Björgvin efstur hjá Ásum í gær

Björgvin Víglundsson og Ari Stefánsson háðu keppni um efsta sætið í Stangarhylnum í gær þar sem tuttugu og átta skákkempur skemmtu sér við skákborðin. Kapparnir mættust í fjórðu umferð, báðir með 3 vinninga, þeirri viðureign lauk með sigri Ara. Í áttundu umferð seig Björgvin svo framúr þegar hann vann Valdimar en Ari tapaði fyrir Guðfinni.

Björgvin endaði svo í fyrsta sæti með 8  vinninga af 10. Ari varð í öðru sæti með 7½ vinning. Þriðja sætinu náði svo Valdimar Ásmundsson með 7 vinninga.

Finnur var við stjórnvölinn.

Tafla og myndir frá ESE.

 

 

Hrókurinn á ísbjarnarslóðum í afskekktasta þorpi Grænlands

Liðsmenn Hróksins halda í dag til Ittoqqortoormiit, sem er afskekktasta þorp Grænlands, á 72° gráðu, þúsund kílómetra frá næsta byggða bóli. Um páskana verður skákhátíð haldin í bænum, áttunda árið í röð. Þetta er annað verkefni á 12. starfsári Hróksins á Grænlandi, en alls hafa liðsmenn félagsins farið meira en 30 ferðir til Grænlands að útbreiða skák og efla vináttu nágrannaþjóðanna.

 

Ittoqqortoormiit skipar sérstakan sess í hjörtum Hróksmanna eftir áralangt starf og þar eiga liðsmenn félagsins mörgum vinum að fagna. Á næstu dögum verður efnt til fjöltefla og skákmóta fyrir börn og fullorðna og á mánudag verður ,,Dagur vináttu Grænlands og Íslands" haldinn hátíðlegur.

Í þorpinu eru um 450 íbúar, og er búið að skapa ríka skákhefð í þessum fræga veiðimannabæ, þar sem ísbirnir eru iðulega á vappi. Hróksmenn fara klyfjaðir páskaeggjum, vinningum, verðlaunum og öðrum gjöfum frá fyrirtækjum og einstaklingum. Meðal bakhjarla ferðarinnar eru Aurelia velgerðarsjóður, Norlandair, Bónus, Gekon, Nýherji, 66° Norður, Hafnarfjarðarhafnir, Zo-on og Ísspor.

Hróksliðar munu heimsækja barnaheimili, sjúkrastofnun og dvalarheimili aldraðra, en höfuðstöðvar hátíðarinnar verða í grunnskóla bæjarins. Þar mun Róbert Lagerman skákmeistari og varaforseti Hróksins tefla fjöltefli á skírdag, og á föstudag verður páskaeggjamót þar sem öll börn í bænum fá páskaegg frá Bónus. Á laugardag er komið að Norlandair-mótinu fyrir börn og fullorðna og á mánudag verður ,,Dagur vináttu Íslands og Grænlands" haldinn.

Hægt verður að fylgjast með leiðangrinum á Facebook-síðu Skákfélagsins Hróksins.

Leiðangursmenn eru Róbert Lagerman, varaforseti Hróksins, sem hefur farið í um 25 ferðir til að efla skák áGrænlandi og vináttu grannþjóðanna og Jón Birgir Einarsson, fastamaður í heimsóknum til  Ittoqqortoormiit. Hrafn Jökulsson forseti Hróksins mun senda reglulegar fréttir af leiðangrinum, og næstu verkefnum Hróksins á Grænlandi, en í maí verður haldin skákhátíð í Nuuk, höfuðborg Grænlands, til minningar um Íslandsvininn Jonathan Motzfeldt, fyrsta forsætisráðherra Grænlands.

 

Facebook-síða Hróksins. 

Wow air mótið: Þriðja umferð fer fram í kvöld

Þriðja umferð Wow air Vormóts TR fer fram í kvöld og hefst kl. 19:30. Þá mætir meðal annars Friðrik Ólafsson (2406) til leiks en hann tók yfirsetu í tveimur fyrstu umferðunum. Á efsta borði mætast forystumennirnir Dagur Ragnarsson (2105), sem hefur farið mikinn, og Hjörvar Steinn Grétarsson (2511). Á öðru borði tefla svo stórmeistararnir Hannes Hlífar Stefánsson (2541) og Stefán Kristjánsson (2503). Friðrik mætir Sigurði Páli Steindórssyni (2215).

Röðun þriðju umferðar má finna á Chess-Results.

Sex skákir verða sýndar beint frá hverri umferð. Þær má finna hér (tengill virkur rétt fyrir umferð).

• Heimasíða TR
• Chess-Results (a-flokkur)
• Chess-Results (b-flokkur)

Fjölmennri Páskaeggjasyrpu lokið

Það var glatt á hjalla í húsnæði Taflfélags Reykjavíkur í dag þegar lokamót Páskaeggjasyrpu félagsins og Nóa Síríus fór fram.  Líkt og í fyrri mótunum tveimur tók á áttunda tug krakka þátt í mótinu en flestir af efnilegustu skákkrökkum þjóðarinnar voru á meðal þátttakenda í syrpunni sem samanstóð af þremur mótum sem haldin voru síðustu þrjá sunnudagana fyrir páska.

Í dag voru keppendur í yngri flokki 46 talsins en 28 í eldri flokki.  Líkt og í mótinu fyrir viku síðan sigraði Óskar Víkingur Davíðsson með fullt hús eða 6 vinninga og í öðru sæti, einnig eins og fyrir viku síðan, með 5 vinninga var Björn Magnússon.  Róbert Luu og Vignir Sigur Skúlason komu næstir, einnig með 5 vinninga, en stigaútreikning þurfti til að ákvarða lokaröð þeirra.  Það er því ljóst að spennan í yngri flokknum var rafmögnuð.

Það var ekki síður mikil spenna í eldri flokknum þar sem Mykhaylo Kravchuk og Veronika Steinunn Magnúsdóttir komu jöfn í mark með 5,5 vinning en eftir stigaútreikning var ljóst að Mykhaylo var sigurvegari flokksins.  Mikael Maron Torfason kom svo þriðji í mark með 4,5 vinning.

Að lokinni verðlaunaafhendingu fyrir lokamótið voru veitt verðlaun fyrir bestan samanlagða árangur í mótunum þremur og þar stóð Óskar Víkingur sig best í yngri flokki með 17 vinninga af 18 sem er sannarlega glæsilegur árangur.  Næstur kom Björn með 15 vinninga og skammt á eftir fylgdi Róbert með 14,5 vinning.  Í eldri flokki var Vignir Vatnar Stefánsson efstur samanlagt með 15 vinninga, Aron Þór Mai kom næstur með 12 vinninga og þá Mykhaylo með 11,5 vinning.

Eftirvæntingin var síðan mikil þegar dregið var í happdrættinu en líkt og í fyrri mótunum áttu allir keppendur möguleika á að vinna eitt af þremur stórum páskaeggjum frá Nóa Síríus eða glæsilega skákklukku. Lokahnykkurinn var síðan afhending páskaeggja til allra þeirra sem þátt tóku í a.m.k. tveimur mótum í syrpunni.

Yfir 70 krakkar tóku þátt í hverju af hinum þremur mótum Nóa Síríus Páskaeggjasyrpunnar og alls tók á annaðhundrað þátt í einhverju mótanna.  Aðstandendur Taflfélags Reykjavíkur og Nóa Síríus eru yfir sig ánægðir með viðtökurnar og vilja koma á framfæri þökkum til allra krakkanna og aðstandenda þeirra fyrir þátttökuna og vonast svo sannarlega til að sjá ykkur aftur að ári!

• Myndir
• Páskaeggjasyrpan
• Fyrsta mótið
• Annað mótið

Bestur árangur samanlagt:

Yngri flokkur (2005-2008)

• 1. Óskar Víkingur Davíðsson 17 vinningar
• 2. Björn Magnússon 15v
• 3. Róbert Luu 14,5v

Eldri flokkur (1998-2004)

• 1. Vignir Vatnar Stefánsson 15v
• 2. Aron Þór Mai 12v
• 3. Mykhaylo Kravchuk 11,5v

Lokastaðan í þriðja mótinu:

Yngri flokkur

1	Óskar Víkingur Davíðsson,	6
2-4	Björn Magnússon,	5
	Róbert Luu,	5
	Vignir Sigur Skúlason,	5
5-6	Adam Omarsson,	4.5
	Kristján Dagur Jónsson,	4.5
7-13	Birkir Snær Steinsson,	4
	Alexander Már Bjarnþórsso,	4
	Stefán Orri Davíðsson,	4
	Guðmann Brimar Bjarnason,	4
	Friðrik Helgi Eyjólfsson,	4
	Alexander Björnsson,	4
	Ísak Orri Karlsson,	4
14-18	Magnús Hjaltason,	3.5
	Stefán Geir Hermannsson,	3.5
	Gerdas Slapikas,	3.5
	Óttar Örn Bergmann Sigfús,	3.5
	Freyr Grímsson,	3.5
19-28	Viktor Smári Unnarsson,	3
	Reynir Þór Stefánsson,	3
	Benedikt Briem,	3
	Bjarki Freyr Mariansson,	3
	Gabríel Sær Bjarnþórsson,	3
	Þorgrímur Nói Gunnarsson,	3
	Stefán Gunnar Maack,	3
	Kristófer Stefánsson,	3
	Elísabet Xiang Sveinbjörn,	3
	Ylfa Ýr Welding Hákonardó,	3
29-31	Otri Reyr Franklínsson,	2.5
	Sólveig Bríet Magnúsdótti,	2.5
	Pætur Dávursson,	2.5
32-39	Karítas Jónsdóttir,	2
	Marel Baldvinsson,	2
	Ragnar Már Halldórsson,	2
	Nikolai Daðason,	2
	Elsa Kristín Arnaldardótt,	2
	Pétur Wilhelm Norðfjörð,	2
	Kolbeinn Helgi Magnússon,	2
	Eva Júlía Jóhannsdóttir,	2
40-43	Benedikt Þórirsson,	1.5
	Iðunn Ólöf Berndsen,	1.5
	Krummi Thor Guðmundarson,	1.5
	Eiríkur Sveinsson,	1.5
44	Kristján Sindri,	1
45-46	Brynja Eik Steinsdóttir,	0.5
	Iðunn Helgadóttir,	0.5

Eldri flokkur

1-2	Mykhaylo Kravchuk,	5.5
	Veronika Steinunn Magnúsd,	5.5
3	Mikael Maron Torfason,	4.5
4-6	Vignir Vatnar Stefánsson,	4
	Þorsteinn Emil Jónsson,	4
	Stephan Briem,	4
7-12	Sæmundur Árnason,	3.5
	Hnikarr Bjarmi Franklínss,	3.5
	Olafur Orn Olafsson,	3.5
	Eldar Sigurðarson,	3.5
	Aron Þór Mai,	3.5
	Brynjar Haraldsson,	3.5
13-17	Jón Þór Lemery,	3
	Matthías Ævar Magnússon,	3
	Brynjar Bjarkason,	3
	Bjarki Arnaldarson,	3
	Alexander Oliver Mai,	3
18-20	Hákon Jan Norðfjörð,	2.5
	Benedikt Ernir Magnússon,	2.5
	Sindri Snær Kristófersson,	2.5
21-25	Kristján Orri Hugason,	2
	Einir Ingi Guðmundsson,	2
	Arnar Jónsson,	2
	Kacper Róbertsson,	2
	Sigurjón Óli Ágústsson,	2
26-27	Ottó Bjarki Arnar,	1
	Jóhannes Logi Guðmundsson,	1
28	Sigmar Þór Baldvinsson,	0

Skákþáttur Morgunblaðsins: Ekki vanmeta reynsluboltana

Indverjinn Wisvanathan Anand, eini fulltrúi „gamla skólans" á áskorendamótinu í Khanty Manyisk í Síberíu vann þar svo sannfærandi sigur og áreynslulausan að ekki er hægt að draga af frammistöðu hans aðra ályktun en þessa: aldrei að vanmeta reynsluboltana! Anand tók út þekkingu sína og reynslu á tímum þegar skákir fóru fór í bið, upplýsingar „ferðuðust" hægt og og gagnagrunnar og tölvuforrit þekktust ekki. Kynslóð Magnúsar Carlsen býr á annarri plánetu, þar finnst mikil hæfni í því að safna og vinna úr upplýsingum úr ýmsum áttum. Samt tapaði þessi kynslóð í Khanty. Lokaniðurstaðan:

1. Anand 8 ½ v. 2. Karjakin 7 ½ v. 3.-5. Kramnik, Mamedyarov og Andreikin 7 v. 6.-7. Svidler og Aronjan 6 ½ v. 8 Topalov 6 v.

Sigur Anand var svo öruggur að í 12. umferð ákvað hann að þráleika í vinningsstöðu þar sem sigurleiðin virtist áhættusöm. Annað heimsmeistaraeinvígi Magnúsar Carlsen og Anand fer því fram væntanlega í nóvember nk. Anand verður hættulegri andstæðingur en síðast þar sem sigurinn í Khanty gefur honum byr undir báða vængi.

Friðrik Ólafsson meðal þátttakenda á WOW-air mótinu

Taflfélag Reykjavíkur er í stórsókn og er gaman að fylgjast með stjórnarmönnum og liðsmönnum þessa 114 ára félagsskapar. Nýtt mót á dagskrá TR, Wow air-mótið, hófst sl. mánudag og verður teflt einu sinni i viku - á mánudagskvöldum - fram í maí, sjö umferðir. Dagskráin gefur kost á ½ vinnings yfirsetu en teflt er í tveimur styrkleikaflokkum. Tíu stigahæstu keppendur mótsins eru Friðrik Ólafsson, Hannes Hlífar Stefánsson, Hjörvar Steinn Grétarsson, Þröstur Þórhallsson, Guðmundur Kjartansson, Stefán Kristjánsson, Dagur Arngrímsson, Guðmundur Gíslason, Ingvar Þ. Jóhannesson og Sigurbjörn Björnsson. Í B-flokknum eru margir öflugir skákmenn.

Guðmundur Gíslason þarf að taka flugið frá Ísafirði til að tefla á mótinu og kannski gætti einhverrar ferðaþreytu er hann mætti hinum 16 ára Degi Ragnarssyni í 1. umferð. En skákin var viðburðarík og fjörug:

Guðmundur Gíslason - Dagur Ragnarsson

Tarrasch - vörn

1.Rf3 e6-vörn 2.c4 Rf6 3.b3 d5 4.e3 c5 5.Bb2 Rc6 6.Be2 Be7 7.O-O

O-O 8.cxd5 exd5 9.d4 cxd4 10.Rxd4 Re8!?

Óvenjulegur leikur sem hvítur gat svarað með 11. Rxc6 bxc6 12. Rc3 ásamt Hc1 eða - Ra4 eftir því sem verkast vill.

11.Bf3 Bf6 12.Rc3

Betra er 12. Dd1 ásamt - Hd1. Nú jafnar Dagur taflið.

12. ... Rxd4 13.exd4 Rc7 14.He1 Bf5 15.Ba3 He8 16.Hxe8+ Dxe8 17.Bxd5?!

Hvítur hefur teygt sig fulllangt eftir d5-peðinu. Hér var öruggara að leika 17. Rxd5.

17. ... Hd8 18.Bxb7 Bxd4 19.Df3 De5 20.Hd1?

Hann varð að leika 20. Bb2 þó leppunin eftir hornalínunni sé erfið. Nú gat Dagur leikið 20. ...Bc2! sem vinnur.

20. ... He8? 21.g4 Bc2 22.Hc1 Bxc3 23.Hxc2 Rb5!?

Einhvern tímann hefði þetta verið kallað „sprikl" því hvítur gat bætt stöðu kóngsins með 24. Kg2! og á þá vinningsstöðu.

24.Bc6? Rd4! 25.Dxc3 Hc8!

Mögnuð staða. Hvítur er manni yfir en á engan frambærilegan leik.

26.Kf1 Hxc6 27. Db4 h6! 28.Hxc6 De2+!

Samvinna drottningar og riddara ræður úrslitum.

29.Kg2 De4+ 30.Kg1 Rf3+ 31.Kg2 Rh4+!

- og hvítur gafst upp. Hann fær ekki umflúið mátið, 32. Kf1 Dd3+ 33. Ke1 Rg2 mát eða 32. Kh3 Df3+ 33. Kxh4 g5+ og 34. ... Dh3 mát.

 

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 6. apríl 2014

Skákþættir Morgunblaðsins

[Event "WOW Air motid A-flokkur"] [Site "Reykjavik (Faxafen)"] [Date "2014.03.31"] [Round "1.7"] [White "Gislason, Gudmundur"] [Black "Ragnarsson, Dagur"] [Result "0-1"] [ECO "A13"] [WhiteElo "2314"] [BlackElo "2105"] [PlyCount "62"] [EventDate "2014.03.31"] 1. Nf3 e6 2. c4 Nf6 3. b3 d5 4. e3 c5 5. Bb2 Nc6 6. Be2 Be7 7. O-O O-O 8. cxd5 exd5 9. d4 cxd4 10. Nxd4 Ne8 11. Bf3 Bf6 12. Nc3 Nxd4 13. exd4 Nc7 14. Re1 Bf5 15. Ba3 Re8 16. Rxe8+ Qxe8 17. Bxd5 Rd8 18. Bxb7 Bxd4 19. Qf3 Qe5 20. Rd1 Re8 21. g4 Bc2 22. Rc1 Bxc3 23. Rxc2 Nb5 24. Bc6 Nd4 25. Qxc3 Rc8 26. Kf1 Rxc6 27. Qb4 h6 28. Rxc6 Qe2+ 29. Kg2 Qe4+ 30. Kg1 Nf3+ 31. Kg2 Nh4+ 0-1

Guðmundur vann í dag í Dubai

Alþjóðlegi meistarinn Guðmundur Kjartansson (2440) vann í dag, í sjöundu umferð Dubai Open, FIDE-meistara frá Sameinuðu arabísku furstadæmunum (1838) en öllu verr gekk í gær þegar hann tapaði báðum sínum skákum

Guðmundur hefur 3,5 vinning og er í 69.-80. sæti. Franski stórmeistarinn Romain Eduard (2670) er efstur með 6 vinninga

148 skákmenn frá 39 löndum taka þátt í mótinu. Þar af eru 38 stórmeistarar og 16 alþjóðlegir meistarar. Guðmundur er nr. 44 í stigaröð keppenda. 

• Heimasíða mótsins
• Chess-Results
• Beinar útsendingar (hefjast flestar kl. 13:30)

Sumarnámskeið í skák

Skákakademía Reykjavíkur og Skákskóli Íslands efna til tveggja skáknámskeiða í sumar fyrir krakka fædda 2001-2007. Hvort námskeið er vika í senn.

Hvenær? Fyrra námskeiðið verður kennt 23. - 27. júní.

Seinna námskeiðið verður kennt 30. júní - 4. júlí.

Skipt verður í stelpuflokk og strákaflokk. Kennt verður alla virka daga vikunnar. Stelpuflokkur er frá 09:30 - 10:30 og strákaflokkur frá 10:40-11:40.

Fyrir hverja? Námskeiðin eru sérstaklega ætluð ungum skákkrökkum, fæddum 2001-2007, sem hafa æft skák í vetur í skólanum sínum, hjá taflfélögunum eða Skákskóla Íslands. Allir eru þó velkomnir en þurfa að kunna mannganginn og skák og mát. Hámarksþátttökufjöldi er 20 á hvert námskeið. Skipt verður í nokkra hópa í hverjum tíma eftir kunnáttu og reynslu.

Hvað verður kennt? Áhersla verður lögð á áætlanagerð og ákvarðanatökur auk þess sem farið verður yfir skákbyrjanir. Kennt verður 45mín. í hverjum tíma og teflt í 15mín. með áherslu á efni tímans.

Hvar? Skákskóla Íslands Faxafeni 12.

Hverjir kenna? Hjörvar Steinn Grétarsson stórmeistari, Stefán Bergsson skákkennari, Siguringi Sigurjónsson skákkennari, Björn Ívar Karlsson skákkennari og Ingibjörg Edda Birgisdóttir skákkennari. Þá mun kvennalandslið Íslands koma að æfingunum. Í hverjum tíma verða 3-4 kennarar.

Hvað kostar? Eitt námskeið er á 6.000 kr. en séu bæði tekin kosta þau samtals 10.000 kr. Systkinaafsláttur er 50%.

Skráning? [e-mail] Fram þarf að koma nafn þátttakenda og fæðingarár. Nafn og kennitala greiðanda. Skráningarfrestur rennur út 20. maí. Sé skráð fyrir 5. maí er veittur 10% afsláttur.

Lokamótið í Páskaeeggjasyrpu Nóa Síríus og TR hefst kl. 14 á sunnudag

Nú styttist í þriðja og síðasta mótið í Páskaeggjasyrpu Taflfélags Reykjavíkur og Nóa Síríus en tæplega 80 krakkar tóku þátt í hvoru af fyrstu tveimur mótunum.  Mótið fer fram á sunnudag og hefst kl. 14 og eru allir þeir sem skráðu sig upphaflega hvattir til að mæta aftur.  Þeir sem ekki skráðu sig en vilja taka þátt geta skráð sig á staðnum á meðan húsrúm leyfir.  Keppendur eru vinsamlega beðnir um að gefa sig fram 15 mínútum fyrir upphaf móts.

_____________________________________________________

Löng hefð er fyrir því að halda páskaeggjamót og æfingar hjá taflfélögunum í borginni í aðdraganda páska. Í ár ætla Taflfélag Reykjavíkur og Nói Síríus að gera sérstaklega vel við yngstu skákiðkendurna og bjóða öllum krökkum á grunnskólaaldri að taka þátt í Páskaeggjasyrpunni 2014!

Með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Algjör sprenging hefur orðið í fjölda iðkenda hjá félaginu og til dæmis um það má nefna að á sama tíma og tvær unglingasveitir frá T.R. tefldu á Íslandsmóti skákfélaga voru 45 krakkar (!) á félagsæfingu í skákhöll félagsins.

Síðastliðinn laugardag mættu svo 63 krakkar á æfingar félagsins sem er algjört met og eflaust þarf að leita langt aftur til að finna viðlíka fjölda á barnaæfingum félagsins! Það ber svo sannarlega markvissu barnastarfi félagsins fagurt vitni að sífellt stærri hópur krakka mætir á æfingar þess.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!
Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 30. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 06. apríl kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 13. apríl kl.14

• Keppt verður í tveimur flokkum, 1-3 bekk (og yngri) og 4-10 bekk.
• Sex umferðir verða tefldar í hverju móti með 10 mínútna umhugsunartíma á mann.
• Glæsileg verðlaun eru í boði fyrir alla hressu skákkrakkana sem taka þátt í syrpunni!
• Verðlaunapeningar fyrir þrjú efstu sætin í hvorum flokki á hverju páskaeggjamóti.
• Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
• Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
• Dregin verður út ein stórglæsileg DGT Easy Polgar skákklukka handa heppnum skákkrakka á hverju páskaeggjamóti!

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2014!

100. Íslandsmótið í skák í Kópavogi - Sterkasta Íslandsmót sögunnar!

Hundraðasta Íslandsmótið í skák fer fram dagana 23. maí - 1. júní nk.  Mótið er jafnframt það sterkasta í sögu Íslandsmótanna í skák en aldrei áður hafa sjö stórmeistarar tekið þátt. Flestir hafa þeir verið fimm talsins hingað til.

Mótið fer fram í Stúkunni við Kópavogsvöll, einum allra glæsilegasta skákvettvangi landsins, og er haldið í samvinnu við Skákdeild Breiðabliks.

Samhliða Íslandsmótinu fer fram Íslandsmót kvenna. Mótið er hluti af áskorendaflokknum sem fram fer á sama stað og tíma. 

Heildarverðlaun á mótinu er milljón kr. sem er metfé á Íslandsmótinu í skák.

Keppendur í landsliðsflokki:

1. GM Hannes Hlífar Stefánsson (2548)
2. GM Héðinn Steingrímsson (2537)
3. GM Hjörvar Steinn Grétarsson (2530)
4. GM Stefán Kristjánsson (2494)
5. GM Henrik Danielsen (2481)
6. GM Helgi Áss Grétarsson (2462)
7. IM Bragi Þorfinnsson (2459)
8. IM Guðmundur Kjartansson (2440)
9. GM Þröstur Þórhallsson (2437)
10. IM Björn Þorfinnsson (2389)

Það er einkar gaman að sjá Helga Áss meðal keppenda en hann hefur ekki teflt í landsliðsflokki í 10 ár.

Verðlaun í landsliðflokki eru sem hér segir:

1. 250.000 kr.
2. 150.000 kr.
3. 100.000 kr.

Verðlaun skiptast séu menn jafnir í verðlaunasætum. Íslandsmeistarinn fær þess fyrir utan 50.000 kr. í viðbótarverðlaun en teflt er til þrautar um titilinn með styttri umhugsunartíma séu tveir eða fleiri efstir og jafnir. Auk þess fær Íslandsmeistarinn í skák sjálfkrafa sæti í Ólympíuliði Íslands á Ólympíuskákmótinu í Tromsö í ágúst nk. sem og keppnisrétt á EM einstaklinga sem fram fer í Jerúsalem í febrúar 2015.

Verðlaun á Íslandsmóti kvenna

1. 100.000 kr.
2.   60.000 kr. 
3.   40.000 kr.

Verðlaun skiptast eftir Hort-kerfinu séu menn jafnir í verðlaunasætum.Íslandsmeistarinn fær þess fyrir utan 50.000 kr. í viðbótarverðlaun en teflt er til þrautar um titilinn með styttri umhugsunartíma séu tveir eða fleiri efstir og jafnir.

Verðlaun í áskorendaflokki

1. 75.000 kr.
2. 45.000 kr.
3. 30.000 kr.

Verðlaun skiptast eftir Hort-kerfi séu menn efstir í verðlaunasætum. Tvö efstu sætin gefa keppnisrétt í landsliðsflokki að ári. Séu menn jafnir ræður stigaútreikningur. 

Aukaverðlaun fyrir bestan árangur miðað við eigin skákstig eru veitt í tveimur flokkum. Bæði fyrir ofan og neðan 2.000 skákstig. Um er að ræða 25.000 kr. í hvorum flokki.

Ítarlegar upplýsingar um dagskrá, fyrirkomulag og þátttökugjöld verður að finna á heimsíðu mótsins  sem er væntanleg á næstum dögum. Leyfilegt verður taka eina yfirsetu (bye) í umferðum 1-6.

Skráning fer fram á Chess-Results.

Skákmenn eru hvattir til að skrá sig til leiks í þetta tímamóta Íslandsmót!

Nýtt fréttabréf SÍ

Nýtt fréttabréf Skáksambands Íslands kom út í gær en fréttabréfið kemur út að jafnaði tvisvar á mánuði yfir vetrarmánuðina.

Hægt er að skrá sig fyrir fréttabréfinu á Skák.is - mjög ofarlega til vinstri með því að velja "Subscribe" þar á bláum fleti.

Meðal efnis er:

• 100. Íslandsmótið í skák -Sterkasta Íslandsmót sögunnar!
• Jón L. Árnason nýr landsliðseinvaldur í skák
• Rimaskóli Íslandsmeistari grunnskólasveita
• Aðalfundur SÍ fer fram 10. maí
• N1 Reykjavíkurskákmótið 2014 - pistill
• Jón Kristinn skákmeistari Norðlendinga
• Róbert og Steinþór útnefndir skákdómarar
• Reykjavíkurskákmótið 2015 - niðurtalning
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.