Batel og Kristján Dagur unglingameistarar TR

Barna- og unglingameistaramót sem og Stúlknameistaramót Taflfélags Reykjavíkur fór fram í dag, sunnudaginn 5. nóvember, í félagsheimili T.R. Faxafeni 12. Keppt var í tveimur flokkum, opnum flokki og stúlknaflokki og voru 7 umferðir tefldar með umhugsunartímanum 10 + 5 (10 mín. og 5 sekúndur fyrir hvern leik). 

Skákmótið var opið fyrir keppendur 15 ára og yngri og voru þátttakendurnir 24, 16 í opnum flokki og 8 í stúlknaflokki.  Veitt voru verðlaun fyrir þrjú efstu sætin í báðum flokkum. Félagsmenn í TR kepptu einnig um titilinn Unglingameistari T.R. 2017 og Stúlknameistari T.R 2017. Að auki voru aldursflokkaverðlaun í báðum flokkum.

Þátttakendur voru flestir úr hinum ýmsu skákæfingahópum TR, en einnig voru þátttakendur úr öðrum skákfélögum af höfuðborgarsvæðinu. Að þessu sinni voru þó engir keppendur úr elsta aldursflokknum, 13 til 15 ára, sem annars hefur oft verið vel skipaður í opna flokknum.

Skákmótið fór fram á meðan stormur og úrhelli geisaði úti fyrir, sem bara átti eftir að versna með kvöldinu. Það truflaði þó ekki keppendur mikið, því inni var hlýtt, þótt vindur gnauðaði á gluggum.

Skákmótið hófst með korters seinkun, en tímaáætlun hélst vel og var mótið búið um kl. 16.30. Eftir fjórðu umferð var gert vinsælt og vel þegið hlé, en þá bauð T.R. keppendum upp á pizzur og gos. Allir fóru vel mettir í þrjár síðustu umferðirnar. Strax eftir mótslok var svo  verðlaunaafhending.

Sigurvegari opna flokksins varð Tómas Möller með 5,5 vinning af 7 mögulegum. Hann fór taplaus í gegnum mótið! Í öðru sæti varð Sharifa Rayan með 5 vinninga. Í þriðja sæti, einnig með 5 vinninga, en lægri á stigum varð svo TR-ingurinn Kristján Dagur Jónsson, sem þar með hlaut bronsið og varð jafnframt Unglingameistari T.R. 2017. 
Í stúlknaflokknum öttu 8 stúlkur kapp, þar af 6 úr TR, ein úr Fjölni og ein úr Víkingaklúbbnum. Batel Goitom Haile, stúlknameistari TR frá því í fyrra varði titilinn sinn með því að vinna allar sínar skákir! Hún er því Stúlknameistari TR 2017.

Í 2. sæti varð Soffía Arndís Berndsen, sem fékk 6 vinninga og tapaði einungis fyrir Batel. Í 3. sæti varð Ásthildur Helgadóttir með 5 vinninga.

Önnur úrslit hér að neðan, en geta má þess að Iðunn Helgadóttir þurfti að hætta eftir 4 umferðir.

Einkennandi fyrir þetta mót var áhugi og einbeiting þátttakenda. Margir snilldar taktar litu dagsins ljós í skákunum: varnarsigrar og blokkeringar sem gáfu jafntefli, fráskákir og gafflar, skyndileg mát og sömuleiðis vel útfærðar sóknir. Allt þetta var unun á að horfa!

Það var ekki mikið um álitamál sem þurfti að leysa, þannig að við Torfi skákstjóri áttum frekar þægilegan dag hvað það varðar. Allir þáttakendurnir stóðu sig með sóma!

Í opna unglingamótinu fengu þessir aldursflokkaverðlaun:

11-12 ára: Kristján Dagur Jónsson
9-10 ára: Tómas Möller
8 ára og yngri: Egill Breki Pálsson

Í stúlknamótinu hlutu eftirfarandi stúlkur aldursflokkaverðlaun:

11-12 ára: Ásthildur Helgadóttir
9-10 ára: Batel Goitom Haile.
8 ára og yngri: Wihbet Goitom Haile (yngri systir Batel).

Taflfélag Reykjavíkur þakkar öllum þátttakendum í mótinu fyrir skemmtilegt skákmót og óskar sigurvegurunum innilega til hamingju með árangurinn!

Skákstjórar voru Torfi Leósson og Sigurlaug Regína Friðþjófsdóttir.

Pistill og myndir (fleiri á heimasíðu TR): Sigurlaug Regína Friðþjófsdóttir.

Heildarúrslit mótsins: Opinn flokkur – Stúlknaflokkur

Nánar á heimasíðu TR.

Færeyjar í lokaumferðinni - athugið að umferðin hefst kl. 12

Ísland mætir Færeyjum í lokaumferð EM landsliða í dag. Færeyingar eru tölvuert lakari en við "á pappírnum". Hafa meðalstigin 2392 á móti 2527 meðalstigum okkar. Þeim er raðað nr. 35 en okkur er raðað nr. 27. Færeyingar koma okkur einnig á óvart með því að hvíla sinn helsta lykilmann, Helga Dam Ziska, sem hefur staðið sig afar vel, á efsta borði. Færeyingar eru hins sýnd veiði en alls ekki gefin eins og þeir sýndu okkur í Tromsö árið 2014.

 

Bræðurnir Högni og Rógvi Nielsen hafa báðir staðið vel á mótinu. Rógvi hefur krækt sér í áfanga að alþjóðlegum meistaratitli og mokað inn ríflega 30 skákstigum það sem af er móti. Högni þarf hins vegar sigur gegn Héðni með svörtu til að ná áfanga. John-arnir á 3. og 4. borði hafa hins vegar ekki verið í stuði á mótinu og hafa samtals 2 vinninga í 10 skákum. 

Viðureign dagsins

Við höfum mætt Færeyingum einu sinni á EM landsliða. Það var í Reykjavík 2015 - þeirra eina Evrópumóti þar til nú. Þar vannst góður 3½-½ sigur. Hannes gerði jafntefli við Ziska. Héðinn, Hjörvar og Guðmundur unnu allir.

Við höfum þrívegis mætt þeim á Ólympíuskákmótið. Árið 2016 unnum við þá 3½-½ í Bakú. Hannes gerði jafntefli við Ziska Hjörvar, Guðmundur og Bragi unnu sínar skákir. Árið 2004 unnum við þá 3-1 í lokaumferðinni í Mallorca. Hannes og Þröstur Þórhallsson unnu sínar skákir.

Árið 2014 gerðum við hins vegar jafntefli við þá á Ólympíuskákmótinu í Tromsö. Hannes Hlífar vann þá Ziska í vel tefldri skák en Guðmundur tapaði á móti Olaf Berg.

Við höfum því mætt þeim á hverjum einasta stórmóti síðan 2014. Tölfræðin er sannarlega með okkur en þeir geta verið skeinuhættir eins og þeir sýndu okkur í Tromsö. 

Staðan í Norðurlandakeppninni:

1. (26) Noregur 7 stig
2. (27) Finnland 7 stig
3. (31) Danmörk 6 stig
4. (32) Ísland 6 stig
5. (35) Færeyjar 5 stig

Rétt er að vekja athygli á því að lokaumferðin hefst fyrr en venjulega eða kl. 12.  

• Heimasíða mótsins
• Chess-Results
• Beinar útsendingar (Chess24)

Góð frammistaða íslenskra keppenda á Hasselbacken

 

Það voru fjórir vaskir drengir úr Kópavoginum sem tóku þátt í Hasselbacken Chess Open 2017 í Stokkhólmi um helgina, Þeir Vignir Vatnar Stefánsson (TR) , Stephan og Benedikt Briem og Örn Alexandersson (allir Breiðablik). Fararstjórar voru þeir Kjartan Briem og Alexander Arnarson.

Mótið var 8 umferðir , þar af fjórar atskákir á föstudeginum og svo tvær kappskákir á dag laugardag og sunnudag. 146 keppendur voru í aðalkeppninni en 45 í Lilla Hasselbacken.

Stephan og Vignir Vatnar tefldu í aðalkeppninni, en Örn og Benedikt tefldu í „Lilla“ Hasselbacken með skákmenn með að hámarki 1600 stig.

Föstudagurinn (atskákir):

Það var nokkuð mikill hasar og gekk vel á föstudeginum hjá öllum.

Stephan: Í fyrstu umferð mætti Stephan einum stigahæsta keppandanum, IM Pontus Sjödahl (2432). Stephan átti í fullu tré við hann en eftir mjög spennandi skák gaf Stephan eftir á síðustu metrunum og sekúndunum og játaði sig sigraðan. Afar vel tefld skák hjá Stephani þrátt fyrir tap. Í næstu þremur skákum fékk Stephan 2 ½ vinning á móti sterkum skákmönnum , þar á meðal sigur í fjórðu umferð á móti Simon Marder (2065), reyndar smá heppni þar. Stephan nældi sér í tæp 40 atskákstig í þessum fjórum skákum.

Vignir Vatnar: Vignir fékk þrjá vinninga í fjórum atskákum, vann þrjá stigalægri andstæðinga örugglega , en lét í minni púkann fyrir IM Rauan Sagit (2427).  Fékk +10 atskákstig fyrir þetta kvöld.

Benedikt: Benedikt var „on fire“ þetta föstudagskvöld og fékk fullt hús og 63 atskákstig, vann mun stigahærri andstæðinga í þremur skákanna. Frábær frammistaða.

Örn: Örn var nýkominn úr vikufríi á Tenerife en lét ekki smá flugþreytu á sig fá, heldur vann þrjár af fjórum skákum. +6 atskákstig fékk Örn fyrir frammistöðuna á föstudeginum.

Laugardagur og sunnudagur (kappskákir):

Stephan hélt áfram að tefla vel, og gerði tvö mjög sterk jafntefli á laugardeginum gegn mun stigahærri andstæðingum. Fyrst með svörtu gegn Bo Adler(2166), og síðan með hvítu gegn Gustavo Luna (2057). Á sunnudeginum byrjaði Stephan með svörtu gegn CM Peter Collet (2205) og lék Benko gambít, skákin varð mjög spennandi en Stephan lenti í pressu í lokin og lék af sér í tímahraki. Ágætis skák en tap engu að síður. Stephan endaði svo á sterku jafntefli með hvítu gegn Tim Willinger (2153). 31 elostig fær Stephan fyrir frammistöðuna í þessum fjórum skákum og var hann með rating performane uppá 2101 stig.

Vignir Vatnar byrjaði laugardaginn með sigri gegn Nils Carlsson (2047), og gerði síðan sterkt jafntefli við GM Hans Tikkanen (2520). Frábær frammistaða á laugardeginum. Á sunnudeginum fékk Vignir w.o. gegn GM Lars Karlsson (2459) sem veiktist um nóttina, Vignir var um tíma efstur á mótinu þar sem sú skák kláraðist vitanlega fyrst allra í 7.umferð. Í lokaumferðinni var komið að þriðja stórmeistaranum GM Eric Blomqvist (2503) . Eftir þokkalega byrjun þurfti Vignir að gefa skiptamun og lenti að lokum í vandræðum eftir þétta taflmennsku Blomqvist. 5 ½ vinningur af 8 er engu að síður vel af sér vikið hjá Vigni, rating performance 2319.

Örn og Benedikt áttu báðir slæman laugardag og töpuðu báðum sínum skákum í nokkuð sveiflukenndum skákum. Benedikt var einn af þremur í u1600 flokknum sem hafði leitt mótið eftir föstudaginn, en féll niður í sjöunda sætið við þessi tvö töp.

Á sunnudeginum unnu bæði Örn og Benedikt fyrri skákina, Örn náði snemma skiptamun í skákinni sinni, og fórnaði síðan hrók í peðakapphlaupi við andstæðing sinn, og náði að vekja upp drottningu, sem leiddi til öruggs sigurs. Benedikt nýtti sér stöðumun í endatafli með 6 peðum og riddara hvoru megin, og vann góðan seiglusigur.

Í seinni skákinni á sunnudeginum, lenti Örn snemma í vandræðum gegn Piu Fransson (1504) og náði aldrei að vinna sig út úr þeim og tapaði sinni síðustu skák. Örn stóð sig vel á mótinu, en hann er búinn að vera á fullu í öðrum íþróttum að undanförnu og vantaði kannski smá æfingu til að vera í toppbaráttunni. En við búumst við honum sterkum núna í framhaldinu heima á Íslandi ;-)

Í síðustu umferðinni tefldi Benedikt eina af sérfræðigreinum sínum, London System með hvítu gegn ungum skákmanni frá Lundi, Ludvig Morell (1327) sem hafði staðið sig afar vel í mótinu. Benedikt komst aftur í sóknargírinn í þessari skák og eftir uppskipti á mönnum voru eftir hrókur,riddari og biskup hjá hvorum auk fjölda peða. Benedikt saumaði síðan hressilega að svarta kónginum og lék síðustu 5-6 leikina afar beitt og uppskar flottan sigur. Þrátt fyrir að elostigin færu aðeins niður í mótinu (-16) var Benedikt með rating performance uppá 1585 stig.

Bæði Benedikt og Vignir Vatnar unnu til verðlauna á mótinu. Vignir Vatnar vann bæði í keppni tólf stigahæstu undir 2300, og var hæsti „junior“. Benedikt fékk verðlaun fyrir fjórða sætið í Lilla Hasselbacken keppninni , en vann líka keppni tólf skákmanna  með stig á bilinu 1327-1465.

Heilt yfir var mótið vel heppnað fyrir okkur, markmiðið var að öðlast reynslu í keppni erlendis og fá jafnar skákir og náðist það markmið vel auk þess sem árangurinn var betri heilt yfir en búast mátti við, allir með 50% árangur eða betra! Mæli með þessu móti fyrir efnilega leikmenn , hægt að komast til Stokkhólms tiltölulega auðveldlega og maður missir ekki mikið úr vinnu/skóla þar sem mótið fer fram fös-sun.

Það var annars frekar óvæntur sigurvegari á mótinu, IM Philip Lindgren (2382), margir mun stigahærri sem tóku þátt.

Hægt er að skoða öll úrslit á http://member.schack.se/ShowTournamentServlet?id=4920

Kjartan Briem

Hraðkvöld hjá Hugin í kvöld

Hraðkvöld Hugins verður mánudaginn 6. nóvember nk.  og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 3 sekúndur eða 5 mínútur + 3 sekúndur á hvern leik. Teflt er í félagsheimili Hugins í Álfabakka 14a í Mjóddinni. Hraðkvöldið verður reiknað til hraðskákstiga.   Sigurvegarinn á hraðkvöldinu fær í verðlaun máltíð fyrir einn á Saffran eða American Style eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.   Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Haustmót SA í yngri flokkum fer fram í dag

Haustmót Skákélags Akureyrar fer fram mánudaginn 6. nóvember. Tilvalið mót fyrir þá krakka sem eru að æfa með okkur og raunar opið öllum áhugasömum krökkum á grunnskólaaldri (meðan húsrúm leyfir!)

Fyrirkomulag:

Tefldar verða 7 umferðir.

Umhugsunartími er 10 mínútur á keppanda í hverri skák.

Teflt verður um eftirfarandi titla:

• Skákmeistari SA í barnaflokki – fædd 2007 og síðar.
• Skákmeistari SA í flokki 11-13 ára – fædd 2006, 2005 og 2004
• Skákmeistari SA í flokki 14-15 ára – fædd 2003 og 2002
• Skákmeistari SA í yngri flokkum – allir aldursflokkar samanlagðir. 

Aðrar upplýsingar:

• Skráning á staðnum frá 16.00
• Mótið tekur u.þ.b. tvo tíma.
• Ekkert keppnisgjald.
• Úrslitum lýst í mótslok, en verðlaunafhending verður á uppskeruhátíð haustmisseris í desember.

Núverandi meistarar eru:

Í barnaflokki:  Brynja Karitas Thoroddsen, Jóel Snær Davíðsson og Ingólfur Árni Benediktsson

Í flokki 11-13 ára: Fannar Breki Kárason

Í flokki 14-15 ára: Tumi Snær Sigurðsson

Núverandi Skákmeistari SA í yngri flokkum er Fannar Breki Kárason

 

EM Landsliða - Liðsstjórapistill 8. umferðar

Viðureign okkar í 8. umferð á EM Landsliða var gegn liði Sviss. Þetta var fyrsta "jafna" viðureignin okkar í mótinu en Sviss er einu sæti ofar en við í styrkleikaröðinni og liðin mjög jöfn á stigum. Fyrir þessa umferð höfðum við allt teflt niðurfyrir okkur eða uppfyrir.

Spennan á toppnum var einnig þó nokkur en Rússar gátu nánast tryggt sér sigur á móti með því að leggja Azera að velli.

 

Kíkjum á viðureignina og eins og venjulega í þeirri röð sem skákirnar kláruðust:

 

 

3. borð Hannes svart á Georgiadis
  

  

Hannes tefldi Berlín og fékk á sig anti-Berlín með d3. Í stuttu máli lenti Hannes ekki í neinum teljandi vandræðum í skákinni.

 

Í stöðunni lék Hannes Hae8 en einnig var mögulegt að leika ...Bb7 ef svartur vill tefla taflið áfram. Líklegast stendur svartur síst lakar þó jafntefli verði að teljast líkleg úrslit. Þess í stað eftir ...Hae8 og Da4 lék Hannes ...b5 og í kjölfarið ...b4 og taflið einfaldaðist töluvert.

Jafntefli var samið skömmu eftir 30 leikja markið og þetta var fyrsta skákin að klárast.

 

1. borð Héðinn svart gegn Pelletier

Pelletier beindi skákinni í katalónskt ívaf en þó með peðsfórn á c4. Héðinn tefldi upp á að reyna að halda peðinu á c4 en aðgerðir hans með ...Ha6 og ...Bxc3 voru líklegast rangar. Hvítur fann alla réttu leikina og þeirra lúmskastur kannski Bc5!

 

 

 

Sá leikur þýddi í raun algjört hrun svörtu stöðunnar því allir menn hvíts stóðu vel í kjölfarið, hrókar á góðum línum, biskup með árás á c6 og b5 peð í vandræðum. Eftir drápið á c5 átti hvítur riddaradráp á c4 sem nýtti hrókinn á d1 og hvítur fékk alla stöðuna.

 

 

Í endataflinu var hvítur með val um hvar hann gæti unnið peð. Peðið á c6 er dauðadæmt og einnig á hvítur manúveringar með riddarann til þess að taka a5 peðið. Pelletier er reyndur stórmeistari og klikkaði ekki á úrvinnslunni.

Staðan 1,5-0,5 fyrir Sviss

 

2. borð Hjörvar hvítt gegn Bogner

Bogner kom Hjörvari á óvart með ...Rxd5 í byrjuninni og ljóst að hann ætlaði að "neutralísa" allt í stöðunni. Ef hvítur er ekki vel undirbúinn er erfitt að fá mikið gegn þessu afbrigði.

Hjörvar skynjaði í ljósi stöðunnar í matchinum að hann yrði að reyna eitthvað og lék d5 til að sprengja aðeins upp stöðuna. Hann valdi einnig Hgd4 þó hann hafi talið Ha4 objectíft betri leik. Í tímahraki og flækjum náði Hjörvar að finna trikk. Eftir Bf5 má segja að svartur hafi bognað undan pressunni ;-)   ...hann lék slæmum ...Hb8 leik og þá var ballið búið.

Hjörvar lék Dh4 og eftir g6 var það steinslegið og riddarinn hoppaði inn á f5 í kjölfarið...:"nothing to be done" eins og þeir segja!

Seigla hjá Hjörvar sem jafnaði hér matchinn, 1,5-1,5

 

4. borð Guðmundur hvítt á Jenni

Guðmundur hafði hvítt á Jenna en Tommi bróðir hans teflir ekki fyrir Sviss....brúmm brúmm tsshhhhh

Á boðstólnum var broddgaltarafbrigðið og Gummi var alltaf með þægilega stöðu. Líklega var ...b5 framrás svarts illa tímasett og hvítur virtist standa mun betur. 

Eins og oft áður var skák Guðmundar síðasta skákin að klárast og í endataflinu varð vendipunktur skákarinnar.

 

Hér lék Gummi Ha6?? en Bxf6 hefði verið rétt og hvítur getur ekki tapað og er bara að tefla upp á tvö úrslit. Gummi gerði aftur þau mistök að tefla upp á tíma andstæðings síns en honum yfirsást einnig eftir 35...Rd5 36.Hxa5 Rb4+ 37.Kb3 Rc6 að hann á ekki 38.Hc5? vegna 38...Rd4+ 39.Kc4 Hxc5 40.Kxc5 og 40...Re6+ og biskupinn á g5 fellur.  

Grátleg mistök og enn eitt grátlegt 1.5-2.5 tapið. 

Ljóst er að íslenska liðið mun ekki ná góðu sæti að þessu sinni á EM og fylgja eftir fínum árangri á EM 2015 heima í Reykjavík. Í síðustu umferðinni mætum við Færeyingum sem við höfum mætt ótrúlega oft á síðustu árum. Í liði þeirra er einn bræðranna að tefla upp á IM norm. Sem fyrr er krafan sigur gegn Færeyingum þó þeir hafi reyndar aldrei verið sterkari!

 

Á toppnum urðu mögnuð úrslit þegar Azerar slátruðu Rússum 3-1! Þessi sigur setur Azera í lykilstöðu, þeir eru einir efstir sem er eiginlega ótrúleg niðurstaða eftir 50% árangur í fyrstu 3 umferðunum. 

Mamedyarov hjá Azerum er algjörlega "á eldi" þessi dægrin og var í 2. sæti heimslistans um daginn en Aronian hefur reyndar hrifasð það af honum núna. Mame er hinsvegar kominn í 2800 elóstig og lítur vel út. Hann teflir af miklum þrótti og sjálfstrausti og ...g5! leikur hans í dag var mjög kraftmikill. Minnir um margt á meistara Benóný Benediktsson sem beitti svipaðri framrás í Spánverjanum eins og margir muna!

Azerar mæta Úkraínu á morgun og verða Evrópumeistarar með sigri og vera má að jafnteflið dugi. Rússar mæta Þjóðverjum og verða að treysta á hjá frá Úkraínumönnum.

Ég vek að lokum athygli á skákunum sem fylgja pistlinum sem endranær fyrir neðan færsluna. Að þessu sinni fylgir skák á neðsta borði mótsins á milli tveggja alþjóðlegra meistara. Það er semsagt ekki alltaf nóg að vera drottningu og skiptamun yfir til að vinna skák!!

 

Kveðjur frá Krít,

Ingvar Þór Jóhannesson

 

Veljið skák (5 alls): 1: Pelletier, Yannick - Steingrimsson, Hedinn 2: Gretarsson, Hjorvar Steinn - Bogner, Sebastian 3: Georgiadis, Nico - Stefansson, Hannes 4: Kjartansson, Gudmundur - Jenni, Florian 5: Grant, Jonathan I M - Sadiku, Bedri

[Event "21st European Teams"] [Site "Hersonissos GRE"] [Date "2017.11.05"] [Round "8.13"] [Board "1"] [White "Pelletier, Yannick"] [Black "Steingrimsson, Hedinn"] [Result "1-0"] [WhiteTitle "GM"] [BlackTitle "GM"] [WhiteElo "2540"] [BlackElo "2576"] [ECO "D43"] [Opening "QGD semi-Slav"] [WhiteTeam "Switzerland"] [BlackTeam "Iceland"] [WhiteFideId "1301837"] [BlackFideId "2300117"] [EventDate "2017.10.28"] 1. d4 d5 2. c4 c6 3. Nf3 Nf6 4. Nc3 e6 5. g3 Nbd7 6. Bg2 dxc4 7. a4 Bb4 8. O-O O-O 9. Qc2 a5 10. Rd1 Ra6 11. Nd2 Bxc3 12. bxc3 b5 13. Ba3 Re8 14. Rab1 Rb6 15. Bc5 Nxc5 16. dxc5 Ra6 17. Nxc4 Qc7 18. Nd6 Rf8 19. Nxb5 Qe5 20. Nd6 Qxc5 21. Qd3 Ra7 22. Qd4 Qxd4 23. cxd4 Bd7 24. Rdc1 Rd8 25. e3 Nd5 26. Rc5 Kf8 27. Nc4 Rda8 28. Ne5 Ke8 29. Nxc6 Rc7 30. Bxd5 exd5 31. Rbc1 Rac8 32. Nxa5 Rxc5 33. Rxc5 Rxc5 34. dxc5 Bxa4 35. Kf1 Bb5+ 36. Ke1 Kd7 37. Kd2 Ke6 38. Nb3 Ke5 39. Nd4 Ba6 40. f3 g5 41. g4 1-0

[Event "21st European Teams"] [Site "Hersonissos GRE"] [Date "2017.11.05"] [Round "8.13"] [Board "2"] [White "Gretarsson, Hjorvar Steinn"] [Black "Bogner, Sebastian"] [Result "1-0"] [WhiteTitle "GM"] [BlackTitle "GM"] [WhiteElo "2567"] [BlackElo "2599"] [ECO "D35"] [Opening "QGD"] [Variation "exchange variation"] [WhiteTeam "Iceland"] [BlackTeam "Switzerland"] [WhiteFideId "2302241"] [BlackFideId "4692055"] [EventDate "2017.10.28"] 1. c4 e6 2. Nc3 d5 3. d4 Nf6 4. cxd5 Nxd5 5. e4 Nxc3 6. bxc3 c5 7. Nf3 cxd4 8. cxd4 Bb4+ 9. Bd2 Bxd2+ 10. Qxd2 O-O 11. Bc4 Nd7 12. O-O b6 13. Rfe1 Bb7 14. Rad1 Rc8 15. Bb3 Qf6 16. e5 Qg6 17. Re3 Rfd8 18. Ne1 Qg5 19. Qe2 Nf8 20. Rg3 Qh6 21. Nc2 Ng6 22. Ne3 Qh4 23. Rg4 Qh5 24. Qe1 Qh6 25. d5 Nxe5 26. Rgd4 Qg6 27. Kh1 Kh8 28. h3 exd5 29. f4 Nc6 30. Rxd5 Re8 31. Bc2 Qf6 32. Qg3 Nb4 33. Rd6 Qc3 34. Bf5 Rb8 35. Qh4 g6 36. Bxg6 Qg7 37. Nf5 Bxg2+ 38. Kg1 1-0

[Event "21st European Teams"] [Site "Hersonissos GRE"] [Date "2017.11.05"] [Round "8.13"] [Board "3"] [White "Georgiadis, Nico"] [Black "Stefansson, Hannes"] [Result "1/2-1/2"] [WhiteTitle "GM"] [BlackTitle "GM"] [WhiteElo "2516"] [BlackElo "2508"] [ECO "C65"] [Opening "Ruy Lopez"] [Variation "Berlin defence"] [WhiteTeam "Switzerland"] [BlackTeam "Iceland"] [WhiteFideId "1300113"] [BlackFideId "2300087"] [EventDate "2017.10.28"] 1. e4 e5 2. Nf3 Nc6 3. Bb5 Nf6 4. d3 Bc5 5. c3 O-O 6. O-O Re8 7. Bg5 h6 8. Bh4 Be7 9. Bxc6 dxc6 10. Bg3 Bd6 11. h3 b6 12. Re1 c5 13. Nbd2 Ba6 14. Qc2 Nh5 15. Bh2 Qf6 16. d4 Nf4 17. dxe5 Bxe5 18. Nxe5 Rxe5 19. Nf3 Re7 20. Re3 Rae8 21. Qa4 b5 22. Qa3 b4 23. cxb4 cxb4 24. Qxb4 Nd3 25. Qc3 Qxc3 26. bxc3 Rxe4 27. Rxe4 Rxe4 28. Bxc7 Re2 29. Bg3 Rc2 30. a4 Bc4 31. Ne5 Rxc3 32. Nxd3 1/2-1/2

[Event "21st European Teams"] [Site "Hersonissos GRE"] [Date "2017.11.05"] [Round "8.13"] [Board "4"] [White "Kjartansson, Gudmundur"] [Black "Jenni, Florian"] [Result "0-1"] [WhiteTitle "IM"] [BlackTitle "GM"] [WhiteElo "2456"] [BlackElo "2466"] [ECO "A30"] [Opening "English"] [Variation "symmetrical, hedgehog system"] [WhiteTeam "Iceland"] [BlackTeam "Switzerland"] [WhiteFideId "2301318"] [BlackFideId "1304232"] [EventDate "2017.10.28"] 1. Nf3 Nf6 2. g3 b6 3. Bg2 Bb7 4. O-O c5 5. c4 e6 6. Nc3 Be7 7. d4 cxd4 8. Qxd4 O-O 9. Rd1 d6 10. Bg5 Nbd7 11. Qd2 a6 12. Bf4 Ne8 13. Rac1 Rc8 14. b3 Ndf6 15. Ng5 Bxg2 16. Kxg2 Qd7 17. a4 Qb7+ 18. f3 Rd8 19. Nge4 Nxe4 20. Nxe4 b5 21. Qb4 d5 22. Nc5 Bxc5 23. Qxc5 bxc4 24. bxc4 Nf6 25. Bg5 Qb2 26. Kf2 Rc8 27. Qd4 Qxd4+ 28. Rxd4 e5 29. Rd2 Rxc4 30. Rxc4 dxc4 31. Rd6 Rc8 32. Ke1 c3 33. Kd1 a5 34. Kc2 Kf8 35. Ra6 Nd5 36. Rxa5 Nb4+ 37. Kb3 Nc6 38. Rd5 Nd4+ 39. Ka2 f6 40. Bc1 Nxe2 41. Rd1 Nd4 42. f4 Kf7 43. fxe5 fxe5 44. Ka3 Ke6 45. a5 Kd5 46. Kb4 Rc4+ 47. Ka3 Kc5 48. Be3 Kb5 0-1

[Event "21st European Teams"] [Site "Hersonissos GRE"] [Date "2017.11.05"] [Round "8.20"] [Board "4"] [White "Grant, Jonathan I M"] [Black "Sadiku, Bedri"] [Result "1-0"] [BlackTitle "IM"] [WhiteElo "2179"] [BlackElo "2213"] [ECO "A26"] [Opening "English"] [Variation "Botvinnik system"] [WhiteTeam "Scotland"] [BlackTeam "Kosovo"] [WhiteFideId "2400294"] [BlackFideId "915998"] [EventDate "2017.10.28"] 1. c4 g6 2. Nc3 Bg7 3. g3 Nc6 4. Bg2 d6 5. d3 e5 6. e4 Nh6 7. Nge2 O-O 8. h4 f6 9. f3 Be6 10. Be3 Ne7 11. Qb3 b6 12. d4 c5 13. dxe5 dxe5 14. Rd1 Qc8 15. Nd5 Nc6 16. Nec3 Kh8 17. Qc2 Nd4 18. Qd2 Ng8 19. O-O Qd7 20. Rb1 Rac8 21. b3 Bh3 22. Bxh3 Qxh3 23. Qg2 Qd7 24. Kh2 Ne7 25. Nxe7 Qxe7 26. Nd5 Qd6 27. Qd2 f5 28. exf5 gxf5 29. Kg2 Rce8 30. Rbe1 Rg8 31. Bxd4 cxd4 32. Qg5 Rgf8 33. g4 e4 34. fxe4 fxe4 35. Rxf8+ Qxf8 36. Rf1 Qd6 37. Rf7 Qg6 38. Qf4 e3 39. Ne7 Qc2+ 40. Kh3 e2 41. Rxg7 Kxg7 42. Qg5+ Kf7 43. Nf5 Qc3+ 44. Kh2 e1=Q 45. Nh6+ Ke6 46. Qd5+ Ke7 47. Qb7+ Kd6 48. Nf7+ Kc5 49. Qd5+ Kb4 50. Qd6+ Ka5 51. Qa3# 1-0

Svissneska leiðin virðist ekki vera vænleg til árangurs - andstæðingur Hjörvars bognaði

Svissneska leiðin er ekki góð ef marka má árangur landsliðs Íslands í áttundu og næstsíðustu umferð EM landsliða í dag. Viðureignin tapaðist með minnsta mun, 1½-2½. Hjörvar Steinn Grétarsson (2567) vann glæsilegan sigur á Sebastian Bogner (2599), Hannes Hlífar Stefánsson (2508) skilaði sínu þegar hann gerði mjög öruggt jafntefli á þriðja borði með svörtu gegn Nico Georgiadis (2516).

Héðinn Steingrímsson (2576) töpuðu hins vegar báðir. Héðinn fyrir Yannick Pellitier (2540) á efsta borði en sá svissneski tefldi skákina nánast óaðfinnanlega. Guðmundur Kjartansson (2456) tapaði á fjórða borði eftir að hafa tekið óskynsamlega ákvörðun um að fara ekki í uppskipti á léttu mönnum skömmu fyrir tímamörkin. Svekkjandi tap. Enn töpum við minnsta möguleika mun. 

Gríðarleg spenna hljóp í toppbaráttuna í dag þegar Aserar unnu Rússa örugglega 3-1. Mamedyarov lagði Grischuk (2785) að velli á efsta borði og virðist vera í feiknaformi. Lék g7-g5 í sjöttu leik algjörlega svalur. Í þriðja sæti heimslistans á eftir Carlsen og Aronian. Eftir slaka byrjun hafa Úkraínumenn heldur betur hrokkið í gang og unnu Ungverja 2½-1½. 

Aserer hafa 13 stig. Úkraínumenn og Rússar koma næstir með 12 stig. Úkraínumenn fá  Asera í lokaumferðina og þurfa að vinna til eiga möguleikanna á gulli. Aserum gæti dugað jafntefli en - en þá gætu Rússar náð þeim á stigum og jafnvel unnið þá á stigum. Rússar mæta Þjóðverjum. Stefnir í gríðarlega spennandi lokaumferð. 

Við mætum Færeyingum í lokaumferðinni. 

Staðan í Norðurlandakeppninni:

1. (26) Noregur 7 stig
2. (27) Finnland 7 stig
3. (31) Danmörk 6 stig
4. (32) Ísland 6 stig
5. (35) Færeyjar 5 stig

Það stefnir í flest í sigur Norðmanna sem mæta Krítverjum (Griklandi 3) í lokaumferðinni.

Rússar hafa tryggt sér Evrópumeistaratitilinn í kvennaflokki. 

Rétt er að vekja athygli á því að lokaumferðin hefst fyrr en venjulega eða kl. 12. 

 

 

• Heimasíða mótsins
• Chess-Results
• Beinar útsendingar (Chess24)

U-2000 mótið: Fjórir keppendur í forystu

Það færist fjör í leikinn í U-2000 mótinu en fjórða umferð fór fram í húsakynnum TR í sl. miðvikudagskvöld. Að henni lokinni eru Alexander Oliver Mai (1875), Óskar Víkingur Davíðsson (1777), Haraldur Baldursson (1935) og Páll Andrason (1805) efstir og jafnir með 3,5 vinning. Alexander gerði jafntefli við Stephan Briem (1895) í viðureign sem má lýsa sem störukeppni þeirra í milli. Hvorugur tók mikla áhættu og eftir langa setu ákváðu þessir efnilegu skákmenn að mætast á miðri leið. Á öðru borði lagði Haraldur Agnar Darra Lárusson (1750) í afar tvísýnni skák þar sem sá fyrrnefndi stillti upp í kröftuga sókn á kóngsvæng. Agnar varðist þó vel og hafði Haraldur eytt miklum tíma í að finna bestu leiðirnar, svo miklum að hann átti innan við tvær mínútur eftir þegar kvöldið var rétt hálfnað. Þegar á leið kom upp mjög taktísk staða þar sem Haraldur veiddi andstæðing sinn í mátnet að lokum en segja má að lukkudísirnar hafi að einhverju leyti verið hans meginn í þetta skiptið. Á næstu borðum sigruðu Páll og Óskar sína andstæðinga, sá fyrrnefndi Jóhann Arnar Finnsson (1732) og sá síðarnefndi Ólaf Guðmarsson (1724).

Fimm keppendur koma næstir með 3 vinninga og því ljóst að spennandi lokakafli er framundan. Fimmta umferð fer fram næstkomandi miðvikudagskvöld og hefst á slaginu 19.30. Þá mætast efstu menn innbyrðis; Páll stýrir hvítu gegn Haraldi, og þá hefur Alexander sömuleiðis hvítt gegn Óskari. Öll úrslit má finna á Chess-Results og þangað fara einnig skákir mótsins.

Nánar á heimasíðu TR.

EM landsliða: Svissneska leiðin?

Ísland mætir Sviss í dag. Svissneska sveitin er mjög áþekk íslenska liðinu að styrkleika. Hefur meðalstigin 2534 á móti 2527 skákstigum okkar sveitar. Svissneska sveitin er nr. 26 í styrkleikaröð sveitanna - sæti fyrir ofan okkur. Jafnara getur það varla verið. Fyrsta sveitin, sem við mætum sem er áþekk okkur að styrkleika. 

Hingað til hefur íslenska sveitin unnið þær sveitir sem eru lakari en við tapað fyrir þeim sterkari. Nú reynir að strákana. Sigur í dag og góð úrslit í lokaumferðinni geta þýtt gott lokasæti. 

Viðureign dagsins

Við höfum tvívegis mætt Sviss á EM landsliða. Árin 2005 og 2007. Við lágum, 1-3, fyrir þeim árið 2005. Hannes tapaði þá fyrir Viktor Korchoni. Stefán Kristjánsson vann hins vegar Yannick Pelletier, sem nú leiðir sveitina, á öðru borði. Ég man vel eftir viðureigninni árið 2007 á Krít - enda var ég þá liðsstjóri. Þá var enginn Korchnoi með þeim. Viðureignin æsispennandi. Hannes tapaði þá fyrir Pelletier á fyrsta borði. Henrik Danielsen vann hins vegar sína skák. Héðinn og Stefán gerðu jafntefli. 

Við höfum átta sinnum mætt þeim á Ólympíuskákmóti. Unnið þá sex sinnum, gert einu sinni jafntefli og tapað einu sinni. Síðast mættum við þá árið 2010 í Khanty-Mansiysk og unnum þá 3-1. Bragi Þorfinnsson og Hjörvar Steinn unnu en Hannes og Héðinn gerðu jafntefli. 

Staðan í Norðurlandakeppninni

1. (23) Finnland 7 stig
2. (29) Danmörk 6 stig
3. (30) Ísland 6 stig
4. (32) Noregur 5 stig
5. (33) Finnland 5 stig

Þátttökuleyti Svía vekur nokkra athygli hér. Enda eina öfluga skáksambandið í Evrópu sem ekki tekur þátt. Malcolm Pein, fulltrúi Englands, spurði Carl-Fredrik, forseta sænska skáksambandsins beint út í þátttökuleysi þeirra og lýsti um leið yfir vonbrigðum sínum að svona stórt og öflugt skáksamband skyldi ekki senda lið.

Carl-Fredrik sagði ástæðuna hafa verið 100 ára afmæli sænska skáksambandsins sem hefði verið dýrt. Inn í þeim pakka var t.d. Svæðamótið sem Jóhann Hjartarson vann. Carl útskýrði jafnframt að þetta væri einstök ákvörðun (one time decision) og Svíþjóð yrði með á mótinu í framtíðinni. 

ECU-þingið

ECU-þinginu lauk í gær en það stóð 2.-4. nóvember. Nefndarfundum lauk þann þann 3. nóvember. Mín nefnd ECU Events Commission, þar sem ég formaður, fundaði í alls sex klukkutíma. Langmestan orkan fór í breytingar á lögum sambandsins. 

Auk þess voru miklar umræður um Evrópumót taflfélaga og hvernig eigi eigi að eiga við svindl. Mismunandi áherslur eru á milli skákstjóra hinsvegar og mótshaldara hinsvegar. Skákstjórar vilja ganga lengra t.d. í því seinka útsendingum en mótshaldarar sem leggja mikið uppúr þjónustu við skákáhugamenn. 

Á stjórnarfundi ECU, sem ég sat sem formaður viðburðarnefndar, var ákvörðun tekin um að styrkja GAMMA Reykjavíkurskákmótið - minningarmót um Bobby Fischer um €5.000. Fischer-random, sem haldið verður 9. mars verður jafnframt Evrópumót og ljóst þar með að þar verður hægt að bjóða uppá mjög góð verðlaun með þessum styrk. Fljótlega eftir heimkomuna verður fyrirkomulag mótsins endanlega ákveðið. 

Sjálft ECU-þingið fór fram í gær. Það var almennt friðsælt. Miklu friðsælla en t.d. FIDE-þingum þar sem menn skiptast í mismundandi fylkingar. ECU er vel rekið og fjárhagsstaða þess mjög góð. Mót á vegum ECU er almennt mjög góð og má þar bæði nefna EM landsliða og EM taflfélaga í Antalya. Frammúrskarandi flott mót - bæði tvö. 

Nokkrar breytingar voru gerðar á lögum sambandsins. T.d. var ákveðið að framvegis þyrftu að vera bæði kyn í stjórn ECU. Í dag eru þar átta miðaldra karlmenn. Samþykkt samhljóða.

Önnur tillaga kom frá stjórn ECU um að frá og með næstu áramótum yrðu a.mk. 25% skákstjórar að vera frá öðru hvoru kyninu á Evrópumótum. Dómara-nefnd var andsnúin þessu en þar sitja eingöngu miðaldra karlar! Ánægjulegt er að segja frá því að sú tillaga var samþykkt með yfirburðum og þar með talið með stuðningi Norðurlandanna.

Að lokum var ákveðið hvar eftirtalin mót verði haldin. Í sumum tilfellum þurfti að kjósa á milli valkosta. 

• Evrópumót taflfélaga 2019 - Budva, Svartfjallandalandi. Unnu Sochi, Rússlandi, 32-9. Mótið 2018 verður haldið í Rhodos.
• Evrópumót ungmennaliða 2019 verður haldið í Pardubice, Tékklandi. Mótið verður á þannig sett upp að keppendur geta teflt á Czech Open strax að loknu móti. 
• Evrópumót skóla 2019 - verður haldið í Mamia í Rúmeníu. 
• Evrópumót ungmenna í at- og hraðskák 2019 - verður haldið í Tallin í Eistlandi.
• Evrópumenna kvenna 2019 - verður haldið í Antalya í Tyrklandi. 
• EM ungmenna 2020 - verður haldið í Tyrklandi
• Evrópumót öldungaliða 2019 - verður haldið í Sveti Martin í Króatíu.
• Evrópumót einstaklinga 2019 - Að öllum líkindum í Ísrael.

 

• Heimasíða mótsins
• Chess-Results
• Beinar útsendingar (Chess24)

Vignir með jafntefli við stórmeistara Hasselbacken-mótinu

Um helgina fer fram Hasselbacken-skákmótið í Svíþjóð. Meðal keppenda eru Vignir Vatnar Stefánsson (2294), Briem-bræðurnir Stephan og Benedikt, frændi þeirra Örn Alexandersson og hinn hálf-íslenski Baldur Teódór Petersson. Mótið er átta umferðir. Fyrst voru tefldar 4 atskákir og síðan 4 kappskákir. 

Vignir hlaut 3 vinninga í atskákunum. Í gær gerði hann jafntefli við, stigahæsta keppendann, sænska stórmeistarann Hans Tikkanen (2520). Í morgun fékk hann frían vinning þar sem sænski stórmeistarinn gaf skákina vegna veikinda án taflmennsku. 

Baldur Teódor Petersson (2165) hefur 4 vinninga, Stephan Briem (1880) hefur 3,5 vinninga.

Benedikt Briem (1444) og Örn Alexandersson (1413) tefla í b-flokki (u1600). Benedikt hefur 4 vinninga og Örn hefur 3 vinninga.

Lokaumferðin hefst kl. 13:30. Vignir að sjálfsögðu í beinni. 

• Heimasíða mótsins
• Úrslitaþjónusta
• Beinar útsendingar