Robert Byrne fallinn frá

Bandaríski stórmeistarinn Robert Byrne er fallinn frá. Einar S. Einarsson hefur skrifað nokkur orð um meistarann.  Einar tók jafnframt saman myndirnar.

----------------------

Hinn góðkunni stórmeistari og Íslandsvinur Róbert Byrne andaðist 12. apríl sl. 84 ára að aldri.  Byrne tefldi á 5 Reykjavíkurskákmótum fyrst 1968 en síðan á fjórum í röð árin 1980-1982-1984-1986 jafnframt því að taka þátt í keppninni Bandaríkin-Norðurlönd.  Hann fylgdist með heimsmeistarareinvíginu 1972 fyrir New York Times en hann var skákfréttastjóri þess frá þeim tíma allt til 2006.

Íslenskir skákmenn minnast Roberts Byrne sem afar háttprúðs og skemmtilegs baráttu skákmanns sem ævinlega dró að sér verðskuldaða athygli. Hans er minnst sem eins af merkustu skákmeisturum á seinni hluta síðustu aldar og ýmsar nýungar í skákbyrjunum við hann kenndar, m.a. á www.chessbase.com og í New York Times

/ESE

Guðmundur vann í gær - Dagur með jafntefli

Guðmundur Kjartansson (2433) stendur sig vel í AM-flokki First Saturday-mótsins. Í gær vann hann ungverska alþjóðlega meistarann Adam Szeberenyi (2321). Guðmundur hefur 7 vinninga eftir 9 umferðir og er efstur í flokknum.

Dagur Arngrímsson (2392), sem teflir í SM-flokki, gerði jafntefli við þýska alþjóðlega meistarann Hagen Poetsch (2426). Dagur hefur 3,5 vinning að loknum átta skákum og er í 6.-7. sæti. Flokki Dags lýkur í dag.

Meðalstigin í flokki Dags eru 2412 skákstig. Dagur er nr. 6 í stigaröð 10 keppenda. Meðalstigin í flokki flokki Guðmundar eru 2299 skákstig er hann næststigahæstur 12 keppenda.

• Heimasíða mótsins
• Chess-Results

Hannes Hlífar tekur þátt í Norðurlandsmóti

Þegar hafa um 15 manns skráð sig til leiks á Skákþingi Norðlendinga sem fram fer á Sauðárkróki næstu helgi. Áhugasamir eru hvattir til að skrá sig sem fyrst í netfangið [e-mail]. Frekari upplýsingar um mótið má sjá á heimasíðu Skákfélags Sauðárkróks www.skakkrokur.blog.is

Skráning:                                                       Alþjóleg ELO             Íslensk ELO  

• Hannes Hlífar Stefánsson Kópavogi             2513                           2587
• Stefán Bergsson Akureyri                              2139                            2121
• Sverrir Örn Björnsson  Hafnarfirði                 2135                           2117
• Sigurður Eiríksson, Akureyri                         1945                            1927
• Jón Arnljótsson Skagafirði                            1915                           1785
• Unnar Ingvarsson, Sauðárkróki                     1909                            1722
• Sigurður H. Jónsson Njarðvík                        1845                           1780
• Sveinbjörn O. Sigurðsson, Akureyri              1802                            1695
• Jakob Sævar Sigurðsson Húsavík                  1765                           1677
• Þorleifur Ingvarsson, Húnav.s.                                                         1745
• Sigurður Ægisson Siglufirði                                                              1698
• Guðmundur Gunnarsson, Sauðárkróki                                              1494
• Hörður Ingimarsson, Sauðárkróki                                                    1602
• Jón Magnússon Akureyri                                                            
• Birkir Már Magnússon Sauðárkróki

 

Heimasíða Skákfélags Sauðárkróks

Chess-Results

Skákþáttur Morgunblaðsins: Magnús Carlsen er áskorandi Anands

Lokaumferðir áskorendamótsins í London buðu skákáhugamönnum um heim allan uppá magnað sjónarspil. Þá var sú staða komin upp að Armeninn Levon Aronjan hafði misst af lestinni en Vladimir Kramnik, sem hafði gert jafntefli í öllum skákum sínum í fyrri umferðinni, fór mikinn og vann hverja viðureigninni á fætur annarri. Á föstudaginn langa gerðist það að „jókerinn" Vasilí Ivantsjúk vann Magnús Carlsen með svörtu í 90 leikjum en Aronjan missti af auðfengnu jafntefli gegn Kramnik, sem með sigri komst í efsta sætið.

Norðmaðurinn sýndi magnaðan skapgerðarstyrk í 13. umferð sem tefld var á páskadag er hann vann Radjabov með svörtu í 89 leikjum. Þar sem Kramnik tókst ekki að fá meira en jafntefli gegn Gelfand voru Kramnik og Magnús jafnir að vinningum en staða Norðmannsins hafði batnað verulega því að „vaknað" hafði merkur bálkur, úrskurðarregla nr. 2 sem þýddi að fleiri sigrar í mótinu giltu ef innbyrðis viðureignum efstu manna lyki með jafntefli. Sviðið fyrir lokaumferðina: Magnús var með hvítt á Svidler en Kramnik með svart gegn Ivantsjúk, sem hafði tapað fimm skákum mótinu.

Áhorf á þessar skákir á hinum ýmsum vefsvæðum sló öll met. Magnús missti þráðinn í flókinni miðtaflsstöðu í tímahraki og tapaði. Hann varð að treysta á hinn óútreiknanlega Ivantsjúk sem brást ekki að þessu sinni og vann Kramnik örugglega. Lokaniðurstaðan varð þessi: 1. - 2. Carlsen og Kramnik 8 ½ v. (af 13) 3. - 4. Aronjan og Svidler 8 v. 5. - 6. Gelfand og Grischuk 6 ½ v. 7. Ivantsjúk 6 v. 8. Radjabov 4 v.

Magnús Carlsen sem er aðeins 22 ára hefur unnið réttinn til að skora á heimsmeistarann Anand. Tal var tæpra 23 ára þegar hann varð áskorandi Botvinniks og Kasparov var nýorðinn 21 árs þegar tefldi um titilinn við Karpov. Þá fór áskorendakeppnin fram með einvígisfyrirkomulagi sem verður að teljast heppilegra keppnisform; í London var Magnús Carlsen staddur á málsvæði sjö stórmeistara sem allir fæddust í gömlu Sovétríkjunum. Einvígið við Anand er á dagskrá í nóvember á þessu ári.

Eins og svo oft áður lá styrkur Magnúsar í góðri endataflstækni og mikilli seiglu. Byrjanir hans þykja ekki sérlega skarpar en hann tengir þær vel við stöðurnar koma upp í miðtöflunum. Hans besta skák kom sennilega í 10. umferð:

Magnús Carlsen - Boris Gelfand

Sikileyjarvörn

1. e4 c5 2. Rf3 Rc6 3. Bb5

Í tapskákinni við Ivantsjúk valdi Magnús að opna taflið með - d4.

3. ... e6 4. O-O Rge7 5. He1 a6 6. Bf1 d5 7. exd5 Rxd5 8. 4 Rf6 9. Be3 cxd4 10. Rxd4 Bd7 11. c4 Rxd4 12. Bxd4 Bc6 13. Rc3 Be7 14. a3 a5 15. Dd3 O-O 16. Had1 Dc7 17. Be5 Db6 18. Dg3 Hfd8

19. Hxd8 Dxd8 20. Hd1 Db6?

Sennilega eina ónákvæmni Gelfands. Hann gat leikið 20. ... Df8 sem heldur vel í horfinu.

21. Bd4! Db3

21. .. Da6 er vel svarað með 22. b4.

22. Hd3 Dc2 23. b4 axb4 24. axb4 Rh5 25. De5 Bf6 26. Dxh5 Bxd4 27. Hxd4 Dxc3

- sjá stöðumynd -

28. Da5!

Með hugmyndinni 28. ... Hxa5 29. Hd8+ og mátar.

28. ... Hf8 29. Db6 e5 30. Hd1 g6 31. b5 Be4 32. Df6 h5 33. h4 Bf5 34. Hd5 Dc1 35. Dxe5 Be6 36. Hd4 Ha8 37. De2 Kh7 38. Hd1 Dc3 39. De4 Ha1 40. Hxa1 Dxa1 41. c5 Dc3 42. Dxb7 De1

Hótar 43. ... Bc4. En áætlun Magnúsar er einföld og snjöll.

43. b6 Bc4 44. Df3 Dxf1 45. Kh2 Db1 46. b7 Db5 47. c6 Bd5 48. Dg3

- og svartur gafst upp.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 7. apríl 2013.

Skákþættir Morgunblaðsins

[Event "World Championship Candidates"] [Site "London ENG"] [Date "2013.03.27"] [EventDate "2013.03.14"] [Round "10"] [Result "1-0"] [White "Magnus Carlsen"] [Black "Boris Gelfand"] [ECO "B30"] [WhiteElo "?"] [BlackElo "?"] [PlyCount "95"] 1.e4 c5 2.Nf3 Nc6 3.Bb5 e6 4.O-O Nge7 5.Re1 a6 6.Bf1 d5 7.exd5 Nxd5 8.d4 Nf6 9.Be3 cxd4 10.Nxd4 Bd7 11.c4 Nxd4 12.Bxd4 Bc6 13.Nc3 Be7 14.a3 a5 15.Qd3 O-O 16.Rad1 Qc7 17.Be5 Qb6 18.Qg3 Rfd8 19.Rxd8+ Qxd8 20.Rd1 Qb6 21.Bd4 Qb3 22.Rd3 Qc2 23.b4 axb4 24.axb4 Nh5 25.Qe5 Bf6 26.Qxh5 Bxd4 27.Rxd4 Qxc3 28.Qa5 Rf8 29.Qb6 e5 30.Rd1 g6 31.b5 Be4 32.Qf6 h5 33.h4 Bf5 34.Rd5 Qc1 35.Qxe5 Be6 36.Rd4 Ra8 37.Qe2 Kh7 38.Rd1 Qc3 39.Qe4 Ra1 40.Rxa1 Qxa1 41.c5 Qc3 42.Qxb7 Qe1 43.b6 Bc4 44.Qf3 Qxf1+ 45.Kh2 Qb1 46.b7 Qb5 47.c6 Bd5 48.Qg3 1-0

Álfhólsskóli Íslandsmeistari barnaskólasveita

 

Skáksveit Álfhólsskóla úr Kópavogi vann sigur í gríðarlega spennandi Íslandsmóti barnaskólasveita sem fram fór í Rimaskóla um helgina. Skáksveit Rimaskóla varð í öðru sæti og skáksveit Hraunvallaskóla úr Hafnarfirði tók þriðja sætið.

 

Sveitir Álfhólsskóla og Rimaskóla höfðu allmikla yfirburði. Eftir fyrri dag mótsins voru sveitirnar jafnar og efstar með 16 vinninga í 20 skákum. Í sjöttu umferð unnu þær báðar 3-1 og í sjöundu og áttundu umferð lögðu þær báðar andstæðinga sína 4-0. Þær voru því hnífjafnar fyrir lokaumferð mótsins og margt sem benti til þess að þær þyrftu að heyja aukakeppni um titilinn. Til þess kom ekki því Álfhólsskóli vann sveit Ölduselsskóla 4-0 en á sama tíma vann Rimaskóli Melaskóla 3-1 þar sem Sigurður Kjartansson, Melaskóla, gerði sér lítið fyrir og vann sína skák. Þar með var ljóst að Álfhólsskóli hafði varið titilinn. 

Þessar sveitir höfðu mikla yfirburði. Álfhólsskóli hlaut 31 vinning í 36 skákum, Rimaskóli 30 vinninga og svo voru sjö vinningar í næstu sveitir sem voru Hraunvallaskóli úr Hafnarfirði og Hörðuvallaskóli með 23 vinninga. Hraunvallaskóli hlaut þriðja sætið. Geysigóður árangur hjá þessari sveit sem hefur aldrei áður tekið þátt á mótinu.

Hörðuvallaskóli sem varð í fjórðu sæti fékk jafnframt verðlaun sem besta sveitin með nemendur úr 1.-4. bekk.

Rimaskóli varð efst b-sveita en Salaskóli varð efst c-, d-, e- og f-sveita sem segir margt um þá miklu breidd sem Tómas Rasmus hefur byggt upp í skólanum.

Menntamálaráðherra, Katrín Jakobsdóttir, afhenti verðlaunin á mótinu.

Afar góð þátttaka var á mótin en 45 sveitir tóku þátt sem er næstbesta þátttakan í sögu mótanna. Það þýðir að með varamönnum voru meira en 200 skákmenn í Rimaskóla í dag. Sveitirnar 45 voru frá 6 bæjarfélögum. Grunnskóli Hellu komst lengst frá en flestir sveitirnar voru úr Reykjavík (26) og næstflestar úr Kópavogi (13).

 

 

Skáksveit Álfhólsskóla skipuðu:

1. Dawid Kolka 6,5 v.
2. Felix Steinþórsson 8,5.
3. Guðmundur Agnar Bragason 9 v.
4. Oddur Þór Unnsteinsson 7 v.

Skákkennari og liðsstjóri er Lenka Ptácníková.

 

 

Skáksveit Rimaskóla skipuðu:

1. Nansý Davíðsdóttir
2. Jóhann Arnar Finnsson
3. Svandís Rós Ríkharðsdóttir
4. Kristófer Halldór Kjartansson
5. Joshua Davíðsson

 

 

 Sveit Hraunvallaskóla skipuðu:

1. Brynjar Bjarkason
2. Helgi Svanberg Jónsson
3. Burkni Björnsson
4. Þorsteinn Emil Jónsson

 

 

 

Sveit Hörðuvallaskóla skipuðu:

1. Vignir Vatnar Stefánsson
2. Sverrir Hákonarson
3. Andri Harðarson
4. Stephan Breim
5. Arnar M. Heiðarsson
6. Óskar Hákonarson

Eftirtaldir hlutu borðaverðlaun:

 

 

1. Vignir Vatnar Stefánsson, Hörðuvallaskóla, 9 v.
2. Felix Steinþórsson, Álfhólsskóla, 8,5 v.
3. Guðmundur Agnar Bragason, 9 v.
4. Jón Hreiðar, Ingunnarskóla, og Joshua Davíðsson 9 v. af 9

Mótsstjóri var Stefán Bergsson en skákstjórar voru Gunnar Björnsson, Omar Salam og Donika Kolica.

• Chess-Results
• Myndaalbúm - fyrri dagur (HJ)
• Myndaalbúm - síðari dagur (HÁ og SB)

 

Jón Kristinn skólaskákmeistari Akureyrar

Í gær var háð Skákþing Akureyrar í yngri flokkum sem jafnframt var skólaskákmót Akureyrar. Mótið var óvenju fámennt að þessu sinni, hvort sem það var vegna blíðviðris utandyra eða af öðrum sökum. Aðeins 8 börn mættu til leiks, úr fjórum skólum. Teflt var um titil í þremur aldursflokkum á Skákþinginu, en tveimur á skólaskákmótinu. Hart var barist á mótinu og að lokum urðu þrír jafnir og efstir:

1-3. Jón Kristinn Þorgeirsson, Lundarskóla

Andri Freyr Björgvinsson, Brekkuskóla og

Símon Þórhallsson, Lundarskóla                      6 v.

4. Tinna Ósk Ompi Rúnarsdóttir, Glerárskóla   4

5. Óliver Ísak Ólason, Brekkuskóla                  3

6. Kári Þór Barry, Brekkuskóla                         2

7. Kristján Blær Sigurðsson, Brekkuskóla        1

6. Jana Gunnarsdóttir, Síðuskóla                    0 

Þeir félagar tefldu svo einfalda umferð úrslitaskáka og þar varð Jón Kristinn hlutskarpastur, vann báðar sínar skákir. Símon fékk einn sigur og náði öðru sæti, en Andri Freyr varð að sætta sig við bronsið.

Í einstökum flokkum eru úrslit skráð sem hér segir:

Barnaflokkur (fædd 2002 og síðar):  1. Óliver Ísak; 2. Kári Þór

Pilta- og stúlknaflokkur (fædd 2000 og 2001): 1. Tinna Ósk; 2. Jana

Drengja- og telpnaflokkur (fædd 1997-1999): 1. Jón Kristinn; 2. Símon; 3. Andri Freyr

Þessi komast áfram á umdæmismót í skólaskák: Tinna og Óliver í yngri flokki; Jón Kristinn og Símon í eldri flokki.

Heimasíða SA

Dagur og Guðmundur unnu báðir í gær

Dagur Arngrímsson (2392) og Guðmundur Kjartansson (2433) unnu báðir sínar skákir á First Saturday-mótinu í gær. Dagur vann enska alþjóðlega meistarann Yang-Fan Zhou (2432) en Guðmundur lagði austurríska alþjóðlega meistarann Walter Wittmann (2232).

Dagur hefur 3 vinninga í 7 skákum í SM-flokki og er í 7.-8. sæti. Guðmundur hefur 6 vinninga í 8 skákum og er efstur í AM-flokki.

Meðalstigin í flokki Dags eru 2412 skákstig. Dagur er nr. 6 í stigaröð 10 keppenda. Meðalstigin í flokki flokki Guðmundar eru 2299 skákstig er hann næststigahæstur 12 keppenda.

• Heimasíða mótsins
• Chess-Results

Rimaskóli og Álfhólsskóli efstir á Íslandsmóti barnaskólasveita

Skáksveitir Rimaskóla og Álfhólsskóla eru efstar á Íslandsmóti barnaskólasveita þegar fimm umferðum af níu er lokið. Sveitirnar hafa 16 vinninga. Mótið er afar fjölmennt en 45 sveitir taka þátt sem er næstbesta þátttaka í sögu mótsins.

Sveitir Hörðuvallaskóla og Ölduselsskóla eru næstir með 15 vinninga. Allt stefnir því í gríðarlega spennandi lokaumferðir á morgun. Sjötta umferð hefst kl. 11 og gera má ráð fyrir að mótinu ljúki um 13:30.

Stöðu mótsins má finna á Chess-Results.

Myndaalbúm (HJ) 

Fjölmennt Íslandsmót barnaskólasveita hefst í dag

Íslandsmót barnaskólasveita fer fram um helgina og er búist við æsispennandi keppni sveitar Álfhólsskóla, sem er ríkjandi meistari, og hinnar sigursælu skáksveitar Rimaskóla.

Fleiri skólar geta blandað sér í toppbaráttuna, og er búist við fjölmörgum skáksveitum á þetta skemmtilega mót sem er fyrir nemendur í 1. til 7. bekk. Fjórir liðsmenn skipa hverja sveit og verða tefldar 9 umferðir með 15 mínútna umhugsunartíma. Íslandsmótið, sem haldið er í Rimaskóla, hefst klukkan 13, laugardaginn 13. apríl, og heldur áfram klukkan 11 á sunnudag.

Álfhólsskóli sigraði á Íslandsmótinu 2012 eftir harða keppni við Rimaskóla og náði í kjölfarið silfurverðlaunum á Norðurlandamótinu í haust. Vel er staðið að skáklífinu í Álfhólsskóla og fór skáksveit skólans t.d. í æfingaferð til Tékklands í fyrrasumar. Landsliðspilturinn Dawid Kolka teflir á 1. borði, en af öðrum knáum liðsmönnum má nefna Felix Steinþórsson, Guðmund Agnar Bragason og Odd Unnsteinsson.

Vösk sveit Rimaskóla mun án nokkurs vafa gera harða atlögu að titlinum. Landsliðsstúlkan Nansý Davíðsdóttir leiðir sveitina, og er gert ráð fyrir Joshúa litli bróðir hennar tefli á 4. borði. Aðrir í liðinu verða væntanlega Jóhann Arnar Finnsson, Svandís Rós Ríkharðsdóttir og Kristófer Halldór Kjartansson.

Fleiri skáksveitir munu örugglega láta að sér kveða. Margra augu munu beinast að hinni kornungu sveit Ölduselsskóla en allir liðsmenn hennar eru í 2. til 4. bekk. Meðal liðsmanna er Óskar Víkingur Davíðsson sem fór á kostum á Íslandsmóti skákfélaga á dögunum og lagði alla andstæðinga sína að velli, og voru flestir mun eldri en hann. Þá verður gaman að fylgjast með skáksveitum Salaskóla, þar sem gríðarlega gott starf er unnið, og hefur skólinn verið meðal þeirra bestu síðasta áratuginn.

Íslandsmót barnaskólasveita var fyrst haldið 1990 og þá sigraði sögufræg skáksveit Æfingadeildar KHÍ. Flestir liðsmenn þeirrar sveitar skipuðu sér á næstu árum í hóp bestu skákmanna Íslands. Má nefna bræðurna Braga og Björn Þorfinnssyni og Arnar Gunnarsson sem allir eru alþjóðlegir meistarar.

Lista yfir þegar skráðar sveitir má finna hér.

Fylgjast má með gangi mála í dag á Chess-Results en þar má fylgjast með mótinu umferð fyrir umferð.

Guðmundur með 5 vinninga í 7 skákum í Búdapest

First Saturday-mótið er nú í fullum gangi í Búdapest. Guðmundur Kjartansson (2433), sem teflir í AM-flokki, hefur 5 vinninga að loknum 7 umferðum. Dagur Arngrímsson, sem teflir í SM-flokki, hefur 2 vinninga eftir 6 umferðir.

Dagur er í 8. sæti í sínum flokki en Guðmundur er í 1.-3. sæti.

Meðalstigin í flokki Dags eru 2412 skákstig. Dagur er nr. 6 í stigaröð 10 keppenda. Meðalstigin í flokki flokki Guðmundar eru 2299 skákstig er hann næststigahæstur 12 keppenda.

• Heimasíða mótsins
• Chess-Results