GM lagði TR í Hraðskákkeppni taflfélaga - Helgi Áss með fullt hús

Taflfélagið Goðinn-Mátar bar sigurorð af Taflfélagi Reykjavíkur í 1. umferð hraðskákkeppni skákfélaga með 52 vinningum gegn 20. Bæði félög tefldu fram öflugum liðum en stríðsgæfan var GM megin þetta kvöld og því fór sem fór.  Margar viðureignirnar voru virkilega spennandi og snilldartilþrif sáust á báða bóga en ekki uppskáru menn þó alltaf  eins og til var sáð innan þess nauma tímaramma sem keppendum var skammtaður.

Bestum árangri TR-inga náðu þeir Arnar E. Gunnarsson sem hlaut 7 vinninga af 12 mögulegum og Karl Þorsteins sem var með 6 vinninga af 12.

Fremstir í liði GM að þessu sinni voru Helgi Áss Grétarsson með 12 af 12 mögulegum, Kristján Eðvarðsson með 8 vinninga af 9, Tómas Björnsson með 7 vinninga af 8,  Ásgeir Ásbjörnsson með 9 vinninga af 12 og Einar Hjalti Jensson með 7 vinninga af 10.

Lið GM:

Helgi Áss Grétarsson

Einar Hjalti Jensson

Ásgeir P. Ásbjörnsson

Hlíðar Þór Hreinsson

Arnar Þorsteinsson

Tómas Björnsson

Kristján Eðvarðsson

Pálmi R. Pétursson

Jón Þorvaldsson

 

Lið TR

Arnar E. Gunnarsson    

Karl Þorsteins   

Þorvarður Ólafsson

Júlíus Friðjónsson

Kjartan Maack 

Halldór Pálsson

Vignir Vatnar Stefánsson

Björn Jónsson  

Ríkharður Sveinsson

Í lið TR-inga vantaði m.a. þá Margeir Pétursson, Guðmund Kjartansson og Daða Ómarsson en GM-menn voru m.a. án Þrastar Þórhallssonar, Sigurðar Daða Sigfússonar og Þrastar Árnasonar.

Góður andí ríkti í keppninni,  vel fór á með liðsmönnum beggja liða og yfirsetumenn skemmtu sér við gamanmál meðan félagarnir svitnuðu yfir flóknum stöðum.  Nýjum formanni TR, Birni Jónssyni, var sérstaklega fagnað með lófataki áður en viðureignin hófst og honum og Taflfélagi Reykjavíkur óskað velfarnaðar af hálfu Goðans-Máta.

Við þökkum TR-ingum kærlega fyrir drengilega viðureign og prúðmannlega framgöngu og hlökkum til að mæta þeim á Íslandsmóti skákfélaga í október. Þar verður róðurinn eflaust þyngri fyrir okkar menn og viðureignin vægast sagt tvísýn.

Útskýring skákreglna og dómgæsla var í öruggum höndum Rúnars Berg sem leysti úr þeim örfáu álitamálum  sem upp komu af sinni ljúfmennsku og réttsýni. Kunnum við honum bestu þakkir fyrir.

Þá þökkum við félaga okkar Kristjáni Eðvarðssyni fyrir afnot af hinum vistlegu salarkynnum Sensa að Kletthálsi 1.

Jón Þorvaldsson.

Keppnin heldur áfram í kvöld en þá mætast Eyjamenn og Selfyssingar í húsnæði SÍ kl. 20. Viðureignirnar detta svo inn hver á fætur annarri en fyrstu umferð skal vera lokið eigi síðar en 20. ágúst nk. Dregið verður í aðrar umferð að lokinni viðureign Hellis og Vinjar þann 20. ágúst

Úrslit fyrstu umferðar:

• Taflfélag Garðabæjar - Taflfélag Bolungarvíkur (óákveðið)
• Briddsfjelagið - Skákfélag Reykjanesbæjar (óákveðið)
• Taflfélag Vestmannaeyja - Skákfélag Selfoss og nágrennis (15. ágúst kl. 20 í SÍ)
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur 52-20
• Víkingaklúbburinn er kominn áfram

Heimasíða Hellis

Myndaalbúm (HÁ)

Meistaramót Hellis hefst 26. ágúst

Meistaramót Hellis 2013 hefst mánudaginn 26. ágúst klukkan 19:30. Mótið er 7 umferða opið kappskákmót sem lýkur 9. september.   Vegleg og fjölbreytt verðlaun eru í boði. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga. Skráning fer fram hér á Skák.is

Teflt er á mánudögum, þriðjudögum og miðvikudögum.

Aðalverðlaun:

1. 40.000
2. 30.000
3. 20.000

• Upplýsingar um aukaverðlaun koma síðar.

Þátttökugjöld:

• Félagsmenn kr. 3.000; aðrir 4.000-
• Unglingar 15 ára og yngri: Félagsmenn: 2.000; Aðrir 3.000.
• Allir titilhafar fá frítt í mótið

Umferðartafla: 

• 1. umferð, mánudaginn, 26. ágúst, kl. 19:30
• 2. umferð, þriðjudaginn, 27. ágúst, kl. 19:30
• 3. umferð, miðvikudaginn, 28. ágúst, kl. 19:30
• 4. umferð, mánudaginn, 2. september, kl. 19:30
• 5. umferð, þriðjudaginn, 3. september, ágúst, kl. 19:30
• 6. umferð, miðvikudaginn, 4. september, kl. 19:30
• 7. umferð, mánudagur, 9. september, kl. 19:30

Hraðskákmót Hellis fer fram mánudaginn 19. ágúst

Hraðskákmót Hellis verður haldið mánudaginn 19. ágúst nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 20.000.  Tefldar verða 7 umferðir 2*5 mínútur.  Núverandi hraðskákmeistari Hellis er Davíð Ólafsson. Þetta er í átjánda sinn sem mótið fer fram.  Björn Þorfinnsson og Davíð Ólafsson hafa hampað titlinum oftast eða fjórum sinnum.

Verðlaun skiptast svo:

1. 10.000 kr.
2.   6.000 kr.
3.   4.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. Skráning fer fram á skákstað.

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson
• 2012: Davíð Ólafsson

Skákfélag Akureyrar vann nauman sigur á Fjölni

Hraðskákkeppni taflfélaga hófst í gær. Fyrsta viðureign keppninnar í ár var viðureign Skákdeildar Fjölnis og Skákfélags Akureyrar. Norðmenn heimsóttu Grafarvoginn og tefldu við Fjölnismenn í Rimaskóla. Norðanmenn gerðu þangað góða ferð því þeir unnu viðureignina, en tæpara gat það ekki orðið, því að viðureigninni lauk 35 - 37. Í hálfleik var staðan jöfn 18 - 18.

Viðureignin var bráðskemmtileg frá upphafi til enda og fyrir síðustu umferðina var allt í járnum. Það voru Fjölnismenn sem héldu forustunni lengst af í fyrri umferð og náðu mest 3 vinninga forskoti en í þeim síðari voru það norðanmenn sem tóku forustuna og lönduðu sigri þrátt fyrir naumt tap í lokaumferð.

Bæði félögin tefldu fram okkar efnilegustu skámönnum á unglinga-og framhaldsskólastigi. Rimaskólastrákarnir núverandi og fyrrverandi þeir Oliver Aron, Jón Trausti, Dagur R og Hörður Aron náðu allir 50% vinningshlutfalli eða meira og í liði Akureyringa stóðu þeir Jón Kristinn og Símon Þórhallsson svo sannarlega fyrir sínu.

Stefán Bergsson og Halldór Halldórsson voru illviðráðanlegir og gamla kempan Jón Þ. Þór reyndist drjúgur. Fjölnisliðið var að venju skipað unglingum sem teflt hafa með skákdeildinni allt frá ungbernsku og eru að mynda þéttan kjarna frábærra skákmanna. Það er fengur fyrir Fjölnismenn að fá Dag Andra að nýju inn í hópinn og með meiri æfingu kemur hann til með að reynast Grafarvogsliðinu drjúgur liðsmaður.

Þar sem viðureignin var allan tímann jöfn og spennandi þá ver einbeitingin og baráttan í fyrirrúmi og skákmennirnir sem flestir höfðu tekið þátt í Borgarskákmótinu fyrr um daginn drógu ekkert af sér.

Oliver Aron var með flesta vinninga í liði Fjölnismanna eða 8, Jón Trausti 7,5 , Dagur R 6,5 , Hörður Aron 5,5 Dagur Andri 3,5, Erlingur 3 og Nansý 1.

Í liði Akureyringa hlaut Halldór Brynjar 9 vinninga í 10 skákum, Stefán jafnmarga vinninga en í 12 skákum, Jón Kristinn og Jón Þ. Þór 7½ vinning, Símon 2½ í 7 skákum en aðrir vinna.

Í kvöld kl. 20 heldur keppnin svo áfram en þá mætast Goðinn-Mátar og Taflfélag Reykjavíkur í húsnæði Sensa í Kletthálsi 1. Á morgun mætast svo Eyjamenn og Selfyssingar í húsnæði SÍ kl. 20. Viðureignirnar detta svo inn hver á fætur annarri en fyrstu umferð skal vera lokið eigi síðar en 20. ágúst nk.

Úrslit fyrstu umferðar:

• Taflfélag Garðabæjar - Taflfélag Bolungarvíkur (óákveðið)
• Briddsfjelagið - Skákfélag Reykjanesbæjar (óákveðið)
• Taflfélag Vestmannaeyja - Skákfélag Selfoss og nágrennis (15. ágúst kl. 20 í SÍ)
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur (14. ágúst kl. 20 í Sensa)
• Víkingaklúbburinn er kominn áfram

Heimasíða Hellis

Myndaalbúm (HÁ)

Hammer áfram á Heimbikarmótinu - Jorge Cori tapaði fyrir misskilning

Í dag var teflt til þrautar í 1. umferð (128 manna úrslitum) Heimsbikarmótsins í skák með styttri tímamörkum. Fjörlega var teflt. Jon Ludvig Hammer er einni fulltrúi heimamanna og reyndar Norðurlandanna sem komst áfram eftir sigur á Sergei Movsesan. Allar fjórar skákkonurnar eru nú fallnar úr leik en Hou Yifan tapaði fyrir Alexei Shirov og Anna Ushenina fyrir Peter Svidler.

Það vakti mikla athygli að Jorge Cori tapaði fyrri hraðskákinni fyrir Teimor Radjabov. Cori, sem talar afar lítið í ensku, misskyldi skákstjóranna þegar hann sagði að hraðskákin hæfist 6:15 (six fifteen) en Cori fannst hann segja 6:50 (six fifty). Cori gerði sér grein fyrir mistökunum en tveimur mínútum of seint og dæmdu skákstjórar tap á hann. Cori kæri niðurstöðuna en úrskurðurinn stóð. Nokkuð umdeilt sérstaklega í ljósi þess að þarna var um að ræða styttri skákir og sárgrætilegt að Cori skuli þarna hafa liðið fyrir þennan misskiling.

Röðun 2. umferðar má finna á Chessvibes sem og öll úrslit fyrstu umferðar. Í 2. umferð mætast meðal annars Wei Yi og Alexei Shirov. 

 

• Heimasíða mótsins 
• Beinar útsendingar (hefjast kl. 13)

Íslandsbanki (Hjörvar Steinn) öruggur sigurvegari Borgarskákmótsins

 

Hjörvar Steinn Grétarsson (2505), sem tefldi fyrir Íslandsbanka, vann öruggan sigur á fjölmennu Borgarskákmóti sem fram fór í Ráðhúsi Reykjavíkur í dag. Hjörvar vann alla andstæðinga sína, sjö að tölu. Andri Áss Grétarsson (2335), sem tefldi fyrir Sorpu, og Róbert Lagerman (2301), sem tefldi fyrir Gagnaveitu Reykjavíkur urðu næstir með 6 vinninga.

 

Í 4.-5. sæti urðu svo Guðmundur Gíslason (2322), sem tefldi fyrir Ölstofuna, og Tómas Björnsson (2140), sem tefldi fyrir Perluna en þeir hlutu 4,5 vinninga.

Mótið var vel sótt en 73 keppendur tóku þátt. Jón Gnarr, borgarstjóri Reykjavíkur, setti mótið og lék fyrsta leikinn í skák í Hjörvars og Vignis Vatnars, 1. c4 eftir umtalsverða umhugsun. Jón ítrekaði það að þrátt fyrir gömul ummæli þætti honum skák vera töff og skák væri með réttu þjóðaríþrótt Íslendinga.

Skákstjórar voru Vigfús Ó. Vigfússon og Erla Hlín Hjálmarsdóttir. Það voru Taflfélagið Hellir og Taflfélag Reykjavíkur sem héldu mótið sem fram hefur farið árlega síðan á 200 afmæli Reykjavíkurborgar árið 1986.

Myndaalbúm (VÓV og ESE)

Lokastaðan:

 

1	Hjörvar Steinn Grétarsson Íslandsbanki	2505	7
2-3	Andri Grétarsson Sorpa	2335	6
	Róbert Harðarson Gagnaveita Reykjavíkur	2301	6
4-5	Guðmundur Gíslason Ölstofan	2322	5,5
	Tómas Björnsson Perlan	2140	5,5
6-13	Arnar E, Gunnarsson Talnakönnun	2441	5
	Dagur Ragnarsson Hótel Borg	2040	5
	Sigurbjörn Björnsson Reykjavíkurborg	2390	5
	Bragi Halldórsson Gámaþjónustan	2160	5
	Oliver Aron Jóhannesson Íslensk erfðagreining	2008	5
	Jón Þorvaldsson Jómfrúin	2165	5
	Gunnar Freyr Rúnarsson Hlölla bátar	1970	5
	Kjartan Maack Íslandspóstur	2128	5
14-20	Guðlaug Þorsteinsdóttir Olís	2080	4,5
	Kristján Örn Elíasson Félag bókagerðarmanna	1890	4,5
	Jón Trausti Harðarson Vínbarinn	1931	4,5
	Helgi Brynjarsson Verkís	1950	4,5
	Stefán Bergsson ÍTR	2150	4,5
	Jóhann Ingvason Einar Ben	2180	4,5
	Jón Kristinn Þorgeirsson	1850	4,5
21-32	Magnús Úlfarsson Suzuki bílar	2380	4
	Jóhanna Björg Jóhannsdóttir Malbikunarstöðin Höfði	1911	4
	Þorvarður Ólafsson N1	2266	4
	Vignir Vatnar Stefánsson	1780	4
	Felix Steinþórsson	1510	4
	Birgir Berndsen Hamborgarabúlla Tómasar	1899	4
	Gunnar Björnsson Guðmundur Arason	2102	4
	Kristófer Ómarsson	1598	4
	Sigurður E, Kristjánsson Mjólkursamsalan	1910	4
	Hallgerður Helga Þorstein Faxaflóahafnir	1996	4
	Páll Sigurðsson Mannvit verkfræðistofa	1927	4
	Þór Valtýsson Efling Stéttarfélag	2023	4
33-41	Símon Þórhallsson	1588	3,5
	Hörður Aron Hauksson	1746	3,5
	Stefán Þormar Litla Kaffistofan	1850	3,5
	Kristján Halldórsson	1760	3,5
	Guðfinnur Kjartansson		3,5
	Rúnar Berg Slökkvilið Höfuðborgarsvæðisins	2130	3,5
	Elsa María Kristínardóttir	1776	3,5
	Gauti Páll Jónsson	1562	3,5
	Karl Egill Steingrímsson	1647	3,5
42-56	Guðmundur Kristinn Lee	1652	3
	Veronika Steinunn Magnúsdóttir	1590	3
	Dawid Kolka	1666	3
	Sæbjörn Guðfinnsson Visa/Valitor	1900	3
	Hilmar Þorsteinsson Arion Banki	1800	3
	Sigurlaug Regína Friðþjófsdóttir	1735	3
	Bragi Thoroddsen		3
	Halldór Pálsson Landsbankinn	2050	3
	Ásgeir Sigurðsson		3
	Óskar Long Einarsson	1609	3
	Einar S, Einarsson	1483	3
	Sigurður Ingason Samiðn	1792	3
	Birkir Karl Sigurðsson	1759	3
	Hjálmar Sigurvaldason	1389	3
	Andri Steinn Hilmarsson	1657	3
57-60	Dagur Andri Friðgeirsson	1790	2,5
	Magnús V, Pétursson Jói Útherji		2,5
	Arnljótur Sigurðsson	1460	2,5
	Sigurður Freyr Jónatansson	1529	2,5
61-70	Sævar Bjarnason Tapas Barinn	2180	2
	Þorsteinn Magnússon	1297	2
	Jóhann Arnar Finnsson	1433	2
	Pétur Jóhannesson	1020	2
	Óskar Víkingur Davíðsson	1379	2
	Björgvin Kristbergsson	1006	2
	Heimir Páll Ragnarsson	1455	2
	Guðmundur Agnar Bragason	1190	2
	Halldór Atli Kristjánsson		2
	Hörður Jónasson	1300	2
71-73	Sindri Snær Kristófersson	1000	1
	Júlíus Örn Finnsson		1
	Jón Þór Jóhannsson		1

 

Guðmundur með jafntefli í þriðju umferð

Alþjóðlegi meistarinn Guðmundur Kjartansson (2434) gerði jafntefli við stórmeistarann Cristhian Cruz (2498) í 3. umferð alþjóðlega mótsins í Figueres. Guðmundur hefur 2,5 vinning og er í 2.-9. sæti.

Í fjórðu umferð, sem fram fer á morgun, teflir Guðmundur við spænska alþjóðlega meistarann Joaquin Miguel Antoli Royo (2409).

42 skákmenn frá 9 löndum taka þátt í mótinu. Þar af eru 3 stórmeistarar og 9 alþjóðlegir meistarar. Guðmundur er nr. 7 í stigaröð keppenda.

• Heimasíða mótsins
• Chess-Results
• Beinar útsendingar - 4 efstu borðin (hefjast almennt kl. 14:30)

Borgarskákmótið fer fram í dag

Borgarskákmótið fer fram þriðjudaginn 13. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram hér á Skák.is

Einnig er hægt að skrá sig í í síma 866 0116 Vigfús og 899 9268 (Björn). Tefldar verða 7 umferðir með 7 mínútna umhugsunartíma. Þetta er í 27. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Sigurbjörn Björnsson sem tefldi fyrir Verkís.

Borgarstjórinn í Reykjavík, Jón Gnarr, setur mótið og leikur fyrsta leik þess.

Verðlaun:

1. 15.000 kr.
2. 10.000 kr.
3. 5.000 kr.

Heimsbikarmótið: Wei Yi sló út Nepo

Heimsbikarmótið í skák hófst í gær í Tromsö í Noregi. Þátttakendur eru 128 og tefldar eru tvær kappskákir í hverri umferð og til þrautar með styttri umhugsunartíma ef með þarf. Í dag var tefld önnur skák einvíganna og þegar hafa margar stjörnur fallið úr leik. Gera má ráð fyrir að fleiri ofurstórmeistarar falli út á morgun í styttri tímamörkunum. Sigur yngsta stórmeistara heims, Wei Yi, sem náði titlinum á N1 Reykjavíkurskákmótinu gegn hinum sterka rússneska stórmeistara Ian Nepomniachtchi vöktu mesta athygli í dag. Hann mætir í annarri umferð sigurvegara einvígis Alexei Shirov og Hou Yifan þar sem staðan er 1-1.

Næstyngsti keppandi mótsins hinn 17 ára rússneski stórmeistari Daniil Dubov, sem er nafn sem menn eiga að leggja á minnið lagði Úkraníumanninn Sergei Federchuk.

Heimsmeistari kvenna, Anna Ushenina jafnaði metin í dag gegn Peter Svidler og tefla þau til þrautar á morgun. Judit Polar féll hins úr leik gegn Kúbumanninum Isan Reynaldo Ortiz Suarez. 

Flestir sterkustu keppendurnir komust áfram enda tefldu þeir við mun stigalægri andstæðinga en meðal þeirra sem þurfa að tefla til þrautar á morgun eru Kamsky, Adams, Morozevich, og Radjabov sem teflir við Jorge Cori.

Úrslitin má nálgast á aðgengilegan hátt á Chessvibes.

• Heimasíða mótsins 
• Beinar útsendingar (hefjast kl. 13)

Hannes varð efstur í Búdapest

Stórmeistarinn Hannes Hlífar Stefánsson (2526) sigraði á First Saturday-móti sem lauk í Búdapest í dag og það þrátt fyrir tap í lokaumferðinni fyrir ungverska stórmeistaranum David Berczes (2548). Hannes hlaut 5,5 vinning og varð efstur ásamt íranska alþjóðlega meistaranum Pouya Idani (2479).

Frammistaða Hannesar samsvaraði 2477 skákstigum og lækkar hann um 5 stig fyrir hana.

Hannes tefldi í lokuðum 10 manna flokki þar sem meðalstigin voru 2410 skákstig. Hannes var næststigahæstur keppenda.

• Heimasíða mótsins
• Chess-Results