GM Hellir Íslandsmóti skákfélaga - toppslagur GM Hellis og Víkinga kl. 17

Skákfélagið GM Hellir leiðir eftir þriðju umferð Íslandsmóts skákfélaga sem fram fór í dag. Sveitin hefur 20 vinninga. GM Hellir vann b-sveit Taflfélags Reykjavíkur 7-1. Víkingaklúbburinn er í öðru sæti með 18,5 vinning eftir 8-0 sigur á Vinaskákfélaginu. Taflfélag Vestmannaeyja er í þriðja sæti með 17 vinninga eftir sigur á Bolvíkingum 4,5-3,5. Fjórða umferð hefst kl. 17. Þá verður toppslagur Víkingaklúbbsins og GM Hellis.

Unnur úrslit umferðarinnar voru að Skákfélag Akureyrar vann óvæntan 5-3 sigur á Taflfélagi Reykjavík og Skákdeild Fjölnis vann b-sveit Skákfélagsins GM Hellis með sama mun.

Staðan í efstu deild

 

Rk.	Team	TB1	TB2
1	GM Hellir - a-sveit	20	6
2	Víkingaklúbburinn a-sveit	18,5	6
3	Taflfélag Vestmannaeyja a-sveit	17	6
4	Taflfélag Reykjavíkur a-sveit	13,5	2
5	Taflfélag Bolungarvíkur a-sveit	13,5	2
6	Skákfélag Akureyrar a-sveit	12	4
7	Skákdeild Fjölnis a-sveit	10,5	2
8	Vinaskákfélagið	5,5	2
9	GM Hellir - b-sveit	5	0
10	Taflfélag Reykjavíkur b-sveit	4,5	0

 
2. deild

B-sveit Víkingaklúbbsins er efst í deildinni, Taflfélag Garðabæjar er í öðru sæti og Skákdeild Hauka er í því þriðja.

3. deild

B-sveit Skákfélags Akureyrar er efst í þriðju deild, UMSB er í öðru sæit og Briddfjelagið er í því þriðja.

4. deild

A-unglingasveit Taflfélags Reykjavíkur leiðir í 4. deild, b-sveit Skákfélags Reykjanesbæjar, Skákfélag Mosfellsbæjar og c-sveit Skákfélags Akureyrar eru í 2.-4. sæti.

• Heimasíða Íslandsmóts skákfélaga
• Chess-Results
• Myndaalbúm (HÁ)

Góðar undirtektir við F3-klúbbnum

Í gær hleypti Skáksambands Íslands að stokkunum F3-klúbbnum sem er vildarvinakerfi skákíþróttarinnar á Íslandi. Klúbburinn fékk góðar móttökur og strax á annan tug nýrra vildarvina gekk í klúbbinn á fyrsta starfsdegi hans.

Félagsgjöld eru 2.000 kr. á mánuði.

Markmið klúbbsins er að styðja við íslenskt skáklíf og efla með margvíslegum hætti, en veita félagsmönnum jafnframt ómældar gleðistundir í tengslum við þessa merku og göfugu hugaríþrótt. Strax í nóvember er stefnt að EM-kvöldi þar sem farið yfir árangur íslensku liðanna á EM landsliða sem fram fer 7.-18. nóvember í Póllandi.

Innifalið er:

• Sérstakt félagakort
• Tímaritið Skák - 100 síðna ársrit í glæsilegu broti - gefið út í mars ár hvert
• Fjöltefli og/eða fyrirlestur tengt stjörnu Reykjavíkurskákmótsins
• Fyrirlestrar og sögukvöld
• Afsláttur á skákbókum hjá Skákbókasölu Sigurbjörns
• Afsláttur á skákklukkum og taflsettum hjá Bobbý skákverslun 
• Boð í lokahóf helstu móta innanlands
• O.m.fl. 

Hægt er að skrá sig mótsstað. Skráningarfrom er væntanlegt á Skák.is. Skráningarform má nálgast beint hér. 

GM Hellir leiðir eftir tvær umferðir

Skákfélagið GM Hellir leiðir í fyrstu deild Íslandsmóts skákfélaga en 2. umferð fór fram í kvöld. Sveitin vann skáksveit Taflfélags Bolungarvíkur 5,5-2,5 og hefur 13 vinninga.

Taflfélag Vestmannaeyja, sem vann b-sveit GM Hellis er í 2. sæti með 12,5 vinning. Íslandsmeistarar Víkingaklúbbsins unnu Taflfélag Reykjavíkur 5-3 en þessar sveitir eru jafnar í 3.-4. sæti með 10,5 vinning.

Önnur úrslit kvöldsins voru þau að Skákfélag Akureyrar hafði betur gegn Fjölnismönnum 4,5-3,5 og Vinaskákfélagið byrjar veru sína í efstu deild ákaflega vel og vann b-sveit TR 5-3.

Þriðja umferð fer fram á morgun og hefst kl. 11.  Þá mætast forystusauðirnir, í GM Helli, b-sveit Taflfélags Reykjavíkur og Eyjamenn mæta Bolvíkingum. Íslandsmeistarar Víkingaklúbbsins mæta nýliðum Vinaskákfélagsins.

Staðan:

 

Rk.	Team	TB1	TB2
1	GM Hellir - a-sveit	13	4
2	Taflfélag Vestmannaeyja a-sveit	12,5	4
3	Víkingaklúbburinn a-sveit	10,5	4
4	Taflfélag Reykjavíkur a-sveit	10,5	2
5	Taflfélag Bolungarvíkur a-sveit	10	2
6	Skákfélag Akureyrar a-sveit	7	2
7	Vinaskákfélagið	5,5	2
8	Skákdeild Fjölnis a-sveit	5,5	0
9	Taflfélag Reykjavíkur b-sveit	3,5	0
10	GM Hellir - b-sveit	2	0

2. deild

B-sveit Taflfélags Vestamannaeyja leiðir eftir fyrstu umferð. B-sveit Bolvíkinga og sveit Taflfélags Garðabæjar eru í 2.-3. sæti.

3. deild

B-sveit Skákfélaga Akureyrar leiðir. D-sveit GM Hellis er í öðru sæti.

4. deild

C-sveit Skákfélags Akureyra og A-unglingasveit Taflfélags Reykjavíkur leiða.

• Heimasíða Íslandsmóts skákfélaga
• Chess-Results
• Myndaalbúm (HÁ)

F3-klúbburinn - Vildarvinir skákíþróttarinnar á Íslandi

 

F3-klúbburinn er stofnaður til heiðurs þremur snillingum skáksögunnar, Williard Fiske, Bobby Fischer og Friðriki Ólafssyni. Markmið klúbbsins er að styðja við íslenskt skáklíf og efla með margvíslegum hætti, en veita félagsmönnum jafnframt ómældar gleðistundir í tengslum við þessa merku og göfugu hugaríþrótt.

Skáksambandi Íslands væri heiður af því að þú þekktist boð um að ganga í F3-klúbbinn og njóta alls þess sem þar verður í boði. Félagsgjöld eru 2.000 kr. á mánuði.

Markmið klúbbsins er að styðja við íslenskt skáklíf og efla með margvíslegum hætti, en veita félagsmönnum jafnframt ómældar gleðistundir í tengslum við þessa merku og göfugu hugaríþrótt.

Innifalið er:

• Sérstakt félagakort
• Tímaritið Skák – 100 síðna ársrit í glæsilegu broti – gefið út í mars ár hvert
• Fjöltefli og/eða fyrirlestur tengt stjörnu Reykjavíkurskákmótsins
• Fyrirlestrar og sögukvöld
• Afsláttur á skákbókum hjá Skákbókasölu Sigurbjörns
• Afsláttur á skákklukkum og taflsettum hjá Bobbý skákverslun 
• Boð í lokahóf helstu móta innanlands
• O.m.fl. 

Skráning fer fram á Skák.is eða beint hér.

Nánari upplýsingar má finna í PDF-viðhengi.

Skrár tengdar þessari bloggfærslu:

• PDF-viðhrengi

Gallerý Fiskur með opið 12-17 á laugardag fyrir skákmenn

Veitingahúsið GALLERÝ FISKUR í Nethyl verður með opið á laugardaginn milli kl. 12-17 og býður skákmönnum upp ljúffengan sjávarréttaseðil - súpu og aðalrétt - á aðeins kr. 2800. 

Staðurinn,  sem er í stuttri fjarlægð frá Rimaskóla,  er eitt best geymda leyndarmál í veitingabransanum og rómaður fyrir sína sjávarrétti.  Bobby Fischer snæddi þar hinn víðfræga sérrétt staðarins "Lúðupiparsteik" á sínum tíma og lét afar vel af.

Liðstjórum eða öðrum sem hyggjast nýta sér þetta tilboð til að fá sér staðgóða máltíð í hléinu milli umferða í Íslandsmóti skákfélaga á laugardag er bent á að vissara er að panta borð í síma 587-2882

Þrjár sveitir efstar eftir fyrstu umferð

Fyrsta umferð fyrstu deildar Íslandsmóts skákfélaga fór fram í kvöld. Svo skemmtilega vildi til að sterkari fimm sveitirnar mættu þeim fimm lakari. Og úrslitin voru yfirleitt stór. TR og GM-Hellir unnu eigin b-sveitir 7,5-0,5 og Bolvíkingar lögðu Vinaskákfélagið með sama mun. TV vann Fjölni 6-2. Óvæntustu úrslitin verða að teljast að Íslandsmeistarar Víkingaklúbbsins unnu Skákfélaga Akureyrar "aðeins" 5,5-2,5.

Nokkuð var um óvænt úrslit. Má þar einna helst nefna Rúnar Sigurpálsson, SA, (2230) gerði sér lítið fyrir og vann landsliðsmanninn Hjörvar Stein Grétarsson (2505) og að Jón Trausti Harðarson, Fjölni, (1930) og lagði Eyjamanninn Björn Ívar Karlsson (2269) að velli. Öll einstaklingsúrslit má finna hér.

Önnur umferð fer fram á morgun. Þá byrja sterkari sveitirnar að mætast innbyrðis. Þá mætast annars vegar Víkingaklúbburinn og TR og Bolvíkingar og GM-Hellir.

Á morgun hefst jafnframt taflmennska í hinum deildunum.

Það er athyglisvert að velta fyrir sér styrkleika sveitanna. Sé miðað við meðalstig skákmannanna í kvöld er hann hér segir:

1. Víkingaklúbburinn (2483)
2. TV (2413)
3. GM Hellir-a (2343)
4. TR-a (2321)
5. TB (2260)
6. SA (2218)
7. Fjölnir (2135)
8. GM Hellir-b (2066)
9. Vinaskákfélagið (1982)
10. TR-b (1939)

Rétt er að taka fram að styrkleiki sveitanna í kvöld þarf á engan hátt að endurspegla styrkleikann um helgina.

• Heimasíða Íslandsmóts skákfélaga
• Chess-Results

Liðsstjórar spá Víkingaklúbbnum sigri

Skáklandið í DV hefur safnað saman spám liðsstjóra í efstu deild Íslandsmóts skákfélaga. Víkingaklúbbnum er spáð öruggum sigri - hlaut 98 stig af 100 mögulegum!

Liðsstjórar spá TV öðru sæti, TB því þriðja, TR fjórða og GM-Helli því fimmta en munurinn á milli þessara liða er lítill.

Sjá nánar á Skáklandinu.

Víkingum spáð sigri

Ritstjóri hefur venju samkvæmt spáð fyrir um Íslandsmót skákfélaga. Víkingaklúbbnum er spáð sigri, Taflfélag Bolungarvíkur öðru sæti og Taflfélagi Vestmannaeyja því þriðja.

Sjá nánar hér.

Fyrsta deild Íslandsmóts skákfélaga hefst í kvöld

Fyrsta deild Íslandsmót skákfélaga 2013-14 hefst í kvöld kl. 19:30 í Rimaskóla. Aðrar deildir hefjast á morgun kl. 20. Sú breyting hefur átt sér stað að 10 lið taka þátt í efstu deildinni nú.

Sett hefur verið sérstök vefsíða fyrir mótið sem finna má hér.

Yfirdómari mótsins er Omar Salama.

Í fyrstu umferð mætast:

• Víkingaklúbburinn - Skákfélag Akureyrar
• Taflfélag Reykjavíkur a-sveit - Taflfélag Reykjavíkur b-sveit
• Vinaskákfélagið - Taflfélag Bolungarvíkur
• GM Hellir a-sveit - GM Hellir b-sveit
• Taflfélag Vestmannaeyja - Skákdeild Fjölnis

Töfluröð allra deilda liggur nú fyrir.

• Töfluröð 1. deildar
• Töfluröð 2. deildar
• Töfluröð 3. deildar
• Töfluröð 4. deildar (fjöldi liða getur breyst)

Úr eldri tilkynningu:

Fyrri hluti Íslandsmóts skákfélaga 2013-2014 fer fram dagana 10.-13. október nk. Mótið fer fram í Rimaskóla í Reykjavík.  Fyrsta umferð (eingöngu í 1.deild) mun hefjast kl. 19.30 fimmtudaginn 10. október. 

Aðrar deildir munu hefja taflmennsku föstudaginn 11. október kl. 20.00 og síðan verður teflt laugardaginn 12. október kl. 11.00 og kl. 17.00 sama dag. Síðasta umferðin í fyrri hlutanum hefst kl. 11.00 sunnudaginn 13. október.

Umhugsunartími er 90 mín. á skákina + 30 sek. viðbótartími bætist við eftir hvern leik.

Stefán í stuði hjá Ásum

Enn var tekið til hendi við skákborðin að Stangarhyl 4 en þar mættu Æsir og félagar Riddarans úr Hafnafirði í drengilegri baráttu við borðin. Samstarf og samvinna beggja hópa er með miklum ágætum og báðum í hag. Það var Stefán Þormar sem fór allmikinn að þessu sinni og tefldi af leiftrandi snilld og ákveðni og gaf ekkert eftir. Ekki voru tefldar nema 9 umferðir að þessu sinni en frá þeim gekk garpurinn með 8,5 vinninga og blés vart úr nös. 

Úrslitin