Guðmundur byrjar vel í Figueres

Alþjóðlegi meistarinn Guðmundur Kjartansson (2434) lætur engan bilbug á sér finna og teflir á móti á eftir móti á Spáni. Nú er hann farinn til Figueres þar sem hann tekur þátt enn einu í alþjóðlegu móti. Hann hefur unnið tvær fyrstu skákirnar. Í fyrstu umferð vann hann stigalágan heimamann (2031) en í þeirri annarri vann hann ungversku landsliðkonuna Önnu Rudolf (2301).

Á morgun teflir hann við stórmeistarann Cristhian Cruz (2498). Skákin verður sýnd beint á vefsíðu mótsins.

42 skákmenn frá 9 löndum taka þátt í mótinu. Þar af eru 3 stórmeistarar og 9 alþjóðlegir meistarar. Guðmundur er nr. 7 í stigaröð keppenda.

• Heimasíða mótsins
• Chess-Results
• Beinar útsendingar - 4 efstu borðin (hefjast almennt kl. 14:30)

Róbert og Hallgerður sigurvegar Stórmótsins í Árbæjarsafni

Hin árlega skákhátíð Árbæjarsafns og Taflfélags Reykjavíkur fór fram í gær en hátíðin hefur fyrir löngu unnið sér sess sem óopinbert upphaf skákvertíðarinnar. 

Dagskráin hófst á útitafli, venju samkvæmt. Að þessu sinni var teflt með taflmönnunum frá útitaflinu á Lækjartorgi, en hin fyrri ár hefur jafnan verið teflt lifandi tafl.

Fráfarandi formaður TR, Sigurlaug Regína Friðþjófsdóttir, stýrði hvítu mönnunum gegn nýkjörnum formanni TR, Birni Jónssyni og fór svo að Björn hafði sigur eftir nokkrar sviptingar.

Að útitaflinu loknu héldu skákmennirnir í hið skemmtilega Kornhús fyrir stórmót Árbæjarsafns og Taflfélags Reykjavíkur, en þar var teflt á hefðbundnum taflborðum sjö umferða hraðskákmót.

Skákdrottningarnar og landsliðskonurnar Hallgerður Helga Þorsteinsdóttir og Elsa María Kristínardóttir fóru mikinn í mótinu og Hallgerður endaði í skiptu efsta sæti ásamt Róberti Lagermann með 5,5 vinning af 7.  Elsa María lenti svo í skiptu 3. sæti ásamt Daða Ómarssyni, Birni Ívari Karlssyni, Gunnari Björnssyni og Þorvarði Fannari Ólafssyni.

Úrslitin í Stórmótinu:

1 Róbert Lagermann        5,5

  2 Hallgerður Helga Þorsteinsdóttir    5,5

  3 Elsa María Kristínardóttir    5,0

  4 Daði Ómarsson           5,0

  5 Björn Ívar Karlsson     5,0

  6 Þorvarður Fannar Ólafsson    5,0

  7 Gunnar Björnsson        5,0

  8 Birkir Karl Sigurðsson    4,5

  9 Kjartan Maack           4,5

 10 Björn Jónsson           4,5

 11 Rúnar Berg              4,0

 12 Dagur Ragnarsson        4,0

 13 Jón Trausti Harðarson    4,0

 14 Kristmundur Þór Ólafsson    4,0

 15 Þór Valtýsson           3,5

 16 Jóhann Ragnarsson       3,5

 17 Gylfi Þórhallsson       3,5

 18 Sigurlaug Regína Friðþjófsdóttir    3,0

 19 Steingrímur Hólmsteinsson    3,0

 20 Jóhann Arnar Finnsson    3,0

 21 Ivor Smith              3,0

 22 Jón Víglundsson         3,0

 23 Guðmundur Agnar Bragason    3,0

 24 Jóhanna Björg Jóhannsdóttir    2,5

 25 Ásgeir Sigurðsson       2,5

 26 Þorsteinn Guðlaugsson    2,5

 27 Sigurjón Haraldsson     2,0

 28 Þorsteinn Freygarðsson    2,0

 29 Heimir Páll Ragnarsson    2,0

 30 Björgvin Kristbergsson    1,5

 31 Sigrún Linda Baldursdóttir    1,0

• Myndir (Jóhann H. Ragnarsson, Einar S. Einarsson, Björn Jónsson)

Helgi Ólafsson varð Íslandsmeistari skákmanna í golf/skák tvíkeppni

21 keppandi mætti til leiks, þrettán á Hvaleyrina og átta á Sveinskotsvöllinn. Aðstæður til golfleiks voru góðar, gott veður og völlurinn til fyrirmyndar.

Íslandsmeistari skákmanna í golfi&skák:

1. Helgi Ólafsson 4769 
2. Bergsteinn Einarsson 4565
3. Halldór Grétar Einarsson 4459
4. Siguringi Sigurjónsson 4408
5. Kristófer Ómarsson 4330

Kristófer Ómarsson var með forristu eftir golfið, en ríkjandi Íslandsmeistari Helgi Ólafsson var í fimmta sæti með 125 stiga lakari árangur heldur en á síðasta ári. Bergsteinn Einarsson, sem var líklegastur til að verma Helga undir uggum, var í þriðja sæti eftir golfið nokkuð frá sínu besta.

Helgi byrjaði skákina með jafntefli gegn Gunnar forseta Björnssyni. En það vakti risann og hann lagði alla keppinauta sína eftir það og sigraði örugglega með 2594 stiga árangri sem fleytti honum í samtals árangur upp á 4769 stig sem er nýtt Íslands- og heimsmet.  Bergsteinn kom annar í mark með 4565 stig eftir góðan árangur í skákinni.

Punktameistari  skákmanna í golfi&skák:

1. Kristófer Ómarsson 80.28
2. Stefán Baldursson 75.56
3. Magnús Kristinsson 71.00
4. Halldór Grétar Einarsson 70.96
5. Siguringi Sigurjónsson 70.40

Kristófer Ómarsson átti bestan dag keppenda og sigraði í punktakeppninni með rúmlega áttatíu punkta sem mest má þakka frábærum árangri í skákinni. 

Tvenn aukaverðlaun voru veitt í boði Eflis almannatengsla og sá Jón Þorvaldsson um dómgæslu og afhendingu.

Bergsteinn Einarsson púttaði sjaldnast á hringnum eða 28 sinnum. Andri Áss og Magnús Kristinsson komu næstir með 29 pútt.

Einnig var keppt í botnun vísuframparts, sem Sigurður Páll Steindórsson og Pálmi Ragnar Pétursson unnu. Botn Sigga er of svæsinn til að fara í opinbera  birtingu !

En svon

Einnig var keppt í botnun vísuframparts, sem Sigurður Páll Steindórsson og Pálmi Ragnar Pétursson unnu. Botn Sigga er of svæsinn til að fara í opinbera  birtingu !

En svona botnaði Pálmi:

Skák og golf er skrýtið par

skemmtun þó hin besta.

Kylfa ræður kasti þar

kapp er meðal gesta.

Pálmi Ragnar Pétursson og Páll Sigurðsson voru svo dregnir út til verðlauna á Epli.is mótinu.

Skákdeild Breiðabliks sá um framkvæmd mótsins.  Mótstjóri og skipuleggjandi var Halldór Grétar Einarsson. Páll Sigurðsson aðstoðaði við útreikninga og skákstjórn.

Nánari úrslit eru á heimasíðu mótsins: http://chess.is/golf

Myndaalbúm (HGE)

Sumar á Selfossi og hátíð í Fischersetri: Fyrirlestur um Fischer og hraðskáksmót.

Dagskráin hófst á því að Aldís Sigfúsdóttir stjórnamaður í Fischersetrinu  bauð gesti velkomna og þá sérstaklega Helga Ólafsson stórmeistara sem færði safninu gjafir í tilefni dagsins. Um var að ræða eintak af kvikmynd sem var gerð um Fischer og einnig merkilega heimildarmynd sem BBC lét gera. Einnig gaf Helgi eintak af bók sinni, sem hann ritaði um Fischer. Gjafir Helga eru mjög vel þegnar og koma til með að nýtast safninu vel.

Helgi  flutti síðan stuttan en fróðlegan fyrirlestur um Fischer og persónuleg kynni sín af honum . Formaður Skákfélags Selfoss og nágrenis ávarpaði síðan gesti og stýrði hraðskákmótinu. Mótið var öllum opið og kom Helgi með fríðan hóp ungra skákmanna úr Skákskóla Íslands með sér.  Helgi sýndi mótshöldurum mikinn heiður með því að tefla í mótinu sjálfur.  Stefnt er að því að halda mótið árlega. Helgi Ólafsson vann mótið með fullu húsi og röðuðu lærisveinar hans sér í næstu sæti. Hinn grjótharði Gunnar Freyr var einna helst sá  af „eldri" kynslóðinni sem stóðst þeim ungu snúning og varð jafn Vigni Vatnar í öðru sæti. Grantas var efstur heimamanna með 6 v. Aðrir keppendur sýndu allir á köflum frábær tilþrif við skákborðið. Stjórn Fischerssetur og SSON þakkar öllum þeim sem komu við  og tóku þátt.

Sumarskákmót í Fischersetri, úrslit:

1.  Helgi Ólafsson 15 v.
2.  Vignir Vatnar Stefánsson 12,5 v.
3.  Gunnar Freyr Rúnarsson  12,5 v.
4.  Hilmir Freyr Heimisson  11 v.
5-6. Jón Kristinn og
Felix Steindórsson  10 v.
7.  Magnús Kristinsson 8 v.
8.  Gunnar Örn Haraldsson 7,5 v.
9.  Veronika S. Magnúsd. 7 v.
10.  Grantas   6 v.
11-12. Þorvaldur Siggason og
Óskar Víkingur 4,5 v.
13.  Almar Máni Þorsteinsson  3,5 v.
14-15. Arnar Erlingsson og
Stefán Orri Davíðsson 3 v.
16.  Benedikt Fadel 2 v.

Selfossi,  11.  ágúst,  Björgvin Smári, formaður SSON

Skákþáttur Morgunblaðsins: Þrumuleikir í Andorra

Frammistaða íslensku skákmannanna á skákhátíðinni í Pardubice í Tékklandi þar sem 12 skákmenn sátu að tafli var góð. í A-flokknum var Hannes Hlífar að bæta sig og endaði í 13.-37. sæti. Mikhael Jóhann Karlsson, Dagur Ragnarsson og Jón Trausti Harðarson hækkuðu verulega á stigum og í D-flokknum stóðu yngstu skákmenn okkar, Felix Steinþórsson, Heimir Páll Ragnarsson og Dawid Kolka sig einnig vel.

Á sama tíma í Andorra sátu að tafli í spænsku mótaröðinni þeir Héðinn Steingrímsson og Guðmundur Kjartansson. Héðinn hlaut 6½ vinning af níu mögulegum og endaði í 9.-17. sæti en Guðmundur hlaut 5½ vinning og varð í 32.-51. sæti. Vegna mikils stigamunar keppenda í slíkum mótum og skákgetu sem er stundum í litlu samræmi við stig getur verið erfitt að hækka sig mikið á elo-listanum. Héðinn stóð sig vel en lenti þó vitlausum megin við borðið í viðureign við enskan meistara sem fékk mikla athygli og hlaut fegurðarverðlaun:

Héðinn Steingrímsson - Lawrence Trent

Mótbragð Albins

1. d4 d5 2. c4 e5 3. dxe5 d4 4. Rf3 Rc6 5. a3 Bg4

Mótbragð Albins hefur alltaf átt sína fylgismenn og þar er rússneski stórmeistarinn Morozevich fremstur en hann kýs að leika 5.... Rge7.

6. Db3 Dd7 7. Dxb7 Hb8 8. Da6 Rge7 9. Rbd2 Rg6 10. g3 d3

Reynir eftir fremsta megni að hrista upp í stöðunni. Meginmarkmiðið er að hindra að hvítur nái að skipa liði sínu fram á eðlilegan hátt.

11. e3 Bb4!?

Fyrsta þruman.

12. Bg2

Héðinn stóð frammi fyrir erfiðu vali. Ef 12. axb4 Rxb4 13. Dxa7 Rc2+ 14. Kd1 0-0 15. h3 kemur 15.... Bxf3+ 16. Rxf3 Dc6 með margvíslegum hótunum.

12.... Bxd2+ 13. Rxd2 Rgxe5 14. 0-0 Bh3 15. Bxh3 Dxh3 16. f4 0-0

Ekki er um annað að ræða, 17.... Rg4 strandar á 17. Dxc6+ og Rf3 eða jafnvel - Dg2 við tækifæri.

17. c5?

„Besta ráðið við fórn er að taka henni," er gamall málsháttur. Eftir 17. fxe5 Rxe5 18. Rf3 má svara 18.... Hb6 með 19. Da5 og - Dd2. Annar möguleiki er 17.... Hb6 18. Da4 Rxe5 19. Dd1 Rg4 20. Rf3 Hf6 21. Dd2 og hvítur heldur velli.

17.... Rg4 18. Rf3

Hvítur hefur náð að verjast hótunum svarts sem nú spilar út enn einu trompinu.

- sjá stöðumynd -

18.... d2!?

Spilar út síðasta trompinu, 18.... Hfd8 var kannski enn sterkara, svipuð hugmynd sem byggist á 19. Dxc6 d2 20. Bxd2 Hxd2 og vinnur.

19. Bxd2 Hxb2 20. De2

Vitaskuld ekki 20. Dxc6 Hxd2 o.s.frv.

20.... He8 21. e4?

Svartur hótaði 22.... Hxe3 en betra var þó 21. Hfe1 t.d. 21.... Rxe3 22. Df2! eða 21.... Hxe3 22. Dd3!? eða jafnvel 22. Bxe3.

21.... h6!

Að „lofta út" getur verið mikilvægt í flóknum stöðum.

22. Hfb1 Hxe4!

Enn einn þrumuleikur sem byggist á 23. Dxe4 Hxd2 o.s.frv.

23. Df1 Dxf1+ 24. Hxf1 He2 25. h3 Rh2!

Og þessi kom á versta tíma.

26. Rxh2 Hexd2 27. Rf3 Hg2+ 28. Kh1 Hxg3 29. Had1 Hxh3+

Endataflið tveim peðum undir er vonlaust.

30. Kg1 Hg3+ 31. Kh1 Hb3 32. Rg1 Hgd3 33. f5 Hxa3 34. f6 gxf6 35. Hxd3 Hxd3 36. Hxf6 Re5 37. Hxh6 c6 38. Hh4 Hd1 39. Hf4 Hc1 40. Kg2 Hxc5 41. Re2 a5 42. Rg3 Kf8 43. Kf1 Hc3 44. Kg2 Hc2+ 45. Kf1 c5 46. Ha4 Rc6 47. Rf5 Hh2 48. Rd6 Ke7 49. Rb7 Hc2 50. Rxa5 Rxa5 51. Hxa5 Ke6 52. Ke1 f5 53. Kd1 Hc4 54. Ha8 He4 55. Kd2 c4 56. Ha5 Kf6 57. Ha1 Kg5 58. Hg1+ Kf4 59.Hf1+ Kg4 60. Hg1+ Kh3 61. Hf1 f4 62. Hh1+ Kg2 63. Hh4 Kg3

- og hvítur gafst upp.

Helgi Ólafsson [e-mail]

[Athugasemd ritstjóra: Trent sjálfur skýrir skákina hér.]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 4. ágúst 2013

Skákþættir Morgunblaðsins

Veljið skák (2 alls): 1: Steingrimsson, Hedinn - Trent, Lawrence 2: Steingrimsson, Hedinn - Trent, Lawrence

[Event "31st Andorra Open"] [Site "La Massana AND"] [Date "2013.07.22"] [Round "3.7"] [White "Steingrimsson, Hedinn"] [Black "Trent, Lawrence"] [Result "0-1"] [ECO "D08"] [WhiteElo "2557"] [BlackElo "2420"] [PlyCount "126"] [EventDate "2013.07.20"] [Source "lmi"] [SourceDate "2013.06.25"] 1. d4 d5 2. c4 e5 3. dxe5 d4 4. Nf3 Nc6 5. a3 Bg4 6. Qb3 Qd7 7. Qxb7 Rb8 8. Qa6 Nge7 9. Nbd2 Ng6 10. g3 d3 11. e3 Bb4 12. Bg2 Bxd2+ 13. Nxd2 Ngxe5 14. O-O Bh3 15. Bxh3 Qxh3 16. f4 O-O 17. c5 Ng4 18. Nf3 d2 19. Bxd2 Rxb2 20. Qe2 Re8 21. e4 h6 22. Rfb1 Rxe4 23. Qf1 Qxf1+ 24. Rxf1 Re2 25. h3 Nh2 26. Nxh2 Rexd2 27. Nf3 Rg2+ 28. Kh1 Rxg3 29. Rad1 Rxh3+ 30. Kg1 Rg3+ 31. Kh1 Rb3 32. Ng1 Rgd3 33. f5 Rxa3 34. f6 gxf6 35. Rxd3 Rxd3 36. Rxf6 Ne5 37. Rxh6 c6 38. Rh4 Rd1 39. Rf4 Rc1 40. Kg2 Rxc5 41. Ne2 a5 42. Ng3 Kf8 43. Kf1 Rc3 44. Kg2 Rc2+ 45. Kf1 c5 46. Ra4 Nc6 47. Nf5 Rh2 48. Nd6 Ke7 49. Nb7 Rc2 50. Nxa5 Nxa5 51. Rxa5 Ke6 52. Ke1 f5 53. Kd1 Rc4 54. Ra8 Re4 55. Kd2 c4 56. Ra5 Kf6 57. Ra1 Kg5 58. Rg1+ Kf4 59. Rf1+ Kg4 60. Rg1+ Kh3 61. Rf1 f4 62. Rh1+ Kg2 63. Rh4 Kg3 0-1

[Event "31st Andorra Open"] [Site "La Massana AND"] [Date "2013.07.22"] [Round "3.7"] [White "Steingrimsson, Hedinn"] [Black "Trent, Lawrence"] [Result "0-1"] [ECO "D08"] [WhiteElo "2557"] [BlackElo "2420"] [PlyCount "126"] [EventDate "2013.07.20"] [Source "lmi"] [SourceDate "2013.06.25"] 1. d4 d5 2. c4 e5 3. dxe5 d4 4. Nf3 Nc6 5. a3 Bg4 6. Qb3 Qd7 7. Qxb7 Rb8 8. Qa6 Nge7 9. Nbd2 Ng6 10. g3 d3 11. e3 Bb4 12. Bg2 Bxd2+ 13. Nxd2 Ngxe5 14. O-O Bh3 15. Bxh3 Qxh3 16. f4 O-O 17. c5 Ng4 18. Nf3 d2 19. Bxd2 Rxb2 20. Qe2 Re8 21. e4 h6 22. Rfb1 Rxe4 23. Qf1 Qxf1+ 24. Rxf1 Re2 25. h3 Nh2 26. Nxh2 Rexd2 27. Nf3 Rg2+ 28. Kh1 Rxg3 29. Rad1 Rxh3+ 30. Kg1 Rg3+ 31. Kh1 Rb3 32. Ng1 Rgd3 33. f5 Rxa3 34. f6 gxf6 35. Rxd3 Rxd3 36. Rxf6 Ne5 37. Rxh6 c6 38. Rh4 Rd1 39. Rf4 Rc1 40. Kg2 Rxc5 41. Ne2 a5 42. Ng3 Kf8 43. Kf1 Rc3 44. Kg2 Rc2+ 45. Kf1 c5 46. Ra4 Nc6 47. Nf5 Rh2 48. Nd6 Ke7 49. Nb7 Rc2 50. Nxa5 Nxa5 51. Rxa5 Ke6 52. Ke1 f5 53. Kd1 Rc4 54. Ra8 Re4 55. Kd2 c4 56. Ra5 Kf6 57. Ra1 Kg5 58. Rg1+ Kf4 59. Rf1+ Kg4 60. Rg1+ Kh3 61. Rf1 f4 62. Rh1+ Kg2 63. Rh4 Kg3 0-1

Guðmundur tapaði í lokaumferðinni - endaði í 9.-15. sæti

Guðmundur Kjartansson (2434) tapaði fyrir alþjóðlega meistarann Felix Jose Ynojosa (2405) frá Venesúela í níundu og síðustu umferð alþjóðlega mótsins í Badalona sem fram fór í gær. Guðmundur hlaut 6 vinninga og endaði í 9.-15. sæti.

Frammistaða Guðmundar samsvaraði 2459 skákstigum og hækkar hann um 4 stig fyrir hana.

Spænski alþjóðlegi meistarinn Joan Fluvia Poyatos (2491) sigraði á mótinu en hann hlaut 7,5 vinning.

Guðmundur hélt á annað alþjóðlegt skákmót á Spáni sem hófst í dag.

Alls tóku 94 skákmenn frá 21 landi þátt í efsta flokki. Meðal keppenda voru sex stórmeistarar og 22 alþjóðlegir meistarar. Guðmundur var nr. 17 í stigaröð keppenda.

Engar beinar útsendingar.

• Heimasíða mótsins
• Chess-Results 

Bræðurnir töpuðu í lokaumferðinni

Bræðurnir Bragi (2493) og Björn Þorfinnssynir (2403) töpuðu báðir í níundu og síðustu umferð alþjóðlegs móts í Riga sem lauk í dag. Bragi fyrir þýska alþjóðlega meistaranum Jonathan Carlstedt (2387) og Björn fyrir finnska FIDE-meistaranum Tommi Luukkonen (2284).

Bragi hlaut 5 vinninga og endaði í 57.-74. sæti (60. á stigum) en Björn hlaut 4,5 vinning og endaði í 75.-99. sæti (77. á stigum). 

Frammistaða Braga samsvaraði 2408 skákstigum en Björns 2239 skákstigum. Báðir lækka þeir á stigum. Bragi um 10 stig en Björn um 18 stig.

Stórmeistararnir Bartosz Socko (2646), Póllandi, sem er félagi í Víkingaklúbbnum, og Robin Van Kampen (2606), Hollandi, sem er félagi í Goðum-Mátum sigruðu á mótinu en þeir hlutu 7 vinninga.

Alls tóku 173 skákmenn frá 28 löndum þátt í efsta flokki. Þar af voru 27 stórmeistarar og jafnmargir alþjóðlegir meistarar. Bragi var nr. 24 í stigaröð keppenda en Björn var nr. 46.

• Heimasíða mótsins 
• Chess-Results
• Beinar útsendingar (ýmist kl. 8 eða kl. 14)

David Howell með yfirburði á 100. breska meistaramótinu

Stórmeistarinn David Howell (2639) sigraði með yfirburðum á 100. Breska meistaramótinu í skák sem fram fór 29. júlí - 9. ágúst í  Torquay á Englandi. Howell hlaut 9,5 vinning í 11 skákum og samsvaraði frammistaða hans 2768 skákstigum. í 2.-4. sæti með 8 vinninga urðu stórmeistararnir Gawain Jones (2643), Mark Hebden (2555) og  Stephen Gordon (2521).

Yfir 1000 keppendur tóku þátt á breska meistaramótinu í 23 flokkum. Þar af voru 13 stórmeistar. Stærstu bresku stjörnurnar Adams, McShane og Short tóku ekki þátt.

Heimasíða mótsins

Stórmót Árbæjarsafns og TR fer fram í dag

Stórmót Árbæjarsafns og Taflfélags Reykjavíkur fer fram í níunda sinn sunnudaginn 11. ágúst. Teflt verður í Árbæjarsafni og hefst taflið kl. 14. Tefldar verða sjö umferðir með umhugsunartímanum 7 mín. á skák.

Breyting verður gerð á lifandi taflinu sem verið hefur árviss atburður á Stórmóti Árbæjarsafns og T.R.  Notast verður nú við taflmennina af útitafli Reykjavíkur í stað "lifandi taflmanna".  Hefst sú skák klukkan 13.

Veitt verða verðlaun fyrir þrjú efstu sætin í Stórmótinu, 12.000 kr., 8.000 kr. og 5.000 kr.

Þátttökugjöld í Stórmótinu eru kr. 1.000 fyrir 18 ára og eldri, en ókeypis fyrir yngri en 18 ára, eldri borgara (67) og öryrkja.  Þátttökugjöld eru jafnframt aðgangseyrir að safninu en þeir sem þegar hafa aðgang, t.d. með menningarkorti, þurfa ekki að borga þátttökugjald.

Frekari upplýsingar veitir Torfi Leósson, netfang: ([e-mail]) eða í síma 697-3974.  

Mótið er jafnan upphafsviðburður skákársins, og við vonumst til að sjá sem flesta á þessu skemmtilega móti.

Borgarskákmótið fer fram á þriðjudag

Borgarskákmótið fer fram þriðjudaginn 13. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram hér á Skák.is

Einnig er hægt að skrá sig í í síma 866 0116 Vigfús og 899 9268 (Björn). Tefldar verða 7 umferðir með 7 mínútna umhugsunartíma. Þetta er í 27. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Sigurbjörn Björnsson sem tefldi fyrir Verkís.

Borgarstjórinn í Reykjavík, Jón Gnarr, setur mótið og leikur fyrsta leik þess.

Verðlaun:

1. 15.000 kr.
2. 10.000 kr.
3. 5.000 kr.