Tæplega 60 krakkar mættu á skemmtilegt sumarskákmót Fjölnis

Sumarskákmót Fjölnis 2013 varð það fjölmennasta frá upphafi. Þrátt fyrir blíðviðri úti fyrir þá streymdu áhugasamir skákkrakkar í sal Rimaskóla til skráningar á þetta glæsilega skákmót. Veglegir bikarar, tuttugu verðlaun, pítsuveisla í skákhléi og allir þátttakendur leiddir út með snakkpoka að gjöf í lok móts gerði mótið svo áhugavert og skemmtilegt.

Meðal þátttakenda voru Íslandsmeistarar úr sveitum Rimaskóla og Álfhólsskóla, Vignir Vatnar nýkominn úr frægðarför á heimsmeistaramót áhugamanna, ungstirnin frá Ölduselsskóla og hinir áhugasömu skákstrákar frá Kelduskóla sem hafa tekið stórstígum framförum í vetur. Lengsta leið á mótið lagði á sig Almar Máni frá grunnskólanum á Hellu og stóð hann sig mjög vel.

Tuttugu efstu menn mótsins komu frá átta grunnskólum. Þrátt fyrir allan fjöldann og mikla breidd þá urðu sigurvegarar mótsins nákvæmlega þeir sömu og á sumarskákmótinu í fyrra. Oliver Aron Jóhannesson Rimaskóla varð sigurvegari með 6,5 vinninga af 7 mögulegum.  Vignir Vatnar Stefánsson Hörðuvallaskóla vann yngri flokkinn og lenti það að auki í 2. sæti með 6 vinninga og Nansý Davíðsdóttir Rimaskóla varð langefst í stúlknaflokki með 5,5 vinninga. Guðmundur Agnar Bragason í Álfhólsskóla átti mjög gott mót og endaði í 3. sæti með 6 vinninga eftir að hafa unnið Jóhann Arnar í Rimaskóla í lokaumferðinni í mjög spennandi skák. Jóhann Arnar tefldi líka mjög vel og var ósigraður fyrir lokaumferðina eftir jafntefli við Vigni Vatnar og Nansý.

Aðrir með 5 vinninga urðu þeir Felix Steinþórsson og Dawid Kolka úr Álfhólsskóla sem töpuðu aðeins fyrir Oliver Aroni og Vigni Vatnari, Óskar Víkingur og Brynjar Haraldsson Ölduselsskóla, Kelduskólastrákarnir Hilmir Hrafnsson og Andri Gylfason og loks Joshua Davíðsson Rimaskóla.

Stefán Bergsson var skákstjóri og Helgi Árnason mótstjóri. Rótarýklúbbur Grafarvogs gaf verðlaunagripina og var það forseti klúbbsins Kjartan Eggertsson skólastjóri Hörpunnar sem afhenti verðlaunin og ávarpaði skákkrakkana. Fjöldi foreldra fylgdist með og aðstoðaði á mótsstað. Sumarskákmót Fjölnis var lokahnykkurinn á fjölbreyttu og árangursríku starfsári skákdeildarinnar. Formaður deildarinnar tilkynnti í lok mótsins að Jóhann Arnar Finnsson væri valin afreksmeistari vetrarins og Mikael Maron Torfason, kornungur Rimaskólastrákur, æfingameistari. Báðir hafa þeir mætt á nær allar skákæfingar Fjölnis í vetur og tekið miklum framförum.

Lokastaðan á Chess-Results.

Myndaablúm (HÁ)

Róbert sigurvegari hraðskákmóts öðlinga

Róbert Lagerman sigraði á Hraðskákmóti öðlinga sem fra fór í gær. Róbert hlaut 6 vinninga. Í 2.-3. sæti urðu Gunnar Freyr Rúnarsson og Jon Olav Fivelstad.

25 skákmenn tóku þátt og í lok mótsins fór fram verðlaunaafhending fyrir hraðskákmótið sem og sjálft öðlingamótið.

Place Name                          Feder Rtg Loc Score M-Buch. Buch. Progr.

 

  1   Róbert Lagerman,                            6        21.5  30.5   23.0

 2-3  Gunnar Freyr Rúnarsson,                     5.5      21.0  28.5   21.0

      Jon Olav Fivelstad,                         5.5      20.5  29.5   26.0

 4-6  Jóhann H. Ragnarsson,                       5        20.5  27.5   18.0

      Þorvarður Fannar Ólafsson,                  5        20.0  29.0   18.0

      Einar Valdimarsson,                         5        18.0  24.5   16.0

 7-8  Sigurður Daði Sigfússon,                    4.5      20.5  28.5   16.5

      Ríkharður Sveinsson,                        4.5      18.0  25.0   21.0

9-12  Eiríkur K. Björnsson,                       4        22.5  29.5   22.0

      Þór Már Valtýsson,                          4        21.5  28.5   17.5

      Friðgeir Hólm,                              4        17.5  25.5   15.0

      Vigfús Ó. Vigfússon,                        4        17.0  24.5   17.0

13-14 Gunnar M. Nikulásson,                       3.5      17.0  24.0   14.0

      John Ontiveros,                             3.5      13.0  18.5   13.0

15-20 Sigurlaug R.Friðþjófsdóttir,                3        21.5  29.5   18.0

      Halldór Pálsson,                            3        19.0  27.5   11.0

      Erlingur Jensson,                           3        19.0  25.5   13.0

      Sigurður Freyr Jónatansson,                 3        17.0  23.0   11.0

      Ragnar Árnason,                             3        12.5  18.5   11.0

      Árni Thoroddsen,                            3        10.0  14.5    9.0

21-23 Hörður Jónasson,                            2        17.0  23.5    6.0

      Eggert Ísólfsson,                           2        17.0  23.0   11.0

      Helgi Hauksson,                             2        14.5  20.0    7.0

24-25 Pétur Jóhannesson,                          1.5      16.5  21.5    4.0

      Björgvin Kristbergsson,                     1.5      14.5  20.0    5.0

Borislav Ivanov sigrar í Veliko Tarnovo, eða hvað?

Borislav Ivanov er orðið eitt af þekktustu nöfnum skáksamfélagsins. Það er að einhverju leyti útaf frábærri taflmennsku en þó aðallega vegna þess að nánast allir skákmenn telja að hann sé að fá utanaðkomandi aðstoð. Það eina sem vantar til að styðja þessa kenningu eru beinar sannanir en flestir telja að óbeinu sannarnirnar bendi til sektar Borislavs.

Ævintýrið hófst á opnu móti í Zadar í Króatíu þar sem að Borislav, þá gjörsamlega óþekktur, valtaði yfir sterka stórmeistara og tryggði sér sinn fyrsta stórmeistaraáfanga. Strax fóru að heyrast raddir um að of mikil fylgni væri á milli ábendinga sterkustu tölvuforrita og taflmennsku Borislavs og leiddi það til þess að á honum var leitað og skákir hans meðal annars teknar úr beinni útsendingu á netinu. Ekkert fannst sem bent gæti til sektar Búlgarans.

Síðan þetta gerðist hefur Borislav teflt í nokkrum mótum og þrátt fyrir nokkur skrítin úrslit, t.d. mörg töp gegn undir 2000 stiga mönnum (sem andstæðingar hans segja einfaldlega vera tilraun til að minnka grunsemdirnar í hans garð) þá nær hann reglulega eftirtektarverðum árangri.

Nýlega sigraði hann á sterku skákmóti á Spáni með 8 vinninga af 9 mögulegum (sjá hér). Það sem var einkennilegt við það mót að þar var tefld atskák!

Í byrjun maí fór svo fram skákmót í Veliko Tarnovo (heimasíða) og Borislav skráði sig til leiks. Hann byrjaði á slæmu jafntefli gegn 1900 stiga stúlku en fór svo í gang  og vann tvær skákir í röð þar til hann mætti búlgörskum IM í fjórðu umferð. Sá kaus að mæta ekki í skákina. Því næst sigraði Borislav stórmeistarann Stojanoski auðveldlega og mætti GM Drenchev í 6.umferð. Drenchev mætti ekki til leiks og Ivanov var kominn með afgerandi forystu. 

Ástæðan fyrir þessum óvæntu forföllum andstæðinga Ivanovs var sú að mótshaldar kynntu til leiks nýjar reglur. Ef að einhver keppandi fengi þrjá ókeypis vinninga í mótinu þá kæmi hann ekki til greina til að hljóta peningaverðlaun. 

Borislav hlaut 1,5 vinninga úr næstu tveimur skákum og hafði nánast tryggt sér sigur, amk gott verðlaunasæti, í mótinu fyrir síðustu umferð. Það hefur eflaust valdið honum nokkrum vonbrigðum að andstæðingurinn í síðustu umferð, IM Nikolov, neitaði að tefla skákina og þar með hafði Borislav sigrað á mótinu með eftirminnilegum hætti, 8 vinningar af 9, en hlaut engin peningaverðlaun.

Tímabundinn fréttaritari skak.is heyrði af þessu máli í gegnum Facebook þar sem IM Axel Rombaldoni var algjörlega brjálaður eftir viðureignina sína við Ivanov. Rombaldoni var á höttunum eftir GM-áfanga en mætti Ivanov í 7.umferð og var gjörsamlega straujaður. Hann segist sannfærður um að hafa verið að tefla við tölvu.

Þetta er eflaust ekki siðasta fréttin sem berst af framgöngu Borislavs Ivanovs - maðurinn sem allir telja að svindli en enginn veit hvernig. Heyrst hafa kenningar um augnlinsur með upplýsingum, ígræddum tölvukubb, aðgengi að gervihnetti, aðstoðarmaður sem noti ósýnilegt blek til að koma til hans skilaboðum og svo mætti lengi áfram telja. Það eina sem fréttaritari skak.is óskar sér er að Borislav sé ekki bara "late bloomer" í skákinni sem að sé að taka stórstígum framförum eftir þrotlausar æfingar, því að þá værum við með dæmi um einelti af verstu sort.

 

EM: Fjórða umferð hafin - Guðmundur í beinni

Þá er fjórða umferðin hafin í Legnica og Guðmundur okkar Kjartansson er í beinni útsendingu.

Linkur

Velja þarf borð 37-72 og þar á hann að vera fyrir miðri valmynd. Andstæðingur dagsins er stórmeistarinn Gagunashvili frá Georgíu sem skartar 2592 skákstigum.

 Dagur etur kappi gegn ítalska alþjóðlega meistaranum Danyyil Dvirnyy, utan sviðsljóssins í þetta sinn.

Vorhátíðarskákæfing TR

Barna-og unglingastarf TR er nú komið í sumarfrí eftir viðburðaríkan og skemmtilegan vetur. Á laugardaginn var, 4. maí, fór fram vorhátíðarskákæfing í tveimur hópum. Afrekshópurinn verður svo með sér vorhátíð þegar því starfi líkur um miðjan mánuðinn.

Um morguninn 4. maí, fór fyrst fram vorhátíðaræfing í stelpuhópnum kl. 12.30-13.45. Slegið var upp liðakeppni og boðhlaupsskák sem vakti mikla lukku! Síðan var "sparihressing" og veittar viðurkenningar fyrir ástundun á þessari önn. Eftirtaldar fengu verðlaun:

1.     Freyja Birkisdóttir, Karitas Ólöf Ísfeld Hafsteinsdóttir

2.     Marsibil Þóra Ísfeld Hafsteinsdóttir

3.     Þuríður Helga Ragnarsdóttir

Á þessari önn hafa um 20 stelpur/konur tekið þátt í skákæfingunum og vonandi mæta þær hressar þegar skákstarfið hefst aftur í september!

Þátttakendur á Vorhátíðaræfingunni kl. 14 voru 30. Fjöltefli var fyrsti liður á dagskrá. Matthías Pétursson og Björn Jónsson tefldu fjöltefli við 15 börn hvor. Matthías er búinn að vera skákþjálfari á laugardagsæfingunum mestan hluta vetrar og hefur það verið mikill fengur fyrir okkur að fá hann til liðs við okkur í barnastarfið. Hann fer í nám til Bandaríkjanna næsta vetur og munum við sakna hans mikið! Held að hann eigi líka eftir að hugsa til okkar á hverjum einasta laugardegi næsta vetur! Bestu þakkir og kveðjur og óskir um góða dvöl í Ameríku fylgja Matthíasi frá okkur öllum!

Krakkarnir 30 sem tefldu í fjölteflinu stóðu sig mjög vel. Það er ekki alveg auðvelt að vera í fjöltefli, þar sem langt getur liðið á milli leikja! En Björn og Matthías voru "á ferðinni" milli borða í góðum takti, þannig að þetta gekk greiðlega fyrir sig. Svo fór að þrír drengir fengu vinning í fjölteflinu, en það voru þeir Björn Hólm Birkisson, Björn Ingi Helgason og Róbert Luu og þrír fengu jafntefli, en það voru þeir Sævar Halldórsson, Guðmundur Agnar Bragason og Jón Hreiðar Rúnarsson.

Eftir fjölteflið var komið að "sparihressingunni". Taflfélag Reykjavíkur bauð öllum krökkunum og þeim foreldrum sem voru til aðstoðar upp á pizzu og gos og myndaðist hin skemmtilegasta vorhátíðarstemning!

Eftir "pizzupartýið" var komið að afhendingu viðurkenninga fyrir vorönnina 2013 (janúar-maí). Eftirfarandi krakkar hlutu medalíur fyrir ástundun:

Aldursflokkur fædd 2007.

Guðjón Ármann Jónsson

Aldursflokkur fædd 2005-2006, (1.-2. bekk)

1.     Hreggviður Loki Þorsteinsson, Úlfar Bragason

2.     Alexander Björnsson, Hubert Jakubek,
Kristján Sindri Kristjánsson

3.     Höskuldur Ragnarsson, Mir Salah

Aldursflokkur fædd 2003-2004, (3.-4. bekk)

1.     Mateusz Jakubek

2.     Davíð Dimitry Indriðason, Sana Salah

3.     Eiður Darri Jóhannsson

Aldursflokkur fædd 2000-2002, (5.-7. bekk)

1.     Björn Ingi Helgason

2.     Þorsteinn Magnússon, Þórólfur Ragnarsson

3.     Guðmundur Agnar Bragason, Bárður Örn Birkisson, Björn Hólm Birkisson

Þrenn verðlaun voru veitt fyrir samanlögð stig fyrir Ástundun og Árangur:

1. Mateusz Jakubek 28 stig

2. Bárður Örn Birkisson 22 stig

3. Sævar Halldórsson 20 stig

Þátttakendurnir á Vorhátíðaræfingunni voru eftirfarandi:

1.     Alexander Björnsson

2.     Eiður Sölvi Þórðarson

3.     Egill Gunnarsson

4.     Sævar Halldórsson

5.     Jóhann Bjarkar Þórsson

6.     Þórólfur Ragnarsson

7.     Höskuldur Ragnarsson

8.     Úlfar Bragason

9.     Freyja Birkisdóttir

10.  Jón Hreiðar Rúnarsson

11.  Kristján Sindri Kristjánsson

12.  Hreggviður Loki Þorsteinsson

13.  Sana Salah

14.  Hubert Jakubek

15.  Páll Ísak Ægisson

16.  Mir Salah

17.  Mateusz Jakubek

18.  Guðjón Ármann Jónsson

19.  Sagitha Rosanty

20.  Björn Hólm Birkisson

21.  Björn Ingi Helgason

22.  Davíð Dimitry Indriðason

23.  Róbert Ruu

24.  Guðni Viðar Friðriksson

25.  Guðmundur Agnar Bragason

26.  Unnsteinn Beck

27.  Hilmar Kiernan

28.  Ísak Orri Karlsson

29.  Freyr Grímsson

30.  Björn Magnússon

31.  Kári Bjarkarson (horfði á).

Þar með er vetrarstarfið hjá T.R. á laugardögum lokið að sinni. Við umsjónarmenn og skákþjálfarar þökkum öllum krökkum sem mætt hafa á laugardagsæfingar T.R. í vetur fyrir ánægjulega samveru! Sérstakar þakkir fær Björn Jónsson sem er höfundur námsefnisins sem notað hefur verið við skákæfingarnar í TR frá byrjun þessa árs. Óhætt er að segja að tilkoma námsefnisins hafi slegið í gegn hjá krökkunum og hafa foreldrar einnig sýnt mikinn áhuga á þessum litríku og skemmtilegu skákheftum.

Umsjónarmenn á Vorhátíðarskákæfingunni voru Matthías Pétursson, Björn Jónsson og Sigurlaug Regína Friðþjófsdóttir. Björn og Sigurlaug tóku myndir.

Verið velkomin á skákæfingar T.R. veturinn 2013-2014 sem hefjast aftur í september!

GLEÐILEGT SUMAR!

Sigurlaug Regína Friðþjófsdóttir

Formaður Taflfélags Reykjavíkur

Oliver Aron skákmeistari Rimaskóla annað árið í röð

Skákmót Rimaskóla var haldið í 20. skipti mánudaginn 6. maí. Fimmtíu skákmenn tóku þátt í mótinu og að þessu sinni mættu tíu skákmenn úr Kelduskóla og Foldaskóla til leiks sem gestir. Tefldar voru sex umferðir og sautján glæsileg verðlaun voru í boði. Oliver Aron Jóhannesson nemandi í 9-ILK vann mótið örugglega og hlaut fullt hús.

Í síðustu umferðinni tefldi hann við Nansý Davíðsdóttur 5-EHE hreina úrslitaskák því að bæði voru þau taplaus fyrir lokaumferðina. Auk Nansýjar urðu þeir Joshua Davíðsson, Kristófer Jóel Jóhannesson, Hilmir Hrafnsson og Róbert Orri Árnason í öðru sæti mótsins með 5 vinninga. Oliver Aron varði titil sinn frá því í fyrra og hefur hann í vetur verið ósigrandi á öllum þeim barna-og unglingaskákmótum sem hann hefur tekið þátt í.

Á skákmóti Rimaskóla voru margir ungir og efnilegir skákmenn sem voru að standa sig mjög vel. Má þar nefna Joshua Davíðsson í 2-KMG sem varð í 2. - 6. sæti og Kjartan Karl Gunnarsson 2-JBO sem var að taka þátt í sínu fyrsta skákmóti og fékk verðlaun fyrir óvæntustu frammistöðuna. Oliver Aron er skákmeistari Rimaskola 2013 og fær nafn sitt skráð öðru sinni á farandbikarinn. Á meðal þeirra sem unnið hafa Rimaskólabikarinn eru Hjörvar Steinn Grétarsson (7 sinnum), Ólafur Gauti Ólafsson d. 2012 (3 sinnum), Ingvar Ásbjörnsson, Sigurjón Kjærnested, Dagur Ragnarsson og Jón Trausti Harðarson. Skákstjórar voru þeir Stefán Bergsson og Helgi Árnason skólastjóri.

Sjá úrslit http://chess-results.com/tnr100446.aspx?art=1&lan=1&wi=821

Össur öflugastur í Ásgarði í gær

Össur Kristinsson varð efstur í Ásgarði í gær, þar sem tuttugu og sex eldri borgarar á öllum aldri skemmtu sér við skák, eins og þeir gera alla þriðjudaga.

Í öðru sæti varð Friðgeir Hólm með sjö og hálfan vinning og Guðfinnur R Kjartansson í því þriðja með sjö vinninga.

Næsta laugardag er stemmt að því að fara norður í Vatnsdal til móts við Akureyringa sem hafa náð 60 ára aldri og berjast við þá svona í um sólarhring. Það verða ellefu skákmenn í hvoru liði.

Mótstafla:

 

 

Hraðskákmót öðlinga fer fram í kvöld

Hraðskákmót öðlinga fer fram á morgun 8. maí kl. 19.30 í félagsheimili T.R. að Faxafeni 12. Mótið er opið fyrir alla 40 ára og eldri (f. 1972 og síðar). Tefldar verða 7 umferðir með 7 mínútna umhugsunartíma.

Í lok mótsins fer fram verðlaunaafhending fyrir Hraðskákmótið sem og Skákmót öðlinga sem lauk s.l. miðvikudagskvöld. Þátttökugjald er kr. 500 og er í því innifalið kaffi og góðgæti. Skákmenn 40+ eru hvattir til að fjölmenna!    

Sumarskákmót Fjölnis hefst kl. 17

Skákdeild Fjölnis lýkur starfsárinu með árlegu sumarskákmóti sem öllum áhugasömum skákkrökkum á grunnskólaaldri er heimilt að taka þátt í.

Teflt verður í hátíðarsal Rimaskóla. Rótarýklúbbur Grafarvogs gefur þrjá eignarbikara fyrir sigur í þremur flokkum, eldri, yngri og stúlknaflokki.

Þátttaka er ókeypis. Pítsa og gos kostar 300 kr í skákhléi. Vegleg verðlaun, mörg verðlaun og boðið upp á skemmtilegt skákmót sem lokið er á tveimur tímum.

Foreldrum velkomið að fylgjast með og þiggja kaffisopa. Endum skákárið með skemmtilegu skákmóti og mætum tímanlega. Skráning á staðnum.

Tefldar sex umferðir. Umhugsunartími er sjö mínútur. Skákstjórar verða þeir Helgi Árnason og Stefán Bergsson.

 

Norway Chess: Úrslit hraðskákar og pörun fyrstu umferðar

Það var mikið um dýrðir í Stavangri í dag þegar teflt var um töfluröðina í Ofurmótinu sem hefst á morgun. Keppendur tefldu 9.umferðir, allir við alla og lýsti Simen Agdestein, einn af skástu skákmönnum í sögu Noregs, atganginum í beinni útsendingu ásamt manninum með langa nafnið sem bar gæfu til þess að bomba bókasamningi á Helga okkar Ólafs.

Skipuleggjendur mótsins kættust örugglega mjög þegar draumapörun leit dagsins ljós í fyrstu umferð. Áskorandinn Carlsen mætti heimsmeistaranum Anand (trommusóló). Þeir sömdu fljótlega jafntefli eftir hörmulega leiðinlega skák (stemming fjarar). Carlsen fylgdi því svo eftir með því skíttapa fyrir Radjabov og landi hans, Jón Lúðvík Hammer, sem svo sannarlega er kominn út í djúpu laugina á þessu móti, gerði samviskusamlega uppá bak í fyrstu umferðum mótsins. Allt stefndi í norska tragedíu af bestu gerð. 

Carlsen er hinsvegar ekki verðandi heimsmeistari fyrir ekki neitt. Hann girti sig rækilega í brók og hóf að vega mann og annan. Þau undur og stórmerki áttu sér svo stað að Jón Lúðvík lagði sjálfan Anand með svörtu  mönnum og allt í einu var harmleikurinn orðinn af "en pur norsk jubileum". 

Á meðan Norsarnir voru i sviðsljósinu hjá Simen þá virtist Radjabov vera að læðast á brott með sigurinn en allt í einu lenti hann á vegg og Pétur Svidler tók forystuna. Hann leiddi mótið fyrir síðustu umferð og mætti þá engum öðrum en Magnusi Carlsen. Sú skák var eins og allar MC skákir síðustu ára. Pilturinn fékk ekkert út úr byrjuninni, sama og ekkert út úr miðtaflinu. Svo úðaði hann einhverjum peðum fram, nokkrir hróksleikir, smá peð í viðbót og Svidler gafst upp. Simen ærðist innra með sér af fögnuði og var í óða önn að reikna út hvort að Carlsen ynni mótið ekki örugglega á stigum  þegar Karjakin náði allt í einu að vinna sína skák og skjótast fram úr öllum.

Lokastaðan varð þessi:

1. Karjakin - 6,5

2. Carlsen - 6 (vann alla á stigum, kemur engum á óvart)

3. Anand - 6

4. Nakamura - 6

5. Svidler - 5,5

6. Radjabov - 5

7. Hammer - 3,5 

8. Wang - 3

9. Aronian - 2,5

10. Topalov - 1

Athygli vekur fráleit frammistaða Topalovs og slakur árangur Aronians sem er óumdeilanlega einn sterkasti hraðskáksmaður heims.

 Reglur mótsins eru þannig að sá sem vann hraðskáksmótið mátti velja sér stað í töfluröðinni. Karjakin var fyrstur og valdi sér númerið fimm! "HA?" spyrja menn sig eflaust því ég held að ansi margir hefðu valið nr.1 sem að tryggir viðkomandi hvítt í tveimur fyrstu umferðunum. Greinilega einhver þaulhugsuð rússnesk brella. Magnus kom næstur og valdi að sjálfsögðu nr.1 og svo koll af kolli. Síðastur til að velja sér númer var Topalov. Það var fátt um fína drætti í töfluröðinni, aðeins nr.10 og hvað þýddi það? Jú, auðvitað svart á Carlsen í fyrstu umferð. 

Eins og gefur að skilja völdu allir þeir sem voru í fimm efstu sætunum sér stöðu 1-5 í töfluröðinni og tryggðu sér þannig einu sinni oftar hvítt í mótinu. 

Pörun fyrstu umferðar er eftirfarandi:

1. Carlsen - Topalov

2. Anand - Aronian

3. Nakamura - Wang

4. Svidler - Hammer

5. Karjakin - Radjabov

Linkur með beinni útsendingu verður birtur á skak.is þegar hann liggur fyrir.