Úlfhéðinn efstur á Meistaramóti SSON

Úlfhéðinn Sigurmundsson, Björgvin S. Guðmundsson og Grantas standa best að vígi á Meistaramóti SSON þegar fjórum umferðum af sjö er lokið. Úlfhéðinn og Björgvin eru hálfan vinning niður og Grantas einn vinning niður.

Úlfhéðinn 3,5 v. af 4
Grantas 3 v. af 4
Björgvin 2,5 v. af 3
Magnús 1 v. af 3
Erlingur Atli 1 v. af 3
Þorvaldur 1 v. af 4
Ingimundur 0 v. af 3.  

Mótinu verður framhaldið á miðvikudag en þá verða tefldar 5. og 6. umferð.

Í 5. umferð mætast: Úlfhéðinn og Björgvin, Magnús og Ingimundur, Erlingur og Grantas.  6. umferð: Ingimundur-Erlingur Atli, Björgvin-Magnús, Þorvaldur- Úlfhéðinn.

Gylfi og Vigfús sigruðu á Hraðkvöldi

Gylfi Þórhallsson og Vigfús Ó. Vigfússon urðu efstir og jafnir með 6,5v í sjö skákum á hraðkvöldi Hellis sem haldið var 23. september. Þeir gerðu jafntefli í innbyrðis viðureign og unnu aðra andstæðinga. Þeir voru því einnig jafnir að stigum og þurfti að grípa til hlutkestis til að skera úr um sigurvegara. Þá hafði Gylfi betur með því að velja fiskinn. Jöfn í 3. og 4. sæti voru Vignir Vatnar Stefánsson og Elsa María Kristínardóttir með 4v. Í lokin dró svo Gylfi Gunnar Nikulásson í happdrættinu og fengu þeir báðir gjafamiða á Saffran.

Næsta skákkvöld í Hellisheimilinu verður mánudaginn 7. okóber kl. 20. Þá verður atkvöld.

Lokastaðan á hraðkvöldinu:

1.   Gylfi Þórhallsson                 6,5v/7

2.   Vigfús Ó. Vigfússon             6,5v

3.   Vignir Vatnar Stefánsson    4v

4.   Elsa María Kristínardóttir     4v

5.   Jón Úlfljótsson                     3,5v

6.    Gunnar Nikulásson             2,5v

7.    Pétur Jóhannesson             0,5v

8.    Björgvin Kristbergsson        0,5v

Jón Viktor og Einar Hjalti efstir á Gagnaveitumótinu

Alþjóðlegi meistarinn Jón Viktor Gunnarsson (2409) og Einar Hjalti Jensson (2305) eru efstir með fullt hús að lokinni fjórðu umferð Gagnaveitumótsins - Skákþings Reykjavíkur sem fram fór í gærkveldi. Jón Viktor vann Oliver Aron Jóhannesson (2007) en Einar Hjalti hafði betur gegn Degi Ragnarssyni (2040). Stefán Kristjánsson (2491) er þriðji með 3,5 vinning en hann gerði jafntefli við Gylfa Þórhallsson (2154).

Stefán Bergsson (2131) er svo fjórði með 2,5 vinning eftir sigur á Kjartani Maack (2128). Sverir Örn Björnsson vann Jóhann H. Ragnarsson (2136) vann svo Jóhann H. Ragnarsson (2037)

Í fimmtu umferð, sem fram fer á sunnudag, mætast meðal annars Stefán Kristjánsson og Einar Hjalti.

B-flokkur:

Ingi Tandri Traustason (1817), Jón Trausti Harðarson (1930) og Hallgerður Helga Þorsteinsdóttir (29149) með með 3,5 vinning.

C-flokkur:

Kristófer Ómarsson (1598) og Elsa María Kristínardóttir eru efst með 3 vinninga.

D-flokkur:

Hilmir Hrafnsson (1351) er efstur með 3,5 vinning.

• Heimasíða TR
• Chess-Results 
• Myndaalbúm (GB)

EM-keppandinn: Hilmir Freyr Heimisson

Átta fulltrúar frá Íslandi taka þátt í EM ungmenna sem fram fer í Budva í Svartfjalllandi dagana 28. september - 9. október. . Keppendurnir eru kynntir þessa dagana hér á Skák.is

Að þessu er það Hilmir Freyr Heimisson, sem teflir í flokki 12 ára og yngri, og náði nýlega eftirtektarverðum árangri á Politiken Cup.

Nafn

Hilmir Freyr Heimisson.

Fæðingardagur

4. ágúst 2001.

Félag

Taflfélagið Hellir

Hefurðu teflt áður á EM/HM ungmenna?

Já á Prag í Tékklandi árið 2012.

Helstu skákafrek

Íslandsmeistari í skólaskák 2013,

Stigaverðlaun á Politiken Cup 1501-1700 stig 2013

Barnablitzmeistari á Reykjavík Open 2012

Unglingameistari Hellis 2012

Afmælismót aldarinnar  5.- 6. Bekkur 1. sæti 2012

Unglingameistari TR 2011, MS jólaskákmótsmeistari 2011

Skákakademía Kópavogs 1.sæti 2011, 2012, 2013

Skákþing Garðabæjar B-flokkur 1.sæti 2011

Og fleira...

Skemmtilegasta skákferðin

Ferð á Politiken Cup sem ég fór á núna í júlí 2013 með mömmu og Henrik í Helsingør.

Eftirminnilegasta skákin

Á móti Hans Richard Thjomoe á Reykjavíkurskákmótinu 2012 Skákina má finna hér og svo fylgir hún með sem viðhengi.

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

[Event "Reykjavik Open"] [Site "Reykjavik ISL"] [Date "2012.03.12"] [EventDate "2012.03.06"] [Round "8.84"] [Result "0-1"] [White "Hans Richard Thjomoe"] [Black "Hilmir Freyr Heimisson"] [ECO "B23"] [WhiteElo "1926"] [BlackElo "1602"] [PlyCount "52"] 1. e4 c5 2. Nc3 Nc6 3. f4 g6 4. Nf3 Bg7 5. Bb5 Nd4 6. O-O a6 7. Be2 e6 8. Nb1 b5 9. d3 Bb7 10. c3 Nc6 11. Qe1 Nge7 12. Be3 d6 13. Nbd2 Rc8 14. Rc1 Ba8 15. Ng5 Qd7 16. f5 gxf5 17. exf5 exf5 18. Bh5 Nd8 19. Qg3 Rg8 20. Rce1 h6 21. Nxf7 Nxf7 22. Bxh6 Kf8 23. Bg5 Nxg5 24. Rxe7 Qxe7 25. Rxf5+ Bf6 26. Qf2 Nh3+ 0-1

Gagnaveitumótið - fjórða umferð hefst kl. 19:30

Fjórða umferð Gagnaveitumótsins - Haustmóts TR hefst í kvöld kl. 19:30. Þá mætast:

• Gylfi - Stefán K.
• Oliver Aron - Jón Viktor
• Einar Hjalti - Dagur
• Kjartan - Stefán B.
• Jóhann H. - Sverrir Örn 

Stefán, Jón Viktor og Einar Hjalti eru efstir með fullt hús.

Beinar útsending úr 4. umferð

Heimasíða mótsins

Umsóknarfrestur um styrki rennur út um mánaðarmótin

Stjórn Skáksambands Íslands veitir styrki til einstaklinga þrisvar sinnum á ári. Úthlunarreglur má finna hér.

Næstu styrkir verði afgreiddir 10. október en umsóknarfrestur rennur út 30. september nk.

Viðmið við styrkúthlutanir

1.     Allir styrkþegar SÍ (ungir, alþjóðlegir og aðrir) þurfa að uppfylla eftirfarandi þrjú skilyrði:

• Hafa teflt 60 kappskákir á síðustu 24 mánuðum.
• Hafa sýnt umtalsverðar framfarir á sl. 12 mánuðum, sem sjáist m.a. á árangri á skákmótum ársins, hækkun skákstiga og reglulegri þjálfun.
• Hafa sýnt virkni í skákmótum innanlands.

2.     Ungir skákmenn (25 ára og yngri) hafa forgang þegar kemur að úthlutun ferðastyrkja. Eftirfarandi börn og unglingar njóta sérstaks forgangs:

• Undir 12 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 12-16 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 16-20 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 20-25 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)

3.     Alþjóðlegir meistarar geta fengið ferðastyrki frá SÍ óháð aldri.

4.     Þeir sem þiggja stórmeistaralaun geta ekki fengið almenna ferðastyrki frá SÍ.

5.     Aðrir skákmenn geta fengið ferðastyrki ef þeir ná árangri sem samsvarar 2350 stigum eða meira ("performance") í móti sem styrkur er sóttur um. Ákvörðun um styrkveitingu er tekin eftir mót.

Guðfinnur efstur í Ásgarði í gær

Æsir skákfélag eldri hélt hið vikulega þriðjudagsmót að Ásgarði Stangarhyl 4 í gær. Ágæt mæting var en alls mættu 22 keppendur til leiks. Nú var það hinn glaðbeitti keppnismaður Guðfinnur R Kjartansson sem bar sigur úr býtum með 8 vinninga en á hæla hans með 7,5 vinninga kom Páll G Jónsson. Á eftir þeim í 3.-5. sæti komu svo Ari Stefánsson, Jón Víglundsson og Haraldur A Sveinbjörnsson. Dagur mikilla afreka varð ekki annara að sinni þó glæsilegar skákir hafi verið hristar fram úr erminni eins og svo oft áður.

Starfið er komið á fulla ferð og tekið er vel á móti áhugasömum skákmönnum sem vilja spreyta sig í góðum hóp.

Félagar okkar úr Hafnarfirði hafa unnið vel með okkur en hjá þeim eru vikuleg mót á miðvikudögum.

Mótstafla:

 

EM-keppandinn: Dawid Kolka

Átta fulltrúar frá Íslandi taka þátt í EM ungmenna sem fram fer í Budva í Svartfjalllandi dagana 28. september - 9. október. Fulltrúarnir átta standa þessa dagana í fjáröflun fyrir keppnina en stærsti kostnaðurinn lendir á þeim sjálfum. Keppendurnir verða kynntir til leiks næstu daga og vikur hér á Skák.is.

Að þessu er það Dawid Kolka sem hefur byrjað afar vel á Meistaramóti Hellis en hann vann Sverri Örn Björnsson í annarri umferð í gær.

Nafn

Dawid Kolka

Fæðingardagur

12. september 2000.

Félag

Taflfélagið Hellir

Hefurðu teflt áður á EM/HM ungmenna?

Hef aldrei áður teflt á EM/HM en hef teflt á NM ungmenna sem og á fyrsta borði með sveit Álfhólsskóla á NM grunnskólasveita.

Helstu skákafrek

Norðurlandameistari með skáksveit Álfhólsskóla á NM barnaskólasveita 2013. Ég er Íslandsmeistari barna 2011, skákmeistari Kópavogs 2012 og 2013 unglingameistari Hellis 2012, brons í flokki fædda 2000-2001 á NM ungmenna 2013, unnið tvisvar á íslandsmóti barnaskólasveita 2012 og 2013 með skólasveit, og lenti í 2. sæti með skólasveit á NM barnaskólasveita 2012 og skólameistari þrjú ár í röð.
Skemmtilegasta skákferðin

Skemmtilegasta skákferðin er ferðin til Tékklands í fyrra. 

Eftirminnilegasta skákin

Minnistæðasta skákin er gegn Anastasiu Nazarovu.

Viltu styrkja ungmennin sem fara á EM?

Það er hægt með því að kaupa vörur á afar hagstæðu verði á Netsöfnun.is og styrkja um leið ungmennin átta.

Það er einnig hægt að styrkja við ungmennin með framlögum með greiðslukorti; 2.000 kr., 5.000 kr. og 10.000 kr.

Skráningarfrestur í undanrásir Tölvuteks-mótsins rennur út kl. 18

Vegna fjölda áskoranna hefur verið ákveðið að koma til móts við óskir skákmanna um að fjölga sætum Íslendinga í alþjóðlega hraðskákmótinu sem fer fram í kjölfar alþjóðlega stórmeistaramóts T.R.  Sætum íslenskra skákmanna hefur því verið fjölgað úr einu upp í þrjú.

Undanrásir fara fram fimmtudaginn 26. september í Skákhöll T.R. Faxafeni 12 og hefjast stundvíslega kl. 20.00:

Mótið er níu umferðir og er öllum opið.  Pörun eftir svissneska kerfinu og gilda allar hraðskákreglur Fide.

Skráning fer fram á vef Taflfélags Reykjavíkur og lýkur miðvikudaginn 25. september kl. 18.00

Tímamörk: 3 +2 (3 mínútur fyrir alla skákina + 2 sekúndur á hvern leik)

Þátttökugjald: 1.000 kr (greiðist á skákstað)

Þrír keppendur ávinna sér þátttökurétt í aðalmótinu en lokaröð keppenda ræðst af fjölda vinninga, síðan stigum:

• Tvö efstu sætin veita þátttökurétt í aðalmótinu
• Sá keppandi sem verður efstur félagsmanna T.R. hlýtur þátttökurétt í aðalmótinu
• Ef félagsmenn T.R. verða í 1. sæti og/eða 2. sæti veitir 3. sætið þátttökurétt í aðalmótinu

Reykjavik Chess Club - Tölvutek International Blitz 2013

Þrjár af erlendu stórstjörnum stórmeistaramóts Taflfélagsins, þeir Sergey Fedorchuk (2667), Mikhaylo Oleksienko (2608) og Helgi Dam Ziska (2485), munu á miðvikudagskvöldið 9. október tefla á sex manna alþjóðlegu hraðskákmóti, þar sem allir tefla við alla í tvöfaldri umferð.  Íslenskir skákmenn keppa um þrjú laus sæti í aðalmótinu í undankeppni sem auglýst er sérstaklega.  Verðlaun í aðalmótinu verða kr. 30.000, 15.000 og 10.000 fyrir þrjú efstu sætin.

• Stórmeistaramót Taflfélags Reykjavíkur

Afrekshópur Taflfélags Reykjavíkur í keiluferð

Afrekshópur Taflfélags Reykjavíkur byrjaði vetrarstrafið með stæl síðasta laugardag, 21. september. Hópurinn hittist upp í Keiluhöll í Öskjuhlíðinni og spilaði keilu í um klukkutíma. Þátttakendur voru 16 börn og unglingar, þjálfarinn Daði Ómarsson og Sigurlaug Regína Friðþjófsdóttir, umsjónarmaður Barna-og unglingastarfs TR. Torfi Leósson þjálfari var fjarri góðu gamni vegna veikinda. 

 

Okkur þótti rétt að skipta þátttakendum að þessu sinni í hópa eftir stærð, en ekki eftir elostigum! En Gauti Páll hafði þó á orði að hann vildi fá Vigni í sinn hóp vegna elostiganna! Hópaskiptingin á brautirnar varð að lokum sem hér segir:

 

Hópur 1: "Stóru" strákarnir: Andri Már, Gauti Páll, Þorsteinn Freygarðsson og Daði.

Hópur 2: "Litlu" strákarnir: Davíð Dimitry, Mateusz Jakubek, Mykhaylo, Sævar og Vignir Vatnar.

Hópur 3: "Stelpurnar": Donika, Sagita, Veronika og Sigurlaug.

Hópur 4: "Millistóru" strákarnir: Bárður Örn, Björn Hólm, Björn Ingi, Guðmundur Agnar, Þorsteinn Magnússon.

 

Allir þátttakendur sýndu snilldartakta og hér og hvar mátti sjá allar keilurnar falla um koll við mikil fagnaðarlæti! Einhverjar kúlur þrjóskuðust við og fóru of snemma ofan í hliðarrennurnar, en þá vara bara að spýta í lófana og treysta á næstu kúlu í næstu umferð! Ekki svo ósvipað skákinni!

 

Stemningin var góð og hóparnir fylgdust einnig með hvorum öðrum og spáð var í stigin á stigatöflunum. En þegar upp var staðið voru lokastigin ekki það mikilvægasta og enginn gerði þau að umræðuefni að leikslokum!

 

Um leið og við vorum búin í keilunni voru ostborgararnir tilbúnir. Allir gerðu sér máltíðina að góðu og spjölluðu saman um heima og geima.

 

Mikil ánægja var með þennan "hausthitting" og samveru Afrekshópsins og var mikill áhugi á að endurtaka þessa skemmtun við tækifæri. Greinilegt er að hópurinn er sterkur félagslega og mun vinna vel saman fyrir hönd félagsins í þeim liðakeppnum vetrarins sem framundan eru.

• Myndir

Pistill: Sigurlaug Regína Friðþjófsdóttir