Nýtt fréttabréf SÍ

Nýtt fréttabréf Skáksambands Íslands kom út í fyrradag en bréfið kemur út tvisvar sinnum á mánuði yfir vetrarmánuðina.

Hægt er að skrá sig fyrir fréttabréfinu hér.

Meðal efnis er:

• F3-klúbburinn - Vildarvinir skákarinnar - TAKTU ÞÁTT
• Hannes Hlífar í EM-liðið
• Taflfélag Vestmannaeyja efst á Íslandsmóti skákfélaga
• Íslandsmót í tveimur flokkum á Akureyri
• Úkraínskur sigur á Stórmeistaramóti TR
• Henrik í 3.-5. sæti á NM
• Vignir Vatnar í 12. sæti á EM ungmenna
• Víkingablúbburinn á EM taflfélaga
• Einar Hjalti sigurvegari Gagnaveitumótsins
• Sigurður Arnarson skákmeistari SA
• Niðurtalning N1 Reykjavíkurmótsins 2014
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Æskan og ellin fer fram í dag kl. 13

Skákmótið  "Æskan og Ellin", þar sem kynslóðirnar mætast, verður haldið í tíunda sinn laugardaginn 26.  október nk.  í Skákhöllinni í Faxafeni. 

RIDDARINN, skákklúbbur eldri borgara, Taflfélagi Reykjavíkur,  og OLÍS - Olíuverslun Íslands hafa gert með sér  3ja ára stuðnings- og samstarfssamning um framkvæmd mótsins, til að auka veg þess og tryggja það í sessi.   

Undanfarin 9 ár hefur mótið verið haldið að Strandbergi, safnaðarheimili Hafnarfjarðarkirkju þar sem Riddarinn hefur aðsetur.  Með því að ganga til samstarfs við TR, elsta og eitt öflugasta taflfélag landsins og með myndarlegri aðkomu OLÍS að mótinu er þess að vænta að þátttaka ungra og aldinna í því aukist enn til hags fyrir alla skákunnendur og uppvaxandi skákæsku alveg sérstaklega.

Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri.  Á síðasta ári var yfir 80 ára aldursmunur milli yngsta og elsta keppandans.  Sigurvegari mótsins í fyrra var Oliver Aron Jóhannesson, 14 ára, sem vann mótið glæsilega eftir hafa lagt þrjá fyrrum sigurvegara þess úr öldungaflokki af velli.

Verðlaunasjóður mótsins er kr. 100.000 auk þess sem veitt verða aldurflokkaverðlaun í 3 flokkum ungmenna og öldunga. Gjafabréf frá Icelandair fyrir flugmiðum á mót erlendis fyrir sigurvegara í barna og unglingaflokkum, 9 ára og yngri; 19-12 ára og 13-15 ára.  Úttektarkort hjá OLÍS  fyrir benzíni eða öðru fyrir kr. 10.000 handar efstu mönnum í 3 öldungaflokkum, 60-69 ára; 70-79 ára og 80 ára og eldri.   Bókaverðlaun verða einnig veitt í öllum flokkum. Veglegt vinningahappdrætti  í mótslok að lokinni verðlaunaafhendingu.  Sportvörubúðin JÓI ÚTHERJI gefur alla verðlaunagripi/peninga.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri. Mótið hefst kl. 13 og tefldar verða 9 umferðir með 7 mínútna umhugsunartíma á skákina. 

Mótsnefnd skipa þeir Björn Jónsson, formaður TR, Einar S. Einarsson, formaður Riddarans og Páll Sigurðsson, skákstjóri. 

Hægt verður  að skrá sig til þátttöku  með nafni,  kennitölu og félagi  á  www.skak.is  daganna fyrir mót.  Hámarkfjöldi þátttakenda miðast við 100.

Því er æskilegt að skrá sig fyrirfram eða mæta tímanlega á mótsstað.

Víkingar með jafntefli - Hannes og Hjörvar unnu

Víkingaklúbburinn gerði 3-3 jafntefli við finnsku sveitina Tammer-Shakki í sjöttu og næstsíðustu umferð EM taflfélaga sem fram fór í dag. Hannes Hlífar Stefánsson (2521) vann enn einn sigurinn. Hann hefur 5 vinninga og er með næstbestan árangur fyrsta borðs manna. Hjörvar Steinn Grétarsson (2505), sem teflir fyrir enska klúbbinn Jutes of Kents, hefur einnig farið mikinn og vann í dag. Hann hefur hlotið 4 vinninga.

Í sjöundu umferð, sem fram fer á morgun, teflir Víkingaklúbburinn við sveit frá Lúxemborg. Hjörvar og félagar tefla við írska sveit.

Úrslit Víkingaklúbbsins í 6. umferð:

Bo.	26	Tammer-Shakki	Rtg	-	30	Viking Chess Club	Rtg	3 : 3
17.1	IM	Karttunen, Mika	2445	-	GM	Stefansson, Hannes	2521	0 - 1
17.2	IM	Maki, Veijo	2379	-	IM	Thorfinnsson, Bjorn	2385	½ - ½
17.3	FM	Mertanen, Janne	2350	-	FM	Kjartansson, David	2348	½ - ½
17.4		Koykka, Pekka	2302	-		Sigurjonsson, Stefan Th.	2104	½ - ½
17.5		Ahvenjarvi, Jani	2241	-		Runarsson, Gunnar	2074	1 - 0
17.6	FM	Kytoniemi, Jyrki	2263	-		Ingason, Sigurdur	1866	½ - ½

 

• Heimasíða mótsins
• Chess-Results
• Chessbomb

Hilmir Freyr sigraði á Kynslóðakvöldi Skákskólans

Í gær fór fram Kynslóðakvöld Skákskóla Íslands. Þar tefldu í senn margir af sterkustu skákmönnum þjóðarinnar, landsliðskonur sem og úrvalsnemendur Skákskólans. Sérstakir gestir í gær voru Smámeistarar sem er klúbbur sem nýlega hélt upp á hálfrar aldar afmæli sitt.

Hilmir Freyr Heimisson, sem tefldi í gegnum netið frá Patreksfirði, fór mikinn og vann fyrstu sjö skákirnar. Meðal fórnarlamba hans voru Friðrik Ólafsson og Karl Þorsteins. Hann tapaði hins vegar tveimur síðustu skákunum fyrir Helga Ólafssyni og Guðmundi Kjartanssyni.

Þar með náði Helgi honum af vinningum og kom jafn Hilmi í mark. Friðrik, Karl, Guðmundur og Oliver Aron Jóhannesson urðu í 3.-6. sæti með 6 vinninga. Bragi Halldórsson var efstur Smámeistara en hann hlaut 4½ vinning.

Mótið tókst í alla staði afar vel.

Mótstöflu má finna á Chess-Results.

Æsir í Ásgarði - Guðfinnur gefur hvorki grið né frið

Eða eins og segir í kvæðinu: "Guðfinnur hugsar, heilan brýtur, horfir fram með ygglibrún. Í huganum ljárinn þegar þýtur, þaulbrýndur um taflsins tún. Hann heggur breitt, það hriktir við og hræðsla berst um fjandmanns lið"! eftir Matthías Z. Kristinsson.

ÆSIR Í ÁSGARÐI -  GUÐFINNUR GEFUR HVORKI GRIÐ NÉ FRIÐ

Metþátttaka var á móti aldraðra  í Stangarhylnum á þriðjudaginn var, hvorki meira né minna en 32 keppendur mættir. Kannski til  að hita upp fyrir skákmótið "Æskan og Ellin"  í Skákhöllinni í Faxafeni á laugardaginn kemur í samvinnu TR og Riddarans þar sem enginn taflfær 60+ má láta sig vanta

Þetta er annað mótið í röð sem Guðfinnur R. Kjartansson „hinn grimmi" vinnur en hann fór létt með mótið í síðustu viku sem hann vann með 9.5 vinningi af 10 mögulegum, þá varð Þór Valtýsson annar með 7.5 v.  Nú stóð þetta tæpara aðeins 8 vinningar í húsi sem dugðu þó. Næstir komu Valdimar Ásmundsson og Haraldur Axel hinn aldni seggur Sveinbjörnsson (83) sem var fluttur á braut af skákstað í sjúkrabíl fyrir hálfum mánuði vegna hjartsláttartruflana og græddur í hann gangráður. Var síðan sendur á heim einn í leigubil eftir miðnætti þó engin biði hans þar enda einbúi. Gott að hann náði sér skjótt og er strax farinn að tefla aftur eins og ekkert hafi í skorist enda ekki kallaður" „Halli sterki" fyrir ekki neitt.

Ánægjulegt er hvað margir öldungar láta sér ekki muna um að tefla tvö daga í röð, sem Æsir annan daginn og sem Riddarar hinn.  Reyndar kóróna sumir þetta svo með því að tefla í Gallerý skák á fimmtudögum.

Nánari úrslit sjást á meðfylgjandi mótstöflu og úrslitin í fyrri viku má sjá í myndasafni ásamt ýmsum vettvangsmyndum af hinum síungu gamlingjum að tafli.

 

Benzínúttektir hjá Olís í vinning fyrir gamlingjana og Flugmiðar á mót erlendis fyrir unglingana. Verðlaunasjóður 100.000 og vinningahapprætti fyrir þá sem ekki komast á pall. Benzín á tankinn, kjötsúpa fyrir tvo x5 á Litlu kaffistofunni og pönnukökur i eftirrétt. Bókavinningar og margt annað girnilegt fyrir þá sem hafa aldur til. Mætið.

Metþátttaka á Skákþingi Garðabæjar

Skákþing Garðabæjar hófst í gær. Afar góð þátttaka er á mótinu en 48 keppendur taka þátt sem er metþátttaka. Það fyrirkomulag Garðbæinga að skipta mótinu í tvo flokka og tefla aðeins einu sinni í viku virðist hafa gefist afar vel. Úrslit í fyrstu umferð voru flest hefðbundin þ.e. hinir stigahærri unnu almennt þá stigalægri. Þó vann Kristinn J. Sigurþórsson (1410), nýjan félagsmann TG, Pál Andrason (1899).

A-flokkur:

29 skákmenn taka þátt. Stigahæstir þeirra eru Jón Árni Halldórsson (2176), Gylfi Þórhallsson (2116) og Jóhann H. Ragnarsson (2012), sem er margfaldur Garðabæjarmeistari. Tvær skákir voru frestaðar og því liggur pörun 2. umferðar ekki fyrir.

Úrslit fyrstu umferðar má finna á Chess-Results.

B-flokkur:

19 skákmenn taka þátt. Úrslit fyrstu umferðar má finna á Chess-Results.

• Heimasíða TG
• Facebook-síða TG
• Chess-Results

Víkingar unnu - Hjörvar með jafntefli

Víkingaklúbburinn vann góðan 4½-1½ sigur á þýskri sveit í fimmtu umferð EM taflfélaga sem fram fór í Rhodos í dag. Hannes Hlífar Stefánsson, Björn Þorfinnsson, Davíð Kjartansson og Stefán Þór Sigurjónsson unnu en Sigurður Ingason gerði jafntefli. Hjörvar Steinn Grétarsson (2505), sem teflir með enskum klúbb, gerði jafntefli við 16 ára ísraelskt undrabarn Avital Boruchovsky (2453).

Víkingar mætta finnsku sveitinni Tammer-Shakki í sjöttu og næstsíðustu umferð á morgun. Hjörvar og félagar í Jutes of Kents mæta sveit frá Kosovo.

Úrslit Víkingaklúbbsins í 5. umferð:

30	Viking Chess Club	Rtg	-	42	Chess Club Eppingen	Rtg	4½:1½
GM	Stefansson, Hannes	2521	-		Noe, Christopher	2245	1 - 0
IM	Thorfinnsson, Bjorn	2385	-	CM	Wenner, Tobias	2147	1 - 0
FM	Kjartansson, David	2348	-		Dekan, Hans	2172	1 - 0
	Sigurjonsson, Stefan Th.	2104	-		Staub, Gerhard	2062	1 - 0
	Runarsson, Gunnar	2074	-		Reimold, Jonas	2037	0 - 1
	Ingason, Sigurdur	1866	-		Gass, Ulrich	2116	½ - ½

 

 

• Heimasíða mótsins
• Chess-Results
• Chessbomb

Sigurjón og Sverrir efstir á Skákþingi Vestmannaeyja

Í gærkvöldi hófst 4. umferð Skákþings Vestmannaeyja með tveimur skákum. Einar og Sigurjón tefldu hörkuskák þar sem sá fyrrnefndi fór of geyst í sókninni og með nákvæmri taflmennsku landaði Sigurjón sigri. Karl Gauti fékk strax þrönga stöðu gegn Ægi Páli og varð að játa sig sigraðan. Skák Nökkva og Stefáns var frestað.

Staðan eftir 4. umferðir er frekar óljós þar sem yfirseta er og þar að auki eru þrjár frestaðar skákir.

1-2. Sigurjón Þorkelsson 2,5 af 3
1-2. Sverrir Unnarsson 2,5 af 3
3-6. Nökkvi Sverrisson 1 af 1
3-6. Ægir Páll Friðbertsson 1 af 1
3-6. Stefán Gíslason 1 af 2
3-6. Einar Guðlaugsson 1 af 4
   7. Karl Gauti Hjaltason 0 af 4

Frestaðar skákir

Ægir Páll - Nökkvi (sunnudaginn 27. okt)
Stefán - Ægir Páll
Nökkvi - Stefán

Fimmta umferð miðvikudaginn 30. október kl. 19:30

Karl Gauti - Nökkvi 
Sigurjón - Ægir Páll
Sverrir - Einar

• Heimasíða TV
• Chess-results

 mótið á 

Flugfélagshátíðin í Nuuk að hefjast: Eitt metnaðarfyllsta verkefni Hróksins á Grænlandi til þessa

Skákfélagið Hrókurinn og Flugfélag Íslands efna til skákhátíðar í Nuuk, höfuðborg Grænlands, dagana 25. október til 1. nóvember. Hátíðin er haldin í samvinnu við Grænlensk-íslenska verslunarráðið og Kalak, vinafélag Íslands og Grænlands.

Hátíðin hefst á föstudag, samhliða kaupstefnu á vegum Íslandsstofu, FÍ og Grænlensk-íslenska verslunarráðsins sem tugir íslenskra fyrirtækja taka þátt í. Við hátíðlega athöfn í Katuaq, norræna húsinu í Nuuk, munu tugir barna fá taflsett að gjöf frá Flugfélagi Íslands, en alls munu FÍ og Hrókurinn gefa 300 grænlenskum börnum taflsett á næstunni. Börnin munu líka fá skákkver á grænlensku, sem skákfrömuðurinn Siguringi Sigurjónsson stendur að, og fleiri gjafir. 

Við setningarathöfn Flugfélagsskákhátíðarinnar verða þær Benedikte Thorsteinsson og Kristjana G. Motzfeldt heiðraðar, en báðar hafa þær gegnt lykilhlutverki við að efla og treysta vináttu Íslands og Grænlands, og verið hjálparhellur Hróksins við skáklandnámið frá upphafi. Benedikte er fv. félagsmálaráðherra á Grænlandi og var um árabil formaður Kalak. Hún hefur staðið að ótal viðburðum í þágu Grænlands og Íslands, og er nú ráðgjafi á hinni nýju ræðisskrifstofu Íslands í Nuuk. Kristjana Guðmundsdóttir er ekkja Jonathans Motzfeltds, fyrsta forsætisráðherra Grænlands, en hann gegndi því embætti alls 17 ár, og sannkallaður landsfaðir hins nýja Grænlands. Jonathan var mikill Íslandsvinur og ötull talsmaður stóraukinnar samvinnu Íslendinga, Grænlendinga og Færeyinga.

Flugfélagshátíðin 2013 í Nuuk markar upphafið að ellefta starfsári Hróksins á Grænlandi. Hrókurinn hélt fyrsta alþjóðlega mótið í sögu Grænlands í Qaqortoq árið 2003, og síðan hafa liðsmenn félagsins farið um 30 ferðir til Grænlands að útbreiða fagnaðarerindi skáklistarinnar. Markmiðið frá upphafi hefur jafnframt verið að efla vináttu og auka samvinnu grannþjóðanna á sem flestum sviðum.

Meðal viðburða á Flugfélagshátíð Hróksins má nefna fjöltefli í verslunarmiðstöðinni Nuuk á laugardag og Meistaramót Nuuk í hraðskák sem haldið verður á sunnudag. Báðir viðburðir eru skipulagðir í samvinnu við Skákfélag Nuuk, sem er vinafélag Hróksins.

Í næstu viku munu Hróksmenn fara í grunnskóla, leikskóla og fjölsmiðju fyrir unglinga, heimsækja geðdeildir og athvörf. Taflsettin frá FÍ munu því rata á marga staði, og ljóst að skáklífið í Nuuk mun blómstra í vetur, enda mun Skákfélagið í Nuuk fylgja starfi Hróksmanna eftir af krafti.

Leiðangursmenn eru Hrafn Jökulsson, Róbert Lagerman og Jósep Gíslason. Hrafn og Róbert eru jafnframt stjórnarmenn í Kalak, vinafélagi Íslands og Grænlands. Kalak stendur árlega að heimsókn barna frá Austur-Grænlandi sem hingað koma til að læra að synda, kynnast jafnöldrum sínum og íslensku samfélagi. Þá stóð Kalak, ásamt fjölmörgum aðilum, fyrir söfnun í vor þegar tónlistarhúsið í Kulusuk brann. Allt útlit er fyrir að nýtt tónlistarhús rísi strax á næsta ári.

Flugfélagshátíðin í Nuuk er einhver metnaðarfyllsti viðburður sem Hrókurinn hefur staðið að á Grænlandi, og nýtur til þess stuðnings fjölmargra fyrirtækja og einstaklinga. Í vetur eru jafnframt fyrirhugaðar á vegum Hróksins og Kalak skákferðir til Upernavik, sem er á 72. breiddargráðu á vesturströndinni, og til Kulusuk og Tasiilaq á austurströndinni. Um páskana verður svo haldin áttunda hátíðin í röð í Ittoqqortormitt við Scoresby-sund, sem er afskekktasta þorp norðurslóða.

Hægt verður að fylgjast með Flugfélagshátíð Hróksins og Kalak á Facebook-síðunni Skák á Grænlandi.

Skákþing Garðabæjar hefst í kvöld

Skákþing Garðabæjar hefst fimmtudaginn 24. október 2013. Tefldar verða 7 umferðir og verður mótið reiknað til íslenskra og alþjóðlegra stiga.

Skráningarsíða fyrir mótið

Skráðir keppendur

Mótsstaður: Garðatorg 1. (gamla Betrunarhúsið). 2. hæð. Inngangur til hægri við verslunina Víði.

Umferðatafla:

• 1. umf. Fimmtudag 24. okt. kl. 19.30. (B flokkur kl. 18:00)
• 2. umf. Fimmtudag 31. okt. kl. 19.30 (B flokkur kl. 18:00)
• 3. umf. Fimmtudag 7. nóv. kl. 19.30 (B flokkur kl. 18:00)
• 4. umf. Fimmtudag 14. nóv. kl. 19.30 (B flokkur kl. 18:00)
• 5. umf. Fimmtudag 21. nóv. kl. 19.30 (B flokkur kl. 18:00)
• 6. umf. Fimmtudag 28. nóv. kl. 19.30 (B flokkur kl. 18:00)
• 7. umf. Fimmtudag 5. des. kl. 19.30 (B flokkur kl. 18:00)

Keppnisfyrirkomulag er svissneskt kerfi. Skákstjóri er Páll Sigurðsson. Tímamörk eru 90 mínútur og 30 sek sem bætist við hvern leik. Mótið er opið öllum og geta því stigalágir valið milli flokka.
B flokkur bara fyrir skákmenn með 1499 stig eða minna. Umhugsunartími þar er 45 mín + 30 sek. á leik.

Verðlaun í A flokki auk verðlaunagripa:

• 1. verðlaun. 25 þús.
• 2. verðlaun 12 þús.
• 3. verðlaun 8 þús.

Verðlaun í B flokki:

• Verðlaun. 5000 kr. úttektar í bóksölu Sigurbjarnar auk verðlaunagrips.
• Verðlaun. 4000 kr. Útttekt í bóksölu Sigurbjarnar.
• Verðlaun. 3000 kr. Úttekt í bóksölu Sigurbjarnar.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4000 kr.

Mótið er um leið skákþing Taflfélags Garðabæjar. (keppt er um titilinn ef jafnt)

Aukaverðlaun:

• Efst(ur) 16 ára og yngri.(fædd 1997 og síðar) Bókarvinningur að verðmæti 4000.
• Efstur TG-inga í B flokki. Bókarvinningur að verðmæti 4000.

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun.

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn. Fullorðnir 2500 kr. 17 ára og yngri ókeypis.
Utanfélagsmenn. Fullorðnir 3500 kr. Unglingar 17 ára og yngri 2000 kr.

• Heimasíða TG
• Facebook-síða TG