe5 Rd7 14. f4 Rxe5 15. fxe5 Bg5 16. Dd2 Bd7 17. Hac1 Hc8 18. a3 Kh8 19. b4 Be8 20. Bd3 Hc7 21. Re2!

Vandamál svarts snúast um það hversu þröng staða hans og peðastaða hans er ekki góð með tilliti til endatafls.

21. ... Bh5 22. Rf4 Bxf4 23. exf4 Hd7 24. De3!?

Hann gat lokað taflinu með 24. c5 og opnað síðan línur á drottningarvæng.

24. ... dxc4 25. Bxc4 Hxd4?

Hæpin ákvörðun Sjálfsagt var 24. ... He8 þó hvítur eigi góða möguleika með 25. d5! exd5 26. Bd3 d4 27. Dd2.

26. Bxe6 Bf7 27. Bxf5 Bc4 28. e6 Dd6 29. Hfe1 He8 30. e7 Bf7 31. Hc5 g6 32. Bg4 h5?

Aronjan hefur stundum áður gert sig sekan um að reyna að notfæra sér tímahrak andstæðingsins. Þetta gerir aðeins illt verra og Gelfand lætur tækifærið sér ekki úr greipum ganga. Mun betra var 32. ... Hd3, t.d. 33. De5+ Dxe5 34. Hexe5 a6 og síðan - Kg7 og Kf6 við tækifæri.

33. f5!

Með hugmyndinni 33. .... hxg4 34. Dh6+ Kg8 35. fxg6 Bxg6 35. Hg5 og vinnur.

33. ... Kg7 34. fxg6 Bxg6 35. Bxh5

Einfaldara og betra var 35. Hxh5!; eftir 35. ... Bxh5 36. Bxh5 er svartur bjargarlaus.

35. .... Hd3 36. De5+ Dxe5 37. Hcxe5 Bxh5 38. Hxh5 Hxa3 39. Hf5!

Snjall leikur sem heldur opnum möguleikum á matsókn með tveim hrókum.

39. ... Hd3 40. He4 Hd7 41. Hg4+ Kh6 42. Hf6+ Kh7

42. ... Kh5 virtist kom til greina en eftir 43. Hfg6! Hdxe7 kemur 44. H4g5+ Kh4 45. g3+! Kxh3 46. Hh6 mát.

43. Hf7+ Kh6 44. Hgg7 Hd1 45. Kh2 Hf1 46. Hh7+ Kg6 47. Hhg7+ Kh6 48. Hh7+ Kg6 49. Hfg7+ Kf6 50. h4 Ke6 51. Hg4 Kf5 52. Kg3 He1 53. Hf4+ Ke6 54. h5!

Einfaldast þar sem frípeð hvíts eru komin lengra.

54. ... Hxe7 55. Hxe7 Kxe7 56. Kh4 b6 57. h6 Hh1 58. Kg5 Ke6 59. Kg6 Ke5 60. Hf5+

- og Aronjan gafst upp.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 1. apríl 2013.

Skákþættir Morgunblaðsins

[Event "World Championship Candidates"] [Site "0:14:33-0:07:33"] [Date "2013.03.25"] [EventDate "2013.03.14"] [Round "9"] [Result "1-0"] [White "Boris Gelfand"] [Black "Levon Aronian"] [ECO "D37"] [WhiteElo "?"] [BlackElo "?"] [PlyCount "119"] 1.d4 Nf6 2.c4 e6 3.Nf3 d5 4.Nc3 Be7 5.Bf4 O-O 6.e3 Nbd7 7.Be2 c6 8.O-O Nh5 9.Be5 f6 10.Bg3 f5 11.Be5 Nhf6 12.h3 Nxe5 13.Nxe5 Nd7 14.f4 Nxe5 15.fxe5 Bg5 16.Qd2 Bd7 17.Rac1 Rc8 18.a3 Kh8 19.b4 Be8 20.Bd3 Rc7 21.Ne2 Bh5 22.Nf4 Bxf4 23.exf4 Rd7 24.Qe3 dxc4 25.Bxc4 Rxd4 26.Bxe6 Bf7 27.Bxf5 Bc4 28.e6 Qd6 29.Rfe1 Re8 30.e7 Bf7 31.Rc5 g6 32.Bg4 h5 33.f5 Kg7 34.fxg6 Bxg6 35.Bxh5 Rd3 36.Qe5+ Qxe5 37.Rcxe5 Bxh5 38.Rxh5 Rxa3 39.Rf5 Rd3 40.Re4 Rd7 41.Rg4+ Kh6 42.Rf6+ Kh7 43.Rf7+ Kh6 44.Rgg7 Rd1+ 45.Kh2 Rf1 46.Rh7+ Kg6 47.Rhg7+ Kh6 48.Rh7+ Kg6 49.Rfg7+ Kf6 50.h4 Ke6 51.Rg4 Kf5 52.Kg3 Re1 53.Rf4+ Ke6 54.h5 Rxe7 55.Rxe7+ Kxe7 56.Kh4 b6 57.h6 Rh1+ 58.Kg5 Ke6 59.Kg6 Ke5 60.Rf5+ 1-0

Tímaritið Skák - skylduáskrift skákáhugamannsins

Tímaritið Skák 2013 kom út í febrúar. Um er að ræða mjög veglegt árstímarit þar sem farið er yfir liðið ár og fjallað um helstu viðburði eins og Reykjavíkurskákmótið, Skákþing Íslands og Íslandsmót skákfélaga.

Óhætt er að segja að blaðið hafi fengið góðar viðtökur skákáhugamanna.

Boðið er upp á áskirft á blaðinu á 3.000 kr. og geta áhugasamir skráð fyrir blaðinu hér.

Meðal efnis má nefna stórmerkileg viðtöl við Friðrik Ólafsson og Þröst Þórhallsson, ítarlegar greinar um ólympíuskákmótið og Íslandsmótið í skák.

Skylduáskrift skákáhugamannsins!

Allir skákáhugamenn eru hvattir til að gerast áskrifendur að þessu glæsilega blaði og stuðla að því að því íslensk skáksaga varðveitist. Verð á blaðinu er 3.000 kr. Hægt er að fá blaðið frá í fyrra sent einnig greiði menn til viðbótar 500 kr.

Skákþáttur Morgunblaðsins: Gelfand kom Magnúsi Carlsen til hjálpar

Hagur Magnúsar Carlsen á áskorendamótinu í London vænkaðist talsvert í 9. umferð þegar helsti keppinautur hans, Armeninn Levon Aronjan tapaði fyrir Boris Gelfand; í sömu umferð lenti Magnús í miklum erfileikum gegn Vladimir Kramnik en tókst að halda jafntefli og hefur ½ vinnings forskot þegar þetta er ritað. Staðan: 1. Carlsen 6 v. ( af 9 ) 2. Aronjan 5 ½ v. 3. Kramnik 5 v. 4. - 5. Gelfand og Grischuk 4 ½ v. 6. Svidler 4 v. 7. Ivantsjúk 3 ½ v. 8.Radjabov 3 v.

Samkvæmt tölfræði sem Jeff Sonas vann eru nú um 75% líkur á því að Magnús vinni mótið og 21% líkur á því að Aronjan vinni. Möguleikar þess síðarnefnda eru þó enn góðir. Verði hann í efsta sæti ásamt Magnúsi þá telst sá sigurvegari sem unnið hefur fleiri skákir. Magnús getur þ.a.l. ekki siglt fleyi sínu í jafnteflishöfn í lokaumferðunum en hann hefur hvítt í þrem skákum af fimm. Elstu keppendurnir í London, Gelfand og Ivantsjúk, hafa náð sér á strik eftir slaka byrjun. Gelfand vann Radjabov í 8. umferð og í næstu umferð gerði hann Magnúsi mikinn greiða er hann lagði Aronjan:

Boris Gelfand - Levon Aronjan

Drottningarbragð

1. d4 Rf6 2. c4 e6 3. Rf3 d5 4. Rc3 Be7 5. Bf4 O-O 6. e3 Rbd7

Þessi leikur hefur aftur tekið yfir sem vinsælasta svarið við Bf4-leiðinni. Á Ol í Novi Sad 1990 í viðureign Sovétríkjanna gegn Íslandi - þeirri síðustu sem Sovétríkin háðu á Ólympíumóti - lék Gelfand 7. Dc2 gegn undirrituðum en velur nú aðra leið.

7. Be2 c6 8. O-O Rh5 9. Be5 f6 10. Bg3 f5 11. Be5 Rhf6 12. h3 Rxe5 13. Rxe5 Rd7 14. f4 Rxe5 15. fxe5 Bg5 16. Dd2 Bd7 17. Hac1 Hc8 18. a3 Kh8 19. b4 Be8 20. Bd3 Hc7 21. Re2!

Vandamál svarts snúast um það hversu þröng staða hans og peðastaða hans er ekki góð með tilliti til endatafls.

21. ... Bh5 22. Rf4 Bxf4 23. exf4 Hd7 24. De3!?

Hann gat lokað taflinu með 24. c5 og opnað síðan línur á drottningarvæng.

24. ... dxc4 25. Bxc4 Hxd4?

Hæpin ákvörðun Sjálfsagt var 24. ... He8 þó hvítur eigi góða möguleika með 25. d5! exd5 26. Bd3 d4 27. Dd2.

26. Bxe6 Bf7 27. Bxf5 Bc4 28. e6 Dd6 29. Hfe1 He8 30. e7 Bf7 31. Hc5 g6 32. Bg4 h5?

Aronjan hefur stundum áður gert sig sekan um að reyna að notfæra sér tímahrak andstæðingsins. Þetta gerir aðeins illt verra og Gelfand lætur tækifærið sér ekki úr greipum ganga. Mun betra var 32. ... Hd3, t.d. 33. De5+ Dxe5 34. Hexe5 a6 og síðan - Kg7 og Kf6 við tækifæri.

33. f5!

Með hugmyndinni 33. .... hxg4 34. Dh6+ Kg8 35. fxg6 Bxg6 35. Hg5 og vinnur.

33. ... Kg7 34. fxg6 Bxg6 35. Bxh5

Einfaldara og betra var 35. Hxh5!; eftir 35. ... Bxh5 36. Bxh5 er svartur bjargarlaus.

35. .... Hd3 36. De5+ Dxe5 37. Hcxe5 Bxh5 38. Hxh5 Hxa3 39. Hf5!

Snjall leikur sem heldur opnum möguleikum á matsókn með tveim hrókum.

39. ... Hd3 40. He4 Hd7 41. Hg4+ Kh6 42. Hf6+ Kh7

42. ... Kh5 virtist kom til greina en eftir 43. Hfg6! Hdxe7 kemur 44. H4g5+ Kh4 45. g3+! Kxh3 46. Hh6 mát.

43. Hf7+ Kh6 44. Hgg7 Hd1 45. Kh2 Hf1 46. Hh7+ Kg6 47. Hhg7+ Kh6 48. Hh7+ Kg6 49. Hfg7+ Kf6 50. h4 Ke6 51. Hg4 Kf5 52. Kg3 He1 53. Hf4+ Ke6 54. h5!

Einfaldast þar sem frípeð hvíts eru komin lengra.

54. ... Hxe7 55. Hxe7 Kxe7 56. Kh4 b6 57. h6 Hh1 58. Kg5 Ke6 59. Kg6 Ke5 60. Hf5+

- og Aronjan gafst upp.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 1. apríl 2013.

Skákþættir Morgunblaðsins

[Event "World Championship Candidates"] [Site "0:14:33-0:07:33"] [Date "2013.03.25"] [EventDate "2013.03.14"] [Round "9"] [Result "1-0"] [White "Boris Gelfand"] [Black "Levon Aronian"] [ECO "D37"] [WhiteElo "?"] [BlackElo "?"] [PlyCount "119"] 1.d4 Nf6 2.c4 e6 3.Nf3 d5 4.Nc3 Be7 5.Bf4 O-O 6.e3 Nbd7 7.Be2 c6 8.O-O Nh5 9.Be5 f6 10.Bg3 f5 11.Be5 Nhf6 12.h3 Nxe5 13.Nxe5 Nd7 14.f4 Nxe5 15.fxe5 Bg5 16.Qd2 Bd7 17.Rac1 Rc8 18.a3 Kh8 19.b4 Be8 20.Bd3 Rc7 21.Ne2 Bh5 22.Nf4 Bxf4 23.exf4 Rd7 24.Qe3 dxc4 25.Bxc4 Rxd4 26.Bxe6 Bf7 27.Bxf5 Bc4 28.e6 Qd6 29.Rfe1 Re8 30.e7 Bf7 31.Rc5 g6 32.Bg4 h5 33.f5 Kg7 34.fxg6 Bxg6 35.Bxh5 Rd3 36.Qe5+ Qxe5 37.Rcxe5 Bxh5 38.Rxh5 Rxa3 39.Rf5 Rd3 40.Re4 Rd7 41.Rg4+ Kh6 42.Rf6+ Kh7 43.Rf7+ Kh6 44.Rgg7 Rd1+ 45.Kh2 Rf1 46.Rh7+ Kg6 47.Rhg7+ Kh6 48.Rh7+ Kg6 49.Rfg7+ Kf6 50.h4 Ke6 51.Rg4 Kf5 52.Kg3 Re1 53.Rf4+ Ke6 54.h5 Rxe7 55.Rxe7+ Kxe7 56.Kh4 b6 57.h6 Rh1+ 58.Kg5 Ke6 59.Kg6 Ke5 60.Rf5+ 1-0

Guðmundur og Dagur tefla í Búdpesti

Alþjóðlegu meistararnir Dagur Arngrímsson (2392) og Guðmundur Kjartansson (2443) eru meðal keppenda á First Saturday-mótinu sem hófst í gær í Búdapest. Dagur teflir í SM-flokki og Guðmundur í AM-flokki. Guðmundur hefur unnið báðar sínar skákir en Dagur tapaði í fyrstu umferð en vann í þeirri annarri.

Fórnarlömb Guðmundar eru Ungverjinn Vilmos Balint (2212) og slóvenski FIDE-meistarinn Domen Krumpacnik (2338).

Dagur tapaði fyrir makedónska stórmeistaranum Dragan Kosic (2512) í fyrstu umferð en vann ungverska FIDE-meistarann Gergely Kantor (2331) í annarri umferð.

Meðalstigin í flokki Dags eru 2412 skákstig. Guðmundur er nr. 6 í stigaröð 10 keppenda. Meðalstigin í flokki flokki Guðmundar eru 2299 skákstig er hann næststigahæstur 12 keppenda.

• Heimasíða mótsins
• Chess-Results

 

Klukkufjöltefli Helga Ólafssonar - Karl Egill vann stórmeistarann!

Það er sama hvert litið er, allsstaðar eru Framsóknarmenn að slá í gegn. Eins og venja er lauk Helgi Ólafsson stórmeistari Akureyrarheimsókn sinni með klukkufjöltefli við félagsmenn. Helgi tefldi við 10 andstæðinga með tímamörkunum 90:30. Urðu margar skákir afar spennandi en í flestum þeirra seig stórmeistarinn fram úr á lokametrunum.

Hann tapaði þó einni skák, fyrir Karli Agli Steingrímssyni eftir miklar sviptingar. Skák hans við Akureyrarmeistarann Harald Haraldsson var þung stöðubarátta allan tímann og þegar keppendur sættust á skiptan hlut að loknum öðrum skákum var staða Haraldar síst lakari. Viðureigninni laus sumsé með sigri Helga 8½  - 1½. Þeir sem tefldu, auk Karls og Haraldar, voru Sigurður Arnarson og nafni hans Eiríksson; Smári Ólafsson, Einar Guðmundsson, Hjörleifur Halldórsson, Jón Kristinn Þorgeirsson, Símon Þórhallsson og Logi Rúnar Jónsson. Stóðu þeir sig allir með sóma.

Heimasíða SA

Skólaskákmóti Kópavogs lýkur á morgun

Skólaskákmóti Kópavogs lýkur á morgun en þá fer fram keppni 3. og 4. bekks. Hinir flokkarnir voru tefldir á föstudaginn en þá fór fram keppni 1.-2. bekks, 5.-7. bekk og 8.-10. bekks. Mótið á morgun fer fram kl. 8:30.

Keppnin fer fram í Álfhólsskóla, Digraneshlutanum (gamli Digranesskóli).

Frétt um öll úrslit á mótinu verður birt á morgun.

 

Daði Örn Jónsson alþjóðlegur meistari í bréfskák

Daði Örn Jónsson verður útnefndur alþjóðlegur meistari í bréfskák á næsta þingi alþjóðlega Bréfskáksambandsins (ICCF). Daði er 12. Íslendingurinn sem hlýtur þennan titil. Ekki er langt síðan Daði byrjaði að tefla bréfskák þannig að frami hans er óvenju skjótur.

Meginreglan er sú, að það þarf 24 skákir til að öðlast þennan titil, en í tilfelli Daða er byggt á 21 skák. Daði tefldi 10 skákir í Evrópukeppni landsliða (undanúrslit) þar sem þurfti 8 vinninga til þess að ná áfanga. Daði fékk hins vegar 9 vinninga og átti með þeim frábæra árangri stóran þátt í góðu gengi íslenska liðsins á því móti. Síðan hefur Daði lokið 11 skákum af 12 í undanúrslitum Evrópumóts einstaklinga. Þar þurfti 7½ vinning til að ná áfanga, en Daði er kominn með 8 vinninga og á eina skák eftir þannig að titillinn er í höfn, óháð því hvernig síðasta skák Daða fer.

Mikil gróska hefur einkennt íslenska bréfskák undanfarin misseri. Má þar nefna að íslenska landsliðið hefur farið mikinn í Evrópukeppni landsliða. Auk þess lagði liðið nýlega Holland að velli með sannfærandi hætti, eða 18,5 - 11,5. Landsliðið etur nú kappi við Dani og Þjóðverja og hefur forystu í báðum viðureignunum, sjá http://www.simnet.is/chess/.