Henrik endaði í 2.-5. sæti

Stórmeistarinn Henrik Danielsen (2483) endaði í 2.-5. sæti á Copenhagen Chess Challange sem lauk í dag í Kaupmannahöfn. Hann hlaut 6,5 vinning í 9 skákum. Danski alþjóðlegi meistarinn Jens Ove Fries-Nielsen (2384) vann mjög óvæntan sigur á mótinu og náði sínum öðrum áfanga að stórmeistaratitli.

Hannes Hlífar Stefánsson (2548) hlaut 6 vinninga og endað í 6.-9. sæti, Bragi Þorfinnsson (2459) hlaut 5,5 vinning og endaði í 10.-18. sæti og Þröstur Þórhallsson (2437) hlaut 5 vinninga og endaði í 19.-31. sæti.

Henrik var eini Íslendingurinn sem hækkar á stigum fyrir frammistöðu en hann hækkar um 3 stig. Aðrir lækka. Hannes um 9 stig og Bragi og Þröstur um 12 stig.

68 skákmenn tóku þátt í mótinu frá 9 löndum. Þar á meðal voru 7 stórmeistarar og jafnmargir alþjóðlegir meistarar. Íslendingarnir voru allir með átta stigahæstu keppenda mótsins.

• Heimasíða mótsins
• Chess-Results
• Beinar útsendingar (kl. 8 og 13)

Henrik í 1.-3. sæti fyrir lokaátökin á morgun

Henrik Danielsen (2483) er í 1.-3. sæti með 5,5 vinninga að loknum sjö umferðum á Copenhagen Chess Challange sem nú er í gangi. Henrik vann í dag báðar sínar skákir en andstæðingarnir voru bandaríski FIDE-meistarinn Kassa Korley (2390) og danski stórmeistarinn Carsten Höi (2397).  Jafnir Henrik í efsta sæti eru danski alþjóðlegi meistarinn Jens Ove Fries-Nielsen (2384) og, sterkasti skákmaður Færeyinga, alþjóðlegi meistarinn, Helgi Dam Ziska (2491). 

Hannes Hlífar Stefánsson (2548) og Bragi Þorfinnsson (2459) eru í 11.-18. sæti með 4,5 vinning og Þröstur Þórhallsson (2437) er í 19.-25. sæti með 4 vinninga.

Á morgun eru tefldar tvær síðustu umferðirnar. Í þeirri fyrri, sem fram fer í fyrramálið, teflir Henrik við Helga Dam.

68 skákmenn taka þátt í mótinu frá 9 löndum. Þar á meðal eru 7 stórmeistarar og jafnmargir alþjóðlegir meistarar. Íslendingarnir eru allir með átta stigahæstu keppenda mótsins.

• Heimasíða mótsins
• Chess-Results
• Beinar útsendingar (kl. 8 og 13)

Hannes og Henrik með 3,5 vinning eftir 5 umferðir

Það gekk ekkert sérstaklega hjá íslensku skákmönnunum í 4. og 5. umferð Copenhagen Chess Challange sem fram fóru í dag. Hannes Hlífar Stefánsson (2548) og Henrik Danielsen (2483) hafa 3,5 vinning og eru í 8.-15. sæti. Þröstur Þórhallsson (2437) og Bragi Þorfinnsson (2459) eru svo í 16.-29. sæti með 3 vinninga. Henrik vann Þröst í skák þeirra á millum í dag.

Á morgun eru tefldar 6. og 7. umferð.

Danski alþjóðlegi meistarinn Jens Ove Fries-Nielsen (2384) er efstur með 4,5 vinning en hann vann Henrik í dag og gerði jafntefli við Hannes.

68 skákmenn taka þátt í mótinu frá 9 löndum. Þar á meðal eru 7 stórmeistarar og jafnmargir alþjóðlegir meistarar.

• Heimasíða mótsins
• Chess-Results
• Beinar útsendingar (kl. 8 og 13)

Bræðurnir bestir á Vormót Skákskóla Íslands og Skákakademíu Kópavogs

 

 

 

Bræðurnir Björn Hólm og Bárður Örn Birkissynir urðu efstir á Vormóti Skákskóla Íslands og Skákaakademíu Kópavogs sem fram fór í Stúkunni á Kópavogsvelli á fimmtudaginn. Tefldar voru sjö umferðir með tímamörkunum 4 2 og vann Björn Hólm allar skákir sínar en Bárður tapaði einum vinningi niður gegn bróður sínum.

Með mótinu lauk vorönn Skákskóla Íslands/Skákakademíu Kópavogs en aðalumsjónarmaður þessarar starfssemi hefur verið Helgi Ólafsson skólastjóri Skákskóla Íslands. Honum til aðstoðar voru Halldór Grétar Einarsson og Lenka Ptacnikova. Mikil skákstarfssemi hefur verið í hinum glæsilegu húsakynnum Stúkunnar á Kópavogsvelli en nýverið fékk Breiðabik fullan yfirráðarétt yfir  Stúkunni og er gert er ráð fyrir að starfssemi skákdeildar Breiðabiks, sem samstarfsaðila  með Skákskóla Íslands og Skákakademíu Kópavogs, haldi áfram af fullum krafti næsta haust. Íslandsmótið í skák hefst í Stúkunni eftir viku.

Veitt voru verðlaun fyrir þrjú efstir sætin og komu þau í hlut Björns og Birkis og Guðmundar Agnars Bragasonar, stúlknaverðlaun hlaut Freyja Birkisdóttir sem er átta ára gömul systir þeirra bræðra en hún tefldi á Norðurlandamóti stúlkna i Bifröst á dögunum. Sérstök verðlaun fyrir ástundun og framfarir hlutu Jóhannes Þór Árnason, Sindri Snær Kristófersson og Stephan Briem. Í mótslok var þátttakendum boðið uppá á pizzur og gosdrykki.

Úrslit mótsins má finna á Chess-Results.

Myndaalbúm (HGE)

Vika í Íslandsmótið í skák

Íslandsmótið í skák hefst eftir viku. Eins og áður hefur komið fram verður um ræða sterkasta landsliðsflokk sögunnar þar sem sjö stórmeistarar taka þátt. Afar mikið er í húfi þar sem ólympíuliðin verða valin fljótlega að móti loknu og ljóst að góð frammistaða á mótinu gæti tryggt sæti í næsta landsliði Íslands.

Það stefnir einnig í mjög góðan áskorendaflokk. Nú þegar eru 34 keppendur skráðir til leiks. Stigahæstur skráðra keppenda er Einar Hjalti Jensson (2350). Næstir á stigum eru Davíð Kjartansson (2342), Guðmundur Gíslason (2319), Sigurður Daði Sigfússon (2290), Lenka Ptácníková (2267) og Daði Ómarsson (2240). Allt eru þetta skákmenn sem hafa teflt í landsliðsflokki.

Íslandsmót kvenna er hluti af áskorendaflokki. Flestar sterkustu skákkonur landsins hafa skráð sig til leiks. Má þar nefna Lenku, Hallgerði Helgu Þorsteinsdóttur (1982), Tinnu Kristínu Finnbogadóttur (1930), Jóhönnu Björg Jóhannsdóttir (1856), Elsu Maríu Kristínardóttur (1830) og Sigríði Björg Helgadóttur (1758).

Keppendalistann má nálgast á Chess-Results.

Skráning fer fram hér á Skák.is og eru skákmenn hvattir til að skrá sig sem fyrst til leiks!

Heimasíða mótsins

Verður ekkert Ólympíuskákmót í Tromsö í haust?

Stærsta frétt siðastu daga á erlendum skákfjölmiðlum hefur verið um vandræði mótshaldara í Noregi fyrir Ólympíuskákmótið í Tromsö 1.-15. ágúst. Svo virðist sem þeir séu undirfjármagnaðir um 300 milljónir íslenskra króna.

"We are with our back against the wall" er haft eftir Jøran Aulin-Jansson forseta norska skáksambandsins. Mótshaldarar hafa sett þrýsting á norsk stjórnvöld um aðstoð en þar virðist mönnum finnast nóg í lagt nú þegar en norsk stjórnvöld hafa þegar ábyrgst um 1.500 milljónir kr.

Svo virðist sem mótshöldurum hafi gengið verr að tryggja sér styrki einkaaðila en stefnt var að. Einnig bera mótshaldarar við að FIDE World Cup hafi kostað töluverðan pening en það er krafa FIDE að þeir sem halda Ólympíuskákmót haldi einnig World Cup.

Mótshaldarar hafa boðið aukin útgjöld á þátttökuliðin (Um 15.000 kr. á hvern keppenda) en því mótmælir FIDE og segir ekki hafa verið upphaflegu boði þeirra.

Í bréfi FIDE til mótshaldara segir m.a.:

We have seen the articles in the Norwegian press regarding the Tromso Olympiad, in particular where you are quoted. This is the first time that we are aware that there are any problems regarding the funding of the Olympiad. Perhaps, with hindsight, we should have realised when you unilaterally decided to ask for a €100 administration fee. As I have written several times, this was not in your original bid and is not accepted by FIDE. FIDE believes that if this had been disclosed in your bid, then the voting would have been different. This therefore cannot be charged. Please note 4.2.1 and 4.2.2 of the Regulations for the Chess Olympiad. Under 4.2.2, you are under obligation to keep the FIDE President informed of the financial aspects of the Olympiad, this you have not done. When I visit next week with Mr. Gelfer, I would be grateful if you could provide me with the required information under 4.2.1. 

This whole matter is of great concern to FIDE and we have received many questions from Federations and the press. There is also plenty of speculation over the internet and all this causes uncertainty about the event. Please confirm to us on behalf of the Organising Committee that there is no chance that the Tromso Chess Olympiad will be cancelled. Federations, Delegates and Commission members are not going to buy their tickets unless we get such a confirmation. So we need to put an end to all this speculation.
 

Forseti norska skáksambandsins svarar m.a.

FIDE claims we had not included  charges in our bid, but we claim we did include them. It is the same as they had during the Olympics two years ago.

Nánar má lesa um málið á eftirfarandi tenglum

• Bergensjakk
• Tromsö undirfjármagnað? (Chessbase) 
• Tromsö í vandræðum? (Chessvibes)
• Ólympíuskákmótið í meiri háttar óvissu (Chess24)

Að lokum smá fréttaskýring ritstjóra:

Ritstjóri heldur reyndar að mótið verði að sjálfsögðu haldið í Tromsö. Mótshaldarar séu í vandræðum og leita eftir stuðningi stjórnvalda sem fyrr eða síðar verði tryggður. Norsk stjórnvöld munu að sjálfsögðu ekki láta það spyrjast út að jafn ríkt land og Noregur geti ekki haldið Ólympíuskákmót á glæsilegan hátt. Málið hlýtur að leysast á næstu dögum eða vikum.

Svo er spurning hvaða áhrif þetta hafi á forsetakosningar FIDE.

Ný heimasíða Ása

Æsir hafa sett upp nýja vefsíðu. Hana má nálgast hér og er kominn á tenglasafnið á vinstri hluta Skák.is.

Íslandsmót Víkingaskákfélaga fer fram í kvöld

Fimmta Íslandsmót Víkingaskákfélaga verður haldið í Víkinni Víkingsheimilinu föstudaginn 16. maí og hefst taflmennskan kl. 19.30.  Þegar hafa nokkur lið skráð sig til leiks. Liðin verða skipuð þriggja manna sveitum auk varamanna og eru tímamörk 15 mínútur á skákina. Einn lánsmaður er leyfilegur í hverju liði.  

Búist er við hörku barátu jafnra liða um sjálfan Íslandsmeistaratitilinn í Víkingaskák, en teflt verður um stóran farandbikar og eignarbikar auk þess sem veitt verða sérstök verðlaun fyrir árangur á hverju borði. Þeir sem ekki eru skráðir í lið geta komið og fengið að tefla með þeim liðum sem skráð eru til leiks.  Boðið er upp á veitingar á staðnum.  Áhugasamir sendi skráningu á vikingakklubburinn(hjá)gmail.com.

 Þau lið sem hafa skráð sig til leiks eru:

1. Víkingaklúbburinn (liðstjóri: Sigurður Ingason)
2. Forgjafarklúbburinn (liðstjóri: Halldór Ólafsson)
3. Skákfélag Vinjar (liðstjóri: Ingi Tandri Traustason)
4. Guttormur Tuddi (liðstjóri: Þorgeir Einarsson)
5. Ó.S.K skákfélag
6. Skákfélag Íslands (liðstjóri:  Páll Andrason)

Skákstjóri verður Haraldur Baldursson.

Sigurvegarar frá upphafi:

2010:  Víkingaklúbburinn, úrslit hér:
2011:  Víkingaklúbburinn, úrslit hér:
2012;  Forgjafarklúbburinn, úrslit hér: 
2013:  Skákfélag Vinjar, úrslit hér:

Myndir af Íslandsmeisturum 2013, Skákfélag Vinjar með eignar og farandbikarinn góða!

Vel heppnaður Vesturbæjarbiskup

 

Vesturbæjarbiskupinn fór fram föstudaginn 9. maí. Eins og síðasta ár var mótið samvinnuverkefni Skákakademíu Reykjavíkur og Vesturgarðs sem er þjónustumiðstöð fyrir Vesturbæ. Mótið fór fram í Hagaskóla og kom meirihluti keppenda úr hverfinu en rúmlega 40 krakkar tefldu í þremur flokkum. Flestir keppendur komu úr Melaskóla og hlaut skólinn farandbikar fyrir það.

 

Úrslit í flokki 8.-10. bekk.

 

 

• 1. Gauti Páll Jónsson 8v/8
• 2. Björn Hóm Birkisson 5v/8 + 1
• 3. Bárður Örn Birkisson 5v/8 + 0

Fimm skákmenn tefldu allir við alla. Skákstjóri var Björn Ívar Karlsson.

Úrslit í flokki 4.-7. bekk.

• 1. Aron Þór Mai 5.5v/6
• 2. Kolbeinn Ólafsson 4v/6
• 3. Oliver Alexander Mai 4v/6

Aron Þór hefur staðið sig afar  vel í vetur en hann er tiltölulega nýbyrjaður að tefla af krafti en nýtur þess vel að vera nemandi í Laugalækjarskóla þar sem er mikil áhersla á skák.

18 skákmenn tefldu í flokknum. Skákstjóri var Gunnar Björnsson.

Úrslit í flokki 1.-3. bekk.

 

 

• 1. Óskar Víkingur Davíðsson 5.5v/6 +1
• 2. Róbert Luu 5.5v/+ 0
• 3. Alexander Már Bjarnþórsson 4v/6

19 skákmenn tefldu í flokknum. Skákstjóri var Stefán Steingrímur Bergsson.

 

Mótið heppnaðist vel í alla staði og verður haldið að ári. Melabúðin gaf verðlaun sem Hjörvar Steinn Grétarsson stórmeistari afhenti.

 

Myndaalbúm (Hörður Heiðar Guðbjörnsson)

Hannes, Þröstur og Henrik með 2,5 vinning í Kaupmannahöfn

Stórmeistararnir Hannes Hlífar Stefánsson (2548), Þröstur Þórhallsson (2437) og Henrik Danielsen (2483) hafa 2,5 vinninga að loknum þremur umferðum á Copenhagen Chess Challange. Þeir eru í 4.-11. sæti. Bragi Þorfinnsson (2459) er í 12.-28. sæti með 2 vinninga.

Tvær umferðir fara fram á morgun. Í þeirri fyrri teflir Hannes við danska alþjóðlega meistarann Jens Ove Fries-Nielsen (2384), Bragi við danska FIDE-meistarann Daniel Vesterbæk Pedersen (2244) og Þröstur og Henrik í innbyrðis viðureign.

68 skákmenn taka þátt í mótinu frá 9 löndum. Þar á meðal eru 7 stórmeistarar og jafnmargir alþjóðlegir meistarar.

• Heimasíða mótsins
• Chess-Results
• Beinar útsendingar (kl. 8 og 13)