Skák.is

Færsluflokkur: Spil og leikir

5.9.2013 | 07:00

Undanúrslit Hraðskákkeppni taflfélaga fara fram í kvöld

Undanúrslit Hraðskákkeppni taflfélaga fara fram í kvöld. Þar mætast annars vegar Skákfélag Akureyrar og Víkingaklúbburinn og hins vegar Taflfélag Bolungarvíkur og Goðinn-Mátar. Viðureignirnar fara fram í húsnæði SÍ, Faxafeni 12 og hefjast kl. 20.

Spennan er mikil fyrir viðureign Bola og Goð/Máta og úrslitin talinn ráðist á lokametrunum. Bæði liðin hafa tvo stórmeistara í sínum röðum. Fyrir Bolvíkinga tefla "gömlu" stórmeistararnir Jóhann Hjartarson, sem nýlega sigraði á afar sterku minningarmóti Guðmundar Arnlaugssonar og Jón L. Árnason. Með Goð/Mátum tefla "ungu" stórmeistararnir Helgi Áss Grétarsson og Þröstur Þórhallsson.

Í liði Víkara eru auk þess alþjóðlegu meistararnir Bragi Þorfinnsson og Jón Viktor Gunnarsson. Bolar eru sterkari á efri borðunum en Goð/Mátar hafa þéttari sveit. Skákspekingar meta líkurnar u.þ.b. 50-50 á milli þessu sterku klúbba.

Víkingaklúbburinn er að skákspekingum talinn eiga sigurinn vísan gegn Skákfélagi Akureyrar. Klúbburinn er núverandi Íslandsmeistari og hraðskákmeistari taflfélaga. Auk þess eru forföll í liði Akureyringa þar sem einn sterkasti hraðskákmeistari þeirra og landsins mun vera önnum kafinn við lögmannstörf og formaðurinn, Áskell Örn Kárason, verður staddur erlendis en hann er meðal þátttakenda á NM öldunga.

Í liði Víkingaklúbbsins eru meðal annars stórmeistarinn Hannes Hlífar Stefánsson, tólffaldur Íslandsmeistari í skák og Stefán Kristjánsson og alþjóðlegi meistarinn Björn Þorfinnsson. Akureyringar eru þó í góðri æfingu því fjórir liðsmanna þeirra, Stefán Bergsson, Mikael Jóhann Karlsson, Loftur Baldvinsson og Óskar Long Einarsson eru allir meðal keppenda á Meistaramóti Hellis.

Skákspekingar telja stórsigur Víkingaklúbbsins vísan.

Áhorfendur eru velkomnir í Faxafenið í kvöld til að horfa á spennandi skákir.

Spil og leikir | Breytt s.d. kl. 07:58 | Slóð | Facebook | Athugasemdir (0)

5.9.2013 | 00:06

Oliver Aron efstur fyrir lokaumferð Meistaramóts Hellis

Oliver Aron Jóhannesson (2008) er efstur með 5 vinninga að lokinni sjöttu umferð Meistaramóts Hellis sem fram fór í kvöld. Oliver gerði í kvöld jafntefli Sverri Örn Björnsson (2100). Spennan er mikil á mótinu en fjórir keppendur koma humátt á eftir Oliver með 4,5 vinning en það eru Mikael Jóhann Karlsson (2068), Kjartan Maack (2128), Sverri Örn Björnsson (2100) og Jón Árni Halldórsson (2213). Það er því mikil barátta framundan nk. mánudagskvöld þegar lokaumferðin fer fram.

Óvænt úrslit urðu í umferðinni. Atli Jóhann Leósson (1717) vann í kvöld alþjóðlega meistarann Sævar Bjarnason (2116), Hörður Jónasson (1300) sigraði Óskar Long Einarsson (1531) og Björn Hólm Birkisson hafði betur gegn Andra Stein Hilmarssyni (1657). Úrslit umferðarinnar má finna hér.

Stöðu mótsins má finna hér.

Í lokaumferðinni mætast meðal annars: Jón Árni (4,5) - Oliver Aron (5), Kjartan (4,5) - Sverrir Örn (4,5) og Vignir Vatnar (4) - Mikael Jóhann (4,5).

Pörn lokaumferðiarinnar má finna í heild sinni hér.

Skákir sjöttu umferðar fylgja með sem viðhengi.

Veljið skák (17 alls):

Spil og leikir | Breytt s.d. kl. 00:09 | Slóð | Facebook | Athugasemdir (0)

4.9.2013 | 17:13

EM-keppandinn: Óskar Víkingur Davíðsson

Átta fulltrúar frá Íslandi taka þátt í EM ungmenna sem fram fer í Budva í Svartfjalllandi dagana 28. september - 9. október. Fulltrúarnir átta standa þessa dagana í fjáröflun fyrir keppnina en stærsti kostnaðurinn lendir á þeim sjálfum. Keppendurnir eru kynntir þessa dagana hér á Skák.is

Óskar Víkingur Davíðsson er kynntur nú til leiks, yngstur íslensku keppendanna eða aðeins átta ára. Það verður án efa gaman að fylgjast með þessum heilsteypta skákmanni tefla við jafnaldra sinna í yngsta flokknum á EM.

Nafn

Óskar Víkingur Davíðsson

Fæðingardagur

8. apríl 2005

Félag

Hellir

Hefurðu teflt áður á EM/HM ungmenna?

Hef ekki áður teflt fyrir Íslands hönd.

Helstu skákafrek

Óskar Víkingur lærði mannganginn 4 ára og hefur þegar keppt yfir 60 kappskákir þrátt fyrir ungan aldur, og sigraði b-flokk Skákþings Garðabæjar með fullu húsi árið 2012. Hann var jafnframt yngsti keppandi Reykjavíkurskákmótsins frá upphafi þegar hann tók þátt nú fyrr á árinu.

Skemmtilegasta skákferðin

Ferðin núna er mín fyrsta skákferð!

Eftirminnilegasta skákin

Minnisstæðasta skákin mín er nú örugglega bara fyrsta kappskákin mín, sem ég tefldi þegar ég var 6 ára og keppti með Helli á Íslandsmóti skákfélaga sem var á Selfossi. Ég var smá stressaður, en ég var með hvítt og tefldi nú ekkert rosalega vel. Skákinni lauk eftir 29 leiki, en þá náði ég að grísa á mát. Við tefldum hvorugur neitt svakalega vel, en mér fannst mjög gaman að vinna fyrstu skákina mína.

Skákin fylgir með sem PGN-viðhengi.

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

Spil og leikir | Slóð | Facebook | Athugasemdir (0)

4.9.2013 | 13:02

Víkingaklúbburinn lagði Skákfélag Íslands í átta liða úrslitum

Víkingaklúbburinn og Skákfélag Íslands mættust í 8-liða úrslitum Hraðskákmóts taflfélaga þriðjudaginn 3. september í húsnæði Skáksambands Íslands. Viðureignin var heimaleikur Skákfélagsins. Viðureignin endaði með nokkrum öruggum sigri Víkingaklúbbsins, en lokastaðan varð 52 vinningar gegn 22 vinningum Skákfélagsins.

Viðureignirnar fóru eftirfarandi: 0.5-5.5, 1-5, 1.5-4.5, 2-4, 2-4, 1.5-4.5, 2.5-3.5, 3-3, 1.5-4.5, 2-4, 1-5.

Besti árangur Víkingaklúbbsins:

Gunnar Fr. Rúnarsson 10.5. v af 12
Hannes H. Stefánsson 10. v. af 10
Magnús Örn Úlfarsson 9. v af 12
Stefán Sigurjónsson 8 v. af 12
Lárus Knútsson 7.5 v. af 11

Besti árangur Skákfélags-manna:

Rúnar Berg 5. v af 10
Örn Leó Jóhannsson 4.5 af 9

Víkingaklúbburinn mætir Skákfélagi Akureyrar í undanúrslitum. Viðureignin fer fram í Skákskólasalnum á morgun, fimmtudag, kl. 20. Þá og þar fer einnig fram viðureign Taflfélags Bolungarvíkur og Goðans-Máta.

Það verður því glimrandi fjör í SÍ á morgun kl. 20 og ljóst að margir af okkar sterkustu skákmenn sitja þar að tafli. Úrslitin fara svo fram sunnudaginn 8. september kl. 14.

Spil og leikir | Slóð | Facebook | Athugasemdir (0)

4.9.2013 | 11:05

Æsir í Ásgarði - Stefán Þormar vann með glæsibrag

Góð þátttaka var í fyrsta skákmótinu á nýju keppnistímabili 2013-14. Vikuleg mót eldri borgara 60 ár+ er þar háð alla þriðjudaga fram á vor - 10 umferðir með 10 mín. umhugsunartíma á skákina. Mótin hefjast kl. 13 í Stangarhyl og margir eldri skákmenn sækja bæði mótin þar og í Riddaranum daginn eftir til að sjást og kljást á hvítum reitum og svörtum undir fororðinu heilabrot eru heilsubót.

Úrslit dagsins voru á þá leið að Stefán Þormar Guðmundsson fór létt með andstæðinga sína og vann mótið glæsilega með 9 vinningum af 10, leyfði aðeins 2 jafntefli. Athygli vakti frammistaða Magnúsar V. Péturssonar, hins áttræða öldungs, en hann mátaði Össur Kristinsson og Einar Ess með miklum glæsibrag og tilþrifum í anda Paul Morphys, eins mesta skáksnillings sem uppi hefur verið og fyrsta undrabarnsins í sögu taflsins. (1837-1884).

Nánari úrslit má sjá á meðf. mótstöflu og vettvangsmyndir í myndasafni.

Þeir sem áhuga hafa á úrslitum móta undanfarinna vikna í Riddaranum, KáErr ofl geta slegið upp á þeim á meðf. slóð á vegum Gallerý Skákar: https://www.facebook.com/groups/102908303202204/ eða sent aðstandendum síðunnar vinabeiðni.

Spil og leikir | Breytt s.d. kl. 11:13 | Slóð | Facebook | Athugasemdir (0)

3.9.2013 | 23:55

Oliver Aron efstur á Meistaramóti Hellis

Oliver Aron Jóhannesson (2008) er efstur með 4,5 vinning að lokinni fimmtu umferð Meistaramóts Hellis sem fram fór í kvöld. Oliver vann Mikael Jóhann Karlsson (2068) í umferð kvöldins. Kjartan Maack (2128), sem vann Sævar Bjarnason (2116) og Sverrir Örn Björnsson (2100) sem hafði betur gegn Stefáni Bergssyni (2131), koma næstir með 4 vinninga. Sex skákmenn koma svo í humátt eftir með 3,5 vinning þannig að búast má við afar harðri baráttu í lokumferðunum tveimur.

Lítið var um óvænt úrslit í kvöld en úrslit kvöldsins má finna hér.

Stöðu mótsins má finna hér.

Sjötta og næstsíðasta umferð fer fram á morgun og hefjast kl. 19:30. Þá mætast meðal annars Oliver (4,5) - Sverrir Örn (4), Stefán (3,5) - Kjartan (4), Jón Árni (3,5) - Vigfús (3,5), Loftur (3,5) - Mikael (3,5) og Birkir Karl (3,5) - Vignir Vatnar (3). Pörun sjöttu umferðar má finna í heild sinni hér.

Paul Frigge sér um innslátt skáka. Skákir fimmtu umferðar eru væntanlegar í fyrramálið.

Veljið skák (17 alls):

Spil og leikir | Breytt 4.9.2013 kl. 09:58 | Slóð | Facebook | Athugasemdir (0)

3.9.2013 | 23:39

Ný íslensk skákstig

Ný íslensk skákstig komu út 1. september sl. Jóhann Hjartarson (2618) er stigahæstur allra, Jason Andri Gíslason (1156) er eini nýliðinn og Vignir Vatnar Stefánsson (103) hækkaði mest allra frá júní-listanum.

Topp 20

No.	Name	RtgC	Diff
1	Jóhann Hjartarson	2618	0
2	Hannes H Stefánsson	2592	4
3	Margeir Pétursson	2589	0
4	Héðinn Steingrímsson	2545	-6
5	Helgi Ólafsson	2539	0
6	Jón Loftur Árnason	2515	0
7	Henrik Danielsen	2515	-4
8	Helgi Áss Grétarsson	2497	0
9	Stefán Kristjánsson	2484	-4
10	Hjörvar Steinn Grétarsson	2481	7
11	Friðrik Ólafsson	2474	0
12	Karl Þorsteins	2466	0
13	Bragi Þorfinnsson	2456	-11
14	Guðmundur Sigurjónsson	2445	0
15	Þröstur Þórhallsson	2445	0
16	Jón Viktor Gunnarsson	2412	0
17	Arnar Gunnarsson	2405	0
18	Dagur Arngrímsson	2394	0
19	Björn Þorfinnsson	2392	39
20	Sigurbjörn Björnsson	2382	-4

Nýliðar

Jason Andri Gíslason

1156

Mestu hækkanir

No.	Name	RtgC	Diff
1	Vignir Vatnar Stefánsson	1769	103
2	Baldur Teodor Petersson	1438	96
3	Hilmir Freyr Heimisson	1691	79
4	Símon Þórhallsson	1595	78
5	Felix Steinþórsson	1510	75
6	Loftur Baldvinsson	1772	66
7	Þorsteinn Magnússon	1123	63
8	Þór Hjaltalín	1429	47
9	Björn Hólm Birkisson	1231	45
10	Gauti Páll Jónsson	1546	41

Stigahæstu ungmenni landsins

No.	Name	RtgC	Diff	Cat
1	Hjörvar Steinn Grétarsson	2481	7	U20
2	Dagur Ragnarsson	2085	0	U16
3	Mikael Jóhann Karlsson	2078	0	U18
4	Nökkvi Sverrisson	2061	25	U20
5	Patrekur Maron Magnússon	2032	0	U20
6	Oliver Aron Jóhannesson	2013	22	U16
7	Örn Leó Jóhannsson	2005	0	U20
8	Jóhanna Björg Jóhannsdóttir	1952	31	U20
9	Jón Trausti Harðarson	1951	-42	U16
10	Páll Andrason	1899	0	U20

Stigahæstu skákkonur landsins

No.	Name	RtgC	Diff	Cat
1	Lenka Ptácníková	2216	-9	-
2	Guðlaug U Þorsteinsdóttir	2024	0	-
3	Jóhanna Björg Jóhannsdóttir	1952	31	U20
4	Hallgerður H Þorsteinsdóttir	1920	-76	-
5	Tinna Kristín Finnbogadóttir	1876	-45	-
6	Guðfríður L Grétarsdóttir	1817	0	-
7	Harpa Ingólfsdóttir	1805	0	-
8	Elsa María Krístinardóttir	1772	-4	-
9	Sigríður Björg Helgadóttir	1723	-62	-
10	Geirþrúður Anna Guðmundsdóttir	1685	0	U20

Aðeins eitt mótið var reiknað á tímabilinu en það var sjálft Íslandsmótið í skák.

Íslensk skákstig

Spil og leikir | Breytt 4.9.2013 kl. 16:02 | Slóð | Facebook | Athugasemdir (0)

3.9.2013 | 22:23

Nýtt fréttabréf SÍ er komið út

Nýtt fréttabréf Skáksambands Íslands kom út í gær en bréfið kemur út tvisvar sinnum á mánuði yfir vetrarmánuðina.

Hægt er að skrá sig fyrir fréttabréfinu hér á Skák.is (ofarlega til vinstri).

Meðal efnis er:

EM-landsliðin valin
Fischer-setur á Íslandi
Jóhann sigraði á minningarmóti Guðmundar - keppendur allt frá átta ára til áttræðs
Undirbúningur fyrir EM ungmenna á fullu
Mögnuð Menningarnótt
Friðrik teflir á NM öldunga
Tap gegn Færeyjum í landskeppni
Niðurtalning N1 Reykjavíkurmótsins 2014
Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Spil og leikir | Slóð | Facebook | Athugasemdir (0)

3.9.2013 | 19:58

Glæsileg afmælishátíð í Vin mánudaginn 9. september

Vinaskákfélagið 10 ára.
Klukkufjöltefli Jóhanns Hjartarsonar.
Bónus-Afmælismót Vinaskákfélagsins með glæsilegum vinningum.

Afmælishátíð Vinaskákfélagsins verður haldin í Vin, Hverfisgötu 47, mánudaginn 9. september milli kl. 13 og 16. Góðir gestir koma í heimsókn, boðið verður upp á gómsætar veitingar og slegið upp hraðskákmóti með glæsilegum verðlaunum frá Bónus og fleiri velunnurum. Allir eru hjartanlega velkomnir í afmælisveisluna.

Vinaskákfélagið var stofnað sumarið 2003 af liðsmönnum Hróksins og hefur skákstarfiðí Vin síðan blómstrað og vakið mikla athygli. Æfingar eru á mánudögum en teflt er í Vin flesta daga. Vinaskákfélagið teflir fram sveitum á Íslandsmóti skákfélaga og tekur virkan þátt í skáklífinu á Íslandi.

Fjölmargir einstaklingar hafa í gegnum árin tekið þátt í starfi Vinaskákfélagsins og í umsögn starfsmanna Vinjar segir meðal annars:

,,Það má fullyrða að stofnun Vinaskákfélagsins hafi verið hvalreki fyrir starfsemina í Vin, athvarfi fólks með geðraskanir. Ugglaust hefur samstarfið stuðlað að því að rjúfa einangrun margra einstaklinga, sem ella hefðu sokkið dýpra og átt erfiðra með að tileinka sér eðlileg mannleg samskipti, ef ekki hefði komið til hin öfluga starfsemi skákfélagsins og tenging þess við starfsemina í Vin.“

Hátíðin á mánudag hefst klukkan 13 klukkufjöltefli Jóhanns Hjartarsonar, stigahæsta skákmanns Íslands, við fimm liðsmenn Vinafélagsins. Þá mun hinn ástsæli tónlistarmaður Bjartmar Guðlaugsson slá á létta gítarstrengi, einsog honum einum er lagið.

Kl. 14 hefst Bónus-afmælismótið, með veglegum vinningum. 1. verðlaun eru 15.000 króna inneignarkort í Bónus, 2. verðlaun 10.000 og 3. verðlaun 5.000, auk þess sem veitt verða ýmis aukaverðlaun. Þátttökugjöld eru 1000 krónur, en ókeypis fyrir félagsmenn í Vinaskákfélaginu. Keppendur eru hvattir til að skrá sig sem fyrst hjá Róbert í chesslion@hotmail.com eða Hrafni í hrafnjokuls@hotmail.com.

Heiðursgestir á afmælishátíðinni verða Kristján Þór Júlíusson heilbrigðisráðherra og Björk Vilhelmsdóttir borgarfulltrúi

Stjórn Vinaskákfélagsins er skipuð Róbert Lagerman, sem er forseti félagsins, og þeim Hrafni Jökulssyni og Jóni Birgi Einarssyni. Þeir munu kynna vetrarstarf félagsins, og þá fjölmörgu bakhjarla sem munu leggja Vinaskákfélaginu lið með einum eða öðrum hætti.

Facebook-síða Vinaskákfélagsins

Spil og leikir | Slóð | Facebook | Athugasemdir (0)

3.9.2013 | 16:56

EM-keppandinn: Vignir Vatnar Stefánsson

Að þessu sinni er það Vignir Vatnar Stefánsson sem teflir í flokki 10 ára og yngri og náði eftirtektarverðum árangri á HM ungmenna í fyrra.

Nafn

Vignir Vatnar Stefánsson

Fæðingardagur

7. febrúar 2003

Félag

Hefurðu teflt áður á EM/HM ungmenna?

EM ungmenna 2011 og EM og HM ungmenna 2012.

Helstu skákafrek

Íslandsmeistari barna 2012

Norðurlandameistari 10 ára og yngri 2012

Reykjavíkurmeistari unglinga (16 eða 14 ára og yngri)

Í 1.-3. sæti á alþjóðlegu skákmóti á Italíu árið 2012

Góð frammistaða á HM áhugamanna í Rúmeníu í vor (27. sæti)

Skemmtilegasta skákferðin

Það var til Ítalíu í fyrra. Gekk vel – sundlaug og strönd. Björn Þorfinnsson á staðnum. Hann er alltaf svo kátur!

Eftirminnilegasta skákin

Átti mjög skemmtilega skák á mótinu í Ítalíu sem fylgir með sem PGN-viðhengi skýrð af Birni.

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

[Event "Salento Open B"] [Site "?"] [Date "2012.05.24"] [Round "6"] [White "Savino, D."] [Black "Stefansson, Vignir Vatnar"] [Result "0-1"] [ECO "A05"] [WhiteElo "1970"] [BlackElo "1572"] [Annotator ",Starfsmenn"] [PlyCount "114"] [EventDate "2012.02.15"] [Source "Mark Crowther"] [SourceDate "2011.03.14"] {Thessi skák var gegn einum stigahæsta manni B-flokksins og var thessi sigur lykillinn að góðu gengi Vignis í mótinu.} 1. b4 {"Strákurinn á ekki eftir að vita sitt rjúkandi ráð gegn thessu apakattaafbrigði" hefur Ítalinn sennilega hugsað.} d6 2. Bb2 Nf6 3. Nf3 g6 4. g3 Bg7 5. Bg2 O-O 6. O-O c6 7. c4 Nbd7 8. d3 Qc7 9. Nbd2 Rb8 10. Rc1 b6 11. Rc2 Bb7 12. Qa1 c5 {"Sjitt, pjakkurinn er vél" hefur Ítalinn væntanlega hugsað núna. Svartur hefur teflt eðlilega og klárað liðskipan sína, eitthvað sem er aðalsmerki Vignis. Staðan er í jafnvægi. } 13. a3 Rfc8 14. Bh3 Re8 15. d4 e5 16. dxc5 bxc5 17. e3 Ne4 18. Bg2 f5 $6 { Kannski full hraustlegt en ekki slæmt. Betra var samt að tefla pósann - skipta upp á d2 og leika svo Rb6 og pressa á c4-veikleikann.} 19. b5 Ndf6 20. a4 a5 $6 {Lærdómsrík mistök. Maður verður að meta hvenær er gott að bregðast við framrásum andstæðingsins og hér var thað ótharfi. Framrásin á drottningarvængnum tekur mikinn tíma og óvíst hvort að hún skili nokkrum árangri og thví var betra að einbeita sér að eigin aðgerðum. T.d. 20. - g5 ef maður er kreisí eða 20.- Hbd8 ef maður er solid. Að auki er a5-peðið orðið veikleiki sem hvítur getur herjað á.} 21. Nxe4 Nxe4 22. Rd1 g5 $5 {Vignir er kreeeeisí!} 23. Nd2 Nf6 $1 24. Bxb7 Qxb7 25. Nb3 Qb6 26. Rcd2 Ne4 27. Rd5 { Strangt tiltekið er svartur með talsvert verra tafl en Vignir sér að hvítur reitirnir á kóngsvæng eru veikir og nýtir sér thað út í ystu æsar!} g4 $1 28. R1d3 Bf8 {Verja "beisið" svo að hægt sé að einbeita sér að sókninni!} 29. Bc3 Ra8 30. Rd1 Re6 31. Kg2 h5 {Skiljanlegur leikur en mögulega var betra að æða bara strax með hrókinn á h6 og reyna að djöflast á h-línunni.} 32. Rh1 Nf6 33. Qe1 $6 {Fullmikil bjartsýni -mun betra var að leika 33.Dd1 og hrókurinn er friðhelgur.} Nxd5 {Vigni finnst aldrei leiðinlegt að vera liði yfir! Næst hefst hann handa við að undirbúa stórsókn!} 34. cxd5 Rh6 35. Nxa5 h4 36. Rg1 Kf7 37. Qd2 Rh5 38. Rb1 hxg3 39. hxg3 Qd8 40. b6 Qg5 41. Rh1 $2 {Ítalinn bugast undir pressu og leikur skákinni af sér.} Rxh1 42. Kxh1 Qh5+ 43. Kg1 Be7 $2 {Annað lærdómsríkt móment. Vignir vissi vel að hann var "með'ann" og lék thví fullhratt. Ítalinn átti núna sjéns á reddingu.} (43... Bg7 $1 {tryggir svörtum unnið tafl}) 44. Kf1 $2 {Ef að hvítur hefði fundið Bxe5 væri hann sennilega með fleiri skákstig!} (44. Bxe5 dxe5 45. d6 Ke6 46. dxe7 Rh8 47. e8=Q+ Qxe8 {og thessi klikkaða staða er í dýnamísku jafnvægi!}) 44... Qh1+ 45. Ke2 Qf3+ 46. Ke1 Rh8 47. Qe2 Rh1+ 48. Kd2 Qxd5+ 49. Kc2 Qa2+ 50. Bb2 Qxa4+ 51. Nb3 Qe4+ 52. Kc3 Qb4+ 53. Kc2 c4 54. Nd2 Qa4+ 55. Kc3 d5 56. Nxc4 Bb4+ 57. Kd3 dxc4+ {Vignir kórónaði svo frábæra frammistöðu sína með thví að tryggja sér deilt fyrsta sæti í mótinu fyrir ofan mun stigahærri menn. Hann var sultuslakur í lokaumferðunum thrátt fyrir bullandi toppbaráttu sem sýnir hvað reynsla, ekki síst reynsla erlendis, skiptir miklu máli. Vignir var að tefla við fullorðna menn á bilinu 1900-2000 nánast allt mótið og slíkir andstæðingar eru thví miður af skornum skammti heima á Íslandi. Að lokum var thað sannur heiður að fá að fylgjast með thessum ungu mannverufræðingum, Vigni og Hilmi Frey, að leik og starfi úti á Ítalíu. Thetta eru toppeintök sem gaman verður að fylgjast með í framtíðinni!} 0-1

Spil og leikir | Breytt s.d. kl. 16:57 | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Færsluflokkur: Spil og leikir

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: